Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Elimizde osy apta ishinde birqatar kadrlyq aýys-túıis boldy.
Aptanyń alǵashqy kúni jýrnalıst, birneshe telejoba avtory Erbolat Muhamedjan Qazaqstan Respýblıkasy Prezıdenti Teleradıokesheni dırektorynyń keńesshisi qyzmetine taǵaıyndaldy.
Erbolat Muhamedjan — memlekettik «Daryn» jastar syılyǵynyń laýreaty, «Qurmet» ordeniniń ıegeri, belgili telejýrnalıst jáne prodıýser.
Ár jyldary respýblıkalyq telearnalarda qyzmet etip, analıtıkalyq baǵdarlamalardyń avtory boldy. Medıa salasynda oqý jobalaryn júzege asyrdy.
Bilim berý jáne memlekettik basqarý salasynda tájirıbesi bar: Maqsut Narikbayev University-de basshylyq qyzmetter atqarǵan, sondaı-aq Bilim jáne ǵylym mınıstrligi júıesinde jumys istegen.
Gonkong pen Londondaǵy Bloomberg TV arnasynda kásibı taǵylymdamadan ótken, Eýropalyq Odaqtyń Brıýsseldegi baǵdarlamalaryna jáne Ońtústik Koreıada World Journalists Forum-ǵa qatysqan.
Qazirgi tańda medıa jobalardy jasaqtaýmen jáne júzege asyrýmen aınalysady, sonymen qatar «Ýáde» telejobasynyń avtory.
Dál sol kúni Bahyt Bekbosynov Abaı oblysynyń dene shynyqtyrý jáne sport basqarmasynyń basshysy bolyp taǵaıyndaldy.
Bahyt Ásenǵazyuly Bekbosynov 1988 jyly 25 mamyrda Semeı qalasynda dúnıege kelgen. 2010 jyly Semeı memlekettik pedagogıkalyq ınstıtýtyn «Dene shynyqtyrý jáne sport» mamandyǵy, 2013 jyly Qaınar ýnıversıtetin «Pedagogıka jáne psıhologııa» mamandyǵy (magıstratýra) boıynsha támámdady.
Eńbek jolyn 2010 jyly Quqyq jáne bıznes kolledjinde dene shynyqtyrý pániniń muǵalimi bolyp bastaǵan.
2013-2022 jyldary Semeı medıtsına ýnıversıtetiniń dene tárbıesi kafedrasynyń oqytýshysy.
2022-2023 jyldary Abaı oblysynyń dene shynyqtyrý jáne sport basqarmasynyń bas mamany, 2023-2024 jyldary Abaı oblysynyń olımpıadalyq sport túrleri boıynsha sportty damytý dırektsııasynyń dırektory.
Taǵaıyndaýǵa deıin Abaı oblysynyń dene shynyqtyrý jáne sport basqarmasy basshysynyń orynbasary boldy.
Abaı oblysy qurylys basqarmasynyń basshysy da aýysty. Bul qyzmetke Bekjan Bapyshev taǵaıyndaldy.
Bekjan Meırambekuly Bapyshev 1989 jyly Shyǵys Qazaqstan oblysynda dúnıege kelgen. 2011 jyly S. Amanjolov atyndaǵy Shyǵys Qazaqstan ýnıversıtetin «Quqyqtaný» mamandyǵy, 2024 jyly Qazaqstan Respýblıkasy Prezıdentiniń janyndaǵy Memlekettik basqarý akademııasynyń magıstratýrasyn «Memlekettik saıasat» mamandyǵy boıynsha támámdady.
Eńbek jolyn Astana qalasy Almaty aýdany ákiminiń apparatynda taǵylymdamashy retinde bastaǵan.
2013-2015 jyldary Astana qalasy Saryarqa aýdany ákiminiń apparatynda óndiristik-tehnıkalyq, tynys-tirshilikti qamtamasyz etý jáne ınfraqurylym bólimderinde bas maman, 2015-2016 jyldary Almaty aýdany ákiminiń apparatynyń múlikti jarııa etý komıssııasynda, óndiristik-tehnıkalyq bólimde tehnık, bas maman, bólim basshysy bolyp eńbek etti.
Ár jyldary Astana qalasy Esil aýdany ákiminiń apparatynda ınfraqurylym bólimi men Astana qalasy Almaty aýdany ákiminiń apparatynda abattandyrý jáne óndiristik-tehnıkalyq bólimderin basqaryp, Astana qalasy Almaty aýdany ákiminiń orynbasary qyzmetin atqardy.
Taǵaıyndalǵanǵa deıin Semeı qalasy ákiminiń orynbasary boldy.
Abaı oblysynyń jolaýshylar kóligi jáne avtomobıl joldary basqarmasynyń basshysy bolyp Mereı Baıyrhan taǵaıyndaldy.
Mereı Baqytbekuly Baıyrhan 1984 jyly Shyǵys Qazaqstan oblysy Tarbaǵataı aýdanynda dúnıege kelgen.
2007 jyly D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin «Jol qozǵalysyn uıymdastyrý» mamandyǵy, 2019 jyly Qazaq kólik jáne kommýnıkatsııalar ýnıversıteti «Kólik qurylysy» mamandyǵy boıynsha aıaqtaǵan.
Eńbek jolyn Astana qalasyndaǵy «Jolaýshylar tasymaly ortalyǵy» JShS-inde dıspetcher qyzmetinen bastady.
2007 — 2012 jyldary «Astana qalasy jolaýshylar kóligi jáne avtomobıl joldary departamenti» MM jetekshi mamany, bas mamany, 2015-2016 jyldary «Astana qalasynyń Kommýnaldyq sharýashylyq basqarmasy» MM bas mamany bolyp eńbek etti.
2016-2025 jyldary Astana qalasy kólik jáne jol-kólik ınfraqurylymyn damytý basqarmasy» MM bólim basshysy jáne basqarma basshysynyń orynbasary boldy.
Taǵaıyndalǵanǵa deıin Abaı oblysy Semeı qalasynyń jolaýshylar kóligi jáne avtomobıl joldary bóliminiń basshysy qyzmetin atqardy.
Seısenbi kúni Zúlfııa Súleımenova Qazaqstan Respýblıkasynyń Syrtqy ister mınıstrliginiń erekshe tapsyrmalar jónindegi elshisi bolyp taǵaıyndaldy.
Zúlfııa Súleımenova 1990 jyly 25 aqpanda Aqtóbe qalasynda dúnıege kelgen. L. N. Gýmılev atyndaǵy Eýrazııa ulttyq ýnıversıtetinde «Halyqaralyq qatynastar» mamandyǵy boıynsha bakalavr jáne magıstr dárejelerin alǵan. Sondaı-aq Japonııanyń Ulttyq saıasattyq zertteýler ınstıtýtynda «Qaýipsizdik jáne halyqaralyq zertteýler» baǵdarlamasy boıynsha fılosofııa doktory (PhD) dárejesin qorǵaǵan. Budan bólek ol 2019 jyly Prezıdenttik jastar kadr rezervine engen.
Eńbek jolynda Zúlfııa Súleımenova ártúrli memlekettik jáne halyqaralyq uıymdarda qyzmet atqardy. Atap aıtqanda, ol QR Ekologııa, geologııa jáne tabıǵı resýrstar mınıstrliginiń Klımattyq saıasat jáne jasyl tehnologııalar departamenti dırektorynyń orynbasary, BUU-nyń Azııa jáne Tynyq muhıty óńirine arnalǵan Ekonomıkalyq jáne áleýmettik komıssııasynyń qorshaǵan orta jáne ornyqty damý máseleleri boıynsha keńesshisi (Bangkok, Taıland), sondaı-aq BUU Damý baǵdarlamasynyń Qazaqstan men Túrikmenstandaǵy keńselerinde energetıka jáne ekologııalyq saıasat baǵytynda keńesshi boldy.
Oǵan qosa 2022 jylǵy naýryz — 2023 jylǵy 4 qańtar aralyǵynda QR Prezıdenti janyndaǵy Qazaqstannyń strategııalyq zertteýler ınstıtýtynda ǵylymı qyzmetkeri, keıin QR Ekologııa, geologııa jáne tabıǵı resýrstar vıtse-mınıstri, al 2023 jyly QR Ekologııa jáne tabıǵı resýrstar mınıstri qyzmetin atqarǵan.
Oǵan qosa, Energetıka mınıstrliginiń Tsıfrlandyrý departamentiniń dırektory laýazymyna Erjan Qoshqarov taǵaıyndaldy.
Ol — Qazaqstan-Brıtan tehnıkalyq ýnıversıtetiniń túlegi. Sondaı-aq «Bolashaq» baǵdarlamasy boıynsha Ulybrıtanııadaǵy University of Warwick ýnıversıtetinde menedjment jáne aqparattyq júıeler mamandyǵy boıynsha magıstr dárejesin alǵan. Qazirgi ýaqytta Astana IT University-de jasandy ıntellekt baǵyty boıynsha doktorantýrada bilim alýda.
Erjan Qoshqarov — munaı-gaz, gaz-hımııa jáne taý-ken óndirisi salalarynda 14 jyldan astam eńbek ótili bar joba menedjeri. Siemens, Rolls-Royce, Kent plc, KAZ Minerals sııaqty jetekshi halyqaralyq kompanııalarda jáne memlekettik qurylymdarda jumys istegen.
Energetıka mınıstrliginde ol gaz ónerkásibi, munaı-gaz hımııasy jáne tsıfrlandyrý departamentterinde basshylyq laýazymdardy atqaryp, salalyq iri jobalardy úılestirdi. Olardyń qatarynda Qashaǵan men Qarashyǵanaq ken oryndaryndaǵy gaz óńdeý zaýyttary, polıpropılen men polıetılen óndirý jobalary, sondaı-aq energetıka salasyndaǵy esepke alý jáne monıtorıngtiń tsıfrlyq júıeleri bar.
Saýd Arabııasy Koroldigindegi Tótenshe jáne ókiletti elshisi, Qazaqstan Respýblıkasynyń Islam Yntymaqtastyǵy Uıymy janyndaǵy Turaqty ókili Madııar Meńilbekov Qazaqstan Respýblıkasynyń Bahreın Koroldigindegi Tótenshe jáne ókiletti elshisi qyzmetin qosa atqarýshy bolyp taǵaıyndaldy.
Sonymen birge Qazaqstan Respýblıkasynyń Portýgalııa Respýblıkasyndaǵy Tótenshe jáne ókiletti elshisi Jan Serjanuly Ǵalıev te Qazaqstan Respýblıkasynyń Kongo Respýblıkasyndaǵy Tótenshe jáne ókiletti elshisi qyzmetin qosa atqarýshy bolyp taǵaıyndaldy.
Al Býlat Tanabergenov Tutynýshylardyń quqyqtaryn qorǵaý komıtetiniń tóraǵasy boldy.
Býlat Amangeldiuly Tanabergenov 1976 jyly dúnıege kelgen. Aqtóbe oblystyq tutynýshylar odaǵynyń Esep-saýda kolledjin, Qaztutynýodaǵy Qaraǵandy ekonomıkalyq ýnıversıtetin, Qazaq-orys halyqaralyq ýnıversıtetin bitirgen.
Eńbek jolyn 1993 jyly Aqtóbe oblysy Mártók aýdanynda matematıka pániniń muǵalimi bolyp bastaǵan.
1999–2000 jyldary — Aqtóbe qalasyndaǵy «Aqbulaq» AQ operatory.
2001–2002 jyldary — Aqtóbe qalasyndaǵy «Stroıdetal» JShS-da takelajshy.
2002–2009 jyldary Aqtóbe qalasy ákimdiginiń qurylymynda jetekshi mamannan bastap qalalyq bilim, ishki saıasat, qarjy, ekonomıka jáne bıýdjettik josparlaý bólimderinde MM bastyǵynyń orynbasaryna deıin jumys istedi.
2009–2010 jyldary — QR Tabıǵı monopolııalardy retteý agenttiginiń Aqtóbe oblysy boıynsha departamenti dırektorynyń orynbasary.
2010–2012 jyldary — Aqtóbe qalasy boıynsha salyq basqarmasynyń orynbasary, basshysy.
2012–2016 jyldary — QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń Aqtóbe oblysy boıynsha departamenti basshysy.
2016–2023 jyldary — Astana qalasy boıynsha Tabıǵı monopolııalardy retteý komıtetiniń departament basshysy.
2023 jylǵy naýryzdan bastap qazirgi ýaqytqa deıin QR SIM Tutynýshylardyń quqyqtaryn qorǵaý komıteti tóraǵasynyń orynbasary qyzmetin atqardy.
Sonymen qatar Úkimettiń baspasóz qyzmeti habarlaǵandaı, Qazaqstan Respýblıkasy Úkimetiniń qaýlysymen Qudaıbergen Berikuly Arymbek bergen ótinishine sáıkes energetıka vıtse-mınıstri qyzmetinen bosatyldy.
Aptanyń ekinshi kúni Energetıka vıtse-mınıstri aýysty. Qazaqstan Respýblıkasy Úkimetiniń qaýlysymen Erlan Aqbarov QR energetıka vıtse-mınıstri qyzmetine taǵaıyndaldy.
Erlan Esenáliuly Aqbarov 1975 jyly Ońtústik Qazaqstan oblysynda dúnıege kelgen. Qazaq ulttyq tehnıkalyq ýnıversıtetin, M. H. Dýlatı atyndaǵy Taraz memlekettik ýnıversıtetin, Qaraǵandy tehnıkalyq ýnıversıtetin bitirgen.
Eńbek jolyn 1998 jyly Jańaózen qalasyndaǵy «ÓzenMunaıGaz» AQ-da operator bolyp bastady.
2002–2005 jyldary — Taraz qalasy, «Qazburgaz» AQ-da ınjener-geolog bolyp jumys istedi.
2005–2012 jyldary — Taraz qalasy, «QazTransGaz» AQ «Amangeldi Gaz» JShS bólim bastyǵy, bas dırektordyń orynbasary, bas dırektory.
2012–2013 jyldary — Almaty qalasy «Caspian Contractors Trust» JShS bas dırektorynyń orynbasary.
2013–2018 jyldary — Qaraǵandy qalasy «Caspian Contractors Trust» JShS bas dırektory.
2018–2020 jyldary — QR Investıtsııalar jáne damý mınıstrligi QR Geologııa jáne jer qoınaýyn paıdalaný komıtetiniń «Ońtústikqazjerqoınaýy» Ońtústik Qazaqstan óńiraralyq geologııa jáne jer qoınaýyn paıdalaný departamenti basshysynyń orynbasary, basshysy.
2020–2021 jyldary — «Qazgeologııa» ulttyq geologııalyq barlaý kompanııasy» AQ basqarma tóraǵasynyń orynbasary.
2021–2022 jyldary — «Qazkengeo» JShS dırektorynyń orynbasary.
2022–2023 jyldary — QR ekologııa, geologııa jáne tabıǵı resýrstar mınıstrligi Geologııa komıtetiniń tóraǵasy.
2023 jyldyń mamyr aıynan bastap qazirgi ýaqytqa deıin QR Indýstrııa jáne ınfraqurylymdyq damý mınıstrligi Geologııa komıtetiniń tóraǵasy qyzmetin atqardy.
Igor ıAkovenko 3 jyl ókilettik merzimimen saqtandyrý ombýdsmeni laýazymyna qaıta saılandy. https://kaz.inform.kz/news/saktandiru-ombudsmani-saylandi-b052f1/
Igor ıAkovenko saqtandyrý ombýdsmeni laýazymyna ekinshi merzimge kirisedi. Ol saqtandyrý ombýdsmeniniń mindetterin 2022 jylǵy 30 qarashadan bastap atqarady. Onyń zańgerlik jáne ekonomıkalyq bilimi, saqtandyrý jáne bank sektorlarynda, onyń ishinde basshylyq laýazymdarda kóp jyldyq jumys tájirıbesi bar. Ár jyldary advokattyq qyzmetpen aınalysty, kommertsııalyq, azamattyq jáne basqa da ister boıynsha sottarda klıentterdiń múddelerin bildirip, olardy qorǵady.
Al sársenbide QR TJM 2025 jylǵy 12 qarashadaǵy buıryǵymen Qazaqstan Respýblıkasy Tótenshe jaǵdaılar mınıstrliginiń apparat basshysy bolyp Dáýren Sansyzbaıuly Esimseıitov taǵaıyndaldy.
Dáýren Esimseıitov 1984 jyly dúnıege kelgen. Qazaq gýmanıtarlyq zań ýnıversıtetin «zańtaný» mamandyǵy boıynsha bitirgen.
Buǵan deıin Qazaqstan Respýblıkasy Tótenshe jaǵdaılar mınıstrligi Tyldyq qamtamasyz etý departamentiniń dırektory, Qarjy jáne memlekettik satyp alý departamenti dırektorynyń orynbasary laýazymdarynda jumys istedi.
Ár jyldary memlekettik jáne kvazımemlekettik mekemelerde qyzmet atqardy.
Memlekettik nagrada «Jaýyngerlik erligi úshin» medalimen nagradtalǵan (2023 j.).
Tórtinshi kúni Mańǵystaý prokýratýrasynda birqatar kadrlyq aýys-túıis boldy.
Bas Prokýrordyń buıryǵymen Mańǵystaý oblysy prokýrorynyń birinshi orynbasary qyzmetine Jandarbek Span taǵaıyndaldy.
Jandarbek Span — 1981 jyly Aqtóbe oblysynda dúnıege kelgen. 2002 jyly Ortalyq-azııa ýnıversıtetin «Quqyqtaný» mamandyǵy boıynsha támamdaǵan.
Prokýratýra organdarynda 20 jyldan astam ýaqyt eńbek etip keledi. 2024 jyldan qazirgi tańǵa deıin Mańǵystaý oblysy prokýrorynyń orynbasary qyzmetin atqardy.
Sonymen qatar, Bas Prokýrordyń buıryǵymen Samet Sáken Іlııasuly — Mańǵystaý oblysy prokýrorynyń orynbasary bolyp taǵaıyndaldy.
Sáken Іlııasuly — 1984 jyly Ońtústik Qazaqstan oblysynda dúnıege kelgen. 2006 jyly Almaty qalasyndaǵy Qazaq gýmanıtarlyq-zań ýnıversıtetin «zańger-quqyqtanýshy» mamandyǵy boıynsha támamdaǵan. Eńbek jolyn Ońtústik Qazaqstan oblysy prokýratýrasy organdarynda bastaǵan. 2012-2025 jyldar aralyǵynda Bas prokýratýrada bólim aǵa prokýrory qyzmetinen bastap, Qoǵamdyq múddelerdi qorǵaý qyzmeti bastyǵynyń orynbasary laýazymyna deıin qyzmet atqardy.
Bas Prokýrordyń buıryǵymen Jańaózen qalasynyń prokýrory bolyp Amanııazov Nurlan Muratuly taǵaıyndaldy.
Nurlan Muratuly — 1984 jyly Atyraý qalasynda dúnıege kelgen jáne 2004 jyly H. Dosmuhamedov atyndaǵy Atyraý memlekettik ýnıversıtetin «Quqyqtaný» mamandyǵy boıynsha támamdaǵan. Prokýratýra organdarynda 20 jyldan astam ýaqyt jumys isteıdi. 2024 jyldan bastap Jańaózen qalasy prokýrorynyń orynbasary qyzmetin atqarǵan.
Sondaı-aq, Bas Prokýrordyń buıryǵymen Kóshbaev Maqsat Sısenuly Mańǵystaý oblysynyń Mamandandyrylǵan tabıǵat qorǵaý prokýrory laýazymyna taǵaıyndaldy.
Maqsat Sısenuly 1984 jyly Mańǵystaý oblysy, Túpqaraǵan aýdany Taýshyq aýylynda dúnıege kelgen. 2006 jyly M.S. Nárikbaeva atyndaǵy Astana memlekettik ýnıversıtetin «Quqyqtaný» mamandyǵy boıynsha támamdaǵan.
Prokýratýra organdarynda jumys tájirıbesi — 18 jyl. 2019-2023 jyldary — Jańaózen qalasy prokýror orynbasary, 2023-2025 jyldary — Jańaózen qalasynyń prokýrory qyzmetin atqardy.