Qazaqstanda apta ishinde bolǵan kadrlyq taǵaıyndaýlar

Memleket basshysynyń ókimimen Arman Qaıratuly Isaǵalıev Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy. 

1972 jyly Almaty qalasynda dúnıege kelgen. 1994 jyly Ál-Farabı atyndaǵy Qazaq memlekettik ýnıversıtetin bitirgen. 1994-1995 jj. Ál-Farabı atyndaǵy Qazaq Ulttyq Memlekettik ýnıversıtetiniń oqytýshysy.1995-1999 jj. Qazaqstan Respýblıkasy Ulttyq Ǵylym Akademııasynyń shyǵystaný ınstıtýtynyń ǵylymı qyzmetkeri. 2020 jyldan bastap Qazaqstan Respýblıkasynyń Qatar Memleketindegi Tótenshe jáne Ókiletti Elshisi qyzmetin atqarǵan.

Joǵarǵy Sot Tóraǵasy Aslambek Merǵalıev Qaraǵandy oblysynyń sýdıalar korpýsyna Qazaqstan Prezıdentiniń Jarlyǵymen taǵaıyndalǵan oblystyq sottyń jańa tóraǵasy Ǵalym Qulekeevti tanystyrdy. 

Ǵ. Batyrbekuly 1979 jyly Jambyl oblysy Qarataý qalasynda dúnıege kelgen. 2024 jyldan bastap qazirgi ýaqytqa deıin Qaraǵandy oblystyq sotynyń azamattyq ister jónindegi sot alqasynyń tóraǵasy boldy.

Budan bólek, Aqtóbe oblysy sottarynyń ujymyna Qazaqstan Respýblıkasy Prezıdentiniń Jarlyǵymen qyzmetke taǵaıyndalǵan oblystyq sottyń jańa tóraǵasy Álibek Ahmetov tanystyryldy. 

Á. Moldabekuly 1978 jyly Qyzylorda oblysynda dúnıege kelgen. 1999 jyly Qazaq memlekettik zań ýnıversıtetin bitirgen. 2023 jyldan bastap qazirgi ýaqytqa deıin Aqtóbe oblystyq sotynyń qylmystyq ister jónindegi sot alqasynyń tóraǵasy boldy.

QR Prezıdentiniń Jarlyǵymen Narıman Beknazarov Almaty oblystyq sotynyń tóraǵasy bolyp taǵaıyndaldy. 

N. Beknazarov 1982 jyly Jambyl oblysynyń Taraz qalasynda dúnıege kelgen. 2004 jyly ál-Farabı atyndaǵy Qazaq ulttyq ýnıversıtetiniń zań fakýltetin, 2006 jyly QR Prezıdenti janyndaǵy Memlekettik basqarý akademııasynyń magıstratýrasyn támamdaǵan. 2020 jyldan beri Almaty qalalyq sotynyń azamattyq ister jónindegi sot alqasynyń tóraǵasy boldy.

Bul aptada Tólendi Qasymov Shyǵys Qazaqstan oblystyq sotynyń tóraǵasy retinde tanystyryldy. T. Tileýjanuly 1973 jyly Qaraǵandy qalasynda dúnıege kelgen. 1999 jyly Qaraǵandy memlekettik ýnıversıtetiniń zań fakýltetin bitirgen. 2021 jyldan bastap osy ýaqytqa deıin Shyǵys Qazaqstan oblystyq sotynyń ákimshilik ister jónindegi sot alqasynyń tóraǵasy boldy.

Qazaqstan Úkimetiniń qaýlysymen Erjan Toqtaǵulov Mádenıet jáne aqparat vıtse-mınıstri qyzmetine taǵaıyndaldy. 

1992 jyly Jambyl oblysynda dúnıege kelgen. L. N. Gýmılev atyndaǵy Eýrazııa ulttyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin, Qazaqstan Respýblıkasy Prezıdentiniń janyndaǵy memlekettik basqarý akademııasyn, Halyqaralyq kóliktik-gýmanıtarlyq ýnıversıtetin bitirgen. Prezıdenttik Jastar kadrlyq rezerviniń múshesi.

2024 jyldyń naýryz aıynan bastap qazirgi ýaqytqa deıin Qazaqstan Mádenıet jáne aqparat mınıstrligi Tsıfrlyq transformatsııalaý jáne jobalyq menedjment departamentiniń dırektory bolyp jumys istedi.

QR Úkimetiniń qaýlysymen Nazgúl Hatepova aýyl sharýashylyǵy vıtse-mınıstri qyzmetine taǵaıyndaldy. 

N. Hatepova 1990 jyly Batys Qazaqstan oblysynda dúnıege kelgen.

Jáńgir han atyndaǵy Batys Qazaqstan agrarlyq-tehnıkalyq ýnıversıtetin, M.Dýlatı atyndaǵy Taraz memlekettik ýnıversıtetin bitirgen. QR Prezıdenti janyndaǵy Memlekettik basqarý akademııasyn támamdap, bıznes jáne basqarý magıstri dárejesin aldy. 2025 jyldyń qańtar aıynan bastap qazirgi ýaqytqa deıin QR Aýyl sharýashylyǵy mınıstrligi eginshilik departamentiniń dırektory bolyp jumys istedi.

Osy aptada Nurbol Baıjanov Týrızm jáne sport mınıstrligi Týrızm ındýstrııasy komıtetiniń tóraǵasy qyzmetine taǵaıyndaldy.

1993 jyly Ulytaý oblysynda dúnıege kelgen. L. N. Gýmılev atyndaǵy Eýrazııa ulttyq ýnıversıtetin, Turan–Astana ýnıversıtetin támamdaǵan. Memlekettik qyzmette 2017 jyldan beri eńbek etedi. 2026 jylǵy qańtardan bastap osy ýaqytqa deıin Týrızm ındýstrııasy komıteti tóraǵasynyń mindetin atqardy.

Mádenıet jáne aqparat mınıstriniń buıryǵymen Azamat Belqaıyrov Mádenıet komıtetiniń tóraǵasy qyzmetine taǵaıyndaldy. 

Azamat Belqaıyrov 1990 jyly 10 maýsymda Qostanaı oblysynda dúnıege kelgen. 2012 jyly Eýrazııa gýmanıtarlyq ınstıtýtyn bitirgen. 2024 jylǵy tamyzdan bastap qazirgi ýaqytqa deıin QR Mádenıet jáne aqparat mınıstrligi Mádenıet komıteti tóraǵasynyń orynbasary boldy.

Qazaqstan Prezıdenti Ákimshiliginiń kelisimimen, aýdandyq máslıhat depýtattarynyń kelisimi jáne óńir basshysynyń ókimimen Aqtoǵaı aýdanynyń ákimi laýazymyna Ernur Áıtkenov taǵaıyndaldy. 

Ernur Nurmuhanuly 1965 jyly týǵan. Maı aýdanynyń týmasy. Joǵary bilimdi, memlekettik qyzmette 20 jyldan astam eńbek ótili bar. Ár jyldary Maı, Baıanaýyl, Aqqýly jáne Tereńkól aýdandaryn basqardy. Sońǵy jyldary Qazaqstan Respýblıkasy Parlamenti Senatynyń depýtaty qyzmetin atqardy.

Budan bólek, Ánýarbek Amanov Pavlodar oblysy Aqsý qalasynyń ákimi laýazymyna taǵaıyndaldy. 

Á. Dúısembaıuly 1986 jyly dúnıege kelgen. Eki joǵary bilimi bar. 2008 jyly S. Toraıǵyrov atyndaǵy Pavlodar memlekettik ýnıversıtetin «Avtomobıl jáne traktor jasaý» mamandyǵy boıynsha, al 2020 jyly Qaztutynýodaǵy Qaraǵandy ekonomıkalyq ýnıversıtetin «Quqyqtaný» mamandyǵy boıynsha támamdaǵan. Bul laýazymǵa taǵaıyndalǵanǵa deıin Pavlodar qalasy ákiminiń orynbasary qyzmetin atqardy.

Munymen qosa, Asqar Ajmurat Aqqýly aýdanynyń ákimi bolyp taǵaıyndaldy. 

Asqar Qadyruly 1976 jyly dúnıege kelgen. Joǵary bilimdi, memlekettik qyzmette 24 jyldan astam eńbek ótili bar. Pavlodar qalasynda, Pavlodar jáne Ýspen aýdandarynda basshylyq qyzmetter atqarǵan. Sondaı-aq eki jyldan astam ýaqyt Pavlodar oblysynyń qurylys basqarmasyn basqardy.

Talǵat Rahmanberdi Astana ákiminiń orynbasary bolyp taǵaıyndaldy. Ol osyǵan deıin Astananyń Baıqońyr aýdanynyń ákimi qyzmetin atqarǵan. 

Ol eńbek jolyn 2004 jyly Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń Jastar isi jónindegi komıtetiniń tóraǵasy bolyp bastaǵan. Ár jyldary «Astana qalasynyń stýdenttik qurylys jáne jastar eńbek jasaqtarynyń shtaby» qoǵamdyq birlestigin basqardy. Sondaı-aq Qazaqstan Respýblıkasy Bas prokýratýrasy ınstıtýtynyń (Astana qalasy) qylmystyq protsess zańdylyǵy men jedel-izdestirý qyzmetin qadaǵalaý boıynsha biliktilikti arttyrý basqarmasynda aǵa prokýror, Astana qalasy Jastar saıasaty máseleleri basqarmasynyń basshysy jáne ózge de qyzmetterdi atqarǵan.

Osy aptada Astana qalasy Baıqońyr aýdanynyń ákimi bolyp Nurlan Álimjanov taǵaıyndaldy. 

Ol memlekettik qyzmettegi eńbek jolyn 2012 jyly bastaǵan. 2023 jylǵy 4 qyrkúıekte Astana qalasynyń Aktıvter jáne memlekettik satyp alý basqarmasynyń basshysy bolyp bekitildi.

Bul aptanyń sońynda «Álem barysy» atanǵan balýan Aıbek Serikboluly Nuǵymarov Aıagóz aýdanyna ákim boldy. 

A. Serikboluly Abaı aýdanynyń Qundyzdy aýylynda dúnıege kelgen. Semeı memlekettik pedagogıkalyq ınstıtýtyn «Dene shynyqtyrý», Qazaq ınnovatsııalyq gýmanıtarlyq — zań ýnıversıtetin «zańger» mamandyqtary boıynsha támamdaǵan. Osy laýazymǵa taǵaıyndalǵanǵa deıin Aıagóz aýdany ákiminiń orynbasary, aýdan ákiminiń mindetin atqarýshy qyzmetinde boldy.

Dırektorlar keńesiniń sheshimimen Temirlan Rahatuly Keldibaev pen Azat Qabdrashıtov «KAZAKH INVEST» UK» AQ Basqarma tóraǵasynyń orynbasary bolyp taǵaıyndaldy. 

Temirlan Keldibaev M. V. Lomonosov atyndaǵy Máskeý memlekettik ýnıversıtetiniń ekonomıka fakýltetin támamdaǵan, sondaı-aq Barselonadaǵy Menedjment joǵary mektebin bıznes ákimshiligi mamandyǵy boıynsha MBA dárejesine ıe.

Al Azat Qabdrashıtov Prezıdenttik jastar kadrlyq rezerviniń múshesi. M. V. Lomonosov atyndaǵy Máskeý memlekettik ýnıversıtetiniń ekonomıka fakýltetin támamdaǵan, Sıngapýr Ulttyq ýnıversıtetiniń strategııa jáne analıtıka mamandyǵy boıynsha MBA dárejesin alǵan.

Kazenergy qaýymdastyǵynyń jańa tóraǵasy bolyp munaı-gaz salasy men memlekettik qyzmette kóp jyldyq tájirıbesi bar Serikqalı Brekeshev saılandy. 

Serikqalı Brekeshev 1972 jyly 14 qazanda Pavlodar qalasynda dúnıege kelgen. 1995 jyly Atyraý polıtehnıkalyq ınstıtýtyn «munaı jáne gaz ken oryndaryn ıgerý» mamandyǵy boıynsha támamdaǵan. 2020 — 2023 jyldary — Qazaqstan Respýblıkasynyń Ekologııa, geologııa jáne tabıǵı resýrstar vıtse-mınıstri, mınıstri.