Qazaqstanda apta ishinde bolǵan kadrlyq taǵaıyndaýlar

Apta basynda Danııar Shárip Sý resýrstary jáne ırrıgatsııa mınıstrliginiń Sý dıplomatııasy departamentiniń dırektory bolyp taǵaıyndaldy.

Danııar Esenuly Shárip 1992 jyly Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetin «Gıdrologııa» mamandyǵy boıynsha, sondaı-aq Kaspıı qoǵamdyq ýnıversıtetin «Quqyqtaný» mamandyǵy boıynsha támamdaǵan. Eńbek jolyn 2015 jyly Aýyl sharýashylyǵy mınıstrligi Sý resýrstary komıtetiniń Sý sharýashylyǵy qurylystaryn paıdalaný jáne damytý basqarmasynda sarapshy mindetin atqarýshy retinde bastaǵan. Keıin sarapshy jáne bas sarapshy qyzmetterin atqardy. 2019 jyly Aýyl sharýashylyǵy mınıstrliginiń Transshekaralyq ózender departamenti Transshekaralyq ózender basqarmasynyń bas sarapshysy boldy.

2019-2023 jyldary Ekologııa, geologııa jáne tabıǵı resýrstar mınıstrliginiń Transshekaralyq ózender departamentinde bas sarapshy, keıin Transshekaralyq ózender basqarmasynyń basshysy qyzmetterin atqardy. 2023-2024 jyldary Qazaqstan Respýblıkasy Úkimeti Apparatynyń bas ınspektory boldy. 2024 jyldan búginge deıin Sý resýrstary jáne ırrıgatsııa mınıstrliginiń Halyqaralyq yntymaqtastyq departamenti dırektorynyń orynbasary, keıin osy departamenttiń dırektory qyzmetin atqardy.

Ulttyq ekonomıka mınıstrligi apparatynyń basshysy laýazymyna Asqar Saqtaǵanuly Bıahmetov taǵaıyndaldy.

Asqar Bıahmetov 1975 jyly Aqtóbe oblysynda dúnıege kelgen. Qazaq memlekettik basqarý akademııasyn, Qazaq memlekettik zań akademııasyn, QR Prezıdenti janyndaǵy Memlekettik basqarý akademııasyn bitirgen. 1993–2004 jyldary oblystyq qarjy basqarmasynda, «Profılaktorıı» ÓK, Salyq komıtetinde, qalalyq ákimdikte, sondaı-aq Aqtóbe oblysynyń qazynashylyq jáne qarjy basqarmalarynda basshylyq laýazymdarda jumys istedi.

2004–2009 jyldary — Aqmola oblysy boıynsha Qazynashylyq departamentiniń bastyǵy. 2009–2014 jyldary — QR Konstıtýtsııalyq Keńesiniń bólim meńgerýshisi. 2014–2015 jyldary — QR Ulttyq ekonomıka mınıstrliginiń Memlekettik basqarý júıesin damytý departamentiniń dırektory. 2015–2018 jyldary — Aqtóbe oblysy ákiminiń orynbasary. 2019–2020 jyldary — QR Premer-Mınıstri birinshi orynbasarynyń keńesshisi. 2020–2023 jyldary — QR Premer-Mınıstri Keńsesi basshysynyń orynbasary. 2023–2024 jyldary — QR Úkimeti Apparaty basshysynyń orynbasary. 2024–2025 jyldary — QR eńbek jáne halyqty áleýmettik qorǵaý vıtse-mınıstri. 2025 jyldyń qarasha aıynan bastap qazirgi ýaqytqa deıin QR ulttyq ekonomıka mınıstriniń keńesshisi bolyp jumys istedi.

Al Erkebulan Iemberdıev Ulttyq statıstıka bıýrosy basshysynyń orynbasary bolyp taǵaıyndaldy.

E. Iemberdıev T. Rysqulov atyndaǵy Qazaq ekonomıkalyq ýnıversıtetin «Ekologııa» mamandyǵy boıynsha támamdaǵan. Ol Almaty ekonomıka jáne statıstıka akademııasynda «Ekonomıka» mamandyǵy boıynsha ekonomıka ǵylymdarynyń magıstri dárejesin alǵan. Eńbek jolyn memlekettik statıstıka júıesinde 2011 jyly Qazaqstan Respýblıkasy Statıstıka agenttiginiń «Aqparattyq-esepteý ortalyǵy» ShJQ RMK Almaty qalasyndaǵy fılıalynyń úı sharýashylyqtary statıstıkasyn aqparattyq qamtamasyz etý bóliminiń mamany qyzmetinen bastaǵan.

Jalpy eńbek ótili – 15 jyl. Onyń barlyǵy memlekettik statıstıka júıesindegi qyzmetpen baılanysty. Osy kezeńde Ulttyq statıstıka bıýrosy men Aqparattyq-esepteý ortalyǵy júıesinde mamannan bastap basshylyq laýazymdarǵa deıingi kásibı eńbek jolynan ótti. 2023-2025 jyldary Almaty qalasy boıynsha «Aqparattyq-esepteý ortalyǵy» RMK fılıalynyń basshysy qyzmetin atqaryp, ishki bıznes-protsesterdi jetildirý, tsıfrlyq servısterdi damytý jáne fılıal jumysynyń tıimdiligin arttyrý baǵytyndaǵy jobalardy tabysty júzege asyrdy. Taǵaıyndaýǵa deıin Ulttyq statıstıka bıýrosynyń Strategııalyq josparlaý jáne ádisnamalyq úılestirý departamentiniń dırektory qyzmetin atqardy.

QR Bas prokýrorynyń buıryǵymen ádilet keńesshisi Erlan Almazuly Qyzylorda qalasynyń prokýrory qyzmetine taǵaıyndaldy.

Ol 1984 jyly Qyzylorda oblysynda dúnıege kelgen. Eńbek jolyn 2006 jyly Astana qalasy Almaty aýdany prokýrorynyń kómekshisi qyzmetinen bastaǵan. Ár jyldary Almaty aýdany prokýrorynyń aǵa kómekshisi, bólim bastyǵy, Astana qalasy jáne Pavlodar oblysy prokýratýralarynyń basqarma prokýrory, Pavlodar jáne Baıqońyr qalalary prokýrorynyń orynbasary, QR Bas prokýratýrasy departamenti basqarmasynyń aǵa prokýrory boldy.

Sonymen qatar Kókshetaý qalasy men Syrdarııa aýdanynyń prokýrory, QR Bas prokýrorynyń kómekshisi laýazymdaryn atqarǵan. 2024 jyldyń sáýir aıynan búgingi kúnge deıin Astana qalasy Baıqońyr aýdanynyń prokýrory qyzmetin atqaryp keldi.

Túrkistan oblysynyń Mamandandyrylǵan tabıǵat qorǵaý prokýrory bolyp Aıbek Qanatbekov taǵaıyndaldy.

Aıbek Myrzabekuly Qanatbekov prokýratýra organdaryndaǵy eńbek jolyn 2013 jyly bastaǵan. Ár jyldary Atyraý qalasy prokýratýrasynyń bólim prokýrory, aǵa prokýrory, bólim bastyǵy qyzmetterin atqarǵan. Sondaı-aq Atyraý oblysy men Astana qalasynyń prokýratýra organdarynda túrli laýazymdarda eńbek etken. Osy taǵaıyndaýǵa deıin Bas prokýratýranyń Ózindik qaýipsizdik departamentinde Bas prokýrordyń aǵa kómekshisi qyzmetin atqardy. Prokýratýra organdaryndaǵy eńbek ótili – 13 jyl 4 aı.

Bas áskerı prokýratýra Qyzylorda garnızonynyń áskerı prokýrory laýazymyna Roman Snopov taǵaıyndaldy.

Roman Snopov 1981 jyly Qyzylorda qalasynda dúnıege kelgen. Qazaq gýmanıtarlyq zań ýnıversıtetinde bilim alǵan. Eńbek jolyn 2006 jyly QR Bas prokýratýrasy Quqyqtyq statıstıka jáne arnaıy esepke alý komıtetinde bastaǵan. Keıin Qyzylorda áskerı prokýratýrasynda túrli jaýapty qyzmet atqarǵan.

SQO polıtsııa departamentiniń bastyǵy bolyp Rýslan Nazarov taǵaıyndaldy.

Rýslan Nazarov 1974 jyly týǵan. Ol ishki ister organdaryndaǵy eńbek jolyn 1998 jyly Aqmola oblysy ІІB-niń ýchaskelik polıtsııa ınspektory qyzmetinen bastady. Bir jyldan keıin Kókshetaý qalalyq ishki ister basqarmasynyń qylmystyq izdestirý bóliminiń jedel ýákili bolyp taǵaıyndaldy. 2004 jyly Aqkól aýdandyq ishki ister bóliminiń krımınaldyq polıtsııa bólimin basqardy. Ár jyldary Esil jáne Zerendi aýdandyq ishki ister bólimderi bastyqtarynyń orynbasary qyzmetterin atqardy. 2014 jyly Aqmola oblysy PD krımınaldy polıtsııa basqarmasyn basqardy.

R. Nazarov buǵan deıin de SQO qyzmet atqarǵan. Ol oblystyq polıtsııa departamenti bastyǵynyń orynbasary retinde jedel qyzmetterdiń, krımınaldyq polıtsııanyń jáne esirtki qylmysyna qarsy is-qımyl bólimsheleriniń jumysyn úılestirdi. 2023 jyldan bastap osy taǵaıyndaýǵa deıin Іshki ister mınıstrliginiń ortalyq apparatynda mınıstrliktiń Krımınaldyq polıtsııa departamenti bastyǵynyń orynbasary qyzmetin atqardy.

SQO Aqjar aýdanyna ákim bolyp Nurlan Teltaev taǵaıyndaldy.

Nurlan Teltaev 1974 jyldyń 9 maýsymynda SQO Maǵjan Jumabaev aýdanynda dúnıege kelgen. 1996 jyly Qorǵan aýyl sharýashylyǵy akademııasyn zooınjener mamandyǵy boıynsha támamdaǵan. Eńbek jolynyń edáýir bóligi aýyl sharýashylyǵy salasy men jergilikti atqarýshy organdardaǵy qyzmetpen baılanysty. 2007 jyldan bastap Aqqaıyń aýdany ákiminiń orynbasary qyzmetin atqardy. 2025 jyldyń aqpanynda Qyzyljar aýdandyq AMANAT partııasy fılıalynyń tóraǵasy bolyp taǵaıyndaldy. Sonymen qatar Qyzyljar aýdany Qoǵamdyq keńesiniń quramyna kirdi.

Sondaı-aq Shymkent qalasynda eki sotqa jańa sýdıalar taǵaıyndaldy.

Qalalyq mamandandyrylǵan aýdanaralyq ekonomıkalyq sotynyń sýdıasy bolyp Násıba Rozıkýlova taǵaıyndaldy. Ol 1979 jyly týǵan. 2002-2003 jyldary Ońtústik Qazaqstan oblystyq advokattar alqasynda advokat taǵylymdamasynan ótken. 2003 jyldan 2025 jylǵa deıin oblystyq advokattar alqasynda advokat qyzmetin atqarǵan.

Al qylmystyq ister jónindegi aýdanaralyq sotynyń sýdıasy bolyp Danııar Jumataev taǵaıyndaldy. Ol 1988 jyly týǵan. Eńbek jolyn 2010 jyly Ońtústik-Shyǵys óńiraralyq temirjol kóligindegi memlekettik sanıtarlyq-epıdemıologııalyq qadaǵalaý departamentinde bastaǵan. Ár jyldary «Qazaqstan Halyq Banki» AQ-nyń OQO fılıalynda, Memlekettik sanıtarııalyq-epıdemıologııalyq qadaǵalaý komıtetiniń OQO boıynsha departamentinde, «Seikhun» JShS-de qyzmet atqarǵan.

2014-2025 jyldary Sybaılas jemqorlyqqa qarsy is-qımyl agenttiginiń Ońtústik Qazaqstan jáne Túrkistan oblystary boıynsha departamentterinde túrli laýazymdarda jumys istegen. 2025-2026 jyldary Ulttyq qaýipsizdik komıtetiniń Túrkistan oblysy boıynsha departamenti Sotqa deıingi tergeý basqarmasynyń memlekettik basqarý salasyndaǵy sybaılas jemqorlyq qylmystardy tergeý bóliminde asa mańyzdy ister boıynsha aǵa tergeýshi bolǵan.

Taldyqorǵan qalalyq sotynyń sýdıasy bolyp Danııar Moldahmetov taǵaıyndaldy. 

Danııar Samatuly Moldahmetov 1994 jylǵy 8 qazanda Taldyqorǵan qalasynda dúnıege kelgen. Ol Іlııas Jansúgirov atyndaǵy Jetisý memlekettik ýnıversıtetin támamdap, Qazaqstan Respýblıkasy Joǵary Sot Keńesi janyndaǵy Ádilet akademııasynda bilim alǵan.

Eńbek jolyn 2016 jyly Taldyqorǵan qalalyq soty keńsesiniń jetekshi mamany qyzmetinen bastaǵan. 2017–2026 jyldar aralyǵynda Taldyqorǵan qalasynyń sottarynda bas maman – sot otyrysynyń hatshysy bolyp jumys istedi. Jalpy eńbek ótili 9 jyl 11 aıdan asady.

Batys Qazaqstan oblysynda da jańadan taǵaıyndalǵan sýdıalar tanystyryldy.

Prezıdent Jarlyǵyna sáıkes Baısal Aıdashev Bórli aýdandyq sotynyń sýdıasy bolyp taǵaıyndaldy. Baısal Aıtjanuly Aıdashev 1993 jylǵy 9 qańtarda Almaty qalasynda dúnıege kelgen. 2014 jyly Ál-Farabı atyndaǵy Qazaq ulttyq ýnıversıtetin, 2015 jyly І.Jansúgirov atyndaǵy Jetisý memlekettik ýnıversıtetin támamdaǵan. Ár jyldary Astana qalasynyń mamandandyrylǵan aýdanaralyq ákimshilik sotynda sot prıstavy, bas maman — sot otyrysynyń hatshysy, mamandandyrylǵan aýdanaralyq ekonomıkalyq sotynda jáne Esil aýdandyq sotynda bas maman — sot otyrysynyń hatshysy boldy. QR Sot ákimshiliginiń Astana qalasy boıynsha departamentiniń qujattamalyq qamtamasyz etý bóliminde bas maman — sot otyrysynyń hatshysy laýazymdarynda qyzmet atqarǵan.

Aıym Jaǵypparova Oral qalalyq sotynyń sýdıasy qyzmetine kiristi. A. Jaǵypparova 1992 jylǵy 19 jeltoqsanda Shyǵys Qazaqstan oblysy Aıagóz qalasynda dúnıege kelgen. 2014 jyly Qazaq gýmanıtarlyq-zań ýnıversıtetin, 2023 jyly M.Nárikbaev atyndaǵy Qazaq gýmanıtarlyq-zań ýnıversıtetin támamdaǵan. Eńbek jolyn zańgerdiń kómekshisi retinde bastap, keıin Astana qalasy advokattar alqasynda taǵylymdamadan ótken. Ártúrli kezeńderde zańger kómekshisi, bas zańger, qyzmetterin atqarǵan.

Aqjaıyq aýdandyq sotyna sýdıa bolyp Roza Muqasheva keldi. Roza Aıdarqanqyzy Muqasheva 1988 jylǵy 12 jeltoqsanda Qaraǵandy oblysy Molodejnyı aýylynda dúnıege kelgen. 2012 jyly S. Toraıǵyrov atyndaǵy Pavlodar memlekettik ýnıversıtetin, 2012 jyly Kókshe akademııasyn támamdaǵan. Ár jyldary Aqmola oblysy boıynsha sot aktilerin oryndaý departamentiniń Ereımentaý aýmaqtyq bóliminde is júrgizýshi, Ekibastuz qalalyq soty ákimshisinde bas maman — sot otyrysynyń hatshysy qyzmetin atqarǵan.

Oral qalasynyń № 2 sotyna Altyn Oralbaeva qosyldy. Altyn Abzalqyzy Oralbaeva 1983 jylǵy 18 jeltoqsanda Mańǵystaý oblysy Beıneý aýdanynda dúnıege kelgen. 2007 jyly Q.Jubanov atyndaǵy Aqtóbe memlekettik ýnıversıtetin támamdaǵan. Ár jyldary Aqtóbe qalalyq sotynda bas maman — sot otyrysynyń hatshysy, Qarasaı aýdandyq sotynda bas maman, Aqtóbe qalasynyń № 2 sotynda bas maman — sot otyrysynyń hatshysy boldy.

Ózge taǵaıyndaýlarǵa kelsek, Atyraý munaı óńdeý zaýytynyń bas dırektory qyzmetine Muratjan Musaıbekov taǵaıyndaldy.

Muratjan Musaıbekov eńbek jolynda «QazMunaıGaz» júıesinde birqatar basshylyq qyzmetterdi atqarǵan. Atap aıtqanda, munaı-gaz óńdeý jáne munaı-hımııasy jobalaryn iske asyrý jónindegi dırektor, munaı óńdeý jónindegi basqarýshy dırektor, «QazMunaıGaz – óńdeý jáne marketıng» AQ bas dırektorynyń orynbasary, «KPI Inc.» JShS basqarma tóraǵasynyń birinshi orynbasary bolǵan. Sondaı-aq memlekettik jáne jekemenshik uıymdarda qyzmet atqarǵan.

Qazaqstan fýtbol federatsııasy ulttyq quramanyń bas bapkeri qyzmetine nıderlandtyq maman Djon van't Shıpti taǵaıyndady.

62 jastaǵy Djon van't Shıp bapkerlik mansabynda Grekııa jáne Armenııa ulttyq quramalaryn jattyqtyrǵan. Sondaı-aq Nıderland quramasynyń bapkerler shtabynda qyzmet atqarǵan. Ol Qazaqstan ulttyq quramasyn basqarǵan ekinshi nıderlandtyq maman atandy. Buǵan deıin 2006-2008 jyldary ulttyq quramanyń tizginin Arno Paıpers ustaǵan edi. Djon van't Shıp jetekshilik etetin Qazaqstan ulttyq quramasy alǵashqy resmı matchyn 26 qyrkúıekte Farer araldary quramasyna qarsy ótkizedi. Bul kezdesý Ulttar lıgasy aıasynda ótedi.

Sonymen qatar ulttyq quramanyń bapkerler shtabyna Nurbol Jumasqalıev qosyldy. Ol bas bapkerdiń kómekshisi qyzmetin atqarady. Oǵan qosa shtab quramynda Eldos Ahmetov – bas bapkerdiń kómekshisi, ıÝrıı Novıkov – qaqpashylar bapkeri, Vadım Borovskıı – dene daıyndyǵy jónindegi bapker, Tımýr Qusaıynov analıtık bolyp jumys isteıdi.

Tanymal fýtbolshy Samat Smaqov «Atyraý» komandasy tizginin ustady.

Samat Smaqov bapkerlik jolynda «Ordabasy» klýbynyń jattyqtyrýshylar shtabynda qyzmet atqaryp, «Elimaı» komandasyn basqardy. Onyń jetekshiligimen semeılik klýb Premer-Lıgaǵa joldama aldy. Keıin «Astana» klýbynda tehnıkalyq dırektor qyzmetin atqaryp, «Jetisýdyń» bas bapkeri boldy. Tájirıbeli maman fýtbolshy retinde de Qazaqstan fýtbolynda ózindik iz qaldyrǵan. Ulttyq qurama sapynda 76 kezdesý ótkizip, elimizdiń alty dúrkin chempıony jáne tórt dúrkin Qazaqstannyń úzdik fýtbolshysy atanǵan.

«Jeńis» fýtbol klýby bosnııalyq maman Vladımır Slıshkovıchtiń bas bapker qyzmetine taǵaıyndalǵanyn málim etti.

3 jastaǵy maman «Spartak» klýbyn basqarǵan kezde Reseı Premer-Lıgasynda birde-bir ret jeńilis tappaǵan jáne aıdyń úzdik bapkeri dep tanylǵan. Ol óziniń bapkerlik jolyn bosnııalyq «Zrınskı» komandasynda bastaǵan. Sondaı-aq Qytaı, Saýd Arabııasy klýbtarynda jáne Bosnııa men Gertsegovınanyń jasóspirimder quramasynda jumys istegen.