Qazaqstanda apta ishinde bolǵan kadrlyq taǵaıyndaýlar

Prezıdent ókimimen Ádil Mıratuly Qusmanov Qazaqstan Respýblıkasynyń Strategııalyq josparlaý jáne reformalar agenttigi tóraǵasynyń orynbasary laýazymyna taǵaıyndaldy. 

Ádil Mıratuly 1994 jyly 25 qańtarda Shyǵys Qazaqstan oblysynda dúnıege kelgen. «Bolashaq» baǵdarlamasy boıynsha Ulybrıtanııanyń Oksford ýnıversıtetinde (University of Oxford) matematıkalyq modeldeý jáne ǵylymı esepteýler mamandyǵy boıynsha magıstr dárejesin, sondaı-aq Nazarbaev Ýnıversıtetinde matematıka mamandyǵy boıynsha bakalavr dárejesin alǵan. 2024 jylǵy qarasha aıynan bastap «Halyqaralyq baǵdarlamalar ortalyǵy» AQ basqarma tóraǵasy boldy. Prezıdenttik jastar kadrlyq rezerviniń 3.0 múshesi.

Qazaqstan Respýblıkasy Prezıdenti Ákimshiliginiń kelisimi boıynsha jáne Іshki ister mınıstriniń buıryǵyna sáıkes polkovnık Ernur Júnisov QR ІІM Ulttyq ulany Bas qolbasshysynyń orynbasary bolyp taǵaıyndaldy. 

Ernur Júnisov buǵan deıin quqyq qorǵaý organdary júıesinde basshylyq laýazymdardy atqarǵan. Adal qyzmeti úshin II dárejeli «Aıbyn» ordenimen, sondaı-aq birqatar mereıtoılyq jáne vedomstvolyq nagradalarmen marapattalǵan.

QR Úkimetiniń Qaýlysymen Sergeı Kompanıets Oqý-aǵartý vıtse-mınıstri qyzmetine taǵaıyndaldy.

1986 jyly Aqmola oblysynda dúnıege kelgen. Astana qalasynyń Memlekettik polıtehnıkalyq kolledjin, Basqarý ınstıtýtyn, Akademııalyq ınnovatsııalyq ýnıversıtetti jáne Djordj Vashıngton ýnıversıtetin bitirgen.

2024 jylǵy aqpannan bastap qazirgi ýaqytqa deıin Qazaqstan Respýblıkasy Prezıdenti Іs Basqarmasynyń «Materıaldyq-tehnıkalyq qamtamasyz etý basqarmasy» MM basshysynyń orynbasary qyzmetin atqarady.

Ulytaý oblysy ákiminiń orynbasary qyzmetine buǵan deıin qoǵamdyq damý basqarmasyn basqarǵan Baqytjan Jaılaýbaev keldi.

B. Jaılaýbaev 1984 jyly týǵan. Eńbek jolyn 2005 jyly Sátbaev qalasynda bastap, on jyl boıy qalalyq mádenı-saýyq ortalyǵyn basqardy. Keıin Sátbaev qalasynyń ishki saıasat, mádenıet jáne tilderdi damytý bóliminde basshynyń orynbasary, odan soń ishki saıasat bóliminiń basshysy qyzmetterin atqardy.

Endi Svetlana Dúmbaıqyzy Mańǵystaý oblysynyń bilim salasyndaǵy sapany qamtamasyz etý departamentin basqarady.

Svetlana Dúmbaıqyzy 1967 jyly Mańǵystaý oblysy Qaraqııa aýdany Jetibaı aýylynda dúnıege kelgen. 1988 jyly S. Kırov atyndaǵy Qazaq memlekettik ýnıversıtetin «Fızıka» mamandyǵy boıynsha bitirgen. 2014–2021 jyldary Aqtaý qalalyq bilim bóliminiń basshysy boldy. 2021–2022 jyldary Mańǵystaý oblysynyń bilim basqarmasyn basqardy. 2023–2026 jyldary Mańǵystaý oblysy boıynsha «Aýyl» partııasynyń óńirlik qurylymdarynda jumys istedi.

Qyzylorda oblysy boıynsha saýda jáne tutynýshylardyń quqyqtaryn qorǵaý departamentiniń basshysy bolyp Nurlybek Bımyrzaev taǵaıyndaldy. 

Nurlybek Shonjaruly 1970 jyly Qyzylorda oblysynda dúnıege kelgen. Qyzylorda polıtehnıkalyq ınstıtýtynda esep jáne aýdıt, «Bolashaq» ýnıversıtetinde quqyqtaný mamandyqtary boıynsha bilim alǵan. 2023 jyldan osy ýaqytqa deıin Qyzylorda oblysy boıynsha saýda jáne tutynýshylardyń quqyqtaryn qorǵaý departamenti basshysynyń orynbasary qyzmetin atqaryp keldi.

Osy aptada Qyzylordada jańadan qurylǵan eki basqarmaǵa basshy taǵaıyndaldy. 

Oblystyq týrızm basqarmasynyń basshylyq tizginin Ermekov Dinmuhamed Jandarbekuly qolǵa aldy. Dinmuhamed Jandarbekuly 1992 jyly Almaty oblysynda dúnıege kelgen. Ál Farabı atyndaǵy Qazaq ulttyq ýnıversıtetinde quqyqtaný jáne qarjy mamandyqtary boıynsha bilim alǵan. Shveıtsarııa bıznes mektebiniń iskerlik ákimshilik doktory.

Oblystyq balalar quqyqtaryn qorǵaý basqarmasy basshysy laýazymyna Bákirov Erlan Ámirhanuly taǵaıyndaldy. Ol 1984 jyly Qyzylorda qalasynda dúnıege kelgen. Qazaq gýmanıtarlyq zań ýnıversıtetinde zańtaný, «Bolashaq» ýnıversıtetinde ekonomıka jáne qurylys mamandyqtary boıynsha bilim alǵan.

Qyzylorda oblysy boıynsha ekonomıkalyq tergep-tekserý departamentiniń basshysy laýazymyna Kenesary Baǵbanuly taǵaıyndaldy. 

Kenesary Baǵbanuly 1992 jyly Almaty qalasynda dúnıege kelgen. 2015 jyly M.Lomonosov atyndaǵy Máskeý memlekettik ýnıversıtetin zańger mamandyǵy boıynsha támamdaǵan. Ár jyldary Almaty qalasynyń prokýratýrasynda túrli jaýapty qyzmetter atqarǵan. 2021 jyldan osy ýaqytqa deıin QR Qarjylyq monıtorıng agenttigi tergeý departamenti basshysynyń orynbasary laýazymynda qyzmet atqaryp keldi.

Jambyl oblysy ákiminiń ókimine sáıkes jańadan qurylǵan balalardyń quqyqtaryn qorǵaý basqarmasy basshysynyń mindetin atqarýshy bolyp Elmıra Myrza-Ǵalı taǵaıyndaldy.

Elmıra Inııatqyzy 1980 jyly Jambyl oblysy Jambyl aýdanynda dúnıege kelgen. 2001 jyly M. H. Dýlatı atyndaǵy Taraz memlekettik ýnıversıtetiniń «qazaq tili men ádebıeti, qytaı tili» mamandyǵyn támamdaǵan. 2002 jyly atalǵan oqý ornynda «fılologııa» mamandyǵy boıynsha magıstratýrany bitirgen. 2021 jyldan bastap búgingi kúnge deıin Jambyl oblystyq «Anaǵa taǵzym» otbasylyq damý áleýmettik ortalyǵynyń dırektory bolyp eńbek etip keldi.

Shyǵys Qazaqstan oblysy jolaýshy kóligi jáne avtomobıl joldary basqarmasynyń basshysy laýazymyna Áset Sultanov taǵaıyndaldy.

Áset Beısenuly 1985 jylǵy 27 qazanda Shyǵys Qazaqstan oblysy Jarma aýdanynyń Shar qalasynda dúnıege kelgen. 

Osy taǵaıyndaýǵa deıin Shyǵys Qazaqstan oblysynyń jolaýshy kóligi jáne avtomobıl joldary basqarmasynyń óndiristik-tehnıkalyq bóliminiń bas mamany bolyp jumys istedi.

Almaty qurylys basqarmasynyń basshysy bolyp Nurbol Nursaǵatov taǵaıyndaldy. 

Nurbol Nursaǵatov 1981 jylǵy 29 qyrkúıekte Shyǵys Qazaqstan oblysynda dúnıege kelgen. 2003 jyly E.A. Bóketov atyndaǵy Qaraǵandy memlekettik ýnıversıtetin, 2005 jyly L. B. Goncharov atyndaǵy Qazaq avtomobıl jol ınstıtýty támamdaǵan. 2022 jylǵy shilde-qazan aralyǵynda Abaı oblysy ákiminiń orynbasary, 2022-2024 jyldary Semeı qalasynyń ákimi bolyp eńbek etti.

Sonymen qatar Sáken Aralbaev Almaty bilim basqarmasynyń basshysy bolyp taǵaıyndaldy.

Sáken Aralbaev Abaı atyndaǵy Almaty memlekettik ýnıversıtetin jáne Abaı atyndaǵy Qazaq ulttyq pedagogıkalyq ýnıversıtetin «shyǵystaný» jáne «tarıh» mamandyqtary boıynsha támamdaǵan. 2025 jylǵy jeltoqsannan bastap qazirge deıin Almaty bilim basqarmasy basshysynyń orynbasary bolyp jumys istedi.

Kólik mınıstrligi Avtomobıl joldary komıtetiniń tóraǵasy buıryǵymen «Jol aktıvteri sapasynyń ulttyq ortalyǵy» ShJQ RMK bas dırektory laýazymyna Serik Imashev taǵaıyndaldy. 

Serik Imashev 1988 jylǵy 19 aqpanda dúnıege kelgen. Máskeý avtomobıl-jol memlekettik tehnıkalyq ýnıversıtetin «Avtomobıl joldary men áýejaılardy salý jáne jobalaý» mamandyǵy boıynsha «Bolashaq» halyqaralyq stıpendııalyq baǵdarlamasy aıasynda támamdaǵan. Sondaı-aq AQSh-tyń Nıý-Iork qalasyndaǵy Ambassador Academy-de Pre-Master dárejesin jáne Keele University ýnıversıtetinde MBA dárejesin alǵan.

Osy aptada Jádiger Qojahmet Arnaıy jáne ınklıýzıvti bilim berýdi damytý boıynsha ulttyq ǵylymı-praktıkalyq ortalyǵynyń dırektory bolyp taǵaıyndaldy. 

Jańa qyzmetinde J. Qojahmet elimizdegi arnaıy jáne ınklıýzıvti bilim berý júıesin odan ári jetildirýge, erekshe bilim berý qajettiligi bar balalarǵa qoljetimdi ári sapaly bilim berý ortasyn qalyptastyrýǵa jaýapty bolady.

Sot tóreligi akademııasynyń rektory qyzmetine Qanat Mýsın taǵaıyndaldy. 

Qanat Qalqamanuly — zań ǵylymdarynyń kandıdaty, dotsent, zańgerlik bilim berý jáne sot júıesi úshin kadrlar daıarlaý salasynda kópjyldyq ǵylymı-pedagogıkalyq ári basqarýshylyq tájirıbesi bar maman.

Sergeı Trıkoz Qazaqstan erler ulttyq quramasynyń bas bapkeri qyzmetine taǵaıyndaldy. 

Sergeı Trıkoz buǵan deıin «Atyraý» klýbynda (2017/18), «Aqtóbe» klýbynda (22.21.2020) jumys atqarǵan. Sonymen qatar Qazaqstannyń U21 jastar quramasyn jattyqtyryp, Álem chempıonatynda el namysyn qorǵaǵan.

«Qaırat» fýtzal klýbynyń jańa bas bapkeri bolyp Gýstavo Paradeda taǵaıyndaldy. 

Gýstavo — klýb tarıhyndaǵy erekshe azamattardyń biri boldy. Ol 2004-2009 jyldary «Qaırat» sapynda Eýropadaǵy alǵashqy tarıhı jetistikterge qatysyp, UEFA fýtzal kýbogynyń qola júldegeri atandy.