Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Elimizde osy apta ishinde birtalaı saıası kadrlyq aýys-túıis boldy.
Aptanyń alǵashqy kúni Abzal Rahymbaev Qaraǵandy oblysy boıynsha Saýda jáne tutynýshylar quqyqtaryn qorǵaý departamentiniń basshysy bolyp taǵaıyndaldy.
Abzal Rahymbaev memlekettik qyzmette 2010 jyldan beri eńbek etip keledi.
Ol Qaraǵandy qalasynyń Kásipkerlik bóliminde ekonomıkanyń naqty sektory boıynsha bas maman, keıin osy bólimniń áleýmettik-ekonomıkalyq damý sektorynyń meńgerýshisi qyzmetterin atqarǵan. Ár jyldary Qaraǵandy qalasynyń Kásipkerlik jáne ónerkásip bólimi men Kásipkerlik jáne aýyl sharýashylyǵy bólimin basqardy. Sondaı-aq qala ákiminiń orynbasary, Qaraǵandy oblysynyń Kásipkerlik basqarmasy basshysynyń orynbasary boldy.
2025 jyldyń shilde aıynan jańa qyzmetke taǵaıyndalǵanǵa deıin Qaraǵandy oblysynyń Kásipkerlik jáne ónerkásip basqarmasy basshysynyń orynbasary qyzmetin atqardy.
22 qyrkúıekte Qazaqstan Respýblıkasy Prezıdenti Ákimshiliginiń kelisimimen jáne qala ákiminiń ókimimen Shymkent qalasy ákiminiń orynbasary laýazymyna Berik Berkimbaev taǵaıyndaldy.
Berik Serikuly 1980 jyldyń 1 aqpanynda Shymkent qalasynda týǵan, qazaq, bilimi joǵary.
Qazaq memlekettik zań akademııasyn jáne Sheffıld ýnıversıtetin (Ulybrıtanııa) bitirgen, mamandyǵy boıynsha biliktiligi — quqyqtaný, memlekettik basqarý jáne memlekettik saıasat.
Eńbek jolyn 2001 jyly Prokýratýra organdarynda bastady.
2010-2022 jyldar aralyǵynda Qazaqstan Respýblıkasy Joǵarǵy Sotynyń jáne Ádilet mınıstrliginiń qurylymynda basshylyq qyzmetter atqardy.
2022-2023 jyldary Qazaqstan Respýblıkasy Memlekettik qyzmet isteri agenttigi tóraǵasynyń orynbasary, Qazaqstan Respýblıkasy Prezıdenti Ákimshiligi Basshysy hatshylyǵynyń meńgerýshisi boldy.
Seısenbi kúni Pavlodar oblys ákiminiń ókimimen óńirlik din isteri basqarmasynyń basshysy bolyp Nurlan Baıbákirov taǵaıyndaldy.
Nurlan Jumabekuly 1979 jyly Maı aýdanynda dúnıege kelgen. Pavlodar memlekettik ýnıversıtetin «Tarıh muǵalimi» jáne Innovatsııalyq Eýrazııa ýnıversıtetin «Memlekettik basqarý» mamandyqtary boıynsha támamdaǵan.
Eńbek jolyn 1995 jyly Maı aýdanynda muǵalim bolyp bastaǵan. Ár jyldary Pavlodarteleradıoda sholýshy retinde jáne Pavlodar oblysynyń tilderdi damytý basqarmasynda jumys istedi. Oblys ákiminiń apparatynda jáne Aqsý qalasy ákiminiń apparatynda qyzmet atqardy, mádenıet, jumyspen qamtý, ishki saıasat jáne dene shynyqtyrý bólimderin basqardy.
Aqsý qalasynyń Dostyq aýyldyq okrýginiń ákimi, Aqsý qalasy ákimi apparatynyń basshysy jáne ákim orynbasary bolyp eńbek etti. 2023 jyldan Pavlodar oblysynyń din isteri basqarmasynda bólim basshysy qyzmetin atqardy.
Araǵa 2 kún salyp, Aqorda Baqytjan Sapıev Prezıdenttiń keńesshisi bolǵanyn habarlady.
Bilimi:
1988 j. – Qazaq aýyl sharýashylyǵy ınstıtýty;
1999 j. – Qazaq memlekettik basqarý akademııasy;
2006 j. – Ekonomıka jáne quqyq akademııasy.
Ekonomıka ǵylymdarynyń kandıdaty.
Eńbek joly:
1988-1992 jj. – Qazaq aýyl sharýashylyǵy ınstıtýtynyń «Elektr jáne jylý energııasyn aýyl sharýashylyǵynda qoldaný» kafedrasynda laborant, assıstent, aǵa oqytýshy;
1992-1993 jj. – Almaty q. Alataý aýdandyq ákimshiliginiń qurylys bóliminde maman, bas maman;
1993-1997 jj. – Almaty q. Alataý aýdandyq ákimshiliginiń ekologııalyq ınspektsııasy bóliminiń bastyǵy;
1997–1998 jj. – Almaty q. Áýezov aýdany ákimi apparatynyń ekologo-sanıtarlyq ınspektsııasy bóliminiń bastyǵy;
1998-2008 jj. – Almaty q. Bostandyq aýdany ákiminiń orynbasary;
2008-2012 jj. – Almaty qalasy ákimi apparatynyń kásipkerlik jáne ónerkásip basqarmasynyń bastyǵy;
2018-2019 jj. – Investıtsııalar jáne damý mınıstrliginiń Tehnıkalyq retteý jáne metrologııa komıtetiniń Astana qalasy boıynsha departamentiniń basshysy – memlekettik baqylaý jónindegi bas memlekettik ınspektor;
2019-2020 jj. – Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıteti tóraǵasynyń orynbasary;
2020-2023 jj. – QR Prezıdenti Ákimshiliginiń Memlekettik baqylaý jáne uıymdastyrýshylyq-aýmaqtyq jumys bóliminde memlekettik ınspektor, bólim meńgerýshisiniń orynbasary;
2023 jylǵy 22 qyrkúıekten – QR Prezıdenti Ákimshiliginiń Memlekettik baqylaý bóliminiń meńgerýshisi.
Al eń kóp aýys-túıis jumys aptasynyń sońynda boldy. Eń áýeli Murat Nurtileý Prezıdenttiń halyqaralyq ınvestıtsııa jáne saýda yntymaqtastyǵy jónindegi kómekshisi bolyp taǵaıyndaldy.
Murat Nurtileýdiń eńbek joly:
QR SІM Memlekettik protokol qyzmetiniń referenti, attashe (1998 j)
QR Malaızııadaǵy Elshiliginiń attashesi (1999-2003 jj)
QR SІM Azııa jáne Afrıka departamentiniń ekinshi hatshysy (2003-2004 jj)
QR Syrtqy ister mınıstriniń keńesshisi (2004-2006 jj)
QR Syrtqy ister mınıstri hatshylyǵynyń basshysy (2007 j)
QR Parlamenti Senaty Apparaty basshysynyń orynbasary; Apparat basshysy (2007-2011 jj)
QR Syrtqy ister mınıstrliginiń Erekshe tapsyrmalar jónindegi elshisi (2011 j)
QR SІM Azııa jáne Afrıka departamentiniń dırektory (2011 j)
QR Jenevadaǵy (Shveıtsarııa Konfederatsııasy) turaqty ókildiginde keńesshi-ýákili (2011-2014 jj)
QR Prezıdenti Ákimshiliginiń Syrtqy saıasat ortalyǵy meńgerýshisiniń orynbasary (2014-2016 jj)
QR Fınlıandııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Estonııadaǵy Tótenshe jáne Ókiletti Elshisi (2016-2019 jj)
QR Prezıdentiniń kómekshisi (2019-2021 jj)
QR Prezıdenti Ákimshiligi Basshysynyń orynbasary (2021-2022 jj)
QR Ulttyq qaýipsizdik komıteti tóraǵasynyń birinshi orynbasary (2022 j)
QR Ákimshiliginiń Basshysy (2022-2023 j)
QR Prezıdentiniń Jarlyǵymen QR Premer-Mınıstriniń orynbasary — syrtqy ister mınıstri (2023 j. 3 sáýir)
QR Prezıdentiniń Jarlyǵymen QR Premer-Mınıstriniń orynbasary — syrtqy ister mınıstri (2024 jylǵy 6 aqpan).
Artynsha Ermek Kósherbaev Qazaqstan Respýblıkasynyń Syrtqy ister mınıstri bolyp taǵaıyndaldy.
Ermek Kósherbaevtyń eńbek joly:
Qazaq KSR Syrtqy ister mınıstrliginiń qupııa qujattardy basqarý jónindegi aǵa ınspektory (08.1988-09.1988 jj);
Qazaq KSR Syrtqy ister mınıstriniń kómekshisi (09.1988-10.1989 jj);
Qazaq KSR Syrtqy ister mınıstrliginiń baspasóz jáne aqparat bóliminiń birinshi hatshysy (11.1989-06.1990 jj);
Qazaq KSR Syrtqy ister mınıstrliginiń konsýldyq bóliminiń birinshi hatshysy (06.1990-09.1991 jj);
Qazaqstan Syrtqy ister mınıstrliginiń Azııa elderi basqarmasynyń birinshi hatshysy (05.1993-08.1993 jj);
Qazaqstan Syrtqy ister mınıstrliginiń Memlekettik protokol basqarmasynyń birinshi hatshysy (08.1993-12.1993 jj);
Qazaqstan Syrtqy ister mınıstrliginiń Memlekettik protokol basqarmasy bóliminiń meńgerýshisi (12.1993-06.1994 jj);
Qazaqstan Prezıdenti Apparatynyń halyqaralyq bóliminiń keńesshisi (06.1994-01.1996 jj);
Qazaqstan Prezıdentiniń Protokol qyzmeti basshysynyń mindetin atqarýshy (01.1996-04.1996 jj);
Qazaqstan Respýblıkasynyń Shveıtsarııa Konfederatsııasyndaǵy Elshiliginiń birinshi hatshysy, Bern qalasy (04.1996-08.1997 jj);
Almaty qalasyndaǵy kópjaqty yntymaqtastyq departamentiniń Azııalyq qaýipsizdik bólimi bastyǵy (08.1997-10.1997 jj);
Qazaqstan Respýblıkasy Premer-Mınıstriniń kómekshisi (10.1997-11.1999 jj);
«Nursultan Nazarbaev Bilim qory» qoǵamdyq qorynyń kommertsııalyq jáne jalpy máseleler jónindegi dırektor orynbasary (01.2000-05.2000 jj);
«Nursultan Nazarbaev Bilim qory» qoǵamdyq qorynyń birinshi dırektor orynbasary (05.2000-10.2000 jj);
«QazTransOıl» munaı tasymaldaý ulttyq kompanııasynyń baspasóz qyzmetiniń jetekshisi (10.2000-01.2001 jj);
«QazTransOıl» munaı tasymaldaý ulttyq kompanııasy prezıdentiniń apparat jetekshisi (01.2001-06.2001 jj);
«Munaı jáne gaz tasymaly» ulttyq kompanııasynyń apparat jetekshisi (06.2001-03.2002 jj);
«QazMunaıGaz» ulttyq kompanııasy prezıdentiniń apparat jetekshisi (03.2002-01.2003 jj);
«QazMunaıGaz» ulttyq kompanııasynyń birinshi vıtse-prezıdentiniń keńesshisi (01.2003-03.2003 jj);
«QazMunaıGaz» ulttyq kompanııasy prezıdentiniń apparat jetekshisi (03.2003-12.2003 jj);
«Raýan Medıa Grýpp» AQ bas dırektory (12.2003-05.2004 jj);
«Otan» respýblıkalyq saıası partııasy ortalyq apparatynyń birinshi jetekshisiniń orynbasary (05.2004-08.2004 jj);
«QazMunaıGaz» ulttyq kompanııasy prezıdentiniń apparat jetekshisi (08.2004-04.2005 jj);
«Atameken» kásipkerler jáne jumys berýshiler ulttyq odaǵy» zańdy tulǵalar birlestiginiń birinshi atqarýshy dırektory (04.2005-05.2006 jj);
«Otan» respýblıkalyq saıası partııasynyń ortalyq apparatynyń jetekshisi (05.2006-02.2007 jj);
«Búrkit» qarjy-ónerkásip toby» JShS dırektory, Astana qalasy (02.2007-07.2007 jj);
Qazaqstan munaı-gaz jáne energetıka kesheni uıymdary qaýymdastyǵy «KazEnergy» atqarýshy dırektory, Astana qalasy (11.2007-04.2008 jj);
«Raýan Medıa Grýpp» AQ bas prodıýseri, Astana qalasy (04.2008-05.2008 jj);
«Raýan Medıa Grýpp» AQ bas dırektory, Astana qalasy (05.2008-02.2009 jj);
«Ertis» áleýmettik-kásipkerlik korporatsııasy» ulttyq kompanııasy basqarma tóraǵasy, Semeı qalasy (02.2009-07.2010 jj);
Shyǵys Qazaqstan oblysy ákiminiń orynbasary mindetin atqarýshy (07.2010-09.2010 jj);
Shyǵys Qazaqstan oblysy ákiminiń orynbasary (09.2010-10.2012 jj);
Shyǵys Qazaqstan oblysy ákiminiń birinshi orynbasary (10.2012-12.2014 jj);
Qazaqstan Aýyl sharýashylyǵy vıtse-mınıstri (12.2014-10.2016 jj);
Aýyl sharýashylyǵy mınıstrliginiń jaýapty hatshysy (10.2016-05.2018 jj);
Qazaqstan Syrtqy ister mınıstrliginiń jaýapty hatshysy (05.2018-01.2019 jj);
Syrtqy ister mınıstriniń orynbasary (01.2019-01.2020 jj);
Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi (01.2020-16.06.2023 jj);
Shyǵys Qazaqstan oblysynyń ákimi (16.06.2023-14.02.2025);
Premer-mınıstrdiń orynbasary boldy 14.02.25-26.09.2025.
Al Erjan Ashyqbaev Amerıka Qurama Shtattaryndaǵy Tótenshe jáne ókiletti elshisi laýazymynan bosatyldy.
Erjan Nıgmatollaulynyń bilimi: 1998 jyly Ál-Farabı atyndaǵy Qazaq memlekettik ulttyq ýnıversıtetin bitirgen, halyqaralyq qatynastar salasynyń mamany, eki shet tilin meńgergen referent-eltanýshy.
2012 jyly Garvard ýnıversıtetiniń Dj. F. Kennedı atyndaǵy Memlekettik basqarý mektebi magıstratýrasynyń memlekettik basqarý mamandyǵyn bitirgen, «Bolashaq» baǵdarlamasynyń stıpendıaty.
1998-1999 jyldary Qazaqstan Respýblıkasy Syrtqy ister mınıstrligi Tórtinshi departamentiniń Azııa, Taıaý Shyǵys jáne Afrıka basqarmasynyń referenti.
Aǵylshyn, túrik jáne frantsýz tilderin meńgergen.
І-synypty Keńesshi dıplomatııalyq dárejesi bar.
1999-2001 jyldary Qazaqstan Respýblıkasy Syrtqy ister mınıstrligi Halyqaralyq ekonomıkalyq yntymaqtastyq departamentiniń attashesi, úshinshi, ekinshi hatshysy. 2001-2002 jyldary Qazaqstan Respýblıkasy Syrtqy ister mınıstrligi Ekonomıkalyq saıasat departamentiniń Eýropa jáne Amerıka elderimen ekonomıkalyq yntymaqtastyq bóliminiń bastyǵy.
2002-2005 jyldary Qazaqstan Respýblıkasynyń Belgııa Koroldigindegi Elshiliginiń birinshi hatshysy. 2005 jylǵy naýryzdan maýsymǵa deıin Qazaqstan Respýblıkasy Syrtqy ister mınıstrligi Halyqaralyq gýmanıtarlyq jáne ekonomıkalyq yntymaqtastyq departamenti dırektorynyń orynbasary.
2005-2007 jyldary Qazaqstan Respýblıkasy Syrtqy ister mınıstri Keńsesiniń jetekshisi. 2007-2009 jyldary Qazaqstan Respýblıkasy Syrtqy ister mınıstrligi Halyqaralyq aqparat komıtetiniń tóraǵasy.
2009-2011 jyldary Erekshe tapsyrmalar jónindegi elshi - Qazaqstan Respýblıkasy Syrtqy ister mınıstriniń keńesshisi. 2012 jylǵy qyrkúıekten qazanǵa deıin Qazaqstan Respýblıkasy Premer-Mınıstr Keńsesi Basshysynyń orynbasary.
2012-2013 jyldary Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi.
2013 jylǵy jeltoqsannan Qazaqstan Respýblıkasy Syrtqy ister mınıstriniń orynbasary.
2021 jyldan beri Qazaqstan Respýblıkasynyń Amerıka Qurama Shtattaryndaǵy Tótenshe jáne ókiletti elshisi.
Osy aptadaǵy kadrlyq aýys-túıis Saltanat Tompıevanyń jańa qyzmetimen túıindeldi. Ol IKAO Assambleıasy 42-sessııasynyń Ákimshilik komıssııasy tóraǵasynyń orynbasary bolyp saılandy.
Eske sala keteıik, buǵan deıin ótken aptada bolǵan kadrlyq taǵaıyndaýlardyń tizbegin jarııalaǵan edik.