Qazaqstanda apta ishinde bolǵan kadrlyq taǵaıyndaýlar

Aptanyń alǵashqy kúni Abaı oblysynda eki jańa basqarma qurylyp, olardyń basshylary taǵaıyndaldy.  Oblystyq sý resýrstary jáne ırrıgatsııa basqarmasy basshysynyń mindetin Ashat Smaılov atqarady.

Ashat Smaılov 1968 jyly 1 naýryzda Semeı oblysy Aqsýat aýdany Qyzyl-Kesik aýylynda dúnıege kelgen. Qaraǵandy memlekettik ýnıversıtetin «Býhgalterlik esep» mamandyǵy boıynsha bitirgen.

Eńbek jolyn 1991 jyly Aqsýat aýdandyq qarjy bóliminde kiristerdiń túsýin boljaý jáne ekonomıkalyq taldaý jónindegi aǵa ekonomıst retinde bastaǵan. 1994-1997 jyldary atalǵan bólimde salyqtardy boljaý bóliminiń meńgerýshisi, keıin qarjy bóliminiń basshysy bolǵan.

1997-2002 jyldary Tarbaǵataı aýdany qarjy bólimi meńgerýshisiniń orynbasary, 2002-2005 jyldary aýdandyq ekonomıka bóliminiń basshysy qyzmetterin atqarǵan. 2005-2007 jyldary Tarbaǵataı aýdany ákiminiń orynbasary boldy.

2009-2010 jyldary aýdan ákimi apparatynyń basshysy, 2010-2018 jyldary qaıtadan ákim orynbasary qyzmetin atqarǵan.

Osy taǵaıyndaýǵa deıin Abaı oblysynyń qarjy basqarmasynyń basshysy boldy.

Sondaı-aq Abaı oblysynyń balalardyń quqyqtaryn qorǵaý basqarmasy basshysynyń mindetin atqarýshy bolyp Qýanysh Ábildaev taǵaıyndaldy.

Qýanysh Ábildaev 1989 jyly Qyzylorda oblysynda dúnıege kelgen. 2011 jyly Qazaq gýmanıtarlyq zań ýnıversıtetin «Quqyqtaný», 2014 jyly Qorqyt ata atyndaǵy Qyzylorda memlekettik ýnıversıtetin «Ekonomıka» mamandyqtary boıynsha támamdaǵan.

Eńbek jolyn 2009 jyly Qyzylorda oblysy Syrdarııa aýdandyq sotynda jetekshi maman retinde bastaǵan. Keıin Jalaǵash aýdandyq sotynda bas maman bolǵan. 2011-2016 jyldary sot aktilerin oryndaý departamentinde memlekettik sot oryndaýshy, QR Memlekettik qyzmet isteri agenttiginiń oblystyq basqarmasynda konsýltant, konsýltant-ınspektor qyzmetterin atqarǵan.

Sondaı-aq Qyzylorda oblysynyń ishki saıasat basqarmasy basshysynyń orynbasary bolǵan.

Osy kúni «Órleý» biliktilikti arttyrý ulttyq ortalyǵynyń basqarma tóraǵasy laýazymyna Ǵalymjan Almatov bekitildi. 

Ǵalymjan Baýyrjanuly Q.A.ıAsaýı atyndaǵy Halyqaralyq qazaq-túrik ýnıversıtetin «Matematıka» mamandyǵy boıynsha, sondaı-aq Aımaqtyq áleýmettik-ınnovatsııalyq ýnıversıtetin bitirgen.

Eńbek jolyn 2010 jyly Shymkent qalasynda matematıka pániniń muǵalimi bolyp bastaǵan. Ár jyldary pedagog-uıymdastyrýshy, dırektordyń oqý isi jónindegi orynbasary, mektep dırektory, sondaı-aq bilim sapasyn qamtamasyz etý júıesinde basshylyq qyzmetter atqarǵan.

2021 jyldan bastap bilim salasynda sapany qamtamasyz etý komıteti júıesinde jumys istegen.

Osy taǵaıyndaýǵa deıin Oqý-aǵartý mınıstrligine qarasty Túrkistan oblysynyń bilim salasynda sapany qamtamasyz etý departamentin basqardy.

Dáýir Erǵabylov pavlodarlyq «Ertis» fýtbol klýbynyń dırektory qyzmetine taǵaıyndaldy. 

Dáýir Qýatuly ár jyldary «Astana» muz saraıy dırektorynyń orynbasary, júzýden olımpıadalyq rezervtiń mamandandyrylǵan balalar-jasóspirimder sport mektebiniń basshysy, Pavlodar qalasynyń dene shynyqtyrý jáne sport bóliminiń basshysy, oblystyq sport basqarmasynyń jetekshisi qyzmetterin atqarǵan.

Abaı oblysy Ádilet departamentiniń basshysy Medet Edrisov boldy. 

Ol 1985 jyly Kókshetaý oblysynda dúnıege kelgen. «Femıda» zań akademııasyn támamdaǵan.

Eńbek jolyn 2007 jyly Aqmola oblysynyń sottar ákimshiliginde bastaǵan. Ádilet organdarynda túrli qyzmetter atqarǵan. Sońǵy jyldary Jetisý oblysy Ádilet departamenti basshysynyń orynbasary bolǵan.

Almaty oblysy Ádilet departamentiniń basshysy bolyp Janbolat Samashev taǵaıyndaldy.

Ol 1979 jyly Shyǵys Qazaqstan oblysynda dúnıege kelgen. Ádilet joǵary quqyq mektebin támamdaǵan.

Ár jyldary ádilet organdarynda, jyljymaıtyn múlik salasynda jáne óńirlik basqarmalarda qyzmet atqarǵan. Buǵan deıin Abaı oblysy Ádilet departamenti basshysynyń orynbasary boldy.

Batys Qazaqstan oblysynda balalardyń quqyqtaryn qorǵaý basqarmasynyń basshysy qyzmetine Afıza Semǵalıeva keldi. 

Ol 1986 jyly dúnıege kelgen. M.Ótemisov atyndaǵy BQMÝ men BQITÝ-dy támamdaǵan.

Ár jyldary «Nur Otan» jáne «AMANAT» partııalarynda túrli qyzmetter atqarǵan. Sońǵy qyzmeti – «AMANAT» partııasy oblystyq fılıaly atqarýshy hatshysynyń orynbasary.

Pavlodar oblysynyń tsıfrlyq tehnologııalar basqarmasynyń basshysy bolyp Asylbek Ahmetjanov taǵaıyndaldy. 

1993 jyly týǵan. EUÝ men Qazaq tehnologııa jáne bıznes ýnıversıtetin támamdaǵan. SDU ýnıversıtetinde magıstr dárejesin alǵan.

Memlekettik qyzmette 2016 jyldan beri jumys isteıdi. Ár jyldary mınıstrlikterde, tsıfrlyq transformatsııa salasynda basshylyq qyzmetter atqarǵan. Sońǵy qyzmeti – Oqý-aǵartý vıtse-mınıstri.

Qyzylorda oblystyq kásipkerler palatasynyń dırektory bolyp Dilmuhamed Abyzov taǵaıyndaldy. 

Ol 1978 jyly Qyzylorda qalasynda dúnıege kelgen. Munaı-gaz jáne ekonomıka salalary boıynsha bilim alǵan.

Ár jyldary jeke sektorda jáne túrli uıymdarda basshylyq qyzmet atqarǵan. Sońǵy qyzmeti – Qyzylorda qalasy ákiminiń orynbasary.

Túrkistan oblysy Shardara qalasynyń ákimi bolyp Dosbol Jumadillaev saılandy. 

Saılaýǵa 19 833 azamat tirkelip, olardyń 10 155-i daýys bergen. Nátıjesinde D.Jumadillaev basym daýys jınady.

Qostanaılyq «Tobyl» fýtbol klýbynyń bas bapkeri qyzmetine Mıroslav Romaşenko taǵaıyndaldy. 

Ol buǵan deıin Reseıdiń «Tom», «Ahmat» klýbtaryn jattyqtyrǵan, sondaı-aq birqatar eýropalyq komandalarda bapkerlik shtab quramynda jumys istegen.

Qazaqstan áıelder quramasynyń burynǵy sportshysy Dına Jolaman Aqmola oblysyndaǵy sport mektebiniń dırektory bolyp taǵaıyndaldy. 

Ol 2016 jylǵy álem chempıony, 2022 jylǵy álem chempıonatynyń qola júldegeri. Sporttyq mansabyn aıaqtaǵannan keıin týǵan óńirinde qyzmetin jalǵastyryp jatyr.

Buǵan deıin 13–18 sáýir aralyǵynda Qazaqstannyń memlekettik basqarý júıesi men óńirlerinde bolǵan kadrlyq ózgeristerge sholý jasaǵan bolatynbyz.