Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Elimizde osy apta ishinde birqatar kadrlyq aýys-túıis boldy.
Memleket basshysynyń Jarlyǵymen Ásel Jubanyshqyzy Janasova Qazaqstan Respýblıkasy Prezıdentiniń Ákimshiligi Basshysynyń orynbasary bolyp taǵaıyndaldy.
Ásel Janasova 1987 jyly Almaty qalasynda týǵan. Kembrıdj ýnıversıtetin bitirgen.
Eńbek jolyn 2010 jyly «ENRC Kazakhstan» óndiristi avtomattandyrý jáne baılanys departamentiniń aqparattyq tehnologııalar jónindegi mamany bolyp bastady.
2016-2017 jyldary — «Zerde» UBH» AQ basqarma tóraıymy.
2018-2020 jyldary — «Astana» halyqaralyq qarjy ortalyǵynyń tsıfrlyq tehnologııalar jónindegi basqarýshy dırektory.
2020-2022 jyldary QR saýda jáne ıntegratsııa vıtse-mınıstri boldy.
2022-2025 jyldar «Qazposhta» AQ basqarma tóraǵasy laýazymyn atqardy.
2025 jyldyń 8 maýsymynan bastap Prezıdent keńesshisi qyzmetin atqardy.
Osy aptada Aıbek Smadııarov QR Syrtqy ister mınıstrliginiń Halyqaralyq aqparat komıtetiniń tóraǵasy – Resmı ókili qyzmetinen ketti.
Aıbek Smadııarov II synypty Tótenshe jáne Ókiletti Ýákil dıplomatııalyq dárejege ıe. Qazaq, orys, aǵylshyn jáne túrik tilderin meńgergen. Ol 1983 jylǵy 7 shildede Ońtústik Qazaqstan oblysynda dúnıege kelgen. 2004 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetin bitirgen.
Eńbek jolyn 2005 jyly «Qazaqstandaǵy Qytaı banki» AQ Ákimshilik departamentiniń mamany retinde bastaǵan. 2006 jyldan 2008 jylǵa deıin QR Syrtqy ister mınıstrligi Konsýldyq qyzmet departamentiniń mamany retinde qyzmet atqardy.
2008-2010 jyldary QR SІM Eýropa departamentiniń attashesi jáne úshinshi hatshysy laýazymdarynda jumys istedi.
2010-2012 jyldar aralyǵynda Qazaqstannyń Majarstandaǵy Elshiliginde úshinshi hatshy qyzmetin atqardy.
2012 jyldan 2013 jylǵa deıin QR Prezıdentiniń Baspasóz qyzmetinde sarapshy, al 2013-2014 jyldary QR SІM Syrtqy saıası saraptaý men boljamdaý komıtetiniń birinshi hatshysy laýazymyn atqardy.
2014 jyldan 2018 jylǵa deıin Vetnamdaǵy QR Elshiliginde ekinshi jáne birinshi hatshy qyzmetinde jumys istedi.
2018-2019 jyldary QR SІM baspasóz qyzmetin basqaryp, 2019-2023 jyldar aralyǵynda QR SІM Halyqaralyq aqparat komıteti tóraǵasynyń orynbasary – baspasóz hatshysy laýazymyn atqardy.
2023 jylǵy maýsymnan bastap QR SІM Kommýnıkatsııalar departamentiniń dırektory – Resmı ókili boldy.
2025 jyldyń 4 naýryzynda QR SІM Halyqaralyq aqparat komıtetiniń tóraǵasy — Resmı ókil bolyp taǵaıyndaldy.
Shyǵys Qazaqstan oblysy Jolaýshy kóligi jáne avtomobıl joldary basqarmasy basshysynyń mindetin atqarýshy bolyp Narıman Almasuly taǵaıyndaldy.
Narıman Almasuly eńbek jolyn 1995 jyly zańger keńesshisiniń kómekshisi bolyp bastaǵan. Ár jyldary Almaty oblystyq sotynyń sot otyrysynyń hatshysy, QR Ádilet mınıstrligi Tirkeý qyzmeti komıtetiniń bas mamany, QR Ádilet mınıstrligi Tirkeý qyzmeti komıtetiniń «Shyǵys Qazaqstan oblysy boıynsha jyljymaıtyn múlik ortalyǵy» RMK jyljymaıtyn múlikke quqyqtardy tirkeý bólimi basshysynyń orynbasary qyzmetterin atqarǵan.
Sondaı-aq «Ertis» óńiraralyq kóliktik baqylaý ınspektsııasy Shyǵys Qazaqstan jáne Pavlodar oblystary boıynsha fılıalynyń avtomobıl kóligin baqylaý bóliminiń jetekshi mamany, ShQO qurylys, sáýlet jáne qala qurylysy basqarmasy basshysynyń qarjy-ekonomıkalyq jáne zań máseleleri jónindegi orynbasary, «Qazaqstan standarttaý jáne sertfıkattaý ınstıtýty» RMK Almaty qalasy jáne Almaty oblysy boıynsha fılıaly dırektorynyń orynbasary, Úlken Naryn aýdany ákiminiń apparatynda memlekettik-quqyqtyq bóliminiń bas mamany laýazymdarynda eńbek etti.
2025 jylǵy 13 mamyrdan bastap osy ýaqytqa deıin Shyǵys Qazaqstan oblysy jolaýshy kóligi jáne avtomobıl joldary basqarmasy basshysynyń jolaýshy kóligi máseleleri jónindegi orynbasary laýazymyn atqarǵan.
Al burynǵy basshy Danııar Ýahıtov Óskemendegi Shnaıder kópiriniń daýynan keıin qyzmetten bosatylǵan bolatyn.
Apta basynda Dıdar Sydyqbek «Taraz» fýtbol klýbynyń dırektory qyzmetine taǵaıyndaldy.
Sydyqbek Dıdar Baqytbekuly 1993 jyly Almaty qalasynda dúnıege kelgen. Kásipqoı deńgeıde fýtbolshy retinde ár jyldary «Qyzyljar», «Astana-1964», «Aqtóbe», «Ordabasy» sekildi komandalarda oınady. Qazaqstan jasóspirimder (U-17, U-19) jáne Qazaqstan jastar (U-21) quramalarynyń jeıdesin kıdi.
2012 jyly Qazaqstan kásipqoı birinshi lıgasynyń úzdik jas fýtbolshysy atandy.
Sporttyq mansabyn aıaqtaǵan soń túrli salada qyzmet atqardy. Fýtbol fýntsıoneri jolyndaǵy alǵashqy qadamyn «SD Family» dırektory retinde bastap, jeke klýb, stadıon jáne balalar akademııasyn ashty. Sondaı-aq Qazaqstan medıa fýtbol federatsııasynyń negizin qalady.
QFF júrgizgen «Alań» ınfraqurylymdyq jobasynyń keńesshisi retinde eńbek etti.
2025 jyly «Atyraý» fýtbol klýbynyń bas menedjeri qyzmetin atqardy. Onyń basshylyǵymen komanda Qazaqstan Premer-lıgasyndaǵy ornyn saqtap qaldy.