Qazaqstanda apta ishinde bolǵan kadrlyq taǵaıyndaýlar

Ǵylym jáne ınnovatsııa departamentiniń dırektory aýysty. Marat Imanalıev Sý resýrstary jáne ırrıgatsııa mınıstrliginiń Ǵylym jáne ınnovatsııa departamentiniń dırektory bolyp taǵaıyndaldy. Ol 1974 jylǵy 16 mamyrda dúnıege kelgen. Ol Ál-Farabı atyndaǵy Qazaq memlekettik ulttyq ýnıversıtetin «Hımııa» mamandyǵy boıynsha, al M. H. Dýlatı atyndaǵy Taraz óńirlik ýnıversıtetin «Eldi mekenderdi sýmen jabdyqtaý jáne sý burý» mamandyǵy boıynsha támamdaǵan.

Eńbek jolyn 1991 jyly Ál-Farabı atyndaǵy Qazaq memlekettik ulttyq ýnıversıtetiniń hımııa fakýltetinde zerthanashy bolyp bastaǵan. 2005-2006 jyldary Qazaqstan Respýblıkasy Aýyl sharýashylyǵy mınıstrliginiń Sý resýrstary komıtetine qarasty «Qazagromelıovodhoz» respýblıkalyq ádistemelik ortalyǵynda aldymen birinshi sanatty, keıin joǵary sanatty maman qyzmetin atqardy. 2006-2018 jyldary Aýyl sharýashylyǵy mınıstrliginiń, Qorshaǵan ortany qorǵaý mınıstrliginiń jáne Qorshaǵan orta jáne sý resýrstary mınıstrliginiń Sý resýrstary komıtetinde jumys istep, bas sarapshy laýazymyna deıin kóterildi. 2018-2023 jyldary Sý resýrstary komıtetiniń Sý qoryn paıdalaný jáne qorǵaý salasyndaǵy memlekettik baqylaý basqarmasynyń basshysy boldy. 2023-2024 jyldary Sý resýrstary jáne ırrıgatsııa mınıstrliginiń Sý sharýashylyǵy komıtetinde Toptyq sý qubyrlaryn damytý basqarmasyn basqardy. 2024 jyldan bastap osy ýaqytqa deıin QR Sý resýrstary jáne ırrıgatsııa mınıstrliginiń Sý saıasaty departamenti dırektorynyń orynbasary qyzmetin atqaryp keldi.

Marat Imanalıev 2017 jyly «Eren eńbegi úshin» medalimen, 2020 jyly «Qazaqstan Respýblıkasynyń Konstıtýtsııasyna 25 jyl» mereıtoılyq medalimen marapattalǵan. Al 2022 jyly «Sý sharýashylyǵynyń úzdigi» tósbelgisine ıe boldy.

Almaty oblysy ákiminiń ókimimen Qýanysh Bahytuly 2026 jylǵy 16 maýsymnan bastap Almaty oblysy ákiminiń orynbasary laýazymyna taǵaıyndaldy.

Qýanysh Bahytuly 1977 jyly týǵan, bilimi joǵary. Qazaq memlekettik álem tilderi ýnıversıtetin 1998 jyly «is-qujat júrgizýshi-halyqaralyq deńgeıdegi maman», 2008 jyly Shymkent ýnıversıtetin «Ekonomıka», 2010 jyly Almaty úzdiksiz bilim berý ýnıversıtetin «Quqyqtaný» mamandyǵy boıynsha bitirgen.

Eńbek jolyn jeke sektorda bastap, ár jyldary túrli kommertsııalyq uıymdarda menedjer, bas dırektordyń kómekshisi, dırektordyń orynbasary, bas menedjer jáne ákimshilik-sharýashylyq bóliminiń menedjeri, Almaty qalasy Bostandyq aýdany ákimi apparatynyń bas mamany, apparat basshysy, Almaty qalasynyń kásipkerlik jáne ónerkásip basqarmasynyń bólim bastyǵy, basqarma bastyǵynyń orynbasary, Almaty qalasy Áýezov jáne Almaly aýdany ákiminiń orynbasary, «Almaty halyqaralyq áýejaıy» AQ-nyń júk tasymaly bóliminiń bastyǵy laýazymdaryn atqarǵan. 2022 jyldyń tamyz aıynan bastap búgingi kúnge deıin Almaty oblysynyń Kásipkerlik, ındýstrııa — ınnovatsııalyq damý basqarmasynyń basshysy laýazymynda qyzmet etken.

Almaz Ydyrysov Ulytaý oblysy ákiminiń birinshi orynbasary bolyp taǵaıyndaldy.

Almaz Serikboluly Ydyrysov 1983 jyly týǵan. Qaraǵandy memlekettik tehnıkalyq ýnıversıtetin támamdaǵan.

Eńbek jolyn «Remstroı servıs-AS» JShS-de jol jumysshysy bolyp bastaǵan. 2005–2006 jyldary «Qazaqavtojol» RMK óndiristik-tehnıkalyq bóliminiń jetekshi mamany qyzmetin atqardy. Keıingi jyldary memlekettik basqarý júıesinde túrli laýazymdarda jumys istedi. 2006–2014 jyldary QR Kólik jáne kommýnıkatsııalar mınıstrliginde bas maman, bas sarapshy jáne basshylyq qyzmetterdi atqardy. 2014–2016 jyldary «QazAvtoJol» UK» AQ Soltústik Qazaqstan oblystyq fılıaly dırektorynyń orynbasary boldy. Odan keıin QR Investıtsııalar jáne damý mınıstrliginiń Ákimshilik jumys departamentin basqardy. 2017–2019 jyldary QR Investıtsııalar jáne damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary qyzmetin atqardy. Sonymen qatar QR Bas memlekettik qurylys ınspektorynyń orynbasary mindetin oryndady. 2019–2022 jyldary QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, keıin tóraǵasy boldy. 2022–2023 jyldary Almaz Ydyrysov QR Indýstrııa jáne ınfraqurylymdyq damý vıtse-mınıstri qyzmetin atqardy. 2023 jyldan bastap qazirgi taǵaıyndaýyna deıin Ulytaý oblysy ákiminiń orynbasary bolyp jumys istedi. Endi ol óńirdegi qyzmetin oblys ákiminiń birinshi orynbasary laýazymynda jalǵastyrady.

Bolat Jumabekov Ulytaý oblysy ákiminiń orynbasary bolyp taǵaıyndaldy.

Ol 1972 jyly týǵan. Aqmola aýyl sharýashylyǵy ınstıtýtyn jáne Manash Qozybaev atyndaǵy Soltústik Qazaqstan memlekettik ýnıversıtetin támamdaǵan. Qazaqstan Prezıdenti janyndaǵy Memlekettik basqarý akademııasynyń magıstri dárejesine ıe.

Eńbek jolyn 1997 jyly Soltústik Qazaqstan oblysy Tımırıazev aýdany ákiminiń apparatynda bas maman qyzmetinen bastaǵan.

1999–2005 jyldary Soltústik Qazaqstan oblystyq Jer resýrstaryn basqarý komıteti fılıalynda túrli laýazymdar atqardy. 2005–2009 jyldary Tımırıazev aýdanynyń Aýyl sharýashylyǵy jáne jer qatynastary bólimin basqardy. Keıin aýdan ákimi bolyp taǵaıyndaldy. 2009–2012 jyldary Soltústik Qazaqstan oblysy ákiminiń apparat jetekshisi, odan keıin óńir ákiminiń orynbasary qyzmetterin atqardy. 2012–2022 jyldar aralyǵynda Soltústik Qazaqstan oblysynda basshylyq qyzmetterde jumys istedi. Petropavl qalasynyń, sondaı-aq Qyzyljar aýdany men Ǵabıt Músirepov atyndaǵy aýdan ákimi boldy. 2022–2024 jyldary kommertsııalyq sektorda eńbek etti. 2024 jyldan bastap qazirgi taǵaıyndaýǵa deıin Aýyl sharýashylyǵy mınıstrligine qarasty «QazAgroEkspert» AQ basqarma tóraǵasy qyzmetin atqardy.

Erbol Kúmisqojaev Ulytaý oblysy qoǵamdyq damý basqarmasynyń basshysy boldy.

Erbol Serikbaıuly 1986 jyly dúnıege kelgen. Ál-Farabı atyndaǵy Qazaq ulttyq ýnıversıtetin jáne Halyq sharýashylyǵy ýnıversıtetin támamdaǵan. Eńbek jolyn 2009 jyly Almaty qalasy Іshki saıasat basqarmasynda jetekshi maman qyzmetinen bastaǵan. Keıingi jyldary bas maman jáne bólim basshysy laýazymdaryn atqardy. 2013 jyly Qyzylorda oblysy Іshki saıasat basqarmasynyń basshysy bolyp taǵaıyndaldy. 2014 jyly Qazaqstan Respýblıkasy Ulttyq kásipkerler palatasynyń «Atameken» Qyzylorda oblysy boıynsha fılıaly dırektorynyń orynbasary qyzmetin atqardy. Sol jyly «Nur RK» kompanııasyn basqardy. Atalǵan uıymǵa 2017 jylǵa deıin jetekshilik etti.

2017–2021 jyldary Almaty qalasyndaǵy «Amanat» partııasy Naýryzbaı aýdandyq fılıaly tóraǵasynyń birinshi orynbasary boldy. 2021–2023 jyldary Qazaqstan Respýblıkasy Ǵylym jáne joǵary bilim mınıstrligi Fılosofııa, saıasattaný jáne dintaný ınstıtýtynyń aqparattyq-uıymdastyrý ortalyǵyn basqardy. 2023–2024 jyldary AQSh-taǵy Ohio University ýnıversıtetinde taǵylymdamadan ótti. 2024–2025 jyldary Almaty oblysy Alataý qalasy ákiminiń apparaty memlekettik qyzmetterdi uıymdastyrý jáne monıtorıng bóliminiń basshysy qyzmetin atqardy.

Eńbek jáne halyqty áleýmettik qorǵaý mınıstrligi apparaty basshysynyń buıryǵymen Gúlbaqyt Manabaeva Halyqty áleýmettik qorǵaý salasyndaǵy retteý jáne baqylaý komıteti Soltústik Qazaqstan oblysy boıynsha departamentiniń basshysy bolyp taǵaıyndaldy.

SQO ákimi baspasóz qyzmetiniń málimetinshe, Gúlbaqyt Manabaeva 1982 jyly SQO-da týǵan. 2004 jyly M. Qozybaev atyndaǵy Soltústik Qazaqstan memlekettik ýnıversıtetin «Bıologııa-hımııa» mamandyǵy boıynsha, 2007 jyly Ortalyq Azııa ýnıversıtetin «ıÝrısprýdentsııa» mamandyǵy boıynsha támamdaǵan.

Eńbek jolyn 2004 jyly Petropavldaǵy qalalyq klassıkalyq gımnazııada hımııa pániniń muǵalimi bolyp bastaǵan. 2011-2024 jyldary SQO Baqylaý jáne áleýmettik qorǵaý departamentiniń bas mamany, bólim basshysy, basshy orynbasary qyzmetterin atqardy. Osy taǵaıyndaýǵa deıin Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıtetiniń bas sarapshysy bolyp jumys istedi.

QR Prezıdenti Ákimshiliginiń kelisimimen jáne qala ákiminiń ókimimen Shymkent qalasynyń Іshki saıasat basqarmasynyń basshysy laýazymyna Azamat Parmanov taǵaıyndaldy.

Azamat Parmanov 1991 jyly Ońtústik Qazaqstan oblysy, Qazyǵurt aýdany, Turbat aýylynda dúnıege kelgen. Bilimi joǵary. Qazaq gýmanıtarlyq Zań ýnıversıtetin, Qaztutynýodaǵy Qaraǵandy ýnıversıtetin bitirgen, mamandyǵy boıynsha biliktiligi — esep jáne aýdıt, quqyqtaný.

Eńbek jolyn 2014 jyly Soltústik Qazaqstan oblysy, Ýálıhanov aýdandyq memlekettik kirister basqarmasy salyq tóleýshilermen jumys jáne óndirip alý bóliminiń bas mamany bolyp bastaǵan. 2016 jylǵa deıin SQO jáne Astana qalasynda memlekettik kirister basqarmasynda jaýapty qyzmetter atqardy. 2016-2017 jyldary Shymkent qalasy Eńbekshi aýdany ákiminiń apparaty halyqpen jumys júrgizý bóliminiń bas mamany, 2017-2018 jyldary Shymkent qalasy ákiminiń apparaty uıymdastyrý-ınspektorlyq bólimniń bas ınspektory, 2018-2025 jyldary Shymkent qalasy Qarataý aýdany ákimi apparatynyń basshysy, aýdan ákiminiń orynbasary boldy.2025 jyldyń aqpan-jeltoqsan aralyǵynda Shymkent qalasy Eńbekshi aýdany ákiminiń orynbasary bolyp eńbek etti. Búginge deıin Shymkent qalasynyń jastar saıasaty basqarmasynyń basshysy qyzmetin atqaryp keldi.

Shymkent qalasynda kásipkerlik jáne ındýstrıaldy-ınnovatsııalyq damý basqarmasy men balalar quqyǵyn qorǵaý basqarmasynyń basshylary taǵaıyndaldy. Merıtokratııa qaǵıdatyna sáıkes qala ákiminiń ókimimen Shymkent qalasynyń kásipkerlik jáne ındýstrıaldy-ınnovatsııalyq damý basqarmasynyń basshysy laýazymyna Ermek Turmanov kiristi.

Ermek Turmanov 1993 jyly Shymkent qalasynda týǵan. Bilimi joǵary. Ál-Farabı atyndaǵy Qazaq Ulttyq ýnıversıtetin jáne Aımaqtyq áleýmettik ınnovatsııalyq ýnıversıtetin álemdik ekonomıka, quqyqtaný mamandyqtary boıynsha támamdaǵan. Eńbek jolyn 2015 jyly Eńbekshi aýdany ákiminiń apparatynda bastaǵan. 2016-2018 jyldary Shymkent qalasynyń kásipkerlik bólimi ónerkásip, shaǵyn, orta bıznes jáne syrtqy ekonomıkalyq baılanys sektorynyń bas mamany bolyp qyzmet atqardy. 2018-2023 jyldary Shymkent qalasynyń kásipkerlik jáne ındýstrıaldy-ınnovatsııalyq damý basqarmasynyń jetekshi mamany, bas mamany, bólim basshysy bolyp eńbek etti. Búginge deıin atalǵan basqarma basshysynyń orynbasary qyzmetin atqaryp keldi.

Qazaqstan Memlekettik qyzmet isteri agenttiginiń kelisimi boıynsha, qala ákiminiń ókimimen Shymkent qalasynyń balalar quqyǵyn qorǵaý basqarmasynyń basshysy laýazymyna Móldir Keýenova taǵaıyndaldy.

Móldir Keýenova 1985 jyly Ońtústik Qazaqstan oblysy, Tóle bı aýdanynda týǵan. Bilimi joǵary. M.Áýezov atyndaǵy OQMÝ jáne J.Táshenov atyndaǵy ýnıversıtetin tarıh, quqyq jáne ekonomıka negizderi, quqyqtaný mamandyǵy boıynsha támamdaǵan. J.Táshenov atyndaǵy ýnıversıtetti zańger mamandyǵy boıynsha bitirgen.

Eńbek jolyn 2007 jyly Shymkent ýnıversıtetinde «Tarıh jáne geografııa» kafedrasynyń oqytýshysy bolyp bastaǵan. Ár jyldary memlekettik qyzmet salasynda eńbek etip, Shymkent qalasynyń ishki saıasat baǵyty boıynsha túrli laýazymdarda qyzmet atqardy. 2011 jyly Іshki saıasat bóliminiń jetekshi mamany bolyp bastap, bas maman, sektor meńgerýshisi, Іshki saıasat basqarmasy basshysynyń orynbasary boldy.Sondaı-aq birneshe jyl Shymkent qalasy ákiminiń apparaty uıymdastyrý-ınspektorlyq bóliminiń basshysy, uıymdastyrý-baqylaý jumysy bóliminiń bas ınspektory, Іshki saıasat jáne din isteri basqarmasy basshysynyń orynbasary, mádenıet, tilderdi damytý jáne arhıvter basqarmasy basshysynyń orynbasary, Іshki saıasat jáne jastar isteri jónindegi basqarmasy basshysynyń orynbasary qyzmetterin atqardy. 2025 jylǵy 24 qarashadan bastap búginge deıin Shymkent qalasy ishki saıasat basqarmasy basshysynyń orynbasary laýazymynda eńbek etip keldi.

BQO-da birqatar sýdıa men sot tóraǵalary taǵaıyndaldy. Qazaqstan Respýblıkasy Prezıdentiniń 2026 jylǵy 9 maýsymdaǵy № 1312 Jarlyǵymen Altynbek Quspanov Bórli aýdandyq sotynyń tóraǵasy bolyp taǵaıyndaldy.

Altynbek Jaqsylyquly eńbek jolyn Batys Qazaqstan oblystyq sotynda maman jáne jetekshi maman retinde bastaǵan. Keıin Bókeı ordasy aýdandyq sotynyń bas maman — sot otyrysynyń hatshysy, Jánibek aýdandyq soty keńsesiniń meńgerýshisi, BQO soty keńsesiniń baqylaý jáne qujattamalyq qamtamasyz etý bóliminiń basshysy qyzmetterin atqarǵan. Keıin Oral qalasynyń № 2 sotynyń sýdıasy jáne Terekti aýdandyq sotynyń tóraǵasy boldy.

Ásılıa Bıssalıeva Terekti aýdandyq sotynyń tóraǵasy bolyp aýysty. Ol eńbek jolyn Batys Qazaqstan oblysynyń prokýratýra organdarynda bastaǵan. Oral qalasynyń mamandandyrylǵan ákimshilik sotynda bas maman, sot otyrysynyń hatshysy boldy. Keıin BQO boıynsha sottar ákimshisinde jáne Oral qalasynyń № 2 sotynda bas maman — sot otyrysynyń hatshysy bolyp jumys istedi. Bórli aýdandyq sotynyń sýdıasy, sondaı-aq BQO mamandandyrylǵan aýdanaralyq ekonomıkalyq sotynyń sýdıasy qyzmetterin atqardy.

Raıgúl Amangeldınova Batys Qazaqstan oblysynyń qylmystyq ister jónindegi mamandandyrylǵan aýdanaralyq sotynyń sýdıasy laýazymyna jańadan taǵaıyndaldy. Ol 2012 jyly Qazaq gýmanıtarlyq-zań ınnovatsııalyq ýnıversıtetin quqyqtaný mamandyǵy boıynsha támamdaǵan. Eńbek jolynda Shyǵys Qazaqstan oblysynyń Jarma, Ulan, Aqsýat aýdandyq sottarynda, Abaı oblysynyń mamandandyrylǵan aýdanaralyq ekonomıkalyq sotynda bas maman — sot otyrysynyń hatshysy qyzmetin atqarǵan. Keıin Qazaqstan Respýblıkasy Sot ákimshiliginiń Abaı oblysy boıynsha departamenti uıymdastyrý-taldaý bóliminiń bas mamany laýazymynda jumys istegen.

Ásııa Amangeldıeva Oral qalasynyń № 2 sotynyń sýdıasy boldy. Ol 2000 jyly Taraz memlekettik ýnıversıtetin quqyqtaný mamandyǵy boıynsha támamdaǵan.Eńbek jolyn sot júıesinde Ortalyq aýdandyq halyq sotynyń sot otyrysynyń hatshysy qyzmetinen bastaǵan. Keıin Taraz qalalyq sotynda sot otyrysynyń hatshysy qyzmetin atqarǵan. 2003-2026 jyldary Jambyl oblystyq advokattar alqasynyń quramynda advokattyq qyzmetpen aınalysty.

QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti BQO aýmaqtyq ınspektsııasynyń basshysy bolyp Tilek Muqatov taǵaıyndaldy.

QR AShM Veterınarııalyq baqylaý jáne qadaǵalaý komıtetiniń tóraǵasy Qazbek Táshimov jańa basshyny ujymǵa tanystyrdy. Aýmaqtyq ınspektsııadan málim etkenindeı, Tilek Maqsotuly 1979 jyly 28 sáýirde Batys Qazaqstan oblysy Syrym aýdanynda dúnıege kelgen. Bilimi joǵary. 2001 jyly Batys Qazaqstan agrarlyq ýnıversıtetin maldárigerlik sanıtarııa jáne 2004 jyly Batys Qazaqstan tilder jáne menedjment ınstıtýtyn memlekettik jáne jergilikti basqarý mamandyǵy boıynsha aıaqtaǵan.

2004-2006 jyldary QR AShM Zelenov aýdandyq aýmaqtyq basqarmasynyń Rýbejın, Razdolnyı, Mıchýrın selolyq okrýgi boıynsha memlekettik veterınarııalyq ınspektory, 2008-2010 jyldary BQO aýyl sharýashylyǵy basqarmasy mal sharýashylyǵy bóliminiń jetekshi mamany boldy. 2010-2011 jyldary QR AShM Agroónerkásiptik keshendegi memlekettik ınspektsııa komıtetiniń BQO aýmaqtyq ınspektsııasy memlekettik veterınarııalyq ınspektsııasy bóliminiń bas mamany, 2012-2013 jyldary Veterınarııalyq baqylaý jáne qadaǵalaý komıteti BQO aýmaqtyq ınspektsııasy bıologııalyq qaýipsizdik bóliminiń bas mamany, 2013-2015 jyldary osy bólimniń basshysy qyzmetin atqardy.Sondaı-aq 2015-2025 jyldary Veterınarııalyq baqylaý jáne qadaǵalaý komıteti Terekti aýdandyq aýmaqtyq ınspektsııasynyń basshysy boldy. 2025 jyldyń 6 mamyrynan bastap osy kezge deıin Veterınarııalyq baqylaý jáne qadaǵalaý komıteti BQO aýmaqtyq ınspektsııasy basshysynyń orynbasary bolyp jumys istedi.

Túrkistan oblysynda birqatar sot tóraǵasy men sýdıalar taǵaıyndaldy.

Túrkistan oblystyq sotynyń baspasóz qyzmeti málim etkendeı, Mamandandyrylǵan aýdanaralyq ekonomıkalyq sotynyń tóraǵasy bolyp Babyrhan Abýev taǵaıyndaldy. Ol 2002 jyldan beri sot júıesinde túrli qyzmetter atqarǵan.

Saryaǵash aýdandyq sotynyń tóraǵasy laýazymyna Ábdýseıit Áshirbaev taǵaıyndaldy. Eńbek jolyn 2003 jyly bastap, 2017 jylǵa deıin sot oryndaýshysy qyzmetin atqarǵan. Al 2017 jyldan beri Saıram aýdandyq sotynyń sýdıasy boldy. Sonymen qatar birqatar azamat sýdıa laýazymyna taǵaıyndaldy.

Mamandandyrylǵan aýdanaralyq ekonomıkalyq sotynyń sýdıasy bolyp Aıgerim Paıaeva taǵaıyndaldy. Ol 2016 jyldan beri sot júıesinde bas maman jáne sot otyrysynyń hatshysy qyzmetterin atqarǵan.

Jetisaı aýdandyq sotynyń sýdıalary bolyp Merýert Aıtbaeva men Erkin Ibragımov taǵaıyndaldy. Merýert Aıtbaeva 2003 jyldan beri sot júıesinde túrli qyzmetter atqarǵan. Al Erkin Ibragımov 2008-2013 jyldary «Kontı-Stroı» JShS-de zańger bolyp jumys istegen. 2013 jyly OQO áskerı basqarmasynda ınspektor qyzmetin atqaryp, 2016 jyldan beri sot júıesinde eńbek etken.

Saryaǵash aýdandyq sotynyń sýdıasy qyzmetine Qarlyǵash Arystanova taǵaıyndaldy. Ol 2013 jyldan beri sot júıesinde túrli laýazymdarda jumys istegen.

Maqtaaral aýdandyq sotynyń sýdıasy bolyp Turlybek Mádıev taǵaıyndaldy. Ol 2014-2022 jyldary sot júıesinde bas maman jáne sot májilisiniń hatshysy qyzmetterin atqarǵan. 2022-2025 jyldary Ulttyq ekonomıka mınıstrliginiń Áleýmettik salany, quqyq qorǵaý jáne arnaıy organdardy damytý departamentinde bas sarapshy bolyp jumys istegen.

Atyraý oblysynda Qurmanǵazy aýdandyq sotynyń tóraǵasy men Atyraý qalasynyń № 2 sotynyń sýdıasy taǵaıyndaldy.

Qazaqstan Respýblıkasy Prezıdentiniń 2026 jylǵy 9 maýsymdaǵy Jarlyǵymen Gúlsým Tasqynbaeva Qurmanǵazy aýdandyq sotynyń tóraǵasy, al Klara Kúlpeıisova Atyraý qalasynyń № 2 sotynyń sýdıasy laýazymyna taǵaıyndalǵan. Klara Kúlpeıisova eńbek jolyn 2001 jyly Atyraý qalasynyń № 2 sotynda sot májilisiniń hatshysy retinde bastaǵan. Keıin Atyraý oblysy Sottar ákimshisinde uıymdastyrý-taldaý baǵyty boıynsha qyzmet atqaryp, bólim basshysy laýazymyna deıin kóterildi. Sondaı-aq Atyraý qalasynyń № 2 sotynyń keńse meńgerýshisi boldy. Sońǵy jyldary Qazaqstan Respýblıkasy Sot ákimshiliginde qyzmet atqarǵan.

Al Gúlsým Tasqynbaeva sot júıesinde uzaq jyldyq tájirıbesi bar maman. Osy taǵaıyndaýǵa deıin sýdıa qyzmetin atqaryp, sot tóreligin júzege asyrý salasynda eńbek etken.

Aqtóbe oblystyq din isteri basqarmasynyń basshysy QR Memlekettik qyzmet isteri agenttiginiń kelisimimen taǵaıyndaldy.

Dáýren Qýanysh 2014 jyly Ekonomıkalyq-quqyq kolledjin quqyqtaný, 2023 jyly Qazaq-orys halyqaralyq ýnıversıtetin Quqyq mamandyǵy boıynsha támamdaǵan. 2015 jyly Aqtóbe qalasynyń azamattyq hal aktilerin tirkeý bóliminde jetekshi maman boldy. Bul onyń alǵashqy jumys orny. 2017-2021 jyldary aralyǵynda Aqtóbe qalasy ákimi apparatynyń personaldy basqarýdyń biryńǵaı qyzmetinde bas maman, sondaı-aq qalalyq terrorızmge qarsy komıssııa jumysy jónindegi úılestirý bóliminde bas maman qyzmetterin atqarǵan. 2023 jyly Aqtóbe qalasy Almaty aýdany ákimi apparatynyń kásipkerlikti damytý bóliminde bas maman bolyp jumys istegen. 2023 jyldyń qarasha aıynda Aqtóbe oblystyq din isteri basqarmasynyń konfessııaaralyq qatynastar bóliminiń bas mamany bolyp taǵaıyndaldy. Al 2024 jyldyń shilde aıynan bastap osy bólimniń basshysy qyzmetin atqaryp keldi.

Mańǵystaýda Tótenshe jaǵdaılar departamentiniń jańa basshysy taǵaıyndaldy.

Qýanar Bazarbaev buǵan deıin Shymkent qalasy Tótenshe jaǵdaılar departamentiniń bastyǵy qyzmetin atqarǵan. Ol azamattyq qorǵaý jáne tótenshe jaǵdaılar salasynda mol tájirıbege ıe. Bilikti maman osy baǵyttaǵy memlekettik qyzmet júıesinde uzaq jyldar eńbek etken.

Adam quqyqtary jónindegi ýákildiń Aqtóbe oblysy boıynsha ókili taǵaıyndaldy.

Tımýr Jakeev buǵan deıin de osy salada eńbek etti. Kókshetaý ekonomıka jáne menedjment ınstıtýtyn jáne Ortalyq Qazaqstan akademııasyn bitirgen.Adam quqyqtary jónindegi ulttyq ortalyqtyń qurylymynda 2025 jyldyń qańtar aıynan bastap jumys isteıdi. Taǵaıyndalǵanǵa deıin Quqyqtyq jáne uıymdastyrý-taldaý jumysy bóliminiń kemsitýshiliktiń barlyq nysandaryn boldyrmaý jáne zańnamany jetildirý jónindegi sektorynyń bas ınspektory qyzmetin atqarǵan.

Aqtóbede ózine qol jumsaǵan ákimniń ornyna jańasy saılandy. Keńqııaq aýylynyń ákimi qyzmetine Qasymhan Shýrkın kiristi. Qasymhan Shýrkın 1972 jyly dúnıege kelgen. «Keńkııaq-SK» KMK-nyń dırektory. Aqtóbe oblysy Temir aýdany Keńkııaq aýylynyń turǵyny. Ol «Amanat» partııasynan usynylǵan.

Artem Kýchın Qazaqstandaǵy QFF Tórelik konventsııasynyń úılestirýshisi bolyp taǵaıyndaldy. Bul qyzmette ol QFF Tórelik jáne ınspektsııalaý departamentinen ketken Arman Esmuratovty almastyrdy.

Kýchınniń mindetine otandyq fýtbol tóreshilerin daıyndaý, oqytý jáne damytý salasyndaǵy ÝEFA standarttarynyń saqtalýyn baqylaý kiredi.

Artem Kýchın 1977 jyly 15 jeltoqsanda Qaraǵandy qalasynda dúnıege kelgen. Ol Premer-lıgadaǵy debıýttik matchyn 2008 jyly 17 maýsymda ótkizip, al 2009 jyly FIFA tóreshisi mártebesine ıe boldy. Kýchın Mansabynda 2014 jylǵy álem chempıonatynyń irikteý kezeńi, ÝEFA Eýropa lıgasy men Konferentsııa lıgasynyń matchtaryna, Qazaqstan Kýbogy fınaldary men Sýperkýbogynyń oıyndaryna, U17 jáne U19 Eýropa chempıonattarynyń fınaldyq týrnırlerine, sondaı-aq ÝEFA Óńirler kýbogynyń fınalyna tórelik etti.

«Astana» fýtbol klýbynyń bas dırektory taǵaıyndaldy.

Elordalyq klýbtyń baspasóz qyzmetiniń habarlaýynsha, Altaı Daýmovtyń qazaqstandyq fýtbol salasynda kópjyldyq tájirıbesi bar. Bul taǵaıyndaýǵa deıin ol Qazaqstan fýtbol federatsııasynyń qurylymynda túrli qyzmetter atqarǵan, sondaı-aq QFF prezıdenti laýazymyna úmitker bolǵan.

Daýmov UEFA CFM (Certificate in Football Management) baǵdarlamasynyń dıplomyna ıe jáne Qazaq sport jáne týrızm akademııasynda «Sporttyq menedjment» mamandyǵy boıynsha doktorantýrany támamdaǵan.

Buǵan deıin ol «Jetisý» fýtbol klýbynda kommertsııalyq dırektor qyzmetin atqardy. Sondaı-aq Qazaqstan halyqaralyq fýtbol mektebin qurýǵa qatysyp, Qazaq sport jáne týrızm akademııasy janyndaǵy fýtbol klýbyn basqardy. Ol 2024 jyldyń sońynda Qazaqstan fýtbol federatsııasy prezıdentiniń saılaýyna qatysyp, otandyq fýtboldy reformalaý baǵdarlamasyn usynǵan bolatyn.