Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Osy apta elimizdiń ortalyq jáne jergilikti atqarýshy organdarynda, bilim salasynda birqatar kadrlyq aýys-túıis boldy. Kazinform agenttigi 10-16 tamyz aralyǵyndaǵy jańa kadrlyq taǵaıyndaýlarǵa sholý usynady.
Apta basynda Memleket basshysynyń ókimimen Baqyt Esimova Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyna taǵaıyndaldy.
Baqyt Esimova Pavlodar oblysynda dúnıege kelgen. Sankt-Peterbýrg memlekettik ınjenerlik-ekonomıkalyq ýnıversıtetin bitirgen (2006, «Bolashaq» baǵdarlamasy boıynsha).
Eńbek joly: «Qazaqstan jastary kongresi» zańdy tulǵalar qaýymdastyǵynyń menedjeri, atqarýshy dırektor keńsesiniń basshysy (2006-2007); «Saýda saıasatyn damytý ortalyǵy» aktsıonerlik qoǵamynyń sarapshysy (2007-2008); Qazaqstan Respýblıkasy Memlekettik qyzmet isteri agenttiginiń strategııalyq josparlaý jáne qoǵammen baılanys bóliminiń basshysy (2008-2010); Aqmola oblysynyń jumyspen qamtýdy úılestirý jáne áleýmettik baǵdarlamalar departamenti basshysynyń orynbasary (2010-2011); Aqmola oblysynyń jumyspen qamtýdy úılestirý jáne áleýmettik baǵdarlamalar departamentiniń basshysy (2011-2013); Aqmola oblysy ákimi apparatynyń basshysy (2013-2015); «Astana qalasynyń Іshki saıasat departamenti» memlekettik mekemesiniń basshysy (2015-2020); Qostanaı oblysy ákiminiń orynbasary (2020-2022).
2022 jyldyń mamyr aıynan QR Prezıdenti Ákimshiliginiń Ótinishterdi qaraýdy baqylaý bólimi basshysynyń orynbasary boldy.
Memleket basshysynyń ókimimen Ádil Málikuly Súbebaev Qazaqstan Respýblıkasy Qarýly Kúshteri Áýe qorǵanysy kúshteri Áýe shabýylyna qarsy qorǵanys áskerleriniń qolbasshysy laýazymyna taǵaıyndaldy.
Ádil Málikuly Súbebaev 1980 jylǵy 4 aqpanda Qazaq KSR-iniń Taldyqorǵan oblysy Andreevka aýdanyndaǵy Andreevka aýylynda dúnıege kelgen. Úılengen, úsh balasy bar.
2002 jyly Reseı Federatsııasy Qarýly Kúshteriniń Áýe shabýylyna qarsy qorǵanys áskerleriniń Áskerı ýnıversıtetin (Smolensk qalasy) támamdady.
2013 jyly Reseı Federatsııasy Qorǵanys mınıstrliginiń Áýe-ǵaryshtyq qorǵanys áskerı akademııasyn (Sankt-Peterbýrg qalasy) bitirdi.
2025 jyly Qazaqstan Respýblıkasy Ulttyq qorǵanys ýnıversıtetin (Astana qalasy) aıaqtady.
2002 jyly Qazaqstan Respýblıkasynyń Qarýly Kúshterinde áskerı qyzmetin bastady.
Qyzmet barysynda radıotehnıkalyq batareıanyń jaýyngerlik basqarý bólimshesi eseptobynyń bastyǵynan áskerı bólim komandırine deıingi laýazymdardy atqardy.
Sondaı-aq Qazaqstan Respýblıkasy Qarýly Kúshteri Qurlyq áskerleriniń Áýe shabýylyna qarsy qorǵanys áskerleri qolbasshysynyń orynbasary — Jaýyngerlik daıarlyq basqarmasynyń bastyǵy qyzmetin atqardy.
2026 jylǵy 10 tamyzda Qazaqstan Respýblıkasy Qarýly Kúshteri Áýe qorǵanysy kúshteriniń Áýe shabýylyna qarsy qorǵanys áskerleriniń qolbasshysy bolyp taǵaıyndaldy.
QR Qorǵanys mınıstriniń buıryǵymen Qyzylorda qalasynyń qorǵanys isteri jónindegi basqarmasynyń bastyǵy qyzmetine Erlan Abdýllaev taǵaıyndaldy.
Erlan Maratuly 1983 jyly dúnıege kelgen. Qorqyt ata atyndaǵy Qyzylorda memlekettik ýnıversıtetin alǵashqy áskerı jáne dene daıyndyǵy, quqyqtaný mamandyqtary boıynsha támamdaǵan.
Eńbek jolyn 2005 jyly Qyzylorda qalasyndaǵy № 2 orta mektepte dene shynyqtyrý pániniń muǵalimi bolyp bastaǵan.
Ár jyldary Qyzylorda oblystyq qorǵanys isteri jónindegi departamenti, Baıqońyr qalalyq qorǵanys isteri jónindegi basqarmasy, Qyzylorda oblysynyń Syrdarııa aýdanynda, Shyǵys Qazaqstan oblysynyń Óskemen qalasynda áskerı qyzmet salasynda jaýapty qyzmetter atqarǵan.
2023 jyldan búgingi kúnge deıin Qyzylorda oblysynyń qorǵanys isteri jónindegi departamentinde jumyldyrýdy josparlaý bóliminiń bastyǵy qyzmetin atqaryp keldi.
Qarjy mınıstrligi Іshki memlekettik aýdıt komıtetiniń tóraǵasy Erjan Myńjasarov Komıtet ujymyna jańa tóraǵa orynbasary Oljas Nýkaevty tanystyrdy.
Oljas Nýkaev 1985 jyly Óskemen qalasynda dúnıege kelgen. S. Amanjolov atyndaǵy Shyǵys Qazaqstan memlekettik ýnıversıtetin «Qarjy» mamandyǵy boıynsha támamdaǵan. Qarjy akademııasynda alǵan qarjy magıstri dárejesi bar.
Oljas Nýkaev memlekettik aýdıt salasyndaǵy eńbek jolyn 2011 jyly Shyǵys Qazaqstan oblysy boıynsha Qarjylyq baqylaý ınspektsııasynda revızor qyzmetinen bastaǵan.
Memlekettik aýdıt júıesinde eńbek etken jyldary revızordan bastap basshylyq laýazymdarǵa deıingi kásibı joldan ótti.
2019–2022 jyldary Shyǵys Qazaqstan oblysy boıynsha Іshki memlekettik aýdıt departamenti basshysynyń orynbasary qyzmetin atqardy.
2022 jyldan bastap Oljas Nýkaev Іshki memlekettik aýdıt komıtetinde jumysyn jalǵastyryp, Táýekelderdi basqarý basqarmasynyń basshysy qyzmetin atqardy.
Jańa qyzmetinde memlekettik aýdıtti tsıfrlyq damytý jáne taldaý máselelerin, sondaı-aq SMART AUDIT QAZAQSTAN (SAQ) jobasyn engizýdi qosa alǵanda, strategııalyq bastamalardy iske asyrýǵa jetekshilik etedi.
Qazaqstan Respýblıkasy Úkimetiniń qaýlysymen Shynar Qýanyshqyzy Aqparova oqý-aǵartý birinshi vıtse-mınıstri qyzmetine taǵaıyndaldy.
1972 jyly Qaraǵandy oblysynda dúnıege kelgen. Tselınograd qarjy-ekonomıkalyq tehnıkýmyn, E.A.Bóketov atyndaǵy Qaraǵandy memlekettik ýnıversıtetin, Qaztutynýodaǵy Qaraǵandy ekonomıkalyq ýnıversıtetin bitirgen.
2001–2010 jyldary — orys tili men ádebıeti pániniń muǵalimi, dırektordyń tárbıe jumysy jónindegi orynbasary, № 135 Atasý negizgi mektebi, Atasý stansasy.
2010–2011 jyldary — ádisker, Qaraǵandy qalasynyń № 26 kásiptik lıtseıi, Qaraǵandy qalasy.
2011–2012 jyldary — aǵa ádisker, Qaraǵandy oblysy ákimdigi Qaraǵandy oblysy Bilim basqarmasynyń «Saryarqa daryny» óńirlik oqý-ádistemelik ortalyǵy» KMQK, Qaraǵandy qalasy.
2012–2013 jyldary — jetekshi maman, QR BǴM Bilim jáne ǵylym salasyndaǵy baqylaý komıtetiniń Qaraǵandy oblysy Bilim salasyndaǵy baqylaý departamentiniń Bilim sapasyn syrttaı baǵalaý bólimi, Qaraǵandy qalasy.
2013–2018 jyldary — bas maman, QR BǴM Bilim jáne ǵylym salasyndaǵy baqylaý komıtetiniń Qaraǵandy oblysy Bilim salasyndaǵy baqylaý departamentiniń Bilim sapasyn syrttaı baǵalaý bólimi, Qaraǵandy qalasy.
2018–2020 jyldary — QR BǴM Bilim jáne ǵylym salasyndaǵy baqylaý komıtetiniń Qaraǵandy oblysy Bilim salasyndaǵy baqylaý departamentiniń Bilim sapasyn syrttaı baǵalaý bóliminiń basshysy, Qaraǵandy qalasy.
2020–2023 jyldary — QR BǴM Bilim jáne ǵylym salasyndaǵy sapany qamtamasyz etý komıtetiniń Qaraǵandy oblysy Bilim salasyndaǵy sapany qamtamasyz etý departamenti basshysynyń orynbasary.
2023–2025 jyldary — QR Oqý-aǵartý mınıstrligi Bilim berý salasyndaǵy sapany qamtamasyz etý komıtetiniń Qaraǵandy oblysy Bilim berý salasyndaǵy sapany qamtamasyz etý departamentiniń basshysy.
2025 jyly — QR Oqý-aǵartý mınıstrligi Bilim salasyndaǵy sapany qamtamasyz etý komıteti tóraǵasynyń orynbasary.
2025 jyldyń qarasha aıynan bastap qazirgi ýaqytqa deıin QR oqý-aǵartý vıtse-mınıstri qyzmetin atqardy.
Shyǵys Qazaqstan oblysy ákiminiń orynbasary bolyp Renat Qurmambaev taǵaıyndaldy. Buǵan deıin ol Altaı aýdanynyń ákimi laýazymyn atqarǵan. Jańa qyzmetinde ol aýyl sharýashylyǵy, veterınarııa, jer qatynastary jáne tabıǵatty paıdalaný máselelerine jetekshilik etedi.
Renat Tileýhanuly 1980 jyly 25 qańtarda Úlken Naryn aýdanynyń Novo-Berezovka aýylynda dúnıege keldi. 1998 jyly Shyǵys Qazaqstan gýmanıtarlyq kolledjin «Eńbekke baýlý» mamandyǵy boıynsha, 2001 jyly Shyǵys Qazaqstan memlekettik ýnıversıtetin «Aýyl sharýashylyǵy óndirisin mehanıkalandyrý boıynsha kásiptik oqytý» mamandyǵy boıynsha, al 2006 jyly Qazaqstan-Amerıkandyq erkin ýnıversıtetin «Quqyqtaný» mamandyǵy boıynsha támamdady. Memlekettik qyzmettegi eńbek jolyn 2003 jyly Katonqaraǵaı aýdandyq mádenıet bóliminiń jastarmen jumys jónindegi bas mamany bolyp bastady.
2005 jyly Katonqaraǵaı aýdanynyń ishki saıasat, mádenıet jáne tilderdi damytý bóliminiń bas mamany bolyp jumys istedi. 2005 jyldan 2008 jylǵa deıin Katonqaraǵaı aýdany ákiminiń apparaty kadrlyq jáne memlekettik-quqyqtyq jumys bóliminiń meńgerýshisi qyzmetin atqardy.
2008–2009 jyldary Katonqaraǵaı aýdany ákimi apparatynyń uıymdastyrý-kadrlyq bólimin basqardy. 2009–2011 jyldary ShQO ákimi apparaty uıymdastyrý-ınspektorlyq bóliminiń bas ınspektory boldy. Ár jyldary Katonqaraǵaı jáne Ulan aýdandarynyń ákimi, ShQO ákimi apparaty basshysynyń orynbasary jáne Altaı aýdany ákiminiń orynbasary qyzmetterin atqardy.
2023 jylǵy qarashadan osy ýaqytqa deıin Altaı aýdanynyń ákimi laýazymynda jumys istedi.
Erbol Salyqbaev Sý resýrstary jáne ırrıgatsııa mınıstrliginiń Sý únemdeý tehnologııalaryn damytý departamentiniń dırektory bolyp taǵaıyndaldy.
Erbol Salyqbaev 1989 jyly Túrkistan oblysynda dúnıege kelgen. Q. I. Sátbaev atyndaǵy Qazaq ulttyq tehnıkalyq ýnıversıtetin «Tehnologııalyq mashınalar jáne jabdyqtar» mamandyǵy boıynsha, M. Áýezov atyndaǵy Ońtústik Qazaqstan memlekettik ýnıversıtetin «Sý resýrstary jáne sýdy paıdalaný» mamandyǵy boıynsha támamdaǵan.
Eńbek jolyn 2012 jyly Shardara qalasyndaǵy «Er-Serik 2» JShS dırektorynyń orynbasary qyzmetinen bastaǵan. Keıin osy kompanııanyń atqarýshy dırektory boldy.
2014 jyly «Qazsýshar» RMK-nyń «Sý-metrologııa» fılıaly Avtomattandyrý jáne esepteý bóliminiń jetekshi mamany qyzmetin atqardy.
2014 jylǵy qazannan 2015 jylǵa deıin «Qazsýshar» RMK Ońtústik Qazaqstan fılıalynyń Shardara óndiristik bólimshesinde maman, keıin Sýdy paıdalaný bóliminiń metrologııa jáne baılanys jónindegi bas mamany boldy.
2015-2019 jyldary «Qazsýshar» RMK-da bas maman, bólim basshysy, Materıaldyq-tehnıkalyq jabdyqtaý departamentiniń basshysy qyzmetterin atqardy.
2019-2020 jyldary «Qazsýshar» RMK Sýarmaly jerler departamentiniń basshysy boldy.
2020-2022 jyldary «Qazsýshar» RMK departament basshysy, keıin Paıdalaný jáne sýdy paıdalaný bóliminiń basshysy qyzmetterin atqardy.
2022 jyldan qazirgi ýaqytqa deıin «Qazsýshar» RMK bas dırektorynyń paıdalaný jónindegi orynbasary qyzmetin atqaryp keldi.
Dáýren Sákenov Jetisý oblysy Polıtsııa departamenti bastyǵynyń birinshi orynbasary bolyp taǵaıyndaldy.
Dáýren Sákenov ishki ister organdaryndaǵy qyzmetin 2007 jyly bastaǵan. Eńbek jolyn Aqsý aýdanynda jedel ýákil qyzmetinen bastaǵan ol osy jyldar ishinde jedel qyzmettiń túrli laýazymdarynda eńbek etip, kásibı turǵyda ósti.
Jańa basshynyń aýyr jáne asa aýyr qylmystyq quqyq buzýshylyqtardy ashýǵa baǵyttalǵan jedel-izdestirý jumystary boıynsha mol tájirıbesi bar. Kásibıligi, prıntsıpshildigi men praktıkalyq tájirıbesi onyń bilikti basshy ári jedel qyzmettiń tájirıbeli mamany retinde qalyptasýyna múmkindik berdi.
Jetisý oblysy Polıtsııa departamenti bastyǵynyń birinshi orynbasary qyzmetinde Dáýren Sákenov qoǵamdyq tártipti nyǵaıtý, polıtsııa bólimsheleriniń jumys tıimdiligin arttyrý jáne óńir turǵyndarynyń qaýipsizdigin qamtamasyz etý baǵytyndaǵy jumystardy jalǵastyrady.
