Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Osy aptada elimizdiń memlekettik basqarý júıesinde jáne óńirlerde birqatar kadrlyq ózgerister boldy. Kazinform 6 sáýir men 12 sáýir aralyǵyndaǵy mańyzdy taǵaıyndaýlarǵa sholý usynady.
Qazaqstan Respýblıkasynyń kólik vıtse-mınıstri qyzmetine Damır Qojahmetov taǵaıyndaldy.
Damır Maratuly Qojahmetov 1989 jyly Ońtústik Qazaqstan oblysynda dúnıege kelgen. Kýala-Lýmpýr qalasyndaǵy Azııa-Tynyq muhıty aqparattyq tehnologııalar ınstıtýtyn, ál-Farabı atyndaǵy Qazaq ulttyq ýnıversıtetin, Logıstıka jáne kólik koroldik ınstıtýtyn bitirgen.
Eńbek jolyn 2011 jyly IT-sektorda bastaǵan. Odan keıingi jyldarda jekemenshik kompanııalarda basshylyq qyzmetter atqaryp, munaıgaz, agroónerkásip, energetıka jáne ózge de salalarda tehnologııalyq baǵytardy damytý, ınnovatsııalyq ónimderdi óndiriske qosý jáne operatsııalyq tıimdilikti arttyrý salalaryna jaýap berdi.
2019–2020 jyldary «QTJ» UK» AQ-da ınfraqurylymdyq jáne tsıfrlyq jobalardy júzege asyrýǵa jetekshilik etti.
2020–2023 jyldary «KTZ Express» AQ-da basshylyq qyzmette bolyp, kompanııanyń tsıfrlyq transformatsııa strategııasyn júzege asyrýǵa jáne ІT-fýnktsııasyn damytýǵa jaýap berdi.
2023 jyldyń qarashasynan bastap qazirgi ýaqytqa deıin «KTZ Express» AQ-nyń bas dırektory qyzmetin atqardy.
Qazaqstan Respýblıkasy kólik mınıstriniń buıryǵymen Dastan Jumaqulov Avtomobıl kóligi jáne kóliktik baqylaý komıtetiniń tóraǵasy laýazymyna taǵaıyndaldy.
Ol 1987 jyly Shyǵys Qazaqstan oblysynda dúnıege kelgen. Akademık E.A. Bóketov atyndaǵy Qaraǵandy memlekettik ýnıversıtetin, sondaı-aq L. B. Goncharov atyndaǵy Qazaq avtomobıl-jol ınstıtýtyn támamdaǵan.
2008–2013 jyldary kóliktik baqylaý salasynda qyzmet etip, Astana qalasy jáne Qaraǵandy oblysy boıynsha «Saryarqa» óńiraralyq kóliktik baqylaý ınspektsııasynda zańger, ótinishterdi qabyldaý jónindegi nusqaýshy, jetekshi maman, quqyq jáne kadr jumysy bóliminiń basshysy laýazymdaryn atqardy.
2013–2023 jyldary kóliktik baqylaý júıesinde eńbek etip, Qaraǵandy oblysy boıynsha Kóliktik baqylaý ınspektsııasynda bólimderdiń basshysynan ınspektsııa basshysynyń orynbasaryna deıingi qyzmette boldy.
2023 jyldyń jeltoqsanynan bastap qazirgi ýaqytqa deıin Taldyqorǵan qalasynda QR KM Avtomobıl kóligi jáne kóliktik baqylaý komıtetiniń Jetisý oblysy boıynsha Kóliktik baqylaý ınspektsııasynyń basshysy qyzmetin atqardy.
Úkimet qaýlysymen Erbol Tuıaqbaev eńbek jáne halyqty áleýmettik qorǵaý birinshi vıtse-mınıstri qyzmetine taǵaıyndaldy.
1992 jyly Túrkistan oblysynda dúnıege kelgen. L. N. Gýmılev atyndaǵy Eýrazııa ulttyq ýnıversıtetin bitirgen. 2013–2018 jyldary — QR BǴM Ǵylym komıtetinde sarapshysy, bas sarapshysy, basqarma basshysy. 2019–2020 jyldary — «Aqparattyq-taldaý ortalyǵy» AQ BAQ, «Astana» ÁKK» aktsıonerlik qoǵamynda qyzmet etti.
2020–2023 jyldary — Uıymdastyrý-baqylaý bóliminiń bas mamany, basshysy, Inspektorlyq jáne aýmaqtyq jumys bóliminiń basshysy, sondaı-aq Astana qalasy ákimi apparaty basshysynyń orynbasary.
2023 jylǵy aqpannan bastap qazirgi ýaqytqa deıin QR Úkimeti Apparatynyń Áleýmettik damý bóliminiń meńgerýshisi qyzmetin atqardy.
Óńirler boıynsha, Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp Ǵalymjan Spabekov taǵaıyndaldy.
Ǵalymjan Spabekov — memlekettik jáne jergilikti basqarý magıstri, memlekettik qyzmette 25 jyldan astam eńbek ótili bar.
Ol Temirtaý qalasynda uıymdastyrý jumystary, kásipkerlik, ónerkásip jáne aýyl sharýashylyǵy bólimderin basqarýdan bastap, qala ákiminiń orynbasary laýazymyna deıingi eńbek jolynan ótken.
2023 jyldyń qazan aıynan bastap osy taǵaıyndaýǵa deıin Qaraǵandy oblysy ákimi apparaty basshysynyń orynbasary qyzmetin atqardy.
Shymkent qalasy Polıtsııa departamenti bastyǵynyń orynbasary qyzmetine polkovnık Nurbol Myrzataev taǵaıyndaldy.
Nurbol Myrzataev 1979 jylǵy 14 aqpanda Shymkent qalasynda dúnıege kelgen. Joǵary kásibı bilimi bar.
Іshki ister organdaryndaǵy qyzmetin 1997 jyly bastaǵan. Segiz jyl ishinde ınspektordan basqarma bastyǵyna deıingi laýazymdardy atqarǵan.
2005-2012 jyldary qarjy polıtsııasy organdarynda qyzmet etken.
2015-2022 jyldary sybaılas jemqorlyqqa qarsy qyzmet organdarynda jumys istep, mamannan Departament bastyǵynyń orynbasaryna deıingi laýazymdarda bolǵan.
2022-2026 jyldary QR Іshki ister mınıstrliginiń Túrkistan oblysy Polıtsııa departamentiniń Ózindik qaýipsizdik basqarmasynyń bastyǵy bolyp qyzmet atqardy.
Aqtóbe oblysynyń Baıǵanın, Yrǵyz, Áıteke bı jáne Oıyl aýdandaryna jańa prokýrorlar taǵaıyndaldy.
Aqedil Úsenov Áıteke bı aýdanynyń prokýrory qyzmetine taǵaıyndaldy. Ol 2023 jyldyń mamyr aıynan beri Oıyl aýdanynyń prokýrory qyzmetin atqarǵan. Aqedil Úsenov Aqtóbe oblysy Shalqar aýdanynyń týmasy. Eńbek jolyn Mártók aýdany prokýratýrasynda kómekshi, aǵa kómekshi bolyp bastaǵan. Ár jyldary Aqtóbe oblystyq prokýratýrasynda jáne Baıǵanın aýdandyq prokýratýrasynda qyzmet etken.
Baıǵanın aýdanynyń prokýrory qyzmetine Erlan Bahytov taǵaıyndaldy. Ol eńbek jolyn 2002 jyly bastaǵan. Ár jyldary Aqtóbe, Jambyl jáne Atyraý oblystarynda qyzmet atqarǵan. 2023 jyldan bastap osy ýaqytqa deıin Áıteke bı aýdanynyń prokýrory bolyp jumys istep, jańa qyzmetke aýystyryldy.
Yrǵyz aýdanynyń prokýrory qyzmetine Bekzat Tórehanov taǵaıyndaldy. Ony aýdan aktıvine Aqtóbe oblysy prokýrorynyń orynbasary Talǵat Álibaev tanystyrdy. Ol ár jyldary Mańǵystaý, Qyzylorda oblystarynda jáne Astana qalasynda qyzmet atqarǵan. Bıyl QR Bas prokýratýrasynyń basqarmasynda prokýrordyń kómekshisi bolǵan.
Oıyl aýdanynyń prokýrory qyzmetine Raýan Tobyqov taǵaıyndaldy. Ony aýdan aktıvine Aqtóbe oblysy prokýrorynyń orynbasary Aıbek Taǵybergen tanystyrdy.
QR Memlekettik qyzmet isteri agenttigi Túrkistan oblysy boıynsha departamentiniń basshysy bolyp Erjan Qarymsaqov taǵaıyndaldy.
Erjan Qarymsaqov 1980 jyly 23 qazanda Qyzylorda qalasynda dúnıege kelgen. 2001 jyly Qazaq memlekettik zań akademııasyn zańger mamandyǵy men 2014 jyly Qorqyt ata atyndaǵy Qyzylorda memlekettik ýnıversıtetin ekonomıka jáne bıznes bakalavry dárejesi boıynsha bitirgen.
2001-2005 jyldar aralyǵynda Qyzylorda oblysy boıynsha QR Bas prokýratýrasynyń Quqyqtyq statıstıka jáne arnaıy esepke alý komıtetinde túrli qyzmetter atqardy.
2005 jyldan 2013 jylǵa deıin QR Memlekettik qyzmet isteri agenttiginiń Qyzylorda oblysy boıynsha departamentinde konsýltanttan bastap bólim basshysyna deıingi laýazymdarda boldy.
2014-2016 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Memlekettik qyzmet jáne sybaılas jemqorlyqtyń aldyn alý departamenti basqarmasynyń bas konsýltanty, 2016 jyldyń qańtarynan 2019 jylǵa deıin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysynyń orynbasary qyzmetin atqardy.
2019 jyldyń tamyzynan 2020 jyldyń qazan aıyna deıin QR Memlekettik qyzmet isteri agenttiginiń Qyzylorda oblysy boıynsha departamenti bastyǵynyń orynbasary jáne 2020 jyly QR Memlekettik qyzmet isteri agenttiginde basqarma basshysy bolyp eńbek etti.2020-2024 jyldary QR Memlekettik qyzmet isteri agenttiginiń Pavlodar oblysy boıynsha departamentiniń basshysy, Ádep jónindegi keńes tóraǵasy bolǵan. 2024-2026 jyldary QR Memlekettik qyzmet isteri agenttiginiń SQO boıynsha departamentiniń basshysy, Ádep jónindegi keńes tóraǵasy bolyp qyzmet atqardy.
2026 jyldyń 1 sáýirinen bastap QR Memlekettik qyzmet isteri agenttiginiń Túrkistan oblysy boıynsha departamentiniń basshysy, Ádep jónindegi keńes tóraǵasy qyzmetin atqaryp keledi.
Soltústik Qazaqstan oblysy boıynsha Memlekettik qyzmet isteri departamentine Darhan Haırýllın taǵaıyndaldy.
Darhan Haırýllın Reseıdiń Omby qalasynda týǵan. Joǵary bilimdi ekonomıst jáne zańger.
Eńbek jolyn 2002 jyly Aqmola oblysy sottar ákimshisiniń Kókshetaý aýmaqtyq bóliminde sot oryndaýshysy bolyp bastaǵan. Keıin osy memlekettik organda atqarýshylyq is júrgizý jáne sot prıstavtary qyzmeti bóliminde bas maman qyzmetin atqarǵan.
2007-2025 jyldary Aqmola oblysy boıynsha Memlekettik qyzmet isteri basqarmasy men departamentinde túrli laýazymdarda jumys istedi.
2025 jyly Shyǵys Qazaqstan oblysy boıynsha Memlekettik qyzmet isteri departamenti basshysynyń orynbasary qyzmetine aýystyryldy. Al 2026 jyldyń sáýir aıynan bastap SQO boıynsha Memlekettik qyzmet isteri departamenti basshysy bolyp taǵaıyndaldy. Sonymen qatar, ol óńirlik Ádep jónindegi keńesti de basqarady.
Qazaqstanda ótken aptada bolǵan kadrlyq taǵaıyndaýlar týraly osy silteme arqyly oqýǵa bolady.