Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Osy apta elimizdiń ortalyq atqarýshy organdarynda, sondaı-aq sport salasynda birqatar kadrlyq aýys-túıis boldy.
Memleket basshysynyń ókimimen Jeneva qalasyndaǵy (Shveıtsarııa) Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstan Respýblıkasynyń Turaqty ókili Erjan Hozeuly Qazyhanǵa Amerıka Qurama Shtattarymen yntymaqtastyqtyń ózekti máseleleri boıynsha kelissózder protsesindegi Qazaqstan Respýblıkasy Prezıdenti Ókiliniń mindetteri júkteldi.
Erjan Qazyhan 1964 jylǵy 21 tamyzda Almaty qalasynda dúnıege kelgen. 1987 jyly Lenıngrad memlekettik ýnıversıtetin bitirgen. Tarıh ǵylymdarynyń kandıdaty. Dıplomatııalyq qyzmetin 1989 jyly Qazaqstan Respýblıkasy Syrtqy ister mınıstrliginiń Protokoldyq-saıası bóliminiń ekinshi hatshysy retinde bastady.
Tótenshe jáne Ókiletti Elshi dıplomatııalyq dárejege ıe. Aǵylshyn jáne arab tilderin meńgergen.
Osy aptada Memleket basshysy Qasym-Jomart Toqaevtyń ókimimen Nurjan Asqaruly Tursynhanov jańa qyzmetke taǵaıyndaldy.
Ol QR Qarjy naryǵyn retteý jáne damytý agenttigi tóraǵasynyń orynbasary laýazymyna keldi.
2003 jyly Nottıngem Ýnıversıtetin«ekonomıka» mamandyǵy boıynsha támamdaǵan.
2019 jaldyn beri Qazaqstan Respýblıkasy Ulttyq Bankiniń Monetarlyq operatsııalar departamentiniń dırektory qyzmetinde boldy.
Sonymen qatar, Memleket basshysynyń ókimimen Qanysh Asanhanuly ÁbýbákirovQazaqstan Respýblıkasy Qorǵanys mınıstriniń birinshi orynbasary — Qazaqstan Respýblıkasy Qarýly Kúshteri Bas shtabynyń bastyǵy bolyp taǵaıyndaldy.
Q. Asanhanuly 1977 jyly 12 aqpanda Túrkistan oblysynda dúnıege kelgen.
Atap aıtqanda, Turar Álimjan Energetıka mınıstrligi Jańartylatyn energııa kózderi departamentiniń dırektory qyzmetine taǵaıyndaldy.
Turar Qambaruly Álimjan — «Bolashaq» baǵdarlamasy aıasynda Ulybrıtanııadaǵy University of Southampton ýnıversıtetin «elektroenergetıka» mamandyǵy boıynsha támamdaǵan.
Eńbek jolyn «KEGOC» AQ-da jabdyqtardy jóndeý jónindegi elektroslesar bolyp bastap, keıin qurylys salasynda jáne memlekettik qyzmette jalǵastyrǵan.
Energetıka mınıstrliginde Atomdyq jáne energetıkalyq qadaǵalaý men baqylaý komıtetiniń aýmaqtyq departamentinde bas maman qyzmetinen bastap, Elektroenergetıkany damytý departamentinde basshylyq laýazymdarǵa deıin qyzmet atqardy.
Taıaýda, dırektorlar keńesiniń sheshimimen «Kazakh Tourism» UK» AQ basqarma tóraǵasy laýazymyna Talǵat Ǵazızov taǵaıyndaldy.
T. Ǵazızov 1986 jylǵy 21 qazanda Astana qalasynda dúnıege kelgen. Ol E.A. Bóketov atyndaǵy Qaraǵandy memlekettik ýnıversıtetin, Ál-Farabı atyndaǵy Qazaq ulttyq ýnıversıtetiniń magıstratýrasyn, «Bolashaq» baǵdarlamasy boıynsha Maıamı ýnıversıtetin támamdaǵan.
Sport salasyna toqtalsaq, Almas Óteshovaýyr atletıkadan Qyzylorda oblysy eresekter quramasynyń aǵa jattyqtyrýshysy bolyp taǵaıyndaldy.
Qazirge deıin ol basqarmaǵa qarasty «Muz aıdyny» mekemesinde ádisker, «Olımpıadalyq rezerv daıarlaý ortalyǵy» KMM dırektorynyń orynbasary qyzmetin atqardy.
Tájirıbeli maman endi oblysta aýyr atletıka sport túrin damytýǵa kúsh salady. Sondaı-aq sportshylardyń turaqty túrde álemdik dodalarǵa qatysýyna, jalpy nátıjesine jaýapty bolady.
Munymen qosa, Qazaqstan boks federatsııasy prezıdentiniń buıryǵymen Qaırat Sátjanov QBF jattyqtyrýshylarmen jumys jónindegi vıtse-prezıdenti qyzmetine taǵaıyndaldy.
Qaırat Sátjanov — QR eńbek sińirgen jattyqtyrýshysy, ár jyldary Qazaqstan ulttyq quramasynyń bas jattyqtyrýshysy qyzmetin atqarǵan. Jýyrda boks federatsııasy Q.Sátjanovtyń densaýlyǵyna baılanysty Qazaqstan ulttyq quramasynyń bas jattyqtyrýshysy qyzmetinen bosatylǵanyn habarlaǵan bolatyn.
Bul aptada Rıkardo Kamara Sobral (Kakaý) fýtzaldan Qazaqstan ulttyq quramasynyń jańa bas bapkeri bolyp taǵaıyndaldy.
Ol buǵan deıin 2013-2018 jyldar aralyǵynda fýtzaldan Qazaqstan quramasyn jattyqtyrǵan. Ulttyq qurama bilikti mamannyń jetekshiligimen 2016 jylǵy Eýropa chempıonatynyń qola júldesin ıelenip, tarıhı jetistikke qol jetkizdi.
Fýtzaldan Qazaqstan ulttyq quramasynyń bapkerler quramynda taǵy da ózgeris boldy. Dinmuhambet Súleımenov bas bapkerdiń assıstenti qyzmetine taǵaıyndaldy.
Dinmuhambet 1981 jyly dúnıege kelgen. Kásibı mansabynda 20 jyldan astam ýaqyt boıy elimizdiń túrli klýbtarynda oınady. Onyń ishinde 10 jylǵa jýyq almatylyq «Qaırat» komandasynyń namysyn qorǵady.
Al «Ertis» fýtbol klýby komandasynyń bas bapkeri bolyp Belarýs mamany Kırıll Alshevskıı taǵaıyndaldy.
Tájirıbeli maman ár jyldary «Rýh», «Lıepaıa», BATE, RÝOR, «Dınamo Mınsk» sekildi klýbtarda, sondaı-aq Belarýs jastar quramasynyń qurylymynda qyzmet atqardy.