Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Ótip bara jatqan aptada óńirlerdiń ákimdikterinde jáne Kólik mınıstrliginde, Tótenshe jaǵdaılar mınıstrliginde jáne Qarjy naryǵyn retteý agenttiginde birqatar kadrlyq aýys-túıis boldy.
Úkimet qaýlysymen buryn Tótenshe jaǵdaılar mınıstrligi «Qazseldenqorǵaý» MM basshysy bolǵan Erbolat Sadyrbaev Tótenshe jaǵdaılar vıtse-mınıstri bolyp taǵaıyndaldy. Ol 1982 jyly Jambyl oblysynda týǵan. Bilimi joǵary, memlekettik jáne jergilikti basqarý doktory (PhD).
Ár jyldary jergilikti atqarýshy jáne ortalyq memlekettik organdarda, sot júıesinde, QR Prezıdenti Іs Basqarmasynda basshylyq laýazymdarda jumys istegen.
Sáıkesinshe, «Qazseldenqorǵaý» memlekettik mekemesiniń basshysy bolyp Aslan Sabyrjanuly taǵaıyndaldy.
Aslan Sabyrjanuly 1983 jyly Almaty qalasynda dúnıege kelgen. Joǵary bilimi bar. Ár jyldary memlekettik organdarda jáne jekemenshik qurylymdarda qyzmet atqarǵan. Buǵan deıin Qazaqstan Respýblıkasy Tótenshe jaǵdaılar mınıstrliginiń «Seldenqorǵaý Qurylys» sharýashylyq júrgizý quqyǵyndaǵy respýblıkalyq memlekettik kásipornynyń dırektory qyzmetin atqardy.
Tımýr Ábilqasymov QR Qarjy naryǵyn retteý jáne damytý agenttigi tóraǵasynyń birinshi orynbasary bolyp taǵaıyndaldy.
Tımýr Ábilqasymov 2011 jyly Qazaqstan menedjment, ekonomıka jáne boljaý ınstıtýtyn «bıznes ekonomıkasy» jáne «memlekettik saıasat ekonomıkasy» mamandyqtary boıynsha bitirdi. London bıznes jáne qarjy mektebinde «táýekel-menedjment» mamandyǵy boıynsha MVA dárejesin alǵan. Táýekelderdi basqarý jónindegi kásibı mamandardyń jahandyq qaýymdastyǵy (Financial Risk Manager) halyqaralyq sertıfıkatynyń ıegeri. Budan basqa, Tımýr Ábilqasymovtyń operatsııalyq táýekelder, Bazel III jáne Data science boıynsha sertıfıkattary bar. S
Tımýr Ábilqasymov «Radius Advisory Lab» JShÁ konsaltıngtik kompanııasynyń áriptesi laýazymyn atqardy, onda ol Qazaqstannyń jáne Ózbekstannyń kommertsııalyq bankterine jáne iri holdıngterine táýekelderdi basqarý, korporatıvtik basqarý jáne HQES standarttaryn engizý júıelerin jetildirý máseleleri boıynsha konsýltatsııa berdi. M.Nárikbaev atyndaǵy QazMZÝ-da aǵa oqytýshy bolyp jumys istedi.
Sondaı-aq ol «Qaztemirtrans» AQ jáne «Kazakhstan Energy Reinsurance Company» dırektorlar keńesiniń múshesi laýazymyn atqarǵany belgili. Kvazımemlekettik sektor kompanııalarynda jáne ekinshi deńgeıli bankterde jumys istedi, QR Parlamenti Senatynyń janyndaǵy Jas sarapshylar klýbynyń múshesi. Qarjy naryǵyn retteý jáne damytý agenttigi tóraǵasy Mádına Ábilqasymovanyń keńesshisi boldy.
Apta basynda Prezıdent Ákimshiliginiń kelisimimen Nurlan Keńesov Soltústik Qazaqstan oblysy ákiminiń orynbasary bolyp taǵaıyndaldy. Ol saýda, tabıǵı resýrstardy paıdalaný, medıtsınalyq qyzmet kórsetý, demografııa, ınvestıtsııalar, kásipkerlikti damytý, qorshaǵan ortany qorǵaý, ónerkásip, ınnovatsııa, jer qoınaýyn paıdalaný, týrızm salalaryna jetekshilik etedi.
Nurlan Maratuly 1983 jyly Qaraǵandy qalasynda týǵan. Qaraǵandy memlekettik tehnıkalyq ýnıversıtetin «Kóliktegi uıymdastyrý jáne basqarý ınjeneri, menedjment» mamandyǵy boıynsha jáne «Bolashaq» baǵdarlamasy boıynsha Ulybrıtanııada Imperial College London-da, QR Prezıdenti janyndaǵy Memlekettik basqarý akademııasynda bilim alǵan.
Ár jyldary QR Indýstrııa jáne jańa tehnologııalar mınıstrliginiń strategııalyq josparlaý departamenti dırektorynyń orynbasary; «Nur Otan» partııasynyń ortalyq apparaty ınnovatsııalyq komıtet tóraǵasynyń orynbasary, Ońtústik Qazaqstan oblysy ákimi apparaty basshysynyń orynbasary; QR Qorǵanys jáne aeroǵarysh ónerkásibi mınıstrliginiń strategııalyq josparlaý departamentiniń dırektory; Soltústik Qazaqstan oblysy Tımırıazev aýdanynyń ákimi bolǵan.
Sonymen birge, QR Indýstrııa jáne qurylys mınıstrliginiń ónerkásiptik ınfraqurylym jáne el ishindegi qundylyq departamentiniń dırektory, «Jibek Joly» AEA basqarýshy kompanııasy» AQ dırektorlar keńesiniń tóraǵasy; QR Kólik mınıstrliginiń kólik saıasaty departamentiniń dırektory boldy. Osy taǵaıyndaýǵa deıin QR Prezıdenti Ákimshiliginiń Óńirlik damý monıtorıngi bólimi ınspektory qyzmetin atqarǵan.
Prezıdent Ákimshiliginiń kelisimimen Ashat Oralov Mańǵystaý oblysy ákiminiń birinshi orynbasary bolyp taǵaıyndaldy. Ol buǵan deıin QR Prezıdenti Ákimshiliginiń Memlekettik ınspektory qyzmetin atqarǵan edi.
Ashat Oralov 1990 jylǵy 10 aqpanda Pavlodar oblysynda dúnıege kelgen. L.N. Gýmılev atyndaǵy Eýrazııa ulttyq ýnıversıtetin jáne Reseı Federatsııasy Syrtqy ister mınıstrliginiń Máskeý memlekettik halyqaralyq qatynastar ınstıtýtyn (MGIMO) támamdaǵan. PhD doktory.
Eńbek jolyn 2011 jyly L.N. Gýmılev atyndaǵy Eýrazııa ulttyq ýnıversıtetiniń áleýmettik-tárbıe jumysy departamentinde jastar uıymdarymen jumys jónindegi bólimniń bas mamany bolyp bastaǵan. 2013–2016 jyldary – L.N. Gýmılev atyndaǵy EUÝ-dyń protokol bóliminiń jetekshi mamany; 2014–2016 jyldary – «Nur Otan» partııasynyń Astana qalalyq «Nur» fılıaly tóraǵasynyń birinshi orynbasary; 2016–2018 jyldary – Astana qalasy Jastar saıasaty máseleleri basqarmasynyń basshysy boldy.
2018 jylǵy qańtar–tamyz aılarynda – QR Din isteri jáne azamattyq qoǵam mınıstrliginiń Jastar saıasaty departamentiniń dırektory; 2018–2019 jyldary – QR Qoǵamdyq damý mınıstrliginiń Jastar jáne otbasy isteri komıteti tóraǵasynyń orynbasary; 2019–2020 jyldary – Pavlodar oblysy ákiminiń orynbasary qyzmetterin atqardy.
Al 2020–2021 jyldary – QR Aqparat jáne qoǵamdyq damý vıtse-mınıstri, 2021–2022 jyldary – Astana qalasy ákiminiń orynbasary, 2022–2023 jyldary – «Nur Otan», «Amanat» partııasynyń Atqarýshy hatshysy, 2023 jylǵy 4 qańtarda Prezıdent Jarlyǵymen Qazaqstan Respýblıkasynyń Mádenıet jáne sport mınıstri bolyp taǵaıyndaldy. 2024–2025 jyldary – QR Prezıdenti Ákimshiliginiń Memlekettik ınspektory boldy.
Almaty ákimi Darhan Satybaldynyń ókimimen, QR Prezıdent Ákimshiligi men qalalyq máslıhattyń kelisimimen Alataý aýdanynyń ákimi bolyp Danııar Qyryqbaev taǵaıyndaldy.
Danııar Qyryqbaev 1986 jylǵy 29 sáýirde Almaty oblysynyń Jambyl aýdanynda týǵan. ál-Farabı atyndaǵy qazaq ulttyq ýnıversıtetin, І. Jansúgirov atyndaǵy Jetisý memlekettik ýnıversıtetin jáne L.B. Goncharov atyndaǵy qazaq avtomobıl-jol ınstıtýtyn támamdaǵan.
Eńbek jolyn 2007 jyly bank sektorynda bastaǵan. Ár jyldary memlekettik organdar men ulttyq kompanııalarda qyzmet atqardy: «Qazaqstan temir joly» AQ, Bas prokýratýra, Parlament Senatynyń Apparaty men Joǵarǵy sotta jumys istedi. Almaty boıynsha sottar ákimshisiniń basshysy qyzmetin atqarǵan. 2019-2021 jyldary «Azamattarǵa arnalǵan úkimet» memlekettik korporatsııasy» KEAQ Almaty fılıalynyń dırektory boldy. 2021 jyldan bastap Almaty qalasy Kommýnaldyq ınfraqurylymdy damytý basqarmasyn basqardy.
Abaı oblysy bilim basqarmasynyń basshysy bolyp Baýyrjan Erdembekov taǵaıyndaldy.
Baýyrjan Erdembekov 1974 jyly Semeı qalasynda dúnıege kelgen. Semeı memlekettik ýnıversıtetin «Qazaq tili men ádebıeti» mamandyǵy boıynsha, sondaı-aq Qazaq ınnovatsııalyq gýmanıtarlyq-zań ýnıversıtetin «Memlekettik jáne jergilikti basqarý» mamandyǵy boıynsha támamdaǵan.
Eńbek jolyn 1991 jyly Jarma aýdany Asqaraly aýylyndaǵy Lekerov atyndaǵy mektepte muǵalim bolyp bastaǵan.
Ár jyldary M.Áýezov atyndaǵy Semeı ýnıversıtetiniń syrttaı oqytý fakýltetiniń dekany, prorektory, L.N.Gýmılev atyndaǵy Eýrazııa Ulttyq ýnıversıtetiniń fılologııa fakýltetiniń qazaq ádebıeti kafedrasynyń meńgerýshisi, S.Amanjolov atyndaǵy Shyǵys Qazaqstan memlekettik ýnıversıteti rektorynyń keńesshisi, Q.Jubanov atyndaǵy Aqtóbe óńirlik memlekettik ýnıversıtetiniń rektory, «Shákárim atyndaǵy ýnıversıteti» KeAQ Basqarma tóraǵasy-Rektory, «Abaı jáne ulttyq rýhanııat» ǵylymı zertteý ortalyǵynyń bas ǵylymı qyzmetkeri bolyp eńbek etti. Buǵan deıin «Shákárim atyndaǵy ýnıversıteti» KeAQ qazaq fılologııasy jáne jýrnalıstıka kafedrasynyń professory qyzmetin atqardy.