Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Ótip bara jatqan aptada birqatar kadrlyq aýys-túıis boldy.
Úkimet qaýlysymen Erlan Ermekuly Saǵynaev ulttyq ekonomıka vıtse-mınıstri qyzmetine taǵaıyndaldy.
Ol 1978 jyly Aqmola oblysynda dúnıege kelgen. Soltústik Qazaqstan memlekettik ýnıversıtetin, Soltústik Qazaqstan zań akademııasyn jáne Qaraǵandy memlekettik ýnıversıtetin bitirgen.
Eńbek jolyn 1999 jyly Soltústik Qazaqstan oblysy boıynsha Salyq komıtetinde bastaǵan.
Ár jyldary aýdannyń Salyq komıteti tóraǵasynyń orynbasary, QR Qarjy mınıstrligi Memlekettik kirister komıtetiniń aýmaqtyq departamentteri men ortalyq apparattaryndaǵy salalyq basqarmalar basshysy qyzmetterin atqardy.
2008–2021 jyldary Mańǵystaý, Qaraǵandy, Qostanaı jáne Atyraý oblystary boıynsha salyq departamentteri basshysynyń orynbasary bolyp jumys istedi.
2021 jyldan bastap qazirgi ýaqytqa deıin Qazaqstan Respýblıkasy Ulttyq ekonomıka mınıstrligi Salyq jáne keden saıasaty departamentiniń dırektory qyzmetin atqardy.
Al Sanjar Serikbaıuly Jarkeshov energetıka vıtse-mınıstri qyzmetine taǵaıyndaldy.
Sanjar Jarkeshov 1986 jyly Qaraǵandy oblysy, Atasý aýylynda dúnıege kelgen. «Qarjy» mamandyǵy boıynsha Qazaq ekonomıka, qarjy jáne halyqaralyq saýda ýnıversıtetin jáne AQSh-tyń Ostın qalasyndaǵy Tehas ýnıversıtetin «Munaı jáne gaz ınjeneri» mamandyǵy boıynsha bitirgen.
2008-2010 jj. — Ostın, Tehas (AQSh) qalasynda hımııalyq tehnologııalardy qoldaný arqyly munaı men gazdy óndirýdi jaqsartý boıynsha munaı jáne geojúıelik ınjenerııa ortalyǵynda ǵylymı-zertteý ınjeneri;
2010-2016 jyldary — Kalıfornııa, Kolorado jáne Tehas shtattarynda (AQSh), Atyraý oblysynda ExxonMobil korporatsııasynyń burǵylaý ınjeneri, Irakta burǵylaý boıynsha aǵa ınjener, Reseı Federatsııasynda (Sahalın aralynda) bas burǵylaý ınjeneri, Qaıshaǵandaǵy munaı jáne gazdy keshendi óńdeý jobasynda uńǵymalardy óńdeý jónindegi aǵa joba ınjeneri;
2016-2018 jj. — Shotlandııa, Pert qalasyndaǵy Merlin ERD kásipornynyń ken oryndarynyń jetekshileri men burǵylaý jónindegi jetekshi ınjeneri;
2018-2019 jj. — Kolýmbııa, Oman, Reseı Federatsııasy, Alıaska, AQSh jáne Ulybrıtanııadaǵy jobalar boıynsha McKinsey and Company London keńsesinde basqarý jónindegi keńesshi jáne álemdik munaı-gaz salasynyń sarapshysy;
2019-2020 jyldary — geologııa salasyna jetekshilik etken Qazaqstan Respýblıkasy Ekologııa, geologııa jáne tabıǵı resýrstar vıtse-mınıstri;
2020-2022 jyldary — Naftogaz UGV bas dırektorynyń geologııa jáne ıgerý jónindegi orynbasary — Ýkraınanyń «Naftogaz» ulttyq munaı-gaz kompanııasynyń barlaý jáne óndirý bólimi dırektorynyń orynbasary;
2022 jyldyń aqpan aıynan bastap «QazaqGaz» UK» AQ basqarma tóraǵasynyń m. a.
2022 jyldyń naýryz aıynan 2025 jyldyń mamyr aıyna deıin — QazaqGaz UK AQ basqarma tóraǵasy.
Sondaı-aq, Talǵat Amangeldiuly Momyshev sý resýrstary jáne ırrıgatsııa vıtse-mınıstri qyzmetine taǵaıyndaldy.
Ol 1968 jyly Aqmola oblysynda dúnıege kelgen.
1997–1998 jyldary Jambyl Standarttaý, metrologııa jáne sertıfıkattaý ortalyǵynyń bólim bastyǵy, dırektordyń orynbasary bolyp jumys istedi.
1998–2000 jyldary — Jambyl oblysy ákiminiń apparatynda jalpy bólimniń aǵa referenti jáne ınvestıtsııalar jáne syrtqy ekonomıkalyq baılanystar komıtetiniń tóraǵasy.
2000–2010 jyldary aralyǵynda Qazaqstan Respýblıkasy Indýstrııa jáne saýda mınıstrliginde jumys istedi. «Metrologııa» RMK Almaty fılıalynyń basshysy, «Ulttyq akkredıtteý ortalyǵy» RMK dırektorynyń birinshi orynbasary, Astana qalasy boıynsha «Ulttyq saraptama jáne sertıfıkattaý ortalyǵy» AQ óndiristik basqarmasynyń bastyǵy jáne Tehnıkalyq retteý jáne metrologııa komıteti tóraǵasynyń orynbasary qyzmetin atqardy.
2010–2014 jyldary — QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıteti tóraǵasynyń orynbasary, QR Munaı jáne gaz mınıstrligi Munaı-gaz keshenindegi memlekettik ınspektsııa komıtetiniń tóraǵasy.
2014 — 2016 jyldary — QR Energetıka mınıstrligi Munaı-gaz keshenindegi Ekologııalyq retteý, baqylaý jáne memlekettik ınspektsııa komıtetiniń tóraǵasy.
2016–2018 jyldary — QR Prezıdenti Ákimshiliginiń Memlekettik baqylaý jáne uıymdastyrý-aýmaqtyq jumys bóliminiń memlekettik ınspektory.
2018–2019 jyldary — Jambyl oblysy ákiminiń orynbasary.
2019 jyldan 2021 jylǵa deıin QR Energetıka mınıstrligi jaýapty hatshy jáne apparat basshysy bolyp qyzmet etti.
2021–2023 jyldary — QR ekologııa, geologııa jáne tabıǵı resýrstar vıtse-mınıstri.
2023–2024 jyldary — QR Saýda jáne ıntegratsııa mınıstrligi «Ulttyq akkredıtteý ortalyǵy» RMK bas dırektory.
2024 jylǵy shildeden bastap qazirgi ýaqytqa deıin Eýrazııalyq ekonomıkalyq komıssııanyń Tehnıkalyq retteý jáne akkredıtteý departamenti dırektory bolyp jumys istedi.
Apta aıaǵynda «Báıterek» holdıngi quramyndaǵy jeke kompanııa — Kazakh Tourism Development (KTD) Bas atqarýshy dırektor qyzmetine Erjan Erkinbaev taǵaıyndaldy.
Kazakh Tourism Development kompanııasy elimizdiń basym týrıstik baǵyttarynyń biri — Almaty taý-ken klasterin damytýdyń keshendi baǵdarlamasyn iske asyrý úshin qurylǵan jobalyq keńse bolyp tabylady.
Erjan Erkinbaev Qazaq Memlekettik Zań akademııasyn, Halyqaralyq bıznes akademııasyn támamdaǵan, sondaı-aq Parıj bıznes mektebiniń MBA dárejesine ıe.
Onyń týrızm jáne memlekettik basqarý salasynda tájirıbesi mol. Buǵan deıin QR Týrızm jáne sport vıtse-mınıstri qyzmetin atqarǵan.
Pavlodar oblysynda aýyl sharýashylyǵy basqarmasyna Ádil Isın basshy boldy.
Ádil Bolatuly 1992 jyly týǵan. «Orman resýrstary jáne orman sharýashylyǵy», sondaı-aq «Ekonomıka» mamandyqtary boıynsha eki joǵary bilimi bar.
Eńbek jolyn 2015 jyly Pavlodar oblystyq orman sharýashylyǵy jáne janýarlar dúnıesi aýmaqtyq ınspektsııasynda jetekshi maman qyzmetinen bastady. 2016 jyldan 2018 jylǵa deıin osy ınspektsııada bas maman bolyp qyzmet atqardy.
2018-2020 jyldar aralyǵynda Pavlodar qalasynyń kásipkerlik jáne aýyl sharýashylyǵy bóliminde bas maman, kásipkerlikti damytý sektorynyń meńgerýshisi laýazymdarynda eńbek etti.
2020-2024 jyldary Ertis aýdany men Ekibastuz qalasynyń jer qatynastary bólimderin basqardy.
2024 jyldyń basynan osy laýazymǵa taǵaıyndalǵanǵa deıin QR Aýyl sharýashylyǵy mınıstrliginiń agroónerkásiptik keshendegi memlekettik ınspektsııa komıtetiniń Pavlodar oblystyq aýmaqtyq ınspektsııasy basshysynyń orynbasary qyzmetin atqardy.
Qaraǵandy oblysynyń Bilim basqarmasyn Dýlat Shaıkenuly Jekebaev basqaratyn boldy.
Ol ár jyldary bilim berý júıesinde birqatar jaýapty laýazymdardy atqardy: Osakarov aýdanynyń bilim bólimin basqardy, Osakarov aýdany ákiminiń orynbasary boldy, Qaraǵandy qalasynyń bilim bólimine jetekshilik etti. Sonymen qatar Qaraǵandy oblysy men Astana qalasynyń Bilim basqarmalarynda basshynyń orynbasary qyzmetin atqarǵan.
2019–2025 jyldary QR Oqý-aǵartý mınıstrliginiń ortalyq apparatynda jumys istedi. Bul kezeńde ol komıtet tóraǵasynyń orynbasary, mınıstrlik apparatynyń jetekshisi boldy. Sońǵy qyzmetinde Qazaqstan Respýblıkasy Oqý-aǵartý mınıstrliginiń Orta bilim komıteti tóraǵasynyń orynbasary laýazymyn atqardy.
Temirtaý ákiminiń áleýmettik máseleler jónindegi orynbasary qyzmetine Raýan Azamatuly Taran taǵaıyndaldy.
Raýan Azamatuly 1992 jyly Qaraǵandy oblysynda týǵan, eki joǵary bilimi bar.
Qaraǵandy memlekettik tehnıkalyq ýnıversıteti (2013 jyl, kásibı oqytý), Qaztutynýodaǵy Qaraǵandy ekonomıkalyq ýnıversıteti (2018 jyl, ıýrısprýdentsııa, ekonomıkany quqyqtyq retteý).
Memlekettik qyzmet ótili — 8 jyldan astam.
2013 jyldan bastap Qaraǵandy oblysynda jastar saıasaty salasynda eńbek etti: ınspektor, bólim meńgerýshisi, bas maman, bólim jáne basqarma basshysy qyzmetterin atqardy.
2022–2023 jyldary Qaraǵandy oblysynyń jastar saıasaty máseleleri basqarmasyn basqardy.
2023 jyldan beri Temirtaý qalasy ákiminiń apparatynyń basshysy qyzmetin atqardy.
Qyzylorda oblysyndaǵy «Baıqońyr» áleýmettik-kásipkerlik korporatsııasy» aktsıonerlik qoǵamynyń basqarma tóraǵasy qyzmetine Berdibaev Erlan Qulahmetuly taǵaıyndaldy
Erlan Berdibaev Qyzylorda qalasynda dúnıege kelgen. Eńbek jolyn 1984 jyly Jańaqorǵan aýdandyq qarjy bóliminiń memlekettik kirister ınspektory retinde bastaǵan.
1986-1987 jyldary Jańaqorǵan aýdandyq qarjy bóliminiń memlekettik kirister ekonomısi, 1987-1989 jyldary Jańaqorǵan aýdanynyń Keńes aýylynda № 239 orta mektep muǵalimi, 1989-1992 jyldary Jańaqorǵan aýdanynyń «Talap» keńsharynyń aǵa ekonomısi, 1992-1996 jyldary Jańaqorǵan aýdany ákimshiligi janyndaǵy ekonomıkalyq komıtettiń bólim meńgerýshisi, qarjy baqylaý komıtetiniń aǵa baqylaýshysy, tekserýshisi qyzmetterin atqarǵan.
1996-1998 jyldary Qyzylorda oblystyq qarjy komıtetinde, 1998-2009 jyldary oblystyq salyq polıtsııasynda eńbek etken.
2010-2014 jyldary «Bolashaq-Shıeli» oqý ortalyǵynyń dırektory jáne geologııalyq zertteý ekspedıtsııasynyń № 23 ýchaske bastyǵy laýazymdaryn atqarǵan.
2014-2015 jyldary qalalyq turǵyn úı ınspektsııasy bólimi basshysy, 2015-2017 jyldary qalalyq turǵyn úı kommýnaldyq sharýashylyq jáne turǵyn úı ınspektsııasy bólimi basshysy, 2017-2019 jyldary Qyzylorda oblysynyń memlekettik sáýlet-qurylys baqylaý basqarmasy ákimshilik -quqyqtyq jumystar bóliminiń basshysy boldy.
2019- 2020 jyldary qala ákiminiń orynbasary, 2020 jyldan osy kezge deıin Qarjy mınıstrligi Memlekettik múlik jáne jekeshelendirý komıteti Kyzylorda memlekettik múlik jáne jekeshelendirý departamentiniń basshysy laýazymyn atqaryp keldi.