Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Osy apta elimizdiń jergilikti atqarýshy organdarynda birqatar kadrlyq aýys-túıis boldy.
Memleket basshysynyń ókimimen Arman Isetov Syrtqy ister mınıstriniń orynbasary laýazymyna taǵaıyndaldy.
1975 jylǵy 17 jeltoqsanda Qostanaı oblysynda dúnıege kelgen.
1998 jyly ál-Farabı atyndaǵy Qazaq ulttyq ýnıversıtetin bitirgen.
Óziniń dıplomatııalyq qyzmetin 1998 jyly Qazaqstan Respýblıkasy Syrtqy ister mınıstrliginde Shart-quqyqtyq basqarmasynyń referenti retinde bastady.
1999-2004 jyldary QR SІM Halyqaralyq-quqyqtyq departamentinde túrli laýazymdarda jumys istedi.
2004 jyldan 2008 jylǵa deıin — Nıý-Iorktegi Qazaqstannyń BUU janyndaǵy Turaqty ókildiginiń birinshi hatshysy, al 2008-2009 jyldary QR SІM Kópjaqty yntymaqtastyq departamentinde basqarma bastyǵy qyzmetin atqardy.
2009 jyly SІM Halyqaralyq-quqyqtyq departamenti dırektorynyń orynbasary bolyp taǵaıyndaldy, al 2012 jyly osy departamentti basqardy.
2018-2022 jyldary — Nıý-Iork qalasynda BUU janyndaǵy QR Turaqty ókiliniń birinshi orynbasary.
Qazaqstan Syrtqy ister mınıstriniń orynbasary bolyp taǵaıyndalǵanǵa deıin 2022 jylǵy sáýirden bastap Taılandtaǵy QR Elshisi laýazymyn atqardy.
І synypty Tótenshe jáne Ókiletti Ýákil dıplomatııalyq dárejege ıe. Aǵylshyn jáne túrik tilderin meńgergen.
Apta basynda Memleket basshysynyń Jarlyǵymen Nurlan Saýranbaev Kólik mınıstri laýazymyna taǵaıyndaldy.
Nurlan Saýranbaev 1967 jyly Jambyl qalasynda týǵan. S. M. Kırov atyndaǵy Qazaq memlekettik ýnıversıtetin, Munaı ónerkásibin oqytý ortalyǵyn (Italııa) bitirgen. Mamandyǵy boıynsha ekonomıst, munaı ákimshilendirý magıstri.
Eńbek jolyn 1991 jyly jeke kommertsııalyq kompanııanyń basshysy bolyp bastaǵan, onda 1997 jylǵa deıin jumys istedi.
1997-1998 jj. — QR Kásipkerler kongresiniń atqarýshy dırektory.
1998-2000 jj. — «Qazaqstan temir joly» RMK departamentiniń dırektory.
2000-2002 jj. — «Qazaqoıl» UMK» JAQ «Atyraý munaı óńdeý zaýyty» AAQ-nyń birinshi vıtse-prezıdenti; bas menedjeri, qaıta qurý jobasyn basqarý tobynyń jetekshisi.
2002-2004 jj. — «QazMunaıGaz» UK» JAQ Injınırıngtik jáne servıstik jobalar departamentiniń dırektory.
2004-2007 jj. — «TeńizServıs» JShS bas dırektory.
2007-2020 jj. — «QazMunaıGaz» UK» AQ basqarýshy dırektory.
2010-2011 jj. — «Samuryq-Qazyna» UÁQ» AQ basqarma tóraǵasy orynbasarynyń keńesshisi; basqarýshy dırektory.
2011-2014 jj. — Indýstrııa jáne jańa tehnologııalar vıtse-mınıstri.
2014-2016 jj. — Qorǵanys mınıstriniń orynbasary.
2016-2017 jj. — EKSPO-2017 halyqaralyq mamandandyrylǵan kórmesin daıyndaý jáne ótkizý máseleleri jónindegi shtabtyń uıymdastyrý komıtetiniń basshysy.
2017-2018 jj. — Shymkent qalasynyń ákimi.
2019 jyldan bastap Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi boldy.
2021 jyly «Qazaqstan temir joly» UK» AQ basqarma tóraǵasy bolyp taǵaıyndalady.
Elimizde alǵash ret Jańa kassatsııalyq sottardyń tóraǵalary men sýdıalary taǵaıyndaldy.
Memleket basshysynyń Jarlyǵymen:
Azamattyq ister jónindegi kassatsııalyq sot tóraǵasy — Smaıylov Asqar Spartakuly jáne 37 sýdıa;
Qylmystyq ister jónindegi kassatsııalyq sot tóraǵasy — Jumaǵulov Aqan Maratuly jáne 20 sýdıa;
Ákimshilik ister jónindegi kassatsııalyq sot tóraǵasy — Nájimıdenov Berik Tóleýtaıuly jáne 18 sýdıa.
Sot ákimshiligi basshysynyń Ókimimen:
Kassatsııalyq sottar departamentiniń basshysy bolyp Qojahmetov Erjan Qaırollauly taǵaıyndaldy.
Astana qalasyndaǵy kassatsııalyq sottardyń mekenjaılary:
Azamattyq jáne qylmystyq ister boıynsha — Astana qalasy, Beıbitshilik kóshesi, 37;
Ákimshilik ister boıynsha — Astana qalasy, Tóle bı kóshesi, 53.
Sondaı-aq, Energetıka mınıstrligi Atomdyq jáne energetıkalyq qadaǵalaý men baqylaý komıtetiniń tóraǵa orynbasary bolyp Ernar Hasenov taǵaıyndaldy.
Ol Innovatsııalyq Eýrazııa ýnıversıtetin «Elektr energetıkasy» mamandyǵy boıynsha bitirgen.
Ernar Muhtaruly eńbek jolyn 2008 jyly Kólik jáne kommýnıkatsııa mınıstrliginiń Pavlodar oblystyq avtomobıl joldary departamentiniń bas mamany bolyp bastaǵan.
2010-2014 jyldary Qazaqstan Respýblıkasy Indýstrııa jáne jańa tehnologııalar mınıstrligi Memlekettik energetıkalyq qadaǵalaý jáne baqylaý komıtetiniń sarapshysy, bas sarapshysy, basqarma basshysy bolyp jumys istedi.
2014-2022 jyldar aralyǵynda Qazaqstan Respýblıkasy Premer-Mınıstri Keńsesiniń bas sarapshysy, bas konsýltanty, bas ınspektory bolyp qyzmet atqardy.
2022-2024 jyldar aralyǵynda Qazaqstan Respýblıkasy Energetıka mınıstrligi Atomdyq jáne energetıkalyq qadaǵalaý men baqylaý komıtetiniń Qaraǵandy oblysy boıynsha aýmaqtyq departamentiniń basshysy laýazymyn atqardy.
Talǵat Aldybergenov «Qazaqstan temir joly» basqarma tóraǵasy bolyp taǵaıyndaldy.
Talǵat Saǵıuly buǵan deıin «Qazaqstan temir joly» UK» AQ basqarma tóraǵasynyń orynbasary qyzmetin atqarǵan.
1998-2007 jyldary ol «Qazaqstan temir joly» AQ qurylymdarynda túrli laýazymdarda, sonyń ishinde Aktóbe fılıalynyń basshysy, «Kaztransservıs» dırektory, «QazMunaıGaz» Saýda úıiniń kólik logıstıkasy departamentiniń dırektory bolyp qyzmet etti.
2008-2019 jyldary «Kedentransservıs» AQ prezıdenti, «AvtoGazAlmaty» JShS bas dırektory, «Kazakhmys Maker» JShS basqarma tóraǵasy laýazymdaryn atqardy. 2024 jyldan bastap «Qazaqstan temir joly» UK» AQ basqarma tóraǵasynyń orynbasary qyzmetin atqardy.
Shyǵys Qazaqstan oblysy Jolaýshy kóligi jáne avtomobıl joldary basqarmasynyń basshysy bolyp Danııar Ýahıtov taǵaıyndaldy.
Danııar Asqaruly — S. Amanjolov atyndaǵy Shyǵys Qazaqstan ýnıversıteti men D. Serikbaev atyndaǵy Shyǵys Qazaqstan tehnıkalyq ýnıversıtetiniń (magıstratýra) túlegi.
2006-2023 jyldar aralyǵynda ártúrli basshylyq laýazymdarda qyzmet atqarǵan. Atap aıtqanda, «Alıans Fınans» JShS, «Qazaqmys korporatsııasy» JShS, Beloýsov baıytý fabrıkasynyń bastaýysh kásipodaq uıymynyń kásipodaq komıteti jáne taý-ken-metallýrgııa kesheni qyzmetkerleriniń oblystyq kásipodaq uıymynda eńbek etti.
Sondaı-aq Ulan aýdanyna qarasty Tavrııa aýyldyq okrýginiń ákimi, Qaraǵandy oblysy Nura kentindegi Nura aýdanynyń ákimi qyzmetterin atqarǵan.
2023 jyldan bastap osy kúnge deıin Shemonaıha aýdany ákiminiń orynbasary bolyp jumys istedi.
Qyzylorda oblystyq ekonomıka jáne qarjy basqarmasynyń basshysy laýazymyna Sáken Myrzabek taǵaıyndaldy.
Sáken Salhadınuly 1980 jyly Jalaǵash aýdanynda dúnıege kelgen. Qorqyt ata atyndaǵy Qyzylorda memlekettik ýnıversıtetinde býhgalterlik esep jáne aýdıt mamandyǵy boıynsha bilim alǵan.
Eńbek jolyn 2001 jyly Qyzylorda oblysy boıynsha salyq komıtetiniń bóliminde bas maman retinde bastaǵan. Ár jyldary oblys boıynsha memlekettik kirister departamentiniń bólim basshysy, basqarma basshysy, Qarjy mınıstrligi Іshki memlekettik aýdıt komıtetiniń Qyzylorda oblysy boıynsha departamenti basshysynyń orynbasary, oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary laýazymdarynda abyroıly eńbek etti.
2023 jyldyń qazan aıynan osy kúnge deıin oblystyq tekserý komıssııasynyń múshesi boldy.
Abaı oblysy ishki saıasat basqarmasynyń basshysy laýazymyna Jarqyn Jumadilov taǵaıyndaldy.
Eńbek jolyn jýrnalıstıka salasynda bastaǵan. «Qazaq radıosynda» redaktor jáne júrgizýshi, «Alash aınasy» gazetinde saıası sholýshy, «Ult TIMES» gazeti bas redaktorynyń orynbasary, «Qazaqstan RTRK» AQ strategııalyq marketıng departamentiniń shef redaktory qyzmetterin atqarǵan.
Ár jyldary QR Prezıdenti janyndaǵy Qazaqstan strategııalyq zertteýler ınstıtýtynda sarapshy, «Nur Otan» partııasy janyndaǵy zertteý ınstıtýtynyń aqparattyq monıtorıng bólimine basshylyq jasady.
2016-2019 jyldary aralyǵynda BQO ákiminiń baspasóz hatshysy, keńesshisi jáne apparat basshysynyń orynbasary bolyp eńbek etti.
2019-2020 jyldary «Elorda Aqparat» JShS dırektory qyzmetin atqarsa, 2021-2023 jyldary QR Prezıdenti baspasóz qyzmetiniń ınspektory bolyp jumys istedi.
2023 jyldyń mamyr-qyrkúıek aılarynda Abaı oblysy ákiminiń keńesshisi boldy.
2023 jyldyń qyrkúıek aıynan osy ýaqytqa deıin QR Prezıdenti ákimshiliginde sektor meńgerýshisi laýazymyn atqardy.
Nurken Qaldybekuly Mázbaev «Ulytaý» fýtbol klýbynyń bas bapkeri bolyp taǵaıyndaldy.
Nurken Mázbaev qazirge deıin birqatar qazaqstandyq klýbqa bas bapker boldy. Oǵan qosa jastar arasyndaǵy fýtboldy damytýǵa erekshe kóńil bóldi.
Bas bapkerdiń kómekshisi retinde jattyqtyrýshy Sergeı Aleksandrovıch Pak taǵaıyndaldy.