Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Osy aptada Prezıdenti Ákimshiliginde, Syrtqy ister mınıstrliginde, sot jáne prokýratýra organdarynda birqatar kadrlyq aýys-túıis boldy.
Memleket basshysynyń ókimimen Erjan Nıgmatollauly Ashyqbaev Qazaqstan Respýblıkasy Syrtqy ister mınıstriniń birinshi orynbasary laýazymyna taǵaıyndaldy.
E. Nıgmatollauly 1974 jylǵy 16 maýsymda Almaty qalasynda týǵan. 1998 jyly ál-Farabı atyndaǵy Qazaq memlekettik ulttyq ýnıversıtetin, 2012 jyly Garvard ýnıversıtetiniń Dj.Kennedı atyndaǵy memlekettik basqarý mektebin támamdaǵan. Mamandyǵy — halyqaralyq qatynastar, memlekettik basqarý magıstri. Dıplomatııalyq qyzmetin 1998 jyly QR Syrtqy ister mınıstrliginiń Tórtinshi departamentinde referent bolyp bastaǵan. 2021 jyldan bastap osy taǵaıyndaýǵa deıin Qazaqstan Respýblıkasynyń AQSh-taǵy Tótenshe jáne Ókiletti Elshisi boldy.
Osy aptada Memleket basshysynyń Jarlyǵymen birqatar Elshi taǵaıyndaldy.
Altaı Ibragımuly Ábıbýllaev Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi qyzmetine keldi.
Qazaqstan Respýblıkasynyń Horvatııa Respýblıkasyndaǵy Tótenshe jáne Ókiletti Elshisi Dáýlet Qasekenuly Batyrashev Qazaqstan Respýblıkasynyń Bosnııa jáne Gertsegovınadaǵy, Chernogorııadaǵy Tótenshe jáne Ókiletti Elshisi qyzmetin qosa atqarýshy laýazymyna taǵaıyndaldy.
Qazaqstan Respýblıkasynyń Aljır Halyq Demokratııalyq Respýblıkasyndaǵy Tótenshe jáne Ókiletti Elshisi Ánýarbek Serikuly Ahmetov Qazaqstan Respýblıkasynyń Týnıs Respýblıkasyndaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.
Alekseı Tsoı Prezıdenttiń keńesshisi laýazymyna taǵaıyndaldy.
Aıta keteıik, Alekseı Tsoı 1977 jyly Shymkent qalasynda dúnıege kelgen. 2001 jyly Ońtústik Qazaqstan memlekettik medıtsınalyq akademııasyn bitirip, dáriger mamandyǵyn alǵan. 2007 jyly «Dáneker» halyqaralyq quqyq jáne halyqaralyq bıznes ınstıtýtynyń zań fakýltetin támamdap, zańger mamandyǵyn ıelengen.
Memleket basshysynyń ókimimen Ashat Jumaǵalıuly Jumaǵalı QR Bas Prokýrorynyń orynbasary laýazymyna taǵaıyndaldy.
Osyǵan deıin QR Sybaılas jemqorlyqqa qarsy is-qımyl agenttiginiń tóraǵasy qyzmetinde boldy.
Memleket basshysynyń ókimimen Nurlan Serikuly Baıbazarov Qazaqstan Respýblıkasy Prezıdenti Ákimshiliginiń Investıtsııalar jáne saýda bóliminiń meńgerýshisi laýazymyna taǵaıyndaldy.
Byltyr ol QR Premer-Mınıstriniń orynbasary – Ulttyq ekonomıka mınıstri qyzmetin atqarǵan edi.
Memleket basshysynyń ókimimen Jandos Baqytbekuly Imanalıev Qazaqstan Respýblıkasy Prezıdenti Ákimshiliginiń Syrtqy saıasat bóliminiń meńgerýshisi laýazymyna taǵaıyndaldy.
Prezıdent Jarlyǵymen Qyzylorda oblystyq sotynyń azamattyq ister jónindegi sot alqasynyń tóraǵasy bolyp Jasulan Jaqsylyq taǵaıyndaldy.
Qyzylorda oblystyq sotynyń sýdıalary bolyp Gúlnara Tıyshtyqbaeva, Saltanat Abyzbaeva, Nurlan Elamanov taǵaıyndaldy. Syrdarııa aýdandyq sotynyń tóraǵasy bolyp Qaıratbek Berjanov, Baıqońyr qalalyq sotynyń sýdıasy bolyp Azamat Qazkenov taǵaıyndaldy.
Osy aptada Shymkent qalalyq sotynyń tóraǵasy Ádilhan Shaıhıslamov QR Prezıdentiniń 2025 jylǵy 11 qazandaǵy № 1036 Jarlyǵymen jańadan taǵaıyndalǵan qalalyq sottardyń sýdıalaryn jarııa etti.
Shymkent qalalyq sotyna Ydyrysov Baǵlan Quttyqojauly taǵaıyndaldy. Ol 1983 jyly Qyzylorda oblysynda týǵan.
Shymkent qalasynyń mamandandyrylǵan aýdanaralyq ákimshilik sotyna Ótegenov Nursultan Batyrhanuly taǵaıyndaldy. Ol 1982 jyly Ońtústik Qazaqstan oblysynda týǵan.
Shymkent qalasynyń mamandandyrylǵan aýdanaralyq ekonomıkalyq sotyna Esenbaev Erlan Maratuly taǵaıyndaldy. Ol 1988 jyly Atyraý oblysynda týǵan.
Shymkent qalasynyń qylmystyq ister jónindegi mamandandyrylǵan aýdanaralyq sotyna Týnalıev Baqytjan Quralbekuly taǵaıyndaldy. Ol 1983 jyly Ońtústik Qazaqstan oblysynda týǵan.
Osy aptada Batys Qazaqstan oblystyq sotynda jalpy otyrys ótip, oblystyq sot tóraǵasy Azat Іzbasarov QR Prezıdentiniń 2025 jylǵy 11 qazandaǵy № 1036 Jarlyǵymen taǵaıyndalǵan sýdıalardy tanystyrdy.
Varvara Dmıtrıenko Batys Qazaqstan oblystyq sotynyń sýdıasy laýazymyna taǵaıyndaldy. Sot salasynda 30 jyldan astam ýaqyt boıy jumys istep kele jatqan Varvara Dmıtrıenko 2007 jyldan osy ýaqytqa deıin Oral qalalyq sotynyń sýdıasy qyzmetin atqardy.
Sondaı-aq atalǵan laýazymdy endi Gúlshat Arystanova da atqarady. Ol 2013 jyldan bastap osyǵan deıin Oral qalasy № 2 sotynyń sýdıasy bolyp jumys istegen. Sot júıesindegi jalpy eńbek ótili — 21 jyl.
Óńirdiń qalalyq, aýdandyq sottarynda da jańa taǵaıyndaýlar boldy. Sot júıesinde 12 jyl jumys istegen Sabyrjan Esjanov Oral qalalyq sotynyń tóraǵasy qyzmetine kiristi. Buǵan deıin ol Oral qalasy № 2 sotynyń sýdıasy boldy.
Gúljıhan Saǵıtova Aqjaıyq aýdandyq sotynyń tóraǵasy bolyp taǵaıyndaldy. Osyǵan deıin ol (sot júıesindegi jalpy eńbek ótili — 22 jyl) Aqjaıyq aýdandyq sotynyń sýdıasy boldy.
Osy salada 10 jyldan astam jumys tájirıbesi bar Tursyngúl Ómiralıeva Oral qalasy № 2 sotynyń sýdıasy boldy, buǵan deıin ol osy sottyń sot otyrysy hatshysy qyzmetin atqaryp kelgen.
Budan bólek, Zere Sultanbek (sot júıesindegi eńbek ótili — 9 jyl) Oral qalasy № 2 sotynyń sýdıasy qyzmetine taǵaıyndaldy. Buǵan deıin ol BQO Sot ákimshiligi taldaý jáne josparlaý bóliminiń bas mamany boldy.
Bas prokýrordyń buıryǵymen Jaınarbek Keldibaıuly Myńbaev Talǵar aýdanynyń prokýrory bolyp taǵaıyndaldy.
2017 jyly Bas prokýratýranyń birinshi qyzmetine aǵa prokýror jáne 2021 jyly Bas prokýrordyń kómekshisi laýazymdaryn atqarǵan. 2024 jyldyń qazan aıynan bastap Bas Prokýrordyń aǵa kómekshisi — top jetekshisi bolyp jumys istedi.
Bas prokýrordyń buıryǵymen Qonaev qalasynyń prokýrory bolyp Jaqaev Jánibek Orazbekuly taǵaıyndaldy.
Ol 2022 jyldan bastap qazirge deıin Almaty oblysy Qarasaı aýdanynyń prokýrory laýazymynda qyzmetin atqardy.
Qarasaı aýdanynyń prokýrory bolyp Aıdos Tursynjanuly Chormanov taǵaıyndaldy.
Ol 2022-2025 jyldar aralyǵynda Almaty oblysy Qonaev qalasynyń prokýrory laýazymynda qyzmet atqardy.
AMANAT partııasynyń saıası keńes bıýrosy Májilistegi partııalyq tizim boıynsha bos mandatty Prezıdent jastar kadrlyq rezerviniń múshesi Ábýtálip Mútálige berý týraly qaýly qabyldaǵan edi.
Osy oraıda bul aptada Á. Mútáli Májilis depýtaty retinde ant berdi.
Ádilet Qojanbaev Semeı qalasynyń jańa ákimi bolyp saılandy.
Á. Qojanbaev 1980 jyly 1 qańtarda dúnıege kelgen. Týǵan jeri: Semeı oblysy, Kókpekti aýdany, Bıǵash aýyly.
Azamat Serikuly Aıthojın Qazaqstan hokkeı federatsııasynyń bas dırektory bolyp saılandy.
Sport salasyndaǵy basqarýshylyq tájirıbesi mol Azamat Aıthojın birqatar uıym men vedomstvolarda sheshýshi qyzmetter atqardy.