Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Elimizde ótken aptada birqatar kadrlyq aýys-túıis boldy.
Aptanyń alǵashqy kúni Pavlodar oblysyndaǵy «Maıqaıyńaltyn» AQ- nyń bas dırektory bolyp Danıal Nábıev taǵaıyndaldy. Ol buǵan deıin atalǵan kompanııada basshynyń birinshi orynbasary qyzmetinde bolǵan.
D. Nábıevtiń basqarýshylyq tájirıbesi mol, Qazaq-Brıtan ýnıversıtetiniń túlegi.
«Ulytaý» áleýmettik — kásipkerlik korporatsııasy» AQ-nyń basqarma tóraǵasy bolyp Nurlan Sadybekov taǵaıyndaldy.
Nurlan Maıdanuly 1983 jyly týǵan. Qazaq bas sáýlet-qurylys akademııasyn bitirgen.
Eńbek jolyn 2005 jyly Almaty qalasynda «PK Vahtel ı K» jaýapkershiligi shekteýli seriktestiginde marketıng menedjeri retinde bastaǵan.
2008 — 2014 jyldary Qazaqstan Respýblıkasy ındýstrııa jáne saýda mınıstrliginiń kásipkerlikti damytý departamentinde qyzmet etken.
2014 — 2015 jyldary Pavlodar oblysy, Aqsý qalasynyń kásipkerlik bóliminiń basshysy boldy.
2015 — 2019 jyldary Pavlodar oblysy, Pavlodar aýdany ákiminiń orynbasary bolǵan.
2019 — 2020 jyldary Pavlodar oblysynyń aýyl sharýashylyǵy basqarmasynyń basshysy boldy.
2020 — 2021 jyldary Qazaqstan Respýblıkasy aýyl sharýashylyǵy mınıstrliginiń «Agrohımııalyq qyzmettiń Respýblıkalyq ǵylymı-ádistemelik ortalyǵynyń» dırektory bolǵan.
2021 — 2024 jyldary bıznes salasynda basshylyq qyzmetterde bolǵan.
2024 jyly «Ulytaý» «Áleýmettik-kásipkerlik koorparatsııasy» basqarma tóraǵasynyń orynbasary boldy.
Osy taǵaıyndaýǵa deıin Ulytaý oblysy ákimi apparat basshysynyń orynbasary bolyp jumys istedi.
Qyzylorda qalasy ákiminiń orynbasary bolyp belgili jýrnalıst Baqytjan Omarov taǵaıyndaldy.
Baqytjan Baýyrjanuly 1987 jyly dúnıege kelgen. L. N. Gýmılev atyndaǵy Eýrazııa ulttyq ýnıversıtetin halyqaralyq qatynastar (2008 jyl), jýrnalıstıka (2010 jyl) mamandyqtary boıynsha támamdaǵan.
Eńbek jolyn 2008 jyly respýblıkalyq «Qazaqstan» teleradıokorporatsııasynda redaktorlyqtan bastap, 2009-2012 jyldar aralyǵynda osy korporatsııada túrli qyzmet atqarǵan.
2012-2025 jyldary Túrkııa memleketiniń Ankara qalasyndaǵy teleradıokorporatsııasynda jańalyqtar júrgizýshisi, «Habar-24» telearnasynyń bas redaktory, Qyzylorda oblysy ákiminiń baspasóz hatshysy, QR Mádenıet jáne aqparat mınıstrliginiń Túrksoı uıymyndaǵy ókili bolyp eńbek etken.
2025 jyldyń aqpan aıynan bastap búgingi kúnge deıin Qyzylorda oblysy ákimi apparaty basshysynyń orynbasary laýazymyn atqaryp keldi.
Ol jańa qyzmette qoǵamdyq damý, jumyspen qamtý jáne áleýmettik baǵdarlamalar, dene tárbıesi, sport jáne týrızm, mádenıet jáne tilderdi damytý bólimderine jetekshilik etpek.
Qazaqstan Respýblıkasy Prezıdentiniń ekonomıkalyq máseleler jónindegi kómekshisi Qanat Sharlapaev «Samuryq-Qazyna» AQ dırektorlar keńesiniń múshesi atandy.
Osylaısha engizilgen ózgeristerge sáıkes, endi «Samuryq-Qazyna» ulttyq ál-aýqat qory AQ dırektorlar keńesiniń quramy jeti adamnan turady. Olar:
— Sharlapaev Qanat Bısımbaıuly;
— Bektenov Oljas Abaıuly;
— Jámishev Bolat Bıdahmetuly;
— Lýka Sýtera;
— Vong Hen Faın;
— Muhammed Jámıl ál Ramahı;
— Jaqypov Nurlan Qarshyǵauly.
Qanat Bısımbaıuly Sharlapaev 1981 jyly Reseı Federatsııasynda týǵan. Saratov áleýmettik-ekonomıkalyq ýnıversıtetin, Krenfıld menedjment mektebin (Ulybrıtanııa) bitirgen. Mamandyǵy boıynsha ekonomıst, qarjy jáne basqarý magıstri.
Eńbek jolyn 2003 jyly Reseı Federatsııasynyń Petrokommerts bankiniń Klıentterdi basqarý basqarmasynyń menedjeri bolyp bastaǵan.
2006-2008 jyldary «Sıtı» ınvestıtsııalyq bankiniń London (Ulybrıtanııa), Praga qalalaryndaǵy (Chehııa) Qarjy departamentinde maman bolyp jumys istegen. 2008-2014 jyldary «Sıtı» ınvestıtsııalyq bankiniń (Ulybrıtanııa) naryqtaǵy aktsııalar jumysy jónindegi óńirlik dıvızıonynyń aǵa taldaýshysy, vıtse-prezıdentiniń kómekshisi, vıtse-prezıdenti bolǵan.
2014-2015 jyldar aralyǵynda Ulybrıtanııanyń «Sıtı» ınvestıtsııalyq bankiniń Eýropa, Taıaý Shyǵys jáne Afrıka boıynsha Strategııalyq josparlaý jáne taldaý óńirlik tobynyń vıtse-prezıdenti laýazymyn atqarǵan.
2015-2017 jyldary Qazaqstannyń Sıtıbankinde bas qarjy dırektory, basqarma tóraǵasynyń orynbasary, aǵa vıtse-prezıdenti bolǵan.
2017-2020 jyldar aralyǵynda Reseı Federatsııasynyń «Sıtı» ınvestıtsııalyq bankiniń Reseı, Ýkraına jáne Qazaqstan boıynsha bas qarjy dırektory, aǵa vıtse-prezıdenti bolyp jumys istegen. 2020 jyly «Sıtı» ınvestıtsııalyq bankiniń (BAÁ) Afrıka, Taıaý Shyǵys pen Shyǵys Eýropanyń damýshy naryqtaryndaǵy strategııa, josparlaý jáne taldaý jónindegi óńirlik dırektory laýazymyna taǵaıyndalǵan.
2022 jylǵy aqpannan bastap «Báıterek» ulttyq basqarýshy holdıngi» aktsıonerlik qoǵamynyń Basqarma tóraǵasy qyzmetin atqarǵan.
2023 jyldyń 4 kyrkúıeginen bastap Qazaqstan Respýblıkasy Ónerkásip jáne qurylys mınıstri boldy.
2025 jyldyń 28 aqpanynda Prezıdenttiń ekonomıkalyq máseleler jónindegi kómekshisi bolyp taǵaıyndaldy.
Shymkenttiń Qarataý aýdanyna jańa ákim taǵaıyndaldy. Budan bylaı bul qyzmetti Almas Emeltaıuly Abaev atqarady.
Almas Emeltaıuly 1990 jylǵy 11 jeltoqsanda Shyǵys Qazaqstan oblysy, Aıagóz qalasynda týǵan, qazaq, bilimi joǵary. Qazaq ınnovatsııalyq gýmanıtarlyq-zań ýnıversıtetin jáne Italııada Tor Vergata ýnıversıtetin bitirgen, mamandyǵy boıynsha biliktiligi qarjy, quqyq, memlekettik satyp alý salasyndaǵy halyqaralyq magıstr.
Eńbek jolyn 2010 jyly Qazaqstan Respýblıkasy Ádilet mınıstrliginiń Qylmystyq atqarý júıesi komıtetiniń «Eńbek-Aqmola» fılıalynda memlekettik satyp alý mamany bolyp bastady.
2011-2022 jyldary jeke sektorda jáne ortalyq memlekettik organdarda jaýapty basshylyq qyzmetter atqardy, al 2022-2023 jyldary Abaı oblysynyń memlekettik satyp alý basqarmasynyń basshysy boldy.
2023 jyldyń qarasha aıynan bastap Shymkent qalasynyń memlekettik satyp alý basqarmasynyń basshysy laýazymynda eńbek etti.
Aıdarbek Qojanazarov Kókpar federatsııasynyń prezıdenti bolyp saılandy.
Aıdarbek Asanuly Qojanazarov 26 qarasha 1983 jyly Qyzylordada dúnıege kelgen.
Qazaqstandyq top-menedjer ári saıasatker, qurylýynan beri Respublica saıası partııasynyń tóraǵasy (2021 bastap), Qazaqstan Májilisi VIII-saılanymynyń depýtaty (2023 beri), «Olja Agro» holdınginiń Bas dırektory (2019 bastap) jáne «Ivolga-Holdıng» (2017–2019).
Qostanaıda orta mektepti bitirip, «Halyqaralyq ekonomıka» mamandyǵy boıynsha T.Rysqulov atyndaǵy Qazaq ekonomıkalyq ýnıversıtetin (Narhoz) jáne «Munaıgaz jobalaryn basqarý» mamandyǵy boıynsha Dandı Ýnıversıtetin bitirgen.
2006-2009 jyldary «BTA Banki» jumys istep, Islamic Banking basqarmasynyń jetekshisi, keıin Dýbaıdaǵy ókildiktiń basshysy qyzmetterin atqardy.
2009-2015 jyldary «APK Olzha Holding» kompanııalar tobynda holdıng strategııasy men perspektıvti damý jónindegi basqarýshy laýazymdardy atqardy.
2015-2016 jyldary «KazAgro» Ulttyq basqarýshy holdıng» AQ Basqarma tóraǵasynyń ornybasary boldy.
2016-2017 jyldary «Astana» ÁKK» UK» AQ Basqarma tóraǵasy boldy.
2017 jyldyń jeltoqsan aıynda «Ivolga-Holdıng» JShS Bas dırektory bolyp taǵaıyndaldy.
2019 jyldyń aqpan aıynda Qazaqstandaǵy iri agroholdıng sanalatyn «Olja Agro» JShS bas dırektory laýazymyna taǵaıyndaldy.
2022 jyly qurylǵan Respublica saıası partııasyn basqarady.
Jambyl oblysy ákiminiń ókimine sáıkes Nurbek Ábýbekuly Orshybekov bilim basqarmasynyń basshysy laýazymyna taǵaıyndaldy
Nurbek Ábýbekuly 1979 jyly dúnıege kelgen. Ál-Farabı atyndaǵy Qazaq ulttyq ýnıversıtetinde bilim alǵan. Fızıka-matematıka ǵylymdarynyń kandıdaty.
2003-2004 jyldary birqatar kommertsııalyq uıymda eńbek etti.
2004-2011 jyldary aralyǵynda Ál-Farabı atyndaǵy Qazaq ulttyq ýnıversıtetinde oqytýshy qyzmetinen bastap, bólim basshysy, departament dırektory, kafedra dotsenti qyzmetterin atqarǵan.
BǴM qurylymynda 2011 jyldan bastap jumys isteıdi.
Almaty jáne Astana qalasy boıynsha bilim berý salasyndaǵy Baqylaý departamentiniń dırektory, Bilim jáne ǵylym salasyndaǵy baqylaý komıteti tóraǵasynyń orynbasary boldy.
2017 jyldan bastap búginge deıin QR Oqý-aǵartý mınıstirligi Balalardyń quqyqtaryn qorǵaý komıtetin basqarǵan.
Álı Álıev resmı túrde fýtboldan Qazaqstan ulttyq quramasy bas bapkeri bolyp taǵaıyndaldy. Ol buǵan deıin bas bapker mindetin atqarýshy boldy.
Álı Álıev 1980 jyly 27 qazanda Almaty qalasynda dúnıege kelgen. Fýtbolshy mansabynda «TsSKA-Qaırat», «Qaırat», «Ertis», «Tobyl», «Shyǵys», «Ordabasy» jáne «Qyzyljar» klýbtarynda oınady.
Sondaı-aq Túrkııanyń «Akchaabat Sebatspor», «Kaıserı Erdjıespor», «Kartalspor» jáne «Dıarbakyrspor» komandalarynda oıyn kórsetken.
1999 jyly Qazaqstan jastar quramasy sapynda Nıgerııada ótken jastar arasyndaǵy álem chempıonatyna qatysty. Ulttyq qurama sapynda alǵashqy matchyn 2002 jyly Estonııaǵa qarsy ótkizdi.
Bapkerlik mansabyn 2014 jyly «Ordabasy» sapynda oıynshy ári bapker retinde bastady.
2018 jyly «Qyzyljar» klýbynyń tizginin ustap, Premer-lıgaǵa shyǵardy. 2021 jyly Qaraǵandynyń «Shahter» klýbynda bas bapker bolsa, odan keıin «Astana» fýtbol klýbynyń jastar komandasyn basqardy.
2022 jyly «Jeńis» komandasyn jattyqtyrdy. Qaıtadan «Qyzyljarǵa» oralyp, petropavldyq klýb ÝEFA Konferentsııa lıgasy irikteý kezeńiniń úshinshi aınalymyna deıin jetti.
2025 jyldyń qańtar aıynda Qazaqstan ulttyq quramasynyń bas bapkeri mindetin atqarýshy bolyp taǵaıyndaldy.
Onyń jetekshiligimen ulttyq qurama 2026 jylǵy áleme chempıonatyna irikteý kezeńinde Ýelsten (1:3) jeńilip, Lıhtenshteındi (2:0) tize búktirdi.
Tólejan Barlybaev Qazaqstan Respýblıkasynyń Ýkraınadaǵy Tótenshe jáne ókiletti elshisi laýazymyna taǵaıyndaldy.
Astanada Saryarqa aýdanynyń ákimi taǵaıyndaldy.
Ol «Astana qalasy ákiminiń apparaty» MM basshysynyń eks-orynbasary Janasyl Shaýkentaev boldy.
2014 jyldyń qarasha aıynan bastap Astana qalasynyń ákimdiginde túrli laýazymdardy atqardy: qalanyń Jer qatynastary basqarmasy, qala ákiminiń apparaty, qalanyń memlekettik sáýlet-qurylys baqylaý basqarmasy jáne t. b.
Sońǵy jyldary «Astana qalasy ákiminiń apparaty» MM memlekettik-quqyqtyq bóliminiń basshysy, «Astana qalasy ákiminiń apparaty» MM basshysynyń orynbasary laýazymdaryn atqardy.
Memleket basshysynyń tapsyrmalary aıasynda Astana ákimi Jeńis Qasymbek aýdan men eldi mekenderdi damytý boıynsha birqatar mindet júktedi.
Almaty oblysy ákiminiń ókimimen Toqpeıisov Ǵalym Qasymuly Almaty oblysy aýyl sharýashylyǵy basqarmasynyń basshysy bolyp taǵaıyndaldy.
Ǵalym Toqpeıisov 1967 jyly Almaty oblysy, Balqash aýdanynda dúnıege kelgen. Bilimi joǵary.
Ár jyldary «Qaroı» ujymsharynyń esepshisi, «Aqdala» kúrish ujymshary brıgadıriniń kómekshisi, eńbek jónindegi ekonomısi, bólim bastyǵy, Balqash aýdany Aqdala aýylynyń ákimi boldy.
Sondaı-aq Jambyl oblystyq aýmaqtyq balyq sharýashylyǵy basqarmasynyń bastyǵy, Kóksý aýdany ákiminiń orynbasary, Almaty oblysy ákimi apparaty bóliminiń meńgerýshisi, Kóksý aýdanynyń ákimi qyzmetinde bolǵan.
Almaty oblysy jer qatynastary basqarmasynyń basshysy, Balqash aýdanynyń ákimi, Almaty oblysy ákiminiń keńesshisi, oblystyń jumyldyrý daıyndyǵy, Sý resýrstary jáne ırrıgatsııa basqarmalarynyń basshysy boldy.