Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Osy aptada elimizdiń memlekettik basqarý júıesinde jáne jergilikti atqarý organdarynda mańyzdy kadrlyq aýys-túıis boldy.
Apta basynda Almaty oblysy ákiminiń ókimimen Qaırat Jumanov oblystyq bilim basqarmasynyń basshysy laýazymyna taǵaıyndaldy.
Qaırat Jumanov 1989 jyly týǵan. Bilimi joǵary: 2010 jyly Abaı atyndaǵy Qazaq ulttyq pedagogıkalyq ýnıversıtetin «psıhologııa» mamandyǵy boıynsha, 2012 jyly T. Rysqulov atyndaǵy Qazaq ekonomıkalyq ýnıversıtetin «ekonomıka» mamandyǵy boıynsha, 2018 jyly Turan ýnıversıtetin «quqyqtaný» mamandyǵy boıynsha, 2021 jyly Ál-Farabı atyndaǵy Qazaq ulttyq ýnıversıtetin «Іskerlik ákimshilendirý» mamandyǵy boıynsha támamdaǵan.
Eńbek jolyn 2009 jyly Almaty qalasyndaǵy № 105 gımnazııanyń pedagog-psıhology bolyp bastaǵan. Ár jyldary Almaty qalasy bilim basqarmasynyń Bostandyq aýdandyq bilim bóliminde bas maman, bólim basshysy, Almaty qalasy Almaly aýdany ákiminiń apparaty mádenıet jáne tilderdi damytý bóliminiń basshysy, Almaty qalasy bilim basqarmasy basshysynyń orynbasary, Jetisý oblysynyń bilim salasynda sapany qamtamasyz etý departamentiniń basshysy laýazymdaryn atqarǵan.
2025 jyldyń sáýir aıynan bastap Almaly aýdany ákimi apparatynyń basshysy qyzmetin atqardy.
Túrkistan qalasy ákimi Ázimbek Pazylbekuly ókimimen Madııar Álipov Túrkistan qalasy ákiminiń orynbasary laýazymyna taǵaıyndaldy.
Madııar Baqtybaıuly Álipov 1987 jyly 4 mamyrda Túrkistan qalasynda dúnıege kelgen. Bilimi — joǵary, memlekettik qyzmet salasynda 18 jyldan astam eńbek ótili bar tájirıbeli maman.
Eńbek jolyn Shymkent qalasynyń jumyspen qamtý jáne áleýmettik baǵdarlamalar basqarmasynda maman bolyp bastaǵan. Keıin Túrkistan oblysynyń qoǵamdyq damý basqarmasynda bólim basshysy, basqarma basshysynyń orynbasary, Túrkistan oblysy ákimi apparatynyń uıymdastyrý-ınspektorlyq bóliminiń basshysy, Saıram aýdany ákiminiń orynbasary qyzmetterin atqarǵan. Buǵan deıin Túrkistan oblysy ákimi apparatynyń qoǵamdyq-saıası monıtorıng bóliminiń basshysy boldy.
Jańa qyzmetinde Madııar Baqtybaıuly Túrkistan qalasy ákimdigi qurylymyndaǵy ishki saıasat, mádenıet jáne sport, jumyspen qamtý jáne áleýmettik baǵdarlamalar, bilim salalaryna jetekshilik etedi.
QR Prezıdenti Ákimshiliginiń kelisimimen oblys ákiminiń ókimi boıynsha Málik Ábdiqadyrov Mańǵystaý oblysy ákiminiń orynbasary qyzmetine taǵaıyndaldy.
Málik Ábdiqadyrov «Qaınar» ýnıversıtetinde quqyqtaný mamandyǵy boıynsha, Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin munaı-gaz isi boıynsha, Ulybrıtanııadaǵy Aberdın ýnıversıtetinde Quqyq magıstri dárejesin alǵan.
Uzaq jyldar boıy oblystyq prokýratýrada qyzmet etip, QR Bas prokýratýrasynyń basqarmalarynda basshylyq qyzmetterdi atqarǵan, «Zapadnaıa Kýrna»-2 «Lýkoıl-Oversız» jobasy (Irak, Basra qalasy), QR Tabıǵı monopolııalardy retteý, QR Ulttyq ekonomıka mınıstrligi básekelestikti jáne tutynýshylar quqyqtaryn qorǵaý komıtetinde jumys istegen.
2020-2024 jyldary — Aqtaý qalasy ákiminiń orynbasary, Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy, «Ózenmunaıgaz» AQ bas dırektorynyń kommertsııalyq máseleler jónindegi orynbasary qyzmetterin atqarǵan. Osy ýaqytqa deıin Mańǵystaý oblysy ákimi apparatynyń basshysy laýazymynda boldy.
Mańǵystaý oblysynyń ákimi Nurdáýlet Qılybaı ókimimen oblystyq tabıǵı resýrstar jáne tabıǵat paıdalanýdy retteý basqarmasy basshysy bolyp Ásel Balmanova taǵaıyndaldy.
Ásel Balmanova 2009 jyly M. Ótemisov atyndaǵy Batys Qazaqstan memlekettik ýnıversıtetiniń ekologııa mamandyǵyn, 2012 jyly Eýrazııa akademııasynyń quqyqtaný mamandyǵyn, 2016 jyly M. Ótemisov atyndaǵy Batys Qazaqstan memlekettik ýnıversıtetiniń ekologııa-magıstri mamandyǵyn, 2025 jyly QR Prezıdenti janyndaǵy Memlekettik basqarý akademııasynyń «Memlekettik basqarý» doktorantýrasyn támamdaǵan. Ekologııa magıstri, «Memlekettik basqarý» baǵdarlamasy boıynsha ekonomıka doktory ǵylymı dárejesine ıe.
Eńbek jolyn 2006-2009 jyldar aralyǵynda № 42 «Aqnıet» gımnazııasynda hatshy, laborant qyzmetterinen bastaǵan.
2009 jyly Batys Qazaqstan oblysy tabıǵı resýrstar jáne tabıǵatty paıdalanýdy retteý basqarmasynyń tabıǵatty qorǵaý jáne monıtorıng bóliminde jastar praktıkasynan ótti.
2010-2012 jyldary basqarmanyń bas mamany boldy. 2012-2016 jyldary Batys Qazaqstan oblysy ákimi apparatynyń qujattamalyq qamtamasyz etý jáne aqparattyq tehnologııalar bóliminde bas maman, bólim basshysy qyzmetterin atqardy. 2017 jyly oblystyń aýyl sharýashylyǵy basqarmasynda quqyqtyq jáne aqparattyq qamtamasyz etý bóliminiń basshysy boldy. 2018 jyldyń mamyr aıynan bastap Mańǵystaý oblysy ákimi apparaty basshysynyń orynbasary qyzmetin atqardy. 2020-2023 jyldary Memlekettik basqarý akademııasynda bilimin jetildirdi.
Mańǵystaý oblysynyń ákimi ókimimen oblystyq aýyl sharýashylyǵy jáne jer qatynastary basqarmasy basshysy bolyp Sábıt Dúısekenov taǵaıyndaldy.
Sábıt Dúısekenov 1987 jyly týǵan, bilimi joǵary. 2012 jyly Jáńgir han atyndaǵy Batys Qazaqstan agrarlyq-tehnıkalyq ýnıversıtetin, 2014 jyly M. Ótemisov atyndaǵy Batys Qazaqstan memlekettik ýnıversıtetin támamdaǵan.
Eńbek jolyn 2012 jyly Mańǵystaý oblysy Aýyl sharýashylyǵy mınıstrligi Orman jáne janýarlar dúnıesi komıtetinde «Ohotzooprom ÓB» RMQK «Kendirli Qaıasan» memlekettik qoryǵynyń kúzet qyzmetiniń bastyǵy qyzmetinen bastaǵan. 2014 jyly «Ohotzooprom ÓB» RMQK Batys óńirlik fılıalynyń dırektory, 2017 jyly «Kendirli Qaıasan» memlekettik qoryq aýmaǵynyń kúzet qyzmetiniń basshysy, ártúrli óńirlik fılıaldarda basshylyq qyzmetter atqardy. 2023 jyly Aqtóbe oblysy Qobda aýdany ákiminiń orynbasary jáne oblystyq tabıǵı resýrstar jáne tabıǵatty paıdalanýdy retteý basqarmasy basshysy boldy. Osy kúnge deıin Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasy basshysy qyzmetin atqardy.
QR Prezıdenti Ákimshiliginiń kelisimi jáne ІІM buıryǵymen general-maıor Sákentaı Shekarbekov QR ІІM Ulttyq ulanynyń «Ońtústik» óńirlik qolbasshylyǵynyń qolbasshysy bolyp taǵaıyndaldy. Buǵan deıin ol Ulttyq ulannyń «Ortalyq» óńirlik qolbasshylyǵynyń qolbasshysy qyzmetin atqarǵan.
Memleket basshysynyń Jarlyǵymen Qazaqstan Respýblıkasynyń Kenııadaǵy Tótenshe jáne Ókiletti Elshisi Barlybaı Sadyqov Qazaqstan Respýblıkasynyń Rýandadaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.
Barlybaı Sadyqov 1964 jyly týǵan. 1988 jyly KSRO Qorǵanys mınıstrliginiń Áskerı ınstıtýtyn ýrdý jáne aǵylshyn tili boıynsha aýdarmashy-referent mamandyǵy boıynsha támamdaǵan. Dıplomatııalyq qyzmetin 1993 jyly Qazaqstan SІM Eýropa jáne Amerıka elderi basqarmasynyń attashesi retinde bastaǵan. Túrli jyldary SІM ortalyq apparaty men Qazaqstannyń Italııa, Shveıtsarııa, AQSh-taǵy dıplomatııalyq ókildikterinde ártúrli qyzmetter atqarǵan. 2013-2015 jyldary QR SІM Erekshe tapsyrmalar jónindegi Elshisi boldy. 2015 jyly Nıý-Iorkte BUU janyndaǵy Qazaqstannyń Turaqty ókiliniń orynbasary bolyp taǵaıyndaldy. 2018 jyly Qazaqstannyń Pákistandaǵy Elshisi boldy. II synypty Tótenshe jáne Ókiletti Ýákil dıplomatııalyq dárejesi bar.
Atyraý oblysy ákiminiń ókimimen Atyraý oblystyq tsıfrlandyrý jáne arhıvter basqarmasynyń basshysy bolyp Marlen Qasenov taǵaıyndaldy.
Marlen Qasenov ekonomıka jáne memlekettik basqarý salasy boıynsha bilimi bar. 2006 jyly Astanadaǵy saýda-ekonomıkalyq kolledjin, 2010 jyly Qaraǵandy ekonomıkalyq ýnıversıtetin, 2017 jyly Reseı halyq sharýashylyǵy jáne memlekettik qyzmet akademııasyn támamdaǵan. Eńbek jolyn QR Prezıdentiniń is basqarmasyna qarasty vedomstvolyq uıymdarda bastaǵan. Ár jyldary Almaty qalasy ákimdiginde bas ınspektor, memlekettik qyzmetterdi baqylaý jáne aqparattyq tehnologııalardy damytý bóliminiń basshysy, QR Prezıdenti Ákimshiliginde sarapshy qyzmetin atqarǵan. Sondaı-aq Astana qalasy ákiminiń orynbasary, aýdandar ákimderiniń orynbasary qyzmetterin atqardy.
Aqtóbede qorǵanys isteri jónindegi departament bastyǵy bolyp Ardaq Qumarov taǵaıyndaldy.
QR Qorǵanys mınıstriniń buıryǵymen polkovnık Ardaq Qumarov jańa qyzmetke taǵaıyndaldy. Aqtóbe oblysynyń týmasy, QR Qarýly kúshteriniń áskerı akademııasyn jáne 2022 jyly zań ýnıversıtetin támamdaǵan. Áskerı qyzmetin vzvod komandırinen bastap, ártúrli laýazymdar atqarǵan, «QR Qarýly Kúshteriniń ardageri» jáne І, ІІ, ІІІ dárejeli «Minsiz qyzmeti úshin» medaldarymen marapattalǵan.
Abaı oblysynyń jańa prokýrory bolyp Nursultan Raqyshev taǵaıyndaldy. Buǵan deıin Almaty qalasy prokýrorynyń birinshi orynbasary qyzmetin atqarǵan.
Nursultan Raqyshev 1983 jyly týǵan, Qazaq gýmanıtarlyq-zań ýnıversıtetin támamdaǵan. Prokýratýra organdarynda 20 jyldan astam qyzmet istep keledi. Eńbek jolyn 2004 jyly Astana qalasy prokýratýrasynda prokýror qyzmetinen bastaǵan, keıin Bas prokýratýra departamentinde, Almaty qalasy prokýrorynyń kómekshisi, Bostandyq aýdany prokýrorynyń orynbasary qyzmetterin atqarǵan. Sondaı-aq Jambyl oblysynda, Almaty qalasy Naýryzbaı aýdanynda ártúrli prokýrorlyq qyzmetter atqardy. 2019 jyldan bastap Almaty qalasy prokýrorynyń orynbasary, keıin birinshi orynbasary qyzmetin atqardy.
Buǵan deıin Qazaqstanda apta ishinde bolǵan kadrlyq taǵaıyndaýlardy osy siltemeden tolyq qaraýǵa bolady.