Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — 13-18 sáýir aralyǵynda Qazaqstannyń memlekettik basqarý júıesi men óńirlerinde birqatar kadrlyq ózgerister boldy. Kazinform osy aptadaǵy negizgi taǵaıyndaýlarǵa sholý jasaıdy.
Aptanyń alǵashqy kúni Aset Isenalı Koreıa Respýblıkasyndaǵy, al Marǵulan Baımuhan Mıanma Odaǵy Respýblıkasyndaǵy elshi qyzmetine taǵaıyndaldy.
Al Nurǵalı Arystanov Prezıdent Jarlyǵymen Qazaqstan Respýblıkasynyń Koreıa Respýblıkasyndaǵy Tótenshe jáne Ókiletti elshisi laýazymynan bosatyldy.
Dúısenbide Jambyl oblysy ákiminiń ókimine sáıkes Nursultan Isabekov Jambyl oblysy ákimdiginiń Energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndaldy.
Nursultan Arqabaıuly 1990 jyly Jambyl oblysy Jambyl aýdanynda dúnıege kelgen.
2009 jyly Qazaq bas sáýlet-qurylys akademııasy janyndaǵy Qurylys jáne dızaın kolledjin, 2013 jyly L.B.Goncharov atyndaǵy Qazaq avtomobıl-jol akademııasyn, 2021 jyly akademık Á.Qýatbekov atyndaǵy Halyqtar dostyǵy ýnıversıtetin bitirgen.
Eńbek jolyn 2011 jyly «GAPP» JShS-nyń tehnık-jobalaýshysy bolyp bastaǵan.
2012-2015 jyldary «Tabys-Joba» JShS-nyń bas ınjeneri, 2015-2021 jyldary Taraz qalasy ákimdiginiń sáýlet jáne qala qurylysy bóliminiń tehnıgi, 2021-2023 jyldary Taraz qalasy ákimdiginiń sáýlet jáne qala qurylysy bóliminiń josparlaý jáne qala aýmaǵyn soǵý sektorynyń bas mamany, 2023-2024 jyldary Taraz qalasy ákimdiginiń qurylys bóliminiń basshysy laýazymdarynda eńbek etti.
2024 jyldyń qazan aıynan bastap búgingi kúnge deıin Taraz qalasy ákiminiń orynbasary bolyp qyzmet atqardy.
13 sáýir kúni Shymkent qalasy ákiminiń ókimimen Shymkent qalalyq orta sapasy jáne baqylaý basqarmasyna jańa basshy taǵaıyndaldy. Endi bul qyzmetti Berik Dúısenov atqarady.
B.Dúısenov 1978 jyly 7 qyrkúıekte burynǵy OQO Arys qalasynda týǵan.
Bilimi joǵary. Q.A.ıAsaýı atyndaǵy Halyqaralyq qazaq-túrik ýnıversıtetin, Akademııalyq ınnovatsııalyq ýnıversıtetin jáne M.Áýezov atyndaǵy Ońtústik Qazaqstan memlekettik ýnıversıtetin bitirgen. Mamandyǵy boıynsha biliktiligi – quqyqtaný, memlekettik jáne jergilikti basqarý, qurylys.
Ol eńbek jolyn 2000 jyly Aqtóbe qalalyq prokýratýrasy bóliminiń prokýrory bolyp bastaǵan.
2004-2016 jyldary «Kıt So», «Otaý Stroı», «Korporatsııa Bastaý» JShS-niń zańgeri, Túrkistan qalasy ákimi apparatynyń zań bóliminiń meńgerýshisi, Túrkistan, Shymkent qalalary ákimi apparattarynyń basshysy, «Sáýlet-Beton» JShS bas dırektory qyzmetterin atqarǵan.
2016-2017 jyldary OQO Memlekettik sáýlet-qurylys baqylaýy basqarmasy basshysynyń orynbasary, 2017 jyly OQO Memlekettik satyp alý basqarmasynyń basshysy, 2017-2020 jyldary Shymkent qalasy Memlekettik sáýlet-qurylys baqylaýy basqarmasy basshysynyń orynbasary, basshysy, sondaı-aq 2020 jyly «Saýlet-Beton» JShS dırektorynyń keńesshisi, 2020-2025 jyldary QR Kólik mınıstrligi Avtomobıl kóligi jáne kóliktik baqylaý komıteti Shymkent qalasy boıynsha kóliktik baqylaý ınspektsııasynyń basshysy bolǵan.
2025 jyldyń mamyr aıynan búginge deıin «Aıaldama Qyzmet» JShS dırektorynyń keńesshisi qyzmetin atqaryp keldi.
Aptanyń úshinshi kúni Nurlan Káribaev «Batys» óńirlik qolbasshylyǵy áskerleriniń qolbasshysy atandy.
Ol 1978 jyly 13 qyrkúıekte Qyzylorda qalasynda dúnıege kelgen.
Qazaqstan Respýblıkasy Qarýly Kúshteriniń Áskerı akademııasyn «motoatqyshtar áskerlerin basqarý taktıkasy» mamandyǵy boıynsha, Qazaqstan Respýblıkasy Ulttyq qorǵanys ýnıversıtetin «áskerı jáne ákimshilik basqarý» baǵyty boıynsha, sondaı-aq Reseı Federatsııasy Qarýly Kúshteri Bas shtabynyń Áskerı akademııasyn támamdaǵan.
Qazaqstan Respýblıkasy Qarýly Kúshterinde motoatqysh vzvodynyń komandırinen bastap, ártúrli garnızondardaǵy áskerı bólimderdiń komandırine deıin túrli laýazymdarda qyzmet atqarǵan.
Jańa laýazymǵa deıin ol «Ońtústik» óńirlik qolbasshylyǵy áskerleri qolbasshysynyń birinshi orynbasary — shtab bastyǵy qyzmetin atqardy.
«Jaýyngerlik erligi úshin» medalimen jáne II dárejeli «Aıbyn» ordenimen marapattalǵan.
Dál osy kúni Ulytaý oblysynyń densaýlyq saqtaý júıesine jańa basshy taǵaıyndaldy. Bul qyzmetke kópjyldyq tájirıbesi bar hırýrg Rústem Nysambaev keldi.
Onyń eńbek joly Jezqazǵan men Sátbaev qalalaryndaǵy jetekshi medıtsınalyq mekemelermen baılanysty, sondaı-aq basqarýshylyq tájirıbesi de bar.
Rústem Serikuly Qaraǵandy memlekettik medıtsına akademııasynyń túlegi. Eńbek jolyn 2008 jyly Sátbaev qalasynyń medıtsınalyq-sanıtarlyq bóliminde bastaǵan.
2013-2016 jyldary Jezqazǵan qalasyndaǵy «Qazaqmys» medıtsınalyq ortalyǵynda qyzmet atqardy.
Odan keıin 2016 jyldan 2025 jylǵa deıin Jezqazǵan qalasynyń oblystyq kópsalaly aýrýhanasynda birqatar jaýapty qyzmetterdi atqardy, jaraqat bólimin basqardy jáne hırýrgııalyq qyzmetke jetekshilik etti.
2025 jyldan bastap jańa taǵaıyndaýǵa deıin Sátbaev qalasynyń aýrýhanasyn basqarǵan.
Memlekettik eńbek ınspektsııasy komıteti Ulytaý oblysy boıynsha departamentiniń basshysy bolyp Merhat Saparǵalıev taǵaıyndaldy.
Merhat Baltybekuly Batys Qazaqstan ınjenerlik-tehnologııalyq ýnıversıtetiniń túlegi.
Eńbek jolyn 2004 jyly Batys Qazaqstan oblysy Aqjaıyq aýdany ákimdiginde bastaǵan.
2010-2011 jyldary Oral qalalyq máslıhaty apparatynyń jetekshi mamany qyzmetin atqarǵan.
2012-2013 jyldary Batys Qazaqstan oblysy Qarjylyq baqylaý ınspektsııasynda bas ınspektor-revızor bolyp jumys istedi.
2014 jyldan 2023 jylǵa deıin óńirdiń jumyspen qamtýdy úılestirý jáne áleýmettik baǵdarlamalar basqarmasynda túrli laýazymdardy atqardy.
2023-2025 jyldary Batys Qazaqstan oblysy boıynsha Memlekettik eńbek ınspektsııasy komıteti departamentinde bas maman jáne bólim basshysy qyzmetterin atqardy.
2025 jyldan bastap jańa taǵaıyndaýǵa deıin QR Eńbek jáne halyqty áleýmettik qorǵaý mınıstrliginiń Memlekettik eńbek ınspektsııasy komıtetinde bas sarapshy laýazymynda jumys istegen.
Beısenbide Qazaqstan Respýblıkasy Bas prokýrorynyń buıryǵymen Bolat Jumaǵalıev Oral qalasynyń prokýrory laýazymyna taǵaıyndaldy.
BQO prokýratýrasynyń baspasóz qyzmetinen málim etkenindeı, Bolat Álibekuly prokýratýra organdaryndaǵy qyzmetin 2011 jyly Almaty qalasynda aýdan prokýrorynyń kómekshisi laýazymynan bastady.
Sondaı-aq aýdan prokýrorynyń aǵa kómekshisi, bólim aǵa prokýrory, Almaty qalasy prokýratýrasynyń basqarma aǵa prokýrory, Bas prokýratýranyń qoǵamdyq múddelerdi qorǵaý qyzmetiniń aǵa prokýrory, Bas prokýrordyń kómekshisi qyzmetterin atqardy.
2023 jyldan bastap Túrkistan oblysy prokýratýrasynyń qoǵamdyq múddelerdi qorǵaý basqarmasynyń bastyǵy qyzmetin atqaryp keldi.
Prokýratýra organdaryndaǵy jalpy eńbek ótili — 14 jyl.
Osyǵan deıin Oral qalasynyń prokýrory bolǵan Meıirhan Іzimov basqa qyzmetke aýysty.
16 sáýir kúni «Kazakh Tourism» Ulttyq kompanııasy» AQ Basqarma tóraǵasynyń orynbasary bolyp Edige Dúısenuly Ádilhanov taǵaıyndaldy
Baspasóz qyzmetiniń málimetterine qaraǵanda, buǵan deıin ol «Astana» halyqaralyq qarjy ortalyǵynyń kreatıvti ındýstrııalar departamentiniń dırektory qyzmetin atqarǵan. Týrızm jáne qonaqjaılylyq salasynda mol tájirıbesi bar, onyń ishinde halyqaralyq qonaqúı brendterinde, «Kazakh Tourism» UK» AQ qurylymynda, sondaı-aq Qazaqstan Respýblıkasy Sport isteri agenttiginde qyzmet etken.
L.N. Gýmılev atyndaǵy EUÝ-dy támamdaǵan, magıstr dárejesin týrızm men qonaqjaılylyq baǵytyndaǵy álemdegi jetekshi joǵary oqý oryndarynyń biri — César Ritz University-de (Shveıtsarııa) oqyǵan.
Kúni keshe QR Prezıdenti janyndaǵy Memlekettik basqarý akademııasynyń túlegi, óńirlik kadrlyq rezervtiń múshesi Hamza Oralbekuly Orazbekov Pavlodar oblysy aýyl sharýashylyǵy basqarmasynyń basshysy bolyp taǵaıyndaldy.
Hamza Orazbekov 1988 jyly týǵan. Eńbek jolyn 2007 jyly bastap, Pavlodar oblysy Pavlodar aýdanyndaǵy aýyl sharýashylyǵy jáne kásipkerlik bóliminde jaýapty qyzmetter atqarǵan. Keıingi jyldary Zańǵar aýyldyq okrýginiń ákimi, Pavlodar aýdany kásipkerlik jáne aýyl sharýashylyǵy bóliminiń basshysynyń orynbasary, Pavlodar qalasy aýyl sharýashylyǵy, kásipkerlik jáne veterınarııa bóliminiń basshysynyń orynbasary, Pavlodar aýdany jer qatynastary bóliminiń basshysy, Pavlodar aýdany ákiminiń orynbasary qyzmetterinde bolǵan.
Ol QR Prezıdenti janyndaǵy Memlekettik basqarý akademııasynyń túlegi, óńirlik kadrlyq rezervtiń múshesi.
Ótken aptadaǵy kadrlyq taǵaıyndaýlardy bilgińiz kelse, myna siltemege ótińiz.