Qazaqstanda apta ishinde bolǵan kadrlyq taǵaıyndaýlar

ASTANA.KAZINFORM – Elimizde osy apta ishinde birqatar kadrlyq aýys-túıis boldy.

Aptanyń alǵashqy kúni Úkimet qaýlysymen Aıdar Ahmetbekuly Ábildabekov saýda jáne ıntegratsııa vıtse-mınıstri qyzmetine taǵaıyndaldy. 

Aıdar Ábildabekov 1970 jyly dúnıege kelgen. E.Bóketov atyndaǵy Qaraǵandy memlekettik ýnıversıtetin támamdaǵan.

Eńbek jolyn 1996 jyly bastaǵan. Osy jyldary kommertsııalyq qurylymdarda jumys istep, saýda salasynda kásipkerlik qyzmetpen aınalysty.

1998-2009 jyldary Qazaqstan Respýblıkasynyń keden organdarynda ınspektor, aǵa ınspektor, bas ınspektor, keden beketi bastyǵynyń orynbasary, bólim bastyǵy laýazymdarynda jumys istedi.

2010-2022 jyldary Qazaqstan Respýblıkasy Statıstıka agenttiginiń qyzmetter statıstıkasy basqarmasynyń bastyǵy, Almaty qalasy boıynsha statıstıka departamenti basshysynyń orynbasary, Ońtústik Qazaqstan jáne Túrkistan oblystarynyń, Almaty qalasynyń statıstıka basqarmalaryn basqardy.

2022-2023 jyldary Qazaqstan Respýblıkasy Saýda jáne ıntegratsııa mınıstrligi Saýda komıteti tóraǵasynyń orynbasary boldy.

2023 jyldyń shildesinen bastap jańa qyzmetke taǵaıyndalǵanǵa deıin QR MTI Saýda komıtetiniń tóraǵasy qyzmetin atqardy.

Dál sol kúni astanalyq «Barys» hokkeı klýbyna reseılik maman Mıhaıl Kravets bas bapker qyzmetine taǵaıyndaldy. 

Mıhaıl Kravets bapkerlik jolyn 2001 jyly bastaǵan. KHL aıasynda «Vıtıaz», «Amýr», «Avangard» jáne «Kýnlýn» komandalarynyń tizginin ustaǵan tájirıbeli maman.

Jańa bapkermen kelisimshart 2026 jyldyń 31 mamyryna deıin jasaldy. Taǵy bir jylǵa uzartý múmkindigi qarastyrylǵan.

Jańa maýsymǵa arnalǵan «Barys» klýbynyń jattyqtyrýshylar shtaby tómendegideı:

Bas bapker – Mıhaıl Kravets

Bas bapkerdiń kómekshisi – Talǵat Jaılaýov

Shabýylshylar jattyqtyrýshysy – Aleksandr Savchenkov

Qorǵanys jattyqtyrýshysy – Evgenıı Korolev

Dene daıyndyǵy jattyqtyrýshysy – Denıs Malının

Vıdeo-taldaý jattyqtyrýshysy – Sergeı Tambýlov.

5 tamyz kúni Serik Áshirov QR Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy boldy.

Ol 1986 jyly Almaty qalasynda dúnıege kelgen.

QR ІІM Akademııasynyń zań ınstıtýtyn, Ál-Farabı atyndaǵy Qazaq ulttyq ýnıversıtetin bitirgen.

Eńbek jolyn Qazaqstan Respýblıkasy Syrtqy ister mınıstrligi Konsýldyq qyzmet departamentiniń mamany bolyp bastaǵan.

2009-2012 jyldary – Qazaqstan Respýblıkasynyń Dýbaıdaǵy Bas konsýldyǵy vıtse-konsýly, birinshi hatshysy.

2013-2014 jyldary – Qazaqstan Respýblıkasy Syrtqy ister mınıstrligi Konsýldyq qyzmet departamentiniń birinshi hatshysy.

2014-2016 jyldary – Qazaqstan Respýblıkasynyń Italııa Respýblıkasyndaǵy Elshiliginiń birinshi hatshysy.

2016-2017 jyldary – Qazaqstan Respýblıkasy Syrtqy ister mınıstrligi EKSPO-2017 Komıssary hatshylyǵynyń keńesshisi.

2017-2022 jyldary – Qazaqstan Respýblıkasy Syrtqy ister mınıstrligi Memlekettik protokol qyzmetiniń halyqaralyq is-sharalaryn qamtamasyz etý basqarmasynyń keńesshisi, basshysy.

2022 jyly – QR Premer-mınıstri Keńsesiniń syrtqy ekonomıkalyq yntymaqtastyq jáne hattama bóliminiń bas ınspektory.

2022-2024 jyldary – Qazaqstan Respýblıkasy Premer-mınıstri Protokolynyń bastyǵy.

2024 jyldyń tamyz aıynan bastap qazirgi ýaqytqa deıin Qazaqstan Respýblıkasy Oqý-aǵartý mınıstrligi Bilim salasynda sapany qamtamasyz etý komıteti tóraǵasynyń orynbasary bolyp qyzmet atqardy.

Sonymen qatar sol kúni Pavlodar oblysy boıynsha sot ákimshiligi departamentiniń basshysy bolyp Gúlstan Temirova taǵaıyndaldy.

Gúlstan Temirova 1972 jyly Semeı qalasynda dúnıege kelgen. Qazaq quqyq jáne halyqaralyq qatynastar ınstıtýtyn támamdaǵan.

Memlekettik qyzmette 23 jyldan astam eńbek ótili bar.

Pavlodar oblysy Maı halyq soty sot otyrysynyń hatshysy, Ekibastuz fılıaly saqtandyrý kompanııasynyń mamany, qoǵamdyq-quqyqtyq qordyń zań konsýltanty, Pavlodar qalasy mamandandyrylǵan ákimshilik sotynyń, Pavlodar oblystyq sotynyń keńse meńgerýshisi qyzmetterin atqarǵan.

2016 jyldyń sáýir aıynan bastap qazirgi ýaqytqa deıin Pavlodar oblysy boıynsha sot ákimshiligi departamenti basshysynyń orynbasary qyzmetin atqarǵan.

Ótken aptanyń sársenbisinde Almaty oblysy Raıymbek aýdanynyń ákimi bolyp Dastan Sultanmuratuly Qudabaev saılandy.

Almaty oblysy ákimdiginiń málimetinshe, 3 tamyzda ótken saılaýdyń qorytyndysy boıynsha Dastan Qudabaev jańa qyzmetke keldi. Barlyǵy 19 707 saılaýshynyń 70,3 paıyzy (13 854 adam) qatysyp, óz tańdaýyn jasaǵan. «AMANAT» partııasynan usynylǵan kandıdat 9626 daýys (69,5%) jınap, jeńiske jetti.

Dastan Qudabaev 1971 jyly dúnıege kelgen. 1993 jyly Almaty zooveterınarlyq ınstıtýtyn «zootehnııa» mamandyǵy boıynsha támamdaǵan. Eńbek jolyn sol jyly «Shalkóde» sharýa qojalyǵynda zootehnık bolyp bastaǵan. Memlekettik qyzmetke 2008 jyly Shalkóde aýyldyq okrýgi ákimi apparatynyń bas mamany retinde qabyldanǵan.

Ár jyldary Qarasaz jáne Shalkóde aýyldyq okrýgteriniń ákimi, Raıymbek pen Kegen aýdandary ákimderiniń orynbasary, sondaı-aq oblystyq aýyl sharýashylyǵy basqarmasynyń basshysy qyzmetterin atqarǵan. 2023 jyldan bastap Uıǵyr aýdany ákiminiń orynbasary laýazymyn atqaryp keldi.

7 tamyz kúni Marǵulan Baımuhan Qazaqstan Respýblıkasynyń Taıland Koroldigindegi Tótenshe jáne Ókiletti Elshisi, BUU Azııa men Tynyq muhıtqa arnalǵan Ekonomıkalyq jáne áleýmettik komıssııasy janyndaǵy Qazaqstan Respýblıkasynyń Turaqty ókili qyzmetine taǵaıyndaldy.

Marǵulan Baımuhan 1974 jyly 6 qyrkúıekte Almaty oblysynda dúnıege kelgen.

Polshadaǵy Krakov ekonomıkalyq ýnıversıtetin jáne Kanadanyń Vankýver ýnıversıtetin bitirgen. Halyqaralyq basqarýdaǵy ǵylym magıstri, iskerlik ákimshilendirý magıstri.

Óz eńbek jolyn «Daewoo Electronics» kompanııasyndaǵy marketıng jáne kommertsııa máseleleri jónindegi menedjer retinde bastaǵan.

1997 jyly Polshada «River System Ltd.» kompanııasynyń eksport bóliminiń mamany, keńesshisi, aımaqtyq dırektory (Ońtústik Kavkaz jáne Ortalyq Azııa elderi) retinde jumys istedi.

Dıplomatııalyq qyzmetin 1999 jyldan bastap, SІM Ortalyq apparatynda túrli laýazymdardy atqardy. Qazaqstannyń Polshadaǵy elshiliginde jumys istedi. 2017 jyldan 2019 jylǵa deıin Qazaqstannyń Polshadaǵy Elshisi boldy.

Qazaqstannyń Belgııadaǵy Elshisi laýazymyna taǵaıyndalǵanǵa deıin QR Syrtqy ister mınıstriniń orynbasary boldy.

II synypty Tótenshe jáne Ókiletti Ýákil dıplomatııalyq dárejesine ıe.

Memleket basshysynyń ókimimen Arman Asqaruly Ábdirásilov Qazaqstan Respýblıkasy Qaýipsizdik Keńesiniń Ahýaldyq ortalyǵynyń meńgerýshisi laýazymyna taǵaıyndaldy.

Arman Ábdirásilov 1980 jyly 25 jeltoqsanda Aqmola oblysynda dúnıege kelgen.

Ál-Farabı atyndaǵy 1991-2001 jyldary QazUÝ 1997-2001 mehanıka-matematıka fakýlteti bitirgen.  

Buǵan deıin, Qazaqstanda ótken apta ishinde bolǵan kadrlyq taǵaıyndaýlardy jazǵanbyz.