Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Osy apta Úkimet basshysynyń jańa orynbasary taǵaıyndalyp, Pavlodar oblysynyń prokýratýrasynda kadrlyq aýys-túıis boldy.
Memleket basshysynyń Jarlyǵymen Aıda Ǵalymqyzy Balaeva Qazaqstan Respýblıkasy Premer-mınıstriniń orynbasary — Mádenıet jáne aqparat mınıstri laýazymyna taǵaıyndaldy.
Eńbek joly:
— Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy (1999-2002 jj);
— Almaty qalalyq aqparat jáne qoǵamdyq kelisim basqarmasy Taldaý jáne qoǵamdyq-saıası úrdisterdi úılestirý bóliminiń bastyǵy (2002-2004 jj);
— Almaty qalasy boıynsha aqparat basqarmasy Taldaý jáne boljaý bóliminiń bastyǵy (2004 j);
— Almaty qalasy boıynsha aqparat basqarmasy bastyǵynyń orynbasary (2004-2005 jj);
— Almaty qalasynnyń ishki saıasat departamenti dırektorynyń orynbasary (2005-2006 jj);
— Almaty qalasynyń ishki saıasat departamentiniń dırektory (2006-2008 jj);
— Astana qalasynyń ishki saıasat basqarmasynyń bastyǵy (2008-2010 jj);
— Astana qalasy ákiminiń orynbasary (2010-2014 jj);
— QR Prezıdenti Ákimshiligi Іshki saıasat bóliminiń meńgerýshisi (2014-2019 jj);
— QR Prezıdentiniń kómekshisi — QR Prezıdenti Ákimshiligi Ótinishterdi qaraýdy baqylaý bóliminiń meńgerýshisi (2019-2020 jj);
— QR Aqparat jáne qoǵamdyq damý mınıstri (2020-2022 jj);
— QR Prezıdenti Ákimshiligi basshysynyń orynbasary (2022-2023 jj);
— QR Prezıdentiniń Jarlyǵymen QR Mádenıet jáne aqparat mınıstri (2023 jylǵy 2 qyrkúıekten bastap).
Sonymen qatar, osy aptada Raýan Kankın QR Básekelestikti qorǵaý jáne damytý agenttiginde tsıfrlandyrý departamenti dırektorynyń mindetin atqarýshy qyzmetine kelgeni málim boldy.
Raýan Kankın 1991 jyly Ekibastuz qalasynda dúnıege kelgen.
Birneshe jerde bilim alǵan. Atap aıtqanda:
— 2014 jyly KAIST (Koreıa Respýblıkasy) «Bıznes jáne tehnologııalardy basqarý» mamandyǵy boıynsha oqydy;
— 2022 jyly — Nazarbaev Ýnıversıteti, memlekettik basqarý magıstri;
— 2024 jyly — «Bolashaq» baǵdarlamasy boıynsha Boston ýnıversıteti, jobalyq basqarý magıstri.
2025 jyldyń qazan aıynan bastap Prezıdenttik jastar kadr rezerviniń múshesi. 2014-2016 jyldary KPMG aýdıtorlyq departamentinde jumys istedi. 2017 jyly Máskeýde Sımens qyzmetkeri boldy. 2017-2021 jyldary — PricewaterhouseCoopers kompanııasynyń táýekelderdi taldaý jáne baqylaý bóliminiń aǵa keńesshisi. 2021-2025 jyldary — «Almaty Telekommýnıkeıshns Qazaqstan» AQ táýelsiz dırektory.
Atap aıtqanda, osy aptada Pavlodar oblysynyń prokýratýrasynda birqatar taǵaıyndaý boldy. QR Bas prokýrorynyń buıryǵymen rotatsııa negizinde Pavlodar qalasynyń prokýrory laýazymyna aǵa ádilet keńesshisi Erlan Maratuly Salhanov keldi. Quqyq qorǵaý organdaryndaǵy eńbek ótili 21 jyldan asady. Pavlodar oblysy, Astana qalasy prokýratýralary organdarynda jáne Qazaqstan Respýblıkasy Bas prokýratýrasynyń túrli laýazymdarynda qyzmet atqarǵan. Osyǵan deıin Pavlodar oblysy mamandyrylǵan tabıǵat qorǵaý prokýratýrasyn basqarǵan.
Al Pavlodar oblysy mamandyrylǵan tabıǵat qorǵaý prokýrory laýazymyna ádilet keńesshisi Almas Sovetuly Ábishev taǵaıyndaldy. Quqyq qorǵaý organdaryndaǵy eńbek ótili 13 jyldan asady. Pavlodar oblysy prokýratýrasy organdarynda jáne QR Bas prokýratýrasynyń túrli laýazymdarynda, sonyń ishinde Pavlodar qalasynyń bólim bastyǵy, Ekibastuz qalasy prokýrorynyń orynbasary, Pavlodar oblysy prokýratýrasynyń Apparat basshysynyń laýazymynda qyzmet atqarǵan.
Rotatsııa tártibinde Pavlodar aýdanynyń prokýrory laýazymyna aǵa ádilet keńesshisi Asan Nurbaıuly Nurbaev taǵaıyndaldy. Quqyq qorǵaý organdaryndaǵy eńbek ótili 20 jyldan asady. Pavlodar, Mańǵystaý oblysy prokýratýralary organdarynda jáne QR Bas prokýratýrasynyń túrli laýazymdarynda, onyń ishinde Mańǵystaý oblysy prokýratýrasynyń basqarma bastyǵy, Apparat basshysy laýazymdarynda qyzmet atqarǵan. Buǵan deıin Pavlodar qalasynyń prokýratýrasyn basqarǵan.
QR Bas prokýrorynyń buıryǵymen rotatsııa tártibinde Tereńkól aýdanynyń prokýrory laýazymyna aǵa ádilet keńesshisi Ermek Qaıyrgeldiuly Ahmetov taǵaıyndaldy. Quqyq qorǵaý organdaryndaǵy eńbek ótili 18 jyldan asady. Pavlodar oblysy prokýratýrasy organdarynda jáne QR Bas prokýratýrasynyń túrli laýazymdarynda qyzmet atqarǵan. Osyǵan deıin Pavlodar oblysynyń Pavlodar aýdany prokýratýrasyn basqarǵan.
Aqtoǵaı aýdanynyń prokýrory laýazymyna aǵa ádilet keńesshisi Renat Ibrahımuly Rahmatýlla taǵaıyndaldy. Quqyq qorǵaý organdaryndaǵy eńbek ótili 22 jyldan asady. Pavlodar oblysy prokýratýrasy organdarynyń túrli laýazymdarynda, onyń ishinde basqarma bastyǵy, Baıanaýyl aýdanynyń prokýrory laýazymynda qyzmet atqarǵan. Osy taǵaıyndlaýǵa deıin Pavlodar oblysynyń Tereńkól aýdany prokýratýrasyn basqarǵan.
Osy aptanyń aıaǵynda Alatau City Authority memlekettik qorynyń bas atqarýshy dırektory (CEO) bolyp Álisher Ábdiqadyrov taǵaıyndalǵany jarııalandy. Álisher Ábdiqadyrov memlekettik basqarý, ekonomıkalyq damý jáne ınvestıtsııalyq saıasat salasynda 15 jyldan astam tájirıbesi bar. Ár jyldary Investıtsııalar komıteti tóraǵasynyń orynbasary, Astana qalasynyń ınvestıtsııalar jáne kásipkerlikti damytý basqarmasynyń basshysy, Qaraǵandy oblysy ákiminiń orynbasary, Ulttyq ekonomıka vıtse-mınıstri, Almaty qalasy ákiminiń orynbasary qyzmetterin atqarǵan.
Budan bólek, Qazaqstannyń grek-rım, erkin jáne áıelder kúresi federatsııasynyń prezıdenti bolyp Erkin Oqasov saılandy.
Erkin Oqasov — Batys Qazaqstan oblysynyń týmasy. Kásipker, «VD Stroı-Injınırıng» JShS baqylaý keńesiniń tóraǵasy. Osy ýaqytqa deıin «Qazaq kuresi» qaýymdastyǵynyń vıtse-prezıdenti qyzmetin atqardy.