Elimizde apta ishinde bolǵan kadrlyq taǵaıyndaýlar
ASTANA. KAZINFORM – Osy aptada elimizde birqatar kadrlyq aýys-túıis boldy.
Atap aıtqanda, Memleket basshysynyń Jarlyǵymen Dastan Adaıuly Ryspekov Ulytaý oblysynyń ákimi laýazymyna taǵaıyndaldy.
Ryspekov Dastan 1984 jyly Jezqazǵan qalasynda týǵan. Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademııasyn bitirgen.
Eńbek jolyn 2006 jyly Almaty qalasyndaǵy Ekonomıka jáne bıýdjetti josparlaý departamentiniń boljamdaý jáne túsimder bóliminiń bas mamany retinde bastaǵan.
2007-2016 jyldary Almaty qalasynda Ekonomıka jáne bıýdjettik josparlaý departamentinde, Almaty qalasy boıynsha Tekserý komıssııasynda, Astana qalasy respýblıkalyq bıýdjettiń atqarylýyn baqylaý jónindegi esep komıtetinde basshylyq laýazymdarda jumys istedi.
2018-2019 jyldary Pavlodar oblysy Kásipkerlik, saýda jáne týrızm basqarmasynyń basshysy, 2019 jyldyń sáýir aıynan bastap «Astana EKSPO-2017» UK» AQ Ekonomıka jáne bıýdjetti josparlaý departamentiniń dırektory qyzmetin atqardy. 2020 jyldyń aqpan aıynan bastap Mádenıet jáne sport mınıstrligi Týrızm ındýstrııasy komıtetiniń tóraǵasy boldy.
Buǵan deıin Ulytaý oblysynyń ákimi bolǵan Berik Ábdiǵalıuly Qazaqstan Respýblıkasy Ulttyq mýzeıi dırektorynyń mindetin ýaqytsha atqarýshy qyzmetine kiristi.
Berik Ábdiǵalıuly 1971 jyly týǵan. Bilimi joǵary: 1994 jyly ál-Farabı atyndaǵy Qazaq Ulttyq ýnıversıtetin «Tarıh jáne qoǵamtaný oqytýshysy» mamandyǵy boıynsha támamdaǵan. Ár jyldary Prezıdent janyndaǵy Qazaqstannyń strategııalyq zertteýler ınstıtýtynda qyzmet etti.
2010-2013 jyldary Ulytaý aýdany ákimi, Jezqazǵan qalasynyń ákimi, Arqalyq qalasynyń ákimi, Qaraǵandy oblysy ákiminiń orynbasary, 2016 jyly QR Qorǵanys mınıstrliginiń QR Qarýly kúshteri Áskerı-tarıhı mýzeıiniń bas ǵylymı qyzmetkeri, 2017-2019 jyldary QR Ulttyq mýzeıiniń «Qasıetti Qazaqstan» ǵylymı-zertteý ortalyǵynyń jetekshisi, 2019-2021 jyldary Qaraǵandy oblysy Ulytaý aýdanynyń ákimi, 2021-2022 jyldary QR Parlamenti Májilisiniń depýtaty boldy. 2022-2024 jyldary Ulytaý oblysynyń ákimi laýazymyn atqardy.
Memleket basshysynyń ókimimen Baýyrjan Tólegenuly Álenov Qazaqstan Respýblıkasy Іshki ister mınıstriniń birinshi orynbasary laýazymyna taǵaıyndaldy.
Baýyrjan Álenov 1976 jyly 8 qarashada Aqmola oblysynda dúnıege kelgen. Іshki ister organdarynda 1997 jyldyń mamyr aıynan bastap qyzmet etedi. Ol bul laýazymǵa taǵaıyndalǵanǵa deıin Іshki ister mınıstrliginiń jedel qyzmet departamentiniń bastyǵy bolǵan.
2004 jyly «Femıda» zań ınstıtýtyn támamdaǵan, 2012 jyly Qaraǵandy zań ınstıtýtynyń magıstr dárejesin aldy. Іshki ister organdaryndaǵy qyzmetin 1997 jyldyń mamyr aıynda bastady.
Ol 2021 jyldyń qańtar aıynan bastap Qazaqstan ІІM jedel qyzmet departamentiniń bastyǵy, oǵan deıin Qazaqstan ІІM jetinshi departamentiniń bastyǵy bolǵan.
Almaty oblysynyń Polıtsııa departamentin 2022 jyldyń qańtar aıynan beri basqarǵan.
Tanjaryqov Berik Qýanyshuly Qostanaı oblysy ákiminiń qurylys, jolaýshylar kóligi, avtomobıl joldary, energetıka jáne turǵyn úı-kommýnaldyq sharýashylyq máseleleri jónindegi orynbasary bolyp taǵaıyndaldy.
Berik Qýanyshuly 1990 jyly Qostanaı oblysy Meńdiqara aýdanynda dúnıege kelgen. L.N. Gýmılev atyndaǵy Eýrazııa ulttyq ýnıversıtetin qurylys mamandyǵy boıynsha aıaqtaǵan. Eńbek jolyn 2011 jyly Astana qalasyndaǵy «Fire Safety Engineering» JShS qurylys ýchaskesiniń sheberi bolyp bastaǵan.
2012 jyldyń qazan aıynan 2014 jyldyń qazan aıyna deıin Astana qalasynda «Dondil Construction CO.LTD» JShS ınjeneri bolyp jumys isteıdi.2014 jylǵy mamyrdan 2015 jylǵy shildege deıin Astana qalasynda «Astana Metal Construction» JShS dırektorynyń orynbasary qyzmetin atqarady.2014 jyldyń qazanynan 2015 jyldyń qańtaryna deıin Astana qalasynda «Amanat stroı» JShS qurylys ýchaskesiniń sheberi bolyp jumys istedi.
2015 jyldyń qańtarynan 2015 jyldyń shildesine deıin Astana qalasynda «Amanat stroı» JShS-de prorab bolyp jumys isteıdi.
2015 jyldyń tamyzynan 2018 jyldyń jeltoqsanyna deıin Qostanaı oblysy ákimdigi memlekettik sáýlet-qurylys baqylaý basqarmasynyń bas memlekettik qurylys ınspektorynyń orynbasary qyzmetin atqarǵan.
2018 jylǵy jeltoqsannan 2019 jylǵy qazanǵa deıin Qostanaı oblysy ákimdigi memlekettik sáýlet-qurylys baqylaý basqarmasynyń bas memlekettik qurylys ınspektory bolyp jumys isteıdi
2019 jyldyń qazanynan 2023 jyldyń qyrkúıegine deıin Qostanaı oblysy ákimdiginiń qurylys, sáýlet jáne qala qurylysy basqarmasynyń basshysy bolyp jumys istegen. 2023 jyldyń qyrkúıeginen bastap qazirgi ýaqytqa deıin Qostanaı oblysy Qostanaı aýdanynyń ákimi qyzmetin atqardy.
Leılıa Gımranova Qazaqstan Respýblıkasynyń Prezıdenti Ákimshiligi Qazaqstan Respýblıkasy Prezıdentiniń Protokol qyzmeti konsýltantynyń mindetin atqarýshy laýazymyna taǵaıyndaldy.
Ol Qazaqstan-Brıtan tehnıkalyq ýnıversıteti jáne Qaztutynýodaǵy Qaraǵandy ýnıversıtetiniń túlegi. 2023 jylǵy Prezıdenttik jastar kadr rezerviniń múshesi. Atalǵan laýazymǵa taǵaıyndalǵanǵa deıin «Kazakh Invest» Ulttyq kompanııasynyń» Jobalar departamenti dırektorynyń orynbasary qyzmetin atqarǵan.
Qorǵanys mınıstriniń buıryǵymen Ernar Meıirhanov Soltústik Qazaqstan oblysynyń Qorǵanys isteri jónindegi departamentin basqarady.
Ernar Sársenbaıuly 1982 jyly týǵan, Taldyqorǵan qalasynyń týmasy. 2003 jyly Almaty joǵary áskerı ýchılışesin támamdady. Áskerı qyzmetti Qapshaǵaı qalasy áskerı bóliminiń desanttyq-shabýyldaý vzvodynyń komandıri qyzmetinen bastady.
Ár jyldary Astana qalasy Saryarqa aýdany qorǵanys isteri jónindegi basqarma bastyǵy, Aqmola oblysy qorǵanys isteri jónindegi departament shtabynyń bastyǵy laýazymdarynda qyzmet atqardy.
Osy taǵaıyndaýǵa deıin QR Qarýly kúshteri Bas shtaby uıymdastyrý-jumyldyrý jumystary departamentiniń aǵa ofıtseri qyzmetin atqardy.
Іshki ister mınıstri Erjan Sadenovtyń buıryǵymen Arman Beısenbaev Shymkent qalasy polıtsııa departamenti bastyǵynyń birinshi orynbasary qyzmetine taǵaıyndaldy.
Arman Arýn-Rashıdulynyń ishki ister organdarynda 28 jyldan astam eńbek ótili bar. Jedel qyzmet salasynda ártúrli jaýapty laýazymdardaǵy jumys tájirıbesi mol. Buǵan deıin Shymkent qalasy polıtsııa departamenti bastyǵynyń orynbasary qyzmetin atqardy.
Sonymen qatar Ulyqbek Myltyqov Shymkent qalasy polıtsııa departamenti bastyǵynyń orynbasary qyzmetine taǵaıyndaldy.
Ulyqbek Turǵynulynyń ishki ister organdarynda 28 jyl eńbek ótili bar. Búginge deıin Shymkent qalasy polıtsııa departamentiniń jergilikti polıtsııa qyzmeti basqarmasynyń bastyǵy qyzmetin atqaryp keldi.
«Qazaq ádebıeti» gazetiniń bas redaktory bolyp aqyn, fılologııa ǵylymdarynyń doktory, professor Baýyrjan Jaqyp taǵaıyndaldy.
Baýyrjan Jaqyp - 1963 jyly 1 mamyrda burynǵy Semeı oblysy Abaı aýdany Aqqora aýylynda týǵan. Almaty qalasyndaǵy Qazaq memlekettik ýnıversıtetiniń jýrnalıstıka fakýltetin bitirgen. Eńbek jolyn Qazaq teledıdarynyń ádebı-dramalyq habarlar bas redaktsııasynda, odan keıin «Jalyn» kitap baspasynda redaktor bolyp bastady. Qazaq teledıdarynda qyzmet atqarǵan kezinde «Dıdar» ádebı telealmanahyn, «Halyq qazynasy», «Jyr jazamyn júregimnen», «Suhbat» habarlaryn ázirlep, júrgizdi. «Aıtys» habaryn jasaýǵa qatysty. «Alataý» telearnasy arqyly «Óleń – sózdiń patshasy», «Baspasózge sholý» tsıkldi habarlaryn júrgizdi.
1986 – 2001 jj. ál-Farabı atyndaǵy Qazaq ulttyq ýnıversıtetinde oqytý- shy, stajer-zertteýshi, assıstent, aǵa oqytýshy, dotsent, dekannyń oqý isi jónindegi orynbasary, jýrnalıstik sheberlik jáne ádebı redaktsııalaý kafedrasynyń meńgerýshisi, baspa isi kafedrasynyń, merzimdi baspasóz kafedrasynyń meńgerýshisi, jýrnal- ıstıka fakýltetiniń dekany bolyp istedi. 2009 jyly «Qazaq entsıklopedııasynyń» bas dırektor- bas redaktory boldy.
1994 jyly professor T.S. Amandosovtyń jetekshiligimen «Muhtar Áýezov – pýblıtsıst» atty taqyrypta kandıdattyq dıssertatsııasyn, 2004 jyly akademık Z.Qabdolovtyń jetekshiligimen «Qazaq pýblıtsıstıkasynyń qalyptasý, damý joldary» degen taqyrypta doktorlyq dıssertatsııasyn qorǵady. 1997 jyly dotsent, 2005 jyly professor ǵylymı ataǵyn aldy. 200-den astam ǵylymı eńbektiń avtory.
2015 jyldyń naýryzynan bastap ál-Farabı atyndaǵy Qazaq ulttyq ýnıversıetinde rektordyń keńesshisi – «Ónegeli ómir» serııalyq basylymy bas redaktorynyń orynbasary qyzmetin atqarady.
2018 jyldyń 12 naýryzynda ótken Qazaqstan Jazýshylarynyń HV quryltaıynda Qazaqstan Jazýshylar odaǵy Basqarma Tóraǵasynyń orynbasary bolyp saılandy.
