Elimizde apta ishinde bolǵan kadrlyq taǵaıyndaýlar
ASTANA. KAZINFORM — Osy aptada elimizde birqatar kadrlyq aýys-túıis boldy.
18 maýsymda Ernar Jarkeshov Aqmola oblysy ákiminiń orynbasary bolyp taǵaıyndaldy.
Ernar Serikbaıuly AQSh-taǵy Garvard ýnıversıtetin, Dj. Kennedı atyndaǵy Joǵary memlekettik basqarý mektebin, Sıngapýr Ulttyq Ýnıversıteti Lı Kýan ıÝ atyndaǵy Joǵary memlekettik saıasat mektebin, Ulybrıtanııadaǵy Bırmıngem Ýnıversıtetin jáne Qazaq ekonomıka, qarjy jáne halyqaralyq saýda ýnıversıtetin támámdaǵan.
Eńbek jolyn QR Prezıdent Ákimshiligi memlekettik baqylaý jáne uıymdastyrý-kadr jumysy bóliminde taǵylymger retinde bastaǵan.
Sıngapýr Ulttyq Ýnıversıteti Lı Kýan ıÝ atyndaǵy Joǵary memlekettik saıasat mektebinde assıstent-zertteýshi bolyp jumysyn jalǵastyrǵan.
2011-2017 jyldar aralyǵynda QR Ekonomıkalyq damý jáne saýda mınıstrligi qurylymdarynda bas maman, QR Prezıdenti janyndaǵy Memlekettik basqarý akademııasy ǵylymı-zertteý ınstıtýty dırektorynyń orynbasary, dırektory, Birikken Ulttar Uıymy Damý Baǵdarlamasynyń Qazaqstandaǵy keńsesinde jobalar portfeliniń jetekshisi bolyp jumys istegen.
2017-2023 jyldar aralyǵynda Qazaqstandyq iri jekemenshik konsaltıng kompanııasynyń bas dırektory, Birikken Arab Ámirlikterinde Whiteshield Partners halyqaralyq konsaltıng kompanııasynyń Eýrazııa elderi boıynsha dırektory jáne bızneste basshy qyzmetterin atqarǵan.
QR, BAÁ jáne TMD elderinde ekonomıkalyq jáne ınvestıtsııalyq saıasat, memlekettik basqarý jáne memlekettik qyzmet salasyndaǵy reformalardy iske asyrýǵa qatysty.
2024 jyldyń aqpan aıynan bastap jańa qyzmetke taǵaıyndalǵanǵa deıin Senat tóraǵasynyń keńesshisi (shtattan tys) boldy.
19 maýsymda Arman Qasenov Ulttyq ekonomıka vıtse-mınıstri bolyp taǵaıyndaldy.
Arman Qasenov 1981 jyly Almaty qalasynda dúnıege kelgen.
Ál-Farabı atyndaǵy Qazaq ulttyq ýnıversıtetin «Halyqaralyq ekonomıkalyq qatynastar» mamandyǵy boıynsha bitirgen. London bıznes mektebinde (Ulybrıtanııa) «qarjy» mamandyǵy boıynsha magıstratýrany támamdady.
Kembrıdj ýnıversıtetiniń Eurasia Business Executive & Leadership Programme Judge Business School basshylarǵa arnalǵan baǵdarlamasyn aıaqtady.
Eńbek jolyn 2002 jyly qarjy sektorynda bastaǵan.
Qarjy, ınvestıtsııalyq jobalar jáne bıznes salasynda basshylyq laýazymdarda 20 jyldyq tájirıbesi bar.
2009 jyldan bastap Qazaqstannyń iri jekemenshik jáne memlekettik qarjy ınstıtýttarynda dırektorlar keńesiniń múshesi jáne basqarma múshesi laýazymdaryn atqardy.
2023 jyldan qazirge deıin — «Qazaqstan Investment Corporation» AQ basqarma tóraǵasynyń orynbasary.
20 maýsymda Altaı Kúzdibaev Qazaqstan turǵyn úı kompanııasyn basshysy bolyp taǵaıyndaldy.
Altaı Kúzdibaev 1985 jyly týǵan.
«Halyqaralyq ekonomıka» mamandyǵy boıynsha M. V. Lomonosov atyndaǵy MMÝ támamdaǵan.
Menedjment magıstri dárejesi bar.
Eńbek jolyn 2008 jyly «Qazaqstan Halyq Banki» AQ-da bastap, 2009-2012 jyldary «Birinshi kredıttik bıýro» JShS-de jumys istedi.
2012 jylǵy qarashadan 2013 jylǵa deıin Ulttyq banktiń enshiles uıymy — «Memlekettik kredıttik bıýro» AQ basqarma tóraǵasynyń orynbasary laýazymyn atqardy.
2013 jylǵy qarashadan 2020 jylǵy tamyzǵa deıin «Báıterek» UBH» AQ enshiles uıymy «Báıterek development» AQ basqarma tóraǵasynyń orynbasary qyzmetinde boldy.
«Báıterek» UBH» AQ-nyń turǵyn úı blogi biriktirilip, «Báıterek development» AQ, «Turǵyn úı qurylysyna kepildik berý qory» AQ «Qazaqstan Ipotekalyq Kompanııasy» IU» AQ-ǵa qosylǵannan keıin Altaı Kúzdibaev «Qazaqstan turǵyn úı kompanııasy» AQ basqarma tóraǵasynyń orynbasary laýazymyna aýystyryldy.
20 maýsymda Nurlan Noǵaev Qazaqstannyń Túrikmenstandaǵy elshisi bolyp taǵaıyndaldy.
Nurlan Asqaruly Noǵaev 1967 jyly týǵan.
Bilimi joǵary, I.Gýbkın atyndaǵy Máskeý memlekettik munaı jáne gaz akademııasyn, Qazaq memlekettik basqarý akademııasyn, Reseı Halyqaralyq qatynastar ýnıversıteti Máskeý memlekettik ınstıtýtyn taý-ken ınjeneri, ekonomıst, halyqaralyq qatynastar mamany, ákimshilik iskerlik jónindegi sheber mamandyqtary boıynsha bitirip shyqqan.
Eńbek jolyn Aqtóbe oblysy, Qandyaǵash stantsııasynda elektr sheberi bolyp bastaǵan.
1993-1995 j. j. — Máskeý qalasyndaǵy «Gılı- Pasker» JShS-de munaı ónimderi jónindegi aǵa sarapshy, bólim bastyǵy, bas dırektor.
1995-1996 j. j. — Almaty qalasyndaǵy «Otrar Ltd» shaǵyn kásiporny bas dırektorynyń orynbasary.
1996-2006 j.j — «Qazaqtúrikmunaı» JShS-da ınjener, bas dırektor.
2006 jyldyń aqpan aıynan tamyz aıyna deıin — «QazMunaıGaz Ulttyq kompanııasy» AQ-nyń atqarýshy dırektory.
2006 jyldyń tamyz aıynan QR Energetıka jáne mıneraldy resýrstar mınıstrligi munaı ónerkásibi departamentiniń dırektory bolyp istegen.
2007 jyldyń qyrkúıeginen 2010 jyldyń sáýir aıyna deıin — Batys Qazaqstan oblysy ákiminiń orynbasary.
2010 jyldyń sáýir aıynan 2012 jyldyń qańtaryna deıin- oblys ákiminiń birinshi orynbasary.
2012 jyldyń 20 qańtarynda Memleket basshysynyń Jarlyǵymen Batys Qazaqstan oblysynyń ákimi bolyp taǵaıyndaldy.
2016 jyldyń 26 naýryzynan Atyraý oblysynyń ákimi.
2019 jyldyń 18 jeltoqsanynan QR Energetıka mınıstri bolyp qyzmet istedi.
2021 jyldyń 7 qyrkúıeginde Mańǵystaý oblysynyń ákimi bolyp taǵaıyndalǵan.
2024 jyldyń 16 mamyrynda Memleket basshysynyń jarlyǵymen qyzmetinen bosatyldy.
2010 jyly «Qurmet ordenimen marapattalǵan.
20 maýsym kúni Azamat Ábdiraımov Qazaqstannyń Fınlıandııadaǵy elshisi boldy.
Azamat Sábıtuly 1983 jyly 15 qańtarda Almaty qalasynda dúnıege kelgen.
2003 jyly Qazaq gýmanıtarlyq zań ýnıversıtetin «quqyqtaný» mamandyǵy boıynsha bitirgen,
2005 jyly halyqaralyq qatynastar magıstri retinde Qazaqstan Respýblıkasy Syrtqy ister mınıstrliginiń Dıplomatııalyq Akademııasynda bilim alǵan.
Eńbek jolyn 2005 jyly QR SІM TMD isteri departamentiniń úshinshi hatshysy bolyp bastady.
Odan ári osy departamentte ekinshi hatshy laýazymynda jumys istedi.
2007 jyly Italııa Respýblıkasyndaǵy QR Elshiligine úshinshi hatshy retinde jiberildi. 2009-2011 jyldar aralyǵynda QR SІM TMD departamentinde birinshi hatshy bolyp jumys istedi.
2010-2011 jyldary — QR Qaýipsizdik Keńesiniń taldaý bóliminiń sarapshysy, sektor meńgerýshisi boldy. 2011-2015 jyldary — Ispanııa Koroldigindegi QR Elshiliginiń birinshi hatshysy retinde jiberilip, onda keńesshi laýazymyna deıin kóterildi.
2015-2016 jyldary QR SІM EKSPO-2017 Hatshylyǵy basshysynyń orynbasary boldy.
2016-2018 jyldary — QR SІM EKSPO-2017 hatshylyǵynyń basshysy qyzmetin atqarǵan.
2018 jyly Kanadadaǵy QR Elshiliginiń keńesshi-ýákili qyzmetin atqardy.
2019-2023 jyldary San-Frantsısko qalasynda (AQSh) Qazaqstan Respýblıkasynyń Bas konsýly boldy. Qazaqstannyń Fınlıandııadaǵy Elshisi laýazymyna taǵaıyndalǵanǵa deıin 2023 jylǵy qazannan bastap QR SІM Memlekettik protokol qyzmeti basshysynyń orynbasary bolǵan.
І synypty Keńesshi dıplomatııalyq dárejesi bar. Ispan, aǵylshyn jáne ıtalıan tilderin meńgergen.
