Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Elimizde osy apta ishinde birqatar kadrlyq aýys-túıis boldy.
Aptanyń alǵashqy kúni Shermaǵanbet Meırambek Zınabdınuly Qyzylorda oblys ákiminiń orynbasary laýazymyna taǵaıyndaldy.
Ol 1972 jyly Jańaqorǵan aýdanynda dúnıege kelgen.
Qorqyt ata atyndaǵy Qyzylorda memlekettik ýnıversıtetin «Tarıh», «Ekonomıka», Qoja Ahmet ıAssaýı atyndaǵy halyqaralyq qazaq-túrik ýnıversıtetin «Quqyqtaný» mamandyqtary boıynsha bitirgen, pedagogıka ǵylymdarynyń kandıdaty.
Eńbek jolyn 1994 jyly Jańaqorǵan aýdanyndaǵy № 239 mekteptiń tarıh pániniń muǵalimi bolyp bastaǵan. 2001-2016 jyldary Jańaqorǵan aýdany ákimi apparatynyń basshysy, oblys ákimi apparaty basshysynyń orynbasary, oblystyq bilim berý, tilderdi damytý jónindegi basqarmalardyń basshysy, Qyzylorda oblysy boıynsha bilim salasyndaǵy baqylaý departamentiniń basshysy jaýapty qyzmetterin abyroımen atqarǵan.
2016-2021 jyldary Aqtóbe oblysy Qobda aýdanynyń ákimi, Aqtóbe oblysy ákiminiń orynbasary boldy.
2022-2023 jyldary Qyzylorda oblysynyń bilim basqarmasynyń basshysy, 2023 jyldyń shilde aıynan bastap Qyzylorda oblysy ákiminiń orynbasary qyzmetin atqardy.
Buǵan deıin Qazaly aýdanynyń ákimi qyzmetin atqardy.
Dál sol kúni Nurjan Islambekov SQO memlekettik múlik jáne jekeshelendirý departamentiniń basshysy bolyp, jańa ornyna jaıǵasty. https://kaz.inform.kz/news/sko-memlekettk-mulk-zhane-zhekeshelendru-departamentnn-basshisi-tagayindaldi-37a494/
Nurjan Batyrbekulynyń jalpy eńbek ótili — 27 jyl. Bilimi — joǵary. Qazaq memlekettik agrarlyq ýnıversıtetin bitirgen.
Keıingi bir jyldan beri Soltústik Qazaqstan oblysynyń memlekettik múlik jáne jekeshelendirý departamenti basshysynyń orynbasary qyzmetin atqarǵan.
28 shildede Aınur Sataeva da Eńbek mınıstrligi Halyqty áleýmettik qorǵaý salasyndaǵy retteý jáne baqylaý komıtetiniń Ulytaý oblysy boıynsha departamentiniń basshysy bolyp taǵaıyndaldy.
Aınur Qanapııaqyzy 1966 jyly dúnıege kelgen.
2002 jyly Almaty ekonomıka jáne statıstıka ınstıtýtyn bitirgen.
1997 jyldan bastap áleýmettik qorǵaý jáne eńbek ınspektsııasy salalarynda jumys istep kele jatyr.
2017 jyldan osy ýaqytqa deıin Qostanaı oblysy eńbek, áleýmettik qorǵaý departamenti basshysynyń orynbasary bolyp qyzmet atqardy.
Ótken aptanyń seısenbisinde Túrkistan oblysy prokýrorynyń jańa orynbasary jumysqa kiristi. https://kaz.inform.kz/news/daulet-tlemisov-turkstan-oblisi-prokurorinin-orinbasari-boldi-642c33/
Bul qyzmetke buryn Saıram aýdanynyń prokýrory qyzmetin atqarǵan Dáýlet Tlemısov jaıǵasty.
Daýlet Seıitjanuly 1982 jyly 27 qyrkúıekte Túrkistan oblysynyń Túlkibas aýdanynda dúnıege kelgen. Qazaq gýmanıtarlyq zań ýnıversıtetin aıaqtaǵan. Ádilet keńesshisi synyptyq shenine ıe.
Quqyq qorǵaý organdaryndaǵy qyzmetin 2005 jyly Saıram aýdany prokýrorynyń kómekshisi bolyp bastaǵan. 2010 jyldan bastap Ońtústik Qazaqstan oblysy prokýratýrasynyń qurylymynda túrli qyzmetterdi atqardy — bólim prokýrory, basqarma prokýrory, sondaı-aq oblys prokýrorynyń kómekshisi laýazymdarynda eńbek etti.
2016–2020 jyldar aralyǵynda Saryaǵash aýdany prokýrorynyń orynbasary, Shymkent qalasy Abaı aýdany prokýrorynyń orynbasary, sondaı-aq Tólebı aýdanynyń prokýrory laýazymdaryn atqardy.
2021 jyldyń qańtarynan bastap osy kúnge deıin Saıram aýdanynyń prokýrory laýazymyn atqaryp keldi.
Araǵa 2 kún salyp Abaı oblysy Jańasemeı aýdanynyń ákimi aýysty. Aýdannyń jańa ákimi bolyp Nurjan Ábdikárimov saılandy.
Nurjan Orazbekuly 1971 jyly 9 mamyrda Semeı oblysy Úrjar aýdany Segizbaı aýylynda dúnıege kelgen.
1996 jyly Semeı memlekettik ýnıversıtetin «Tarıh jáne qoǵamtaný pániniń muǵalimi» mamandyǵy, 2013 jyly Qazaq ınnovatsııalyq gýmanıtarlyq-zań ýnıversıtetin «Ekonomıka» mamandyǵy boıynsha bitirgen.
Eńbek jolyn 1994 jyly Semeı oblysy Taskesken aýdanyndaǵy Tasbulaq orta mektebinde bastap, 2007 jylǵa deıin jasóspirimder sport mektebiniń jattyqtyrýshysy, tarıh pániniń muǵalimi, tárbıe isiniń meńgerýshisi, mekeme dırektory qyzmetterin atqardy.
2007-2009 jyldary — Shyǵys Qazaqstan oblysy Úrjar aýdany Salqynbel aýyldyq okrýginiń ákimi;
2009-2013 jyldary — Shyǵys Qazaqstan oblysy Úrjar aýdandyq bilim bóliminiń basshysy;
2013-2017 jyldary — Shyǵys Qazaqstan oblysy Úrjar aýdany ákimi apparatynyń basshysy;
2017-2021 jyldary — Shyǵys Qazaqstan oblysy Ulan aýdany ákiminiń orynbasary;
2021-2023 jyldary — Abaı oblysy Abaı aýdanynyń ákimi;
2023-2024 jyldary — Abaı oblysy ákiminiń keńesshisi;
2024-2025 jyldary — Abaı oblysy «AMANAT» partııasynyń atqarýshy hatshysy;
2025 jylǵy 22 mamyrdan 2025 jyldyń 30 shildesine deıin Abaı oblysy Jańasemeı aýdany ákiminiń keńesshisi.
2025 jyldyń 31 shildesinen bastap Abaı oblysy Jańasemeı aýdanynyń ákimi bolyp saılandy.
1 tamyz kúni Darhan Alıaqparov Qazaqstan Respýblıkasynyń Atom energııasy jónindegi agenttigine qarasty Atomdyq qadaǵalaý jáne baqylaý komıtetiniń tóraǵasy bolyp taǵaıyndaldy.
Darhan Jumataıuly eńbek jolyn 2008 jyly Jezqazǵan jylý elektr ortalyǵynda «Qazaqmys korporatsııasy» JShS-inde mashınıst-obhodchık bolyp bastap, stantsııa aýysymynyń bastyǵyna deıingi qyzmet satylarynan ótti.
2014 jyldan bastap atomdyq jáne energetıkalyq qadaǵalaý men baqylaý júıesinde qyzmet atqaryp keledi. Astana qalasy boıynsha aýmaqtyq departamentte bas mamannan bastap, departament basshysynyń orynbasary jáne basshysy laýazymdaryna deıin túrli qyzmetterdi atqardy. Keıin Komıtettiń jeke jáne zańdy tulǵalardyń ótinishterimen jumys, aýmaqtyq bólimsheler qyzmetin úılestirý jáne monıtorıng basqarmasyn basqardy.
2020 jyldan bastap Qazaqstan Respýblıkasy Energetıka mınıstrligine qarasty Atomdyq jáne energetıkalyq qadaǵalaý men baqylaý komıteti tóraǵasynyń orynbasary qyzmetin atqardy.
Darhan Jumataıulynyń joǵary bilimi bar. Ol akademık E.A. Bóketov atyndaǵy Qaraǵandy memlekettik ýnıversıtetiniń (tehnıkalyq fızıka mamandyǵy), «Turan-Astana» ýnıversıtetiniń (quqyqtaný mamandyǵy), sondaı-aq Qazaqstan Respýblıkasy Prezıdentiniń janyndaǵy Memlekettik basqarý akademııasynyń (bıznes jáne basqarý baǵyty) túlegi.
Dál osy kúni Meıirlan Rahanov Abaı oblysy ákiminiń orynbasary qyzmetine taǵaıyndaldy.
Meıirlan Rahanov 1988 jyly Qaraǵandy oblysynda dúnıege kelgen. Qaztutynýodaǵy Qaraǵandy ekonomıkalyq ýnıversıtetin bitirgen.
Eńbek jolyn 2011 jyly Qaraǵandy ákimdiginiń ishki saıasat basqarmasynda bastaǵan.
2012 jyly Qaraǵandy oblysy boıynsha salyq basqarmasynda jetekshi maman bolyp jumys istedi.
2012-2013 jyldar aralyǵynda Qaraǵandy oblysy ákimdiginiń ishki saıasat basqarmasynyń bas mamany qyzmetin atqarǵan.
2013-2016 jyldary — Aqparat komıtetiniń baspa BAQ bóliminiń sarapshysy, bas sarapshysy.
2016-2021 jyldary — Qazaqstan Respýblıkasy Prezıdentiniń baspasóz qyzmetiniń sarapshysy, keńesshisi, ınspektory.
2021 jylǵy shildeden 2023 jylǵy jeltoqsanǵa deıin Qazaqstan Respýblıkasy Prezıdentiniń baspasóz qyzmeti sektorynyń meńgerýshisi boldy.