Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Elimizde osy apta ishinde birqatar kadrlyq aýys-túıis boldy.
3 qarasha Qanat Esbolatov Almaty oblysy ákiminiń birinshi orynbasary taǵaıyndaldy.
Qanat Bolatuly 1982 jyly týǵan. Bilimi joǵary, 2008 jyly Qazaq ulttyq agrarlyq ýnıversıtetin «memlekettik jáne jergilikti basqarý» mamandyǵy boıynsha bitirgen.
Eńbek jolyn 2002 «Dosanov» sharýa qojalyǵy tóraǵasynyń orynbasary bolyp bastaǵan.
Ár jyldary Almaty oblysy qarjy basqarmasynyń Eńbekshiqazaq aýdany boıynsha bir jolǵy talondardy berý jáne esepke alý jónindegi ınspektory, bas ınspektory, aǵa ınspektory, «Megaron & K» JShS-niń qarjy dırektory, Eskeldi aýdany Kókjazyq aýyldyq okrýginiń ákimi, Eskeldi aýdany ákiminiń orynbasary, Almaty oblysy aýyl sharýashylyǵy basqarmasy basshysynyń orynbasary, basqarma basshysy, Jetisý oblysy aýyl sharýashylyǵy basqarmasynyń basshysy laýazymdaryn atqarǵan.
2022 jyldyń qyrkúıek aıynan bastap Jetisý oblysy Kerbulaq aýdanynyń ákimi laýazymynda qyzmet etti.
Apta basynda Almaty ákimi Darhan Satybaldynyń ókimimen, Prezıdent Ákimshiliginiń jáne qalalyq máslıhattyń kelisimimen Bostandyq aýdanynyń ákimi bolyp Azamat Qaldybekov taǵaıyndaldy.
Azamat Qaldybekov 1984 jyly 11 qazanda týǵan. Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha támamdaǵan. «Bolashaq» baǵdarlamasy boıynsha Dıýk ýnıversıtetinde (AQSh, Soltústik Karolına) quqyq magıstri dárejesin alǵan. Qazaq ulttyq agrarlyq zertteý ýnıversıtetinde fılosofııa doktory (PhD) ǵylymı dárejesin qorǵaǵan.
Eńbek jolyn 2007 jyly Almaty qalasy Bostandyq aýdanynyń №2 aýdandyq sotynda jetekshi maman qyzmetinen bastaǵan.
Ár jyldary QR Ulttyq banki, «Samuryq-Qazyna» AQ, «Azamattarǵa arnalǵan úkimet» memlekettik korporatsııasy» KEAQ qurylymdarynda jumys istedi.
2018 jyly Almaty qalasy ákimi apparatynyń bas ınspektory bolyp jumys istedi. 2018 jyly shildeden 2019 jyly naýryzǵa deıin Almaty qalasy Jetisý aýdany ákiminiń apparatynyń basshysy boldy.
2019-2020 jyldary Almaty qalasy Jer qatynastary basqarmasy basshysynyń orynbasary jáne Almaty qalasy Jasyl ekonomıka basqarmasy basshysynyń orynbasary laýazymdaryn atqardy.
2019 jyly Birinshi prezıdenttik jastar kadrlyq rezervine endi. 2020-2024 jyldary Almaty qalasy Alataý aýdanynyń ákimi bolyp jumys istedi. 2024 jyldan osy ýaqytqa deıin Almaty qalasy ákiminiń orynbasary qyzmetin atqardy.
Dúısenbide Berikbol Mándibaev Almatynyń Kásipkerlik jáne ınvestıtsııalar basqarmasynyń basshysy boldy.
Berikbol Mándibaev 1986 jyly 12 naýryzda dúnıege kelgen. ál-Farabı atyndaǵy Qazaq ulttyq ýnıversıtetin jáne Ulybrıtanııadaǵy University of Exeter oqý ornyn támamdaǵan.
Eńbek jolyn 2007 jyly Almaty Іshki saıasat basqarmasynyń jetekshi mamany retinde bastaǵan. Ár jyldary Almaty ákiminiń apparaty qurylymynda qyzmet atqardy.
2017-2024 jyldary birqatar memlekettik organ men ulttyq kompanııada eńbek etti: «Almaty» ÁKK» AQ, «Kazakh Invest» UK» AQ-nyń Almaty qalasy boıynsha ókildigi, «Taraz» ÁKK» AQ.
Sonymen qatar QR Sý resýrstary jáne ırrıgatsııa mınıstrliginde basshylyq laýazymdarda boldy.
2024 jyldan búginge deıin QR Sý resýrstary jáne ırrıgatsııa mınıstrliginiń Sý únemdeý tehnologııalaryn damytý departamentiniń dırektory qyzmetin atqardy.
3 qarashada Sáken Túkibaev Jetisý oblysynyń Týrızm basqarmasynyń basshysy bolyp taǵaıyndaldy.
Sáken Túkibaev 1991 jyly týǵan, bilimi joǵary. Qazaqstan-Brıtan tehnıkalyq ýnıversıtetin «avtomattandyrý jáne basqarý», Ó.Joldasbekov atyndaǵy ekonomıka jáne quqyq akademııasyn «qarjy», Qazaqstan Prezıdentiniń janyndaǵy Memlekettik basqarý akademııasyn «memlekettik jáne jergilikti basqarý, óńirlik damý» mamandyqtary boıynsha bitirgen.
Prezıdenttik jastar kadrlyq rezerviniń múshesi.
Eńbek jolyn Astana qalasynda «MunaıGaz» ınjınırıng kompanııasy» JShS-da ınjener bolyp bastaǵan.
Keıin Taldyqorǵan qalasyndaǵy «TATEK» AQ ekonomısi, Almaty oblysynyń ekonomıka jáne bıýdjettik josparlaý basqarmasynyń bas mamany, bólim basshysy, Qazaqstan Ulttyq ekonomıka mınıstrligi Memlekettik aktıvterdi basqarý saıasaty departamenti dırektorynyń orynbasary, Premer-Mınıstr Keńsesiniń óńirlik damý bóliminiń bas ınspektory, Túrkistan oblysynyń strategııa jáne ekonomıkalyq damý basqarmasy basshysynyń orynbasary, Jetisý oblysynyń Týrızm basqarmasynyń basshysy, 2024 jyldyń aqpan aıynan Jetisý oblysy ákimi apparaty basshysy bolǵan.
5 qarashada Qýanysh Daıyrbekov Kólik mınıstrliginiń apparat basshysy bolyp taǵaıyndaldy.
Qýanysh Rysbekuly 1978 jyly Almaty qalasynda dúnıege kelgen.
Qazaq memlekettik basqarý akademııasyn, Qazaq quqyqtaný jáne halyqaralyq qatynastar ınstıtýtyn bitirgen.
Eńbek jolyn 2000 jyly Astana qalasynda «Qazaqteńizkólikfloty» Ulttyq teńiz keme qatynasy kompanııasy» JAQ ınjeneri bolyp bastady.
2002 jyly – QR Memlekettik kirister mınıstrligi Óndiristik emes tólemder departamentiniń jetekshi mamany.
2002–2013 jyldary – QR Qarjy mınıstrligi qurylymdarynda jetekshi mamannan basqarma basshysyna deıingi túrli laýazymda jumys istedi.
2013–2016 jyldary – QR Parlamenti Májilisi apparaty Qarjy jáne bıýdjet komıtetiniń qyzmetin qamtamasyz etý bóliminiń bas konsýltanty.
2016–2023 jyldary – QR Prezıdenti Ákimshiliginiń Memlekettik qyzmet bóliminiń konsýltantynan bastap Memlekettik qyzmet jáne kadr saıasaty bóliminiń meńgerýshisiniń orynbasaryna deıingi túrli laýazymda qyzmetter atqardy.
6 qarasha kúni Shymkent qalasy ákimi apparatynyń basshysy laýazymyna Berik Áshirbekov taǵaıyndaldy.
Berik Aıdaruly 1986 jylǵy 17 tamyzda Ońtústik Qazaqstan oblysy, Sozaq aýdanynda týylǵan, qazaq, bilimi joǵary.
S.Seıfýllın atyndaǵy Qazaq ulttyq agrarlyq ýnıversıtetin, Qaraǵandy ekonomıkalyq ýnıversıtetin bitirgen, mamandyǵy boıynsha biliktiligi - jer kadastry jáne jyljymaıtyn múlikti baǵalaý jáne quqyqtaný.
Eńbek jolyn 2005 jyly Sozaq aýdandyq jer kadastr bıýrosynyń tehnıgi bolyp bastaǵan. 2006-2023 jyldary Shymkent qalasynyń jer qatynastary bólimi basshysynyń orynbasary, Almaty qalasy Alataý aýdany ákiminiń orynbasary, Shymkent qalasynyń jer qatynastary basqarmasynyń basshysy, Shymkent qalasynyń sáýlet, qala qurylysy jáne jer qatynastary basqarmasynyń basshysy, Shymkent qalasynyń qalalyq orta sapasy jáne baqylaý basqarmasynyń basshysy laýazymdarynda qyzmet atqarǵan.
2023 jyldyń jeltoqsan aıynan bastap búgingi kúnge deıin Shymkent qalasy Turan aýdanynyń ákimi bolyp qyzmet etti.
7 qarashada Ǵylym jáne joǵary bilim mınıstriniń buıryǵymen Gúljan Jarasova Joǵary jáne joǵary oqý ornynan keıingi bilim komıtetiniń tóraǵasy qyzmetine taǵaıyndaldy.
Gúljan Jarasova 1973 jyly Qyzylorda oblysynda dúnıege kelgen.
Ál-Farabı atyndaǵy Qazaq memlekettik ulttyq ýnıversıtetin bitirgen.
1996–2015 jyldar aralyǵynda S.Toraıǵyrov atyndaǵy Pavlodar memlekettik ýnıversıtetiniń oqytýshysy, zertteýshisi, bólim bastyǵy, departament dırektory, kafedra meńgerýshisi bolyp jumys istedi.
2015–2016 jyldary – L.N. Gýmılev atyndaǵy EUÝ-dyń Akademııalyq máseleler jónindegi departamenti dırektorynyń orynbasary.
2016–2019 jyldary – H. Dosmuhamedov atyndaǵy Atyraý memlekettik ýnıversıtetiniń prorektory, rektordyń m.a.
2020 jyl – QR BǴM Bolon protsesi jáne akademııalyq utqyrlyq ortalyǵy dırektorynyń orynbasary.
2020–2021 jyldary – Pavlodar pedagogıkalyq ýnıversıtetiniń Pedagogıkalyq zertteýler ortalyǵynyń dırektory.
2021–2022 jyldary – QR BǴM Bilim jáne ǵylym salasyndaǵy sapany qamtamasyz etý komıteti tóraǵasynyń orynbasary, Joǵary jáne joǵary oqý ornynan keıingi bilim departamentiniń dırektory.
2005–2007 jyldary – «Abaı atyndaǵy Qazaq ulttyq pedagogıkalyq ýnıversıteti» KEAQ prorektory-basqarma múshesi.
2023 jyldyń qarasha aıynan bastap qazirgi ýaqytqa deıin QR ǴJB Joǵary jáne joǵary oqý ornynan keıingi bilim komıteti tóraǵasynyń orynbasary bolyp qyzmet atqardy.
Juma kúni Eńbek jáne halyqty áleýmettik qorǵaý mınıstriniń buıryǵymen Ilıa Skýb Halyqty áleýmettik qorǵaý salasyndaǵy retteý jáne baqylaý komıtetiniń tóraǵasy qyzmetine taǵaıyndaldy.
Ilıa Vasılevıch 1987 jyly Tselınograd qalasynda dúnıege kelgen. Qarjy polıtsııasy akademııasyn bitirgen.
2007-2015 jyldary – QR Qarjy polıtsııasy organdarynda qyzmet etken, Astana qalasy.
2015-2016 jyldary – «Vasil Sport» JShS zańgeri, Astana qalasy.
2016-2019 jyldary – «Astana qalasynyń Jumyspen qamtý, eńbek jáne áleýmettik qorǵaý basqarmasy» MM Arnaýly áleýmettik qyzmetter jáne áleýmettik mekemeler qyzmetin úılestirý bóliminiń basshysy.
2019-2022 jyldary – «Astana qalasynyń Jumyspen qamtý jáne áleýmettik qorǵaý basqarmasy» MM basshysynyń orynbasary, basshysy.