Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — 4-10 mamyr aralyǵynda elimizdiń memlekettik basqarý júıesi men óńirlerinde birqatar kadrlyq ózgeris boldy.
Roman Sklıar Memleket basshysynyń Jarlyǵymen Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy.
Ol 1971 jylǵy 8 mamyrda Pavlodar qalasynda dúnıege kelgen.
Pavlodar memlekettik ýnıversıtetin «Injener-qurylysshy» mamandyǵy boıynsha, sondaı-aq Máskeý qazirgi zaman bıznes ınstıtýtyn «Ekonomıst» mamandyǵy boıynsha jáne Qazaq quqyqtaný jáne halyqaralyq qatynastar ınstıtýtyn «Zańger» mamandyǵy boıynsha bitirgen.
Eńbek jolyn 1989 jyly «Ekıbastýzýgleavtomatıka» montajdaý-jóndeý basqarmasynda slesar-montajshy qyzmetinen bastaǵan.
1989-1990 jyldary «Kazpromtehmontaj» sharýashylyq-montajdaý basqarmasynyń montajdaýshysy boldy.
1990 jyldan bastap — «Vahınvest» birlesken keńes-batys-german kásipornynyń qaýipsizdik jónindegi ınjeneri, Pavlodar q.
1990-1999 jyldary «Ansat-Pavlodar» JShS kommertsııalyq bóliminiń bastyǵy, dırektordyń orynbasary, bas dırektor qyzmetterin atqardy.
1999-2002 jyldary — «Tynys» JShS dırektory, Pavlodar q.
2002-2003 jyldary — Qazaqstan Respýblıkasy Qarjy mınıstrliginiń dármensiz boryshkerlermen jumys komıteti Pavlodar oblysy boıynsha basqarmasynyń bólim bastyǵy.
2003-2005 jyldary — Pavlodar qalasy memlekettik satyp alý basqarmasynyń bastyǵy.
2005 jylǵy qantardan bastap — Pavlodar oblysy ákiminiń bas ınspektory.
2005 jylǵy sáýirden bastap — Pavlodar oblysy ákimi Apparatynyń basshysy.
2006 jyly — Pavlodar qalasy ákiminiń orynbasary.
2006-2007 jyldary — Astana qalasynyń ákimi apparatynyń ınfraqurylymdy damytý bóliminiń meńgerýshisi.
2007-2008 jyldary — Astana qalasynyń Energetıka jáne kommýnaldyq sharýashylyq departamentiniń dırektory.
2008-2010 jyldary — Pavlodar oblysy ákiminiń orynbasary.
2010-2011 jyldary — Pavlodar oblysy ákiminiń birinshi orynbasary.
2011-2013 jyldary — Qazaqstan Respýblıkasynyń Kólik jáne kommýnıkatsııa vıtse-mınıstri.
2014-2016 jyldary — «Qazaqstan temir joly» AQ vıtse-prezıdenti.
2016 jyly — Qazaqstan Respýblıkasy Májilisiniń depýtaty, QR Parlamenti Májilisiniń Ekonomıkalyq reforma jáne óńirlik damý komıtetiniń tóraǵasy.
2016 jyldyń mamyr aıynan bastap Qazaqstan Respýblıkasynyń Ulttyq ekonomıka vıtse-mınıstri.
2016-2019 jyldary — Investıtsııalar jáne damý birinshi vıtse-mınıstri.
2019 jyldyń aqpan-qyrkúıek aılarynda Qazaqstan Respýblıkasynyń Indýstrııa jáne ınfraqurylymdyq damý mınıstri.
2019-2022 jyldary — QR Premer-mınıstriniń orynbasary.
2022-2026 jyldary — QR Premer-mınıstriniń birinshi orynbasary.
2026 jylǵy 5 mamyrda Memleket basshysynyń Jarlyǵymen Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy.
Sondaı-aq, Memleket basshysynyń Jarlyǵymen Nurlybek Mashbekuly Nálibaev Qazaqstan Respýblıkasy Premer-Mınıstriniń birinshi orynbasary bolyp taǵaıyndaldy, ol burynǵy atqarǵan laýazymynan bosatyldy.
Nurlybek Nálibaev 1976 jyl 13 qazanda Qyzylorda oblysy Jańaqorǵan aýdanynda týǵan.
Qazaq memlekettik agrarlyq ýnıversıtetin, Qazaq gýmanıtarlyq zań ýnıversıtetin bitirgen.
RF Prezıdenti janyndaǵy Reseı Halyq sharýashylyǵy jáne memlekettik qyzmet akademııasynyń 3 kýrs doktoranty.
Eńbek jolyn 1997–1998 jyldary aralyǵynda «Kazahoıl-kommertsııa» JShS munaı jáne munaı óndirisi sarapshysy bolyp bastaǵan.
1998-2005 jyldarda jeke kommertsııalyq qurylymdarda basshylyq qyzmetter atqarǵan.
2005-2007 jyldary — Qyzylorda qalasy ákiminiń orynbasary, birinshi orynbasary.
2007-2008 jyldary — Qyzylorda oblysy ákimi apparatynyń basshysy.
2008-2013 jyldary — Qyzylorda oblysyndaǵy Shıeli aýdanynyń ákimi.
2013-2021 jyldary — Qyzylorda qalasynyń ákimi.
2021-2022 jyldary — Qazaqstan Respýblıkasy Premer-mınıstri Keńsesiniń Óńirlik damý bóliminiń meńgerýshisi.
2022 jyldyń 7 sáýirinen 2026 jyldyń mamyryna deıin — Qyzylorda oblysynyń ákimi.
2026 jyly 6 mamyrda Memleket basshysynyń Jarlyǵymen Nurlybek Mashbekuly Nálibaev Qazaqstan Respýblıkasy Premer-Mınıstriniń birinshi orynbasary bolyp taǵaıyndaldy.
Al Murat Nálqojauly Ergeshbaev Memleket basshysynyń Jarlyǵymen Qyzylorda oblysynyń ákimi laýazymyna taǵaıyndaldy.
Ol 1966 jyly Qyzylorda qalasynda týǵan. Almaty halyq sharýashylyǵy ınstıtýtyn jáne Qazaqstan Respýblıkasy Prezıdentiniń janyndaǵy Ulttyq joǵarǵy memlekettik basqarý mektebin bitirgen.
Eńbek jolyn 1989 jyly Syrdarııa aýdanynda Jambyl keńsharynyń ekonomısti retinde bastap, Syrdarııa aýdandyq ónerkásip birlestiginiń bólim bastyǵy qyzmetterin atqarǵan.
Sondaı-aq oblysta bank salasynda túrli basshylyq laýazymdar atqaryp, QR Tótenshe jaǵdaılar mınıstrliginiń «Órt sóndirýshi» aktsıonerlik qoǵamynyń vıtse-prezıdenti bolǵan.
2008-2017 jyldary — Qyzylorda qalasynyń ákimi, oblystyq qarjy basqarmasynyń bastyǵy, Qarmaqshy jáne Shıeli aýdandarynyń ákimi, Almaty qalasy boıynsha tutynýshylardyń quqyqtaryn qorǵaý departamenti basshysynyń orynbasary, «QazAgroÓnim» aktsıonerlik qoǵamynyń basqarýshy dırektory, Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy.
2017-2021 jyldary — Qazaly aýdanynyń ákimi.
2021–2023 jyldary — Syrdarııa aýdanynyń ákimi.
2023 jylǵy naýryzdan bastap 2026 jyldyń mamyryna deıin — Qazaqstan Respýblıkasy Parlamenti Májilisi VIII shaqyrylymynyń depýtaty. AMANAT partııasy partııalyq tizimi boıynsha saılanǵan.
2026 jyly 8 mamyrda Murat Nálqojauly Ergeshbaev Memleket basshysynyń Jarlyǵymen Qyzylorda oblysynyń ákimi laýazymyna taǵaıyndaldy.
Sonymen birge, Aıbek Dádebaı jańadan qurylǵan «Ádilet» saıası partııasynyń tóraǵasy bolyp saılandy.
Ol 1980 jylǵy 1 sáýirde Almaty qalasynda dúnıege kelgen.
2001 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetin támamdaǵan.
2003 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń magıstratýrasyn aıaqtaǵan, magıstr-aımaqtanýshy.
Eńbek jolyn 2001 jyly Qazaq halyqaralyq qatynastar jáne álem tilderi ýnıversıteti halyqaralyq týrızm menedjmenti kafedrasynyń oqytýshysy bolyp bastady.
2008–2011 jyldary — Parlament Senaty apparatynyń Parlamentaralyq baılanystar jáne halyqaralyq yntymaqtastyq bóliminiń sarapshysy, Senat Tóraǵasy kómekshisiniń mindetin atqarýshy.
2011–2013 jyldary — Qazaqstannyń Jeneva qalasynda ornalasqan BUU-daǵy Turaqty ókildiginde úshinshi hatshy, attashe.
2013–2019 jyldary — Parlament Senaty Tóraǵasynyń hatshylyǵy meńgerýshisiniń orynbasary, meńgerýshisi.
2019–2021 jyldary — Prezıdent Keńsesi bastyǵynyń orynbasary.
2021-2022 jyldary — Prezıdent Іs basqarýshysynyń orynbasary.
2022 jyldyń 11 qańtarynan 2024 jyldyń aqpanyna deıin — Prezıdenttiń Іs basqarýshysy.
2024 jyldyń 6 aqpanynan 2026 jyldyń mamyryna deıin — Prezıdent Ákimshiliginiń Basshysy.
2026 jyldyń 7 mamyrynda Aıbek Dádebaı «Ádilet» partııasynyń quryltaı sezinde partııa tóraǵasy bolyp saılandy.
Odan bólek, Memleket Basshysynyń Jarlyǵymen QR Parlamenti Senaty Tóraǵasynyń orynbasary Jaqyp Asanov QR Prezıdentiniń janyndaǵy Adam quqyqtary jónindegi komıssııanyń Tóraǵasy bolyp taǵaıyndaldy.
Ol 1963 jyly 17 tamyzda Qyzylorda qalasynda dúnıege kelgen.
1985 jyly S. M. Kırov atyndaǵy Qazaq Memlekettik ýnıversıtetin «quqyqtaný» mamandyǵy boıynsha aıaqtaǵan.
Ýnıversıtetten keıin Qyzylorda oblystyq advokattar kollegııasyna taǵylymdamashy bolyp qabyldandy.
1986-1993 jyldarda Qyzylorda oblysynyń prokýratýra organdarynda qyzmet atqaryp, Qyzylorda qalasy prokýrorynyń aǵa kómekshisi, oblys prokýrorynyń kómekshisi, aǵa kómekshisi jáne oblystyq prokýratýranyń bólim bastyǵy laýazymdarynda jumys istedi.
1993-1994 jyldary — Qazaqstan Respýblıkasy Bas prokýratýrasy Jalpy qadaǵalaý basqarmasynyń aǵa prokýrory, Jalpy qadaǵalaý basqarmasynyń bólim bastyǵy.
1994-1996 jyldary — Qazaqstan Respýblıkasy Prezıdenti Ákimshiliginde konsýltant, sektor meńgerýshisi.
1996-1997 jyldary — Ońtústik Qazaqstan oblysynyń Salyq polıtsııasy basqarmasy bastyǵynyń birinshi orynbasary.
1997-2001 jyldary — Qazaqstan Respýblıkasy Bas prokýratýrasynda Bas Prokýrordyń aǵa kómekshisi — basqarma bastyǵynyń orynbasary, keıin basqarmanyń bastyǵy, odan keıin Bas prokýratýranyń departament bastyǵy.
2001-2002 jyldary — Almaty qalasy prokýrorynyń birinshi orynbasary.
2002-2003 jyldary — Pavlodar oblysynyń prokýrory.
2003-2005 jyldary — Qazaqstan Respýblıkasynyń Ádilet vıtse-mınıstri.
2005-2006 jyldary — Qazaqstan kásipkerleri men jumys berýshileriniń «Atameken» Jalpyulttyq Odaǵynyń atqarýshy dırektorynyń orynbasary, «Ordabasy» korporatsııasy» AQ-nyń dırektorlar keńesiniń múshesi.
2007-2012 jyldary — «Nur Otan» partııalyq tizimi boıynsha Qazaqstan Respýblıkasy Parlamenti Májilisiniń IV jáne V shaqyrylymdarynyń depýtaty, Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıtetiniń múshesi.
2012-2016 jyldary — Qazaqstan Respýblıkasy Bas Prokýrorynyń orynbasary.
2016-2017 jyldary — Qazaqstan Respýblıkasy Bas Prokýrory.
Qazaqstan Respýblıkasy Prezıdentiniń usynýy boıynsha Qazaqstan Respýblıkasy Parlamenti Senatynyń 2017 jylǵy 11 jeltoqsandaǵy № 273-VI PS qaýlysymen Qazaqstan Respýblıkasy Joǵarǵy Sotynyń Tóraǵasy qyzmetine saılandy. Bes jyldyq merzimniń ótýine oraı jáne basqa qyzmetke aýysýyna baılanysty bul qyzmetten bosatyldy.
Qazaqstan Respýblıkasy Prezıdentiniń 2023 jylǵy 24 qańtardaǵy Jarlyǵymen Parlament Senatynyń depýtaty bolyp taǵaıyndaldy. 2023 jylǵy 26 qańtardan Parlament Senaty Tóraǵasynyń Orynbasary.
2026 jyly 8 mamyrda Memleket Basshysynyń Jarlyǵymen QR Parlamenti Senaty Tóraǵasynyń orynbasary Jaqyp Asanov QR Prezıdentiniń janyndaǵy Adam quqyqtary jónindegi komıssııanyń Tóraǵasy bolyp taǵaıyndaldy.
Aıta keteıik, buǵan deıin ótken aptadaǵy kadrlyq aýys-túıisterdi jarııalaǵanbyz.
