Qazaqstanda apta ishinde bolǵan kadrlyq taǵaıyndaýlar

ASTANA. KAZINFORM – Ótken aptada elimizde birqatar kadrlyq aýys-túıis boldy. 11 naýryzda Soltústik Qazaqstan oblysy ákiminiń ókimimen dene shynyqtyrý jáne sport basqarmasy basshysynyń mindetin atqarýshy bolyp Ádilhan Saǵyndyqov taǵaıyndaldy.

SQO ákimdiginiń málimetinshe, Ádilhan Syrlybaıuly Shymkent qalasynyń týmasy. M.Áýezov atyndaǵy Ońtústik Qazaqstan memlekettik ýnıversıtetin jáne Qazaq gýmanıtarlyq-zań ýnıversıtetin «Ekonomıka jáne menedjment», «Quqyqtaný» mamandyqtary boıynsha bitirgen.

Ár jyldary Shtattyq ulttyq sport rezervi komandalary dırektsııasynyń taekvondodan memlekettik jattyqtyrýshysy, Astana ákimdiginiń týrızm, dene shynyqtyrý jáne sport basqarmasy basshysynyń orynbasary jáne basshysy boldy.

Osy taǵaıyndaýǵa deıin Qazaqstan taekvondo Federatsııasynyń Bas hatshysy qyzmetin atqardy.

SQO dene shynyqtyrý jáne sport basqarmasy úsh aıdan artyq basshysyz boldy. 

Seısenbi Memleket basshysynyń ókimimen Qanat Qulshymanov Prezıdent Ákimshiligi Kommýnıkatsııalar bóliminiń meńgerýshisi bolyp taǵaıyndaldy. 

Qanat Qulshymanov L.Gýmılev atyndaǵy EUÝ-dy jýrnalıstıka mamandyǵy boıynsha támamdaǵan. PhD doktory ǵylymı dárejesi bar.

Eńbek jolyn 2007 jyly «Qazaqparat» aqparat agenttiginiń tilshisi bolyp bastady. Ár jyldary Aqtóbe oblysy ákiminiń baspasóz hatshysy, Eńbek jáne halyqty áleýmettik qorǵaý mınıstrliginiń qoǵammen baılanys departamentiniń dırektory, Jambyl oblysynyń ákimi apparaty basshysynyń orynbasary bolyp jumys istedi.
2021 jylǵy maýsymda «QazMunaıGaz» UK» AQ Baspasóz qyzmetiniń basshysy boldy.

QR Premer-Mınıstri baspasóz qyzmetiniń basshysy (04.2022-02.2023); QR Úkimeti baspasóz qyzmetiniń basshysy (02.2023-03.2024); QR Prezıdenti Ákimshiliginiń kommýnıkatsııalar bólimi meńgerýshisiniń orynbasary (03.2024-11.03.2025); QR Prezıdenti Ákimshiligi kommýnıkatsııalar bóliminiń meńgerýshisi (11.03.2025 bastap).

11 naýryz kúni QR Mádenıet jáne aqparat mınıstri Aıda Balaeva 11 naýryzda tanymal teatr qaıratkeri Aleksandr Sovostıanovty «Astana Opera» basshysy etip taǵaıyndady.  

Teatrdyń baspasóz qyzmeti habarlaǵandaı, Aleksandr Sovostıanovtyń esimi teatr tarıhymen tyǵyz baılanysty.

2013 jyly «Astana Opera» teatry qurylǵanda ol onyń bastaýynda bolyp, dırektordyń orynbasary qyzmetin atqardy. Odan keıingi jyldary «Astana Balet» teatryn oıdaǵydaı basqaryp, onyń halyqaralyq arenadaǵy ornyn nyǵaıtty. Óner jáne medıa salasyndaǵy mol basqarýshylyq tájirıbesiniń arqasynda ol ózin bilikti basshy ári strateg retinde kórsetti.

Ujymǵa alǵashqy úndeýinde Aleksandr Sovostıanov repertýardy keńeıtýge jáne halyqaralyq yntymaqtastyqty ulǵaıtýǵa aıryqsha kóńil bólip, «Astana Operanyń» teatrlyq dástúrlerin damytýdy jalǵastyratynyn atap ótti. Sondaı-aq ol jas daryndardy qoldaý jáne kórermender aýdıtorııasyn keńeıtý jumystyń basym baǵyttarynyń biri ekenin aıtty.

- 2013 jyldan 2019 jylǵa deıin «Astana Opera» memlekettik opera jáne balet teatrynda dırektordyń baılanys jáne marketıng jónindegi orynbasary qyzmetin atqardy.

- 2019 jyly «Astana Balet» teatrynyń dırektory bolyp taǵaıyndalyp, onda alty jyl eńbek etti.

- Medıa-ındýstrııada, onyń ishinde «Nur Medıa» holdınginde, Era TV telearnasynda (jetinshi arna) jáne Astana telearnasynyń quramyna kiretin Úlkenderge arnalǵan radıo kompanııasynda jumys istedi.

12 naýryzda Soltústik Qazaqstan oblysy Ádilet departamentiniń basshysy bolyp Estaı Rashqalıev taǵaıyndaldy. 

Estaı Rashqalıev 2008 jyldan bastap ádilet organdarynda qyzmet atqaryp keledi. Buǵan deıin Batys Qazaqstan oblysy Ádilet departamenti basshysynyń orynbasary laýazymyn atqarǵan. Sot jáne quqyqtyq júıede mol tájirıbesi bar.

Sársenbide Parlament Májilisiniń jalpy otyrysynda Rahymjan Myrzahanuly Dildaev Joǵary aýdıtorlyq palatanyń múshesi qyzmetine taǵaıyndaldy. 

Hýdııarov Ǵalymjan Batyrhanuly – Túrkistan qalasynda 1983 jyly dúnıege kelgen. Ol 2000-2004 jyldary Q.A. ıAsaýı atyndaǵy halyqaralyq qazaq-túrik ýnıversıtetinde «Dene tárbıesiniń muǵalimi jáne jattyqtyrýshysy» mamandyǵy boıynsha bilim aldy. Pedagogıka jáne psıhologııa magıstri, 2010 jyly pedagogıka ǵylymdarynyń kandıdaty boldy.

Eńbek jolyn 2005-2006 jyldary Á.Nurmahanov atyndaǵy OBJSM sambo kúresinen jattyqtyrýshy bolyp bastady.

2006-2012 jyldary Q.A.ıAsaýı atyndaǵy HQTÝ «Dene shynyqtyrý jáne sport» kafedrasynyń oqytýshysy, 2012-2014 jyldary Q.A.ıAsaýı atyndaǵy HQTÝ-dyń «Sport jáne óner» fakýltetiniń ǵylym jáne tárbıe isi jónindegi dekan orynbasary qyzmetterin atqardy.

2014-2019 jyldary Túrkistan qalalyq sý sporty kesheniniń meńgerýshisi, 2019 jyly Túrkistan oblysy dene shynyqtyrý jáne sport basqarmasyna qarasty «Ortalyq sý-sport kesheni» MKQK-niń dırektory boldy.

2021 jyldan bastap Túrkistan qalasynyń VII-VIII shaqyrylym máslıhattarynyń depýtaty bolsa, 2025 jyldyń basynan búgingi kúnge deıin Túrkistan oblystyq «Olımpıada rezervin daıarlaý ortalyǵynyń» dırektory qyzmetin atqaryp keldi.

Beısenbi kúni Qazaqstan Densaýlyq saqtaý mınıstriniń buıryǵymen Bolat Tókejanov mınıstrlik apparatynyń basshysy qyzmetine taǵaıyndaldy. 

Bolat Tókejanov Qazaq memlekettik basqarý akademııasyn, Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirgen.

Eńbek jolyn 1989 jyly ShQO Ulan aýdany «Obýhovskıı» sovhozynyń jumysshysy bolyp bastaǵan.

1994 -1996 jyldary — Shyǵys Qazaqstan oblystyq salyq ınspektsııasy syrtqy ekonomıkalyq qyzmet bóliminiń salyq ınspektory, birlesken sheteldik kásiporyndarǵa salyq salý sektorynyń aǵa ınspektory.

1996 -1999 jyldary — Mindetti medıtsınalyq saqtandyrý qory Shyǵys Qazaqstan oblystyq bólimi qarjy-ekonomıkalyq bóliminiń jetekshi mamany, qarjy basqarmasy basshysy–dırektorynyń orynbasary.

1999 - 2000 jyldary — Medıtsınalyq qyzmetterge aqy tóleý ortalyǵy Shyǵys Qazaqstan oblystyq bólimshesinde aqparattyq-tehnıkalyq bólim bastyǵy, dırektory.

2001–2003 jyldary — ShQO «Aqparattyq-medıtsınalyq ortalyǵy» MM dırektory.

2003 jyldan 2013 jylǵa deıin QR Densaýlyq saqtaý mınıstrliginiń qurylymynda basshylyq laýazymda jumys istedi.

2013 - 2014 jyldary — QR densaýlyq saqtaý vıtse-mınıstri.

2014 - 2017 jyldary — «QR Densaýlyq saqtaý sektorynda tehnologııalardy berý jáne ınstıtýtsıonaldyq reformany júrgizý» jobasynyń ulttyq úılestirýshisi.

2017- 2019 jyldary — QR Densaýlyq saqtaý mınıstrliginiń jaýapty hatshysy.

2019 - 2020 jyldary — QR Densaýlyq saqtaý mınıstrligi men Dúnıejúzilik banktiń «Áleýmettik medıtsınalyq saqtandyrý» jobasynyń ulttyq úılestirýshisi.

2020 - 2022 jyldary — «Áleýmettik medıtsınalyq saqtandyrý qory» KEAQ basqarma tóraǵasy.

2022 - 2023 jyldary — Ǵylym jáne joǵary bilim mınıstrligi apparatynyń basshysy.

2023 jylǵy jeltoqsannan bastap qazirgi ýaqytqa deıin QR Eńbek jáne halyqty áleýmettik qorǵaý mınıstrligi apparatynyń basshysy boldy.

13 naýryz kúni Ádilet mınıstriniń buıryǵymen Maqsat Qantbekuly Balabekov vedomstvonyń Májbúrlep oryndatý komıtetiniń tóraǵasy qyzmetine taǵaıyndaldy. 

Maqsat Qantbekuly 1982 jyly Shymkent qalasynda dúnıege kelgen.

M. Áýezov atyndaǵy Ońtústik Qazaqstan memlekettik ýnıversıtetin, M.S. Nárikbaev atyndaǵy Qazaq gýmanıtarlyq-zań ýnıversıtetin, Nottıngem ýnıversıtetin (Ulybrıtanııa) bitirgen.

Eńbek jolyn 2003 jyly qarjy uıymynda jeke jáne zańdy tulǵalarǵa qyzmet kórsetý jónindegi maman bolyp bastaǵan.

2005–2012 jyldary jeke qarjy uıymdarynda jumys istedi.

2012–2018 jyldary — sarapshy, QR Ádilet mınıstrligi Halyqaralyq sharttardy saraptaý departamentinde sarapshy, basqarma basshysy.

2018–2019 jyldary — QR ádilet mınıstriniń keńesshisi.

2019–2023 jyldary — QR Ádilet mınıstrligi Normatıvtik quqyqtyq aktilerdi tirkeý departamenti dırektorynyń orynbasary, dırektory.

2023 jylǵy maýsymnan bastap qazirgi ýaqytqa deıin — QR Ádilet mınıstrligi Zańǵa táýeldi aktiler departamentiniń dırektory boldy.