Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Ótip bara jatqan aptada el ishinde birqatar kadrlyq aýys-túıis boldy.
8 qyrkúıekte Qyzylorda oblysynyń sot ákimshiligi departamentine Móldir Asanova taǵaıyndaldy.
Móldir Asanova 1985 jyly Qyzylorda oblysynda dúnıege kelgen. 2009 jyly Qyzylorda oblysy boıynsha sottar ákimshisiniń is tirkeýshisi, 2009-2012 jyldary Qyzylorda qalalyq sotynyń jetekshi mamany-sot otyrysynyń hatshysy, bas mamany-sot otyrysynyń hatshysy, 2012 jyly Qyzylorda oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynyń bas mamany bolǵan. 2012-2015 jyldary Qyzylorda qalalyq sotynyń bas mamany, 2015-2017 jyldary Qyzylorda oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynyń keńse meńgerýshisi bolyp eńbek etti.
2017 jyldan bastap osy kúnge deıin Qyzylorda oblysy boıynsha sot ákimshiligi departamenti basshysynyń orynbasary qyzmetin atqaryp kelgen.
Apta basynan SQO ákimdiginiń ekonomıka basqarmasyn Natalıa Dyshkant basqarady.
Natalıa Dyshkant 1970 jyly burynǵy Kókshetaý oblysy Kýıbyshev aýdany Chervonnoe eldi mekeninde dúnıege kelgen.
1989 jyly Tselınograd qarjy-ekonomıkalyq tehnıkýmyn;
2004 jyly qarjy jáne nesıe mamandyǵy boıynsha Kókshetaý ekonomıka jáne menedjment ınstıtýtyn bitirdi.
Tehnıkýmdy aıaqtaǵannan keıin 1989 jyldan 2014 jylǵa deıin Ǵabıt Músirepov atyndaǵy aýdannyń qarjy bóliminde shtattyq ınspektor, bas býhgalterdiń orynbasary, jetekshi maman, bas maman, basshynyń orynbasary, bólim basshysy bolyp eńbek etti.
2015-2019 jyldary SQO qarjy basqarmasy basshysynyń orynbasary boldy.
2019 jyldan bastap osy kúnge deıin qarjy basqarmasyn basqardy.
Dúısenbide QR Prezıdentiniń Ákimshiligimen kelisim boıynsha Qýanysh Jumabekuly Asylov Qazaqstan Respýblıkasynyń Atom energııasy jónindegi agenttiginiń Apparat basshysy qyzmetine aýysty.
Asylov Qýanysh Jumabekuly 1973 jylǵy 14 naýryzda Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin quqyq magıstri dárejesimen aıaqtaǵan.
Memlekettik basqarý salasynda úlken eńbek tájirıbesi bar. Birqatar vedomstvolardy basqarǵan, mınıstrlikterde, Esep komıtetinde, Prezıdenttiń Іs basqarmasy men Ákimshiliginde basshylyq laýazymdarda qyzmet atqarǵan.
2019–2023 jyldar aralyǵynda Qazaqstan Respýblıkasy Prezıdenti Ákimshiliginiń Memlekettik ınspektory laýazymynda jumys istedi.
Jańa qyzmetke taǵaıyndalǵanǵa deıin Shymkent qalasy ákiminiń birinshi orynbasary qyzmetin atqarǵan.
Aptanyń alǵashqy kúnindegi taǵy bir taǵaıyndaý Soltústik Qazaqstan oblysy ákiminiń ókimimen qarjy basqarmasyna Qýanyshbek Qalıjanov basshylyqqa keldi. https://kaz.inform.kz/news/sko-akmdgnn-karzhi-baskarmasin-kuanishbek-kalizhanov-baskaradi-3580e6/
Ol 1981 jyly SQO Aqjar aýdany Talshyq aýylynda dúnıege kelgen, joǵary qarjylyq bilimi bar.
2001 jyly Kókshetaý esep-saýda kolledjin qarjy mamandyǵy boıynsha bitirgen;
2012 jyly «Kókshe» akademııasyn «Qarjy» mamandyǵy boıynsha támamdady.
Eńbek jolyn 2004 jyly Aqjar aýdany Talshyq aýyldyq okrýginiń mamany bolyp bastady.
2012-2015 jyldary aralyǵynda Qazaqstan Respýblıkasy Ulttyq ekonomıka mınıstrligi Statıstıka komıteti SQO statıstıka departamentiniń Aqjar aýdany statıstıka basqarmasynyń basshysy laýazymyn atqardy.
2015 jyldan 2021 jylǵa deıin QR Ulttyq ekonomıka mınıstrligi Statıstıka komıteti Soltústik Qazaqstan oblysynyń statıstıka departamenti basshysynyń orynbasary boldy.
2021 jyldan osy taǵaıyndaýǵa deıin SQO ákimdiginiń ekonomıka basqarmasynyń basshysy laýazymyn atqardy.
9 qyrkúıekte Rýslan Jeldibaı Prezıdenttiń kómekshisi ári baspasóz hatshysy bolyp taǵaıyndaldy.
— Memleket basshysynyń Jarlyǵymen Rýslan Sultanuly Jeldibaı Qazaqstan Respýblıkasy Prezıdentiniń kómekshisi — Prezıdenttiń Baspasóz hatshysy bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.
Seısenbi kúni Memleket basshysynyń Jarlyǵymen Qýanyshbek Baqytbekuly Esekeev Qazaqstan Respýblıkasy Prezıdentiniń kómekshisi bolyp taǵaıyndaldy.
Aptanyń ekinshi kúni Memleket basshysynyń ókimimen Marat Kenjeǵalıuly Áshim Qazaqstan Respýblıkasy Prezıdentiniń keńesshisi bolyp taǵaıyndaldy.
– Memleket basshysynyń ókimimen Marat Kenjeǵalıuly Áshim Qazaqstan Respýblıkasy Prezıdentiniń keńesshisi – Prezıdent Protokoly qyzmetiniń bastyǵy laýazymyna taǵaıyndaldy, – delingen habarlamada.
11qyrkúıekte Murat Orazbaı Astana qalasy boıynsha ishki memlekettik aýdıt departamentin basqarýǵa kiristi.
Murat Orazbaı — memlekettik aýdıtor, Prezıdenttik jastar kadrlyq rezerviniń múshesi. Eńbek jolyn jetekshi maman qyzmetinen bastap, memlekettik aýdıt júıesinde jáne ortalyq memlekettik organdarda mol tájirıbe jınaqtady. Ár jyldary Qazaqstan Respýblıkasy Ulttyq ekonomıka mınıstrliginde, Premer-Mınıstrdiń Keńsesinde jáne Qazaqstan Respýblıkasy Prezıdenti Ákimshiliginde túrli basshylyq jáne sarapshylyq laýazymdardy atqardy. Jańa taǵaıyndaýǵa deıin Qarjy mınıstrliginiń Іshki memlekettik aýdıt komıteti tóraǵasynyń orynbasary qyzmetin atqardy.
11 qyrkúıekte Jambyl oblysy ákimdigi azamattyq qorǵanys basqarma basshysy bolyp Erlan Imanbaev taǵaıyndaldy.
Erlan Bolatuly 1976 jyly Jambyl oblysy Shý aýdanynda dúnıege kelgen. Bilimi joǵary.
1997 jyly Qazaq ulttyq agrarlyq zertteý ýnıversıtetin «Tutynys taýarlaryn taýarlaý», 2003 jyly M. H. Dýlatı atyndaǵy Taraz memlekettik ýnıversıtetin «Quqyqtaný» mamandyqtary boıynsha bitirgen.
Eńbek jolyn 1998 jyly Almaty qalasy Bostandyq aýdandyq ishki ister bóliminiń jedel ýákili bolyp bastaǵan. Ár jyldary ishki ister organdarynda úzilissiz qyzmet atqarǵan.