Qazaqstanda apta ishinde bolǵan kadrlyq aýys-túıis
ASTANA. KAZINFORM — Ótip bara jatqan apta ishinde ortalyq jáne jergilikti atqarýshy organdarda birqatar kadrlyq taǵaıyndaýlar boldy.
Atap aıtqanda, Memleket basshysynyń Jarlyǵymen Danııar Sarekenov Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi laýazymyna taǵaıyndaldy.
Danııar Qabıdollauly 2007-2011 jyldary Qazaqstannyń Japonııadaǵy Elshiliginiń keńesshisi, keńesshi-elshisi, 2012-2013 jyldary Syrtqy ister mınıstrligi Azııa jáne Afrıka departamenti dırektorynyń orynbasary, 2013 jyly Qazaqstannyń Malaızııadaǵy keńesshi-elshisi, 2013-2019 jyldary Qazaqstannyń Malaızııadaǵy Elshisi, 2019-2023 jyldary Qazaqstannyń Indonezııadaǵy Elshisi qyzmetterin atqarǵan.
Soltústik Qazaqstan oblysy boıynsha ekologııa departamentin endi Talǵat Sábıev basqarady. Ol buǵan deıin Qostanaıdaǵy vedomstvoǵa jetekshilik etti.
Talǵat Sábıev 1978 jyly Qostanaı qalasynda dúnıege kelgen.
2002 jyly A.Baıtursynov atyndaǵy Qostanaı memlekettik ýnıversıtetin «Zańger», 2016 jyly akademık Zulqarnaı Aldamjar atyndaǵy Qostanaı áleýmettik-tehnıkalyq ýnıversıtetin «ekologııa» mamandyǵy boıynsha támamdady.
Eńbek jolyn 1999 jyly Qostanaı oblysy Áýlıekól aýdanyndaǵy «Chernyshevskıı» JShS zańger-keńesshi retinde bastaǵan.
Keıin Qostanaı qalalyq sot ákimshiliginde sot oryndaýshy, Qostanaı qala ákimi apparatynyń bas mamany, Kóshi-kon komıtetiniń Qostanaı oblysy boıynsha departamentiniń bas mamany, Baqylaý jáne áleýmettik qorǵaý komıtetiniń Qostanaı oblysy boıynsha baqylaý jáne áleýmettik qorǵaý departamentiniń bas mamany bolyp eńbek etti.
Qorshaǵan ortany qorǵaý salasyndaǵy jalpy eńbek ótili 12 jyldan astam. Qostanaı oblysy boıynsha ekologııa departamentinde bas mamannan bastap, bólim basshysy, departament basshysynyń orynbasary bolyp eńbek etti.
Al 2020 jyldan bastap sońǵy taǵaıyndaýǵa deıin Qostanaı oblysy boıynsha ekologııa departamentin basqardy.
Qazaqstan Respýblıkasy Úkimetiniń qaýlysymen Laýra Mersalımova ádilet vıtse-mınıstri qyzmetine taǵaıyndaldy.
1981 jyly Qaraǵandy qalasynda dúnıege keldi. Qazaq gýmanıtarlyq-zań ýnıversıtetin, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen.
Eńbek jolyn 2002 jyly QR Ádilet mınıstrligi AHAJ bóliminiń jetekshi mamany bolyp bastady.
2003-2010 jyldary — QR ÁM jetekshi maman, bas maman, bólim bastyǵy, basqarma bastyǵy.
2010-2014 jyldary — QR ÁM departamenti dırektorynyń orynbasary.
2014 jyly QR tutynýshylardyń quqyqtaryn qorǵaý agenttigi Zań qyzmeti departamentiniń dırektory boldy.
2014-2023 jyldary — «Atameken» ulttyq kásipkerler palatasynda departament dırektorynyń orynbasary, basqarýshy dırektor — departament dırektory.
2024 jylǵy naýryzdan bastap qazirgi ýaqytqa deıin — QR ádilet vıtse-mınıstri (A. Q. Muqanova áleýmettik demalysta bolǵan kezde).
2024 jyldyń qyrkúıeginen bastap buryn osy qyzmetti atqarǵan Alma Muqanova basqa jumysqa aýysýyna baılanysty bosatyldy.
Mańǵystaý oblysynyń ákimi Nurdáýlet Qılybaıdyń ókimimen Mańǵystaý oblystyq energetıka jáne turǵyn úı-kommýnaldyq sharýashylyq basqarmasynyń basshysy qyzmetine Berdibek Qartbaev taǵaıyndaldy.
Berdibek Qartbaev 1989 jyly týǵan.
Bilimi joǵary. 2010 jyly O.Turmaǵanbetuly atyndaǵy Jańaózen munaı jáne gaz kolledjinde, 2013 jyly S. Báıishov atyndaǵy Aqtóbe ýnıversıtetinde, 2022 jyly Sh. Esenov atyndaǵy Kaspıı tehnologııalar jáne ınjınırıng ýnıversıtetinde bilim alǵan.
Eńbek jolyn 2012 jyly Jańaózen qalalyq TKSh, jolaýshylar kóligi jáne avtomobıl joldary bóliminiń ınspektory bolyp bastaǵan.
2013 -2020 jyldary Mańǵystaý oblysynyń energetıka jáne TKSh basqarmasynyń TKSh bóliminiń bas mamany, bólim basshysy, basqarma basshysynyń orynbasary qyzmetterin atqanǵan.
2020 jyly QR Ulttyq ekonomıka mınıstriligi Tabıǵı monopolııalardy retteý komıtetiniń Mańǵystaý oblysy boıynsha departamenti tabıǵı monolııalardy jáne baǵalardy retteý bólimi basshysynyń mindetin atqarýshysy bolǵan. Keıin dál osy bólimniń basshysy qyzmetine taǵaıyndalǵan.
2021-2022 jyldary Mańǵystaý oblysynyń energetıka jáne turǵyn úı-kommýnaldyq sharýashylyq basqarmasynyń basshysy boldy.
2022 jyldan osy ýaqytqa deıin «MAEK» JShS-inde marketıng jáne ótim departamentiniń basshysy jáne ótimdilikti basqarý departamentiniń dırektory bolyp qyzmet atqardy.
Mańǵystaý oblysynyń ákimi Nurdáýlet Qılybaıdyń ókimimen Mańǵystaý oblysynyń mádenıet, tilderdi damytý jáne arhıv isi basqarmasynyń jańa basshysy taǵaıyndaldy. Ol — buǵan deıin Aqtaý qalasy ákiminiń orynbasary qyzmetin atqarǵan Nurtas Salı.
Nurtas Salı «Memlekettik jáne jergilikti basqarý» mamandyǵy boıynsha L. Gýmılev atyndaǵy Eýrazııa ulttyq ýnıversıtetin bitirgen.
Eńbek jolyn 2014 jyly «Mańǵystaý-Medıa» JShS kontent-menedjeri bolyp bastaǵan.
2014-2017 jyldary — Mańǵystaý oblysy ishki saıasat basqarmasynyń bas mamany.
2017 jyldan 2019 jylǵa deıin Mańǵystaý oblysy ishki saıasat basqarmasynyń bólim basshysy, 2019 jyldan 2022 jylǵa deıin ishki saıasat basqarmasy basshysynyń orynbasary bolyp jumys istedi.
2022 jyldyń qańtar aıynan bastap Mańǵystaý oblysy jastar saıasaty basqarmasynyń basshysy, sáýir aıynan bastap 2023 jyldyń mamyr aıyna deıin Mańǵystaý oblystyq ishki saıasat basqarmasynyń basshysy boldy.
2023 jyldan osy kúnge deıin Aqtaý qalasy ákiminiń orynbasary qyzmetin atqardy.
Mańǵystaý oblysynyń ákimi Nurdáýlet Qılybaıdyń ókimimen Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń jańa basshysy taǵaıyndaldy. Ol — buǵan deıin Mańǵystaý oblysynyń memlekettik eńbek ınspektsııasy basqarmasynyń basshysy qyzmetin atqarǵan Nurbol Telegenov.
Nurbol Telegenov L. N. Gýmılev atyndaǵy Eýrazııa ulttyq ýnıversıtetinde quqyqtaný mamandyǵy boıynsha joǵary bilim alǵan.
Eńbek jolyn 2004 jyly «Otan» partııasynyń Saryarqa aýdandyq fılıalynyń meńgerýshisi, «Jas Otan» jastar qozǵalysynyń basshysy jáne «Otan» partııasynyń ortalyq apparatynyń referent-hatshysy bolyp bastaǵan.
2005-2006 jyldar aralyǵynda Respýblıkalyq stýdent jastardyń eńbek qurylys otrıadtarynyń shtabynyń atqarýshy dırektory, menedjer-zańgeri qyzmetin atqarǵan.
2006-2007 jyldary Qazaqstan Respýblıkasy Bilim jáne ǵylym mınıstrligi jastar saıasaty departamentiniń jetekshi mamany boldy.
2007-2008 jyldar aralyǵynda Qazaqstan Respýblıkasy Bilim jáne ǵylym mınıstrliginiń balalardyń quqyǵyn qorǵaý komıtetiniń balalardy qamqorlyqqa alý jáne kómek kórsetý basqarmasynyń bas mamany, qarjy-ekonomıkalyq basqarmasynyń bas sarapshysy, ákimshilik-kadr jáne quqyqtyq jumys basqarmasynyń sarapshysy jáne zań departamentiniń quqyqtyq qamtamasyz etý basqarmasynyń bas sarapshysy qyzmetterin atqarǵan.
2008-2009 jyldary aralyǵynda Mańǵystaý oblystyq ishki saıasat basqarmasy basshysynyń orynbasary laýazymda eńbek etti.
2009 jyly «Qazaqstan temir joly» AQ personaldy basqarý departamentiniń menedjeri boldy.
2010-2012 jyldar aralyǵynda Mańǵystaý oblystyq ishki saıasat basqarmasy bastyǵynyń orynbasary laýazymyn atqardy.
2012-2013 jyldar aralyǵynda Mańǵystaý oblystyq ishki saıasat basqarmasynyń bastyǵy jáne Qazaqstan Respýblıkasy Prezıdentiniń janyndaǵy Ortalyq kommýnıkatsııalar qyzmetiniń bas sarapshysy qyzmetterin atqarǵan.
2013-2014 jyldary aralyǵynda Qazaqstan Respýblıkasy Prezıdentiniń janyndaǵy Ortalyq kommýnıkatsııalar qyzmetiniń front-keńse qyzmetiniń basshysy, Qazaqstan Respýblıkasy Ulttyq kásipkerler palatasynyń qoǵammen baılanys jónindegi resmı ókili jáne Prezıdent Іs Basqarmasy uıymdastyrý-baqylaý jáne kadr jumysy bólimi memlekettik tildi damytý sektorynyń meńgerýshisi qyzmetterin atqarǵan.
2014-2019 jyldary Prezıdent Іs Basqarmasy uıymdastyrý-baqylaý jáne kadr jumysy bólimi kadr jumysy jáne qujattamalyq qamtamasyz etý sektorynyń bas konsýltanty qyzmetin atqarǵan.
2019-2024 jyldar aralyǵynda Mańǵystaý oblysy ákimi apparaty basshysynyń orynbasary boldy.
2024 jyldyń qańtar aıynan bastap qazirge deıin Mańǵystaý oblysynyń memlekettik eńbek ınspektsııasy basqarmasynyń basshysy qyzmetin atqaryp keledi.
Aqtóbe oblystyq qarjy basqarmasynyń basshysy qyzmetine Erik Tursynǵalıev taǵaıyndaldy. Ol bıyl sáýir aıynan bastap Aqtóbe oblysy ákiminiń keńesshisi qyzmetin atqarǵan.
Erik Tursynǵalıev 1988 jyly dúnıege kelgen. Bilimi joǵary. 2009 jyly Qazaqstandyq menedjment, ekonomıka jáne boljaý ınstıtýtyn, 2010 jyly L. N. Gýmılev atyndaǵy Eýrazııa ulttyq ýnıversıtetin, 2013 jyly Q.Jubanov atyndaǵy Aqtóbe memlekettik ýnıversıtetin támamdaǵan.
Eńbek jolyn 2009 jyly «Olympex Advisers» JShS assıstent, keńesshi bolyp bastaǵan.
2012-2015 jyldary aralyǵynda QR Qarjy Mınıstrliginiń Qarjy baqylaý komıtetiniń sarapshysy, bas sarapshysy, 2015 — 2018 jyldary aralyǵynda QR Qarjy mınıstrliginiń Іshki memlekettik aýdıt komıtetiniń Shyǵys Qazaqstan oblysy jáne Astana qalasy boıynsha Іshki memlekettik aýdıt departamentteri basshysynyń orynbasary qyzmetterin atqarǵan.
2018-2024 jyldar aralyǵynda Shyǵys Qazaqstan oblysy boıynsha tekserý komıssııasynyń múshesi, tóraǵasy bolyp qyzmet etti.
2024 jyldyń sáýir aıynan bastap osy ýaqytqa deıin Aqtóbe oblysy ákiminiń keńesshisi boldy.
QR Memlekettik qyzmet isteri agenttigi Soltústik Qazaqstan oblysy boıynsha departamenttiń basshysy, ádep jónindegi keńes tóraǵasy bolyp Erjan Qarymsaqov taǵaıyndaldy.
Erjan Qarymsaqov 1980 jyly Qyzylorda qalasynda dúnıege kelgen. 2001 jyly Qazaq memlekettik zań akademııasyn «Zańger», 2014 jyly Qorqyt Ata atyndaǵy Qyzylorda memlekettik ýnıversıtetin «Ekonomıka jáne bıznes» bakalavry dárejesi boıynsha bitirdi.
2001-2005 jyldar aralyǵynda Qyzylorda oblysy boıynsha QR Bas prokýratýrasynyń Quqyqtyq statıstıka jáne arnaıy esepke alý komıtetinde túrli qyzmetter atqardy.
2005 jyldan 2013 jylǵa deıin QR Memlekettik qyzmet isteri agenttiginiń Qyzylorda oblysy boıynsha departamentinde konsýltanttan bastap, bólim basshysyna deıin jumys istedi.
2023 jyldyń qańtarynan bastap búgingi kúnge deıin QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń basshysy laýazymynda eńbek etip keldi.
Sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń basshysy laýazymyna Ernar Maqajanov taǵaıyndaldy.
Ernar Ábseıituly 1981 jyly dúnıege kelgen. Bilimi joǵary.
T.Rysqulov atyndaǵy Qazaq ekonomıkalyq ýnıversıtetin, Qazaq eńbek jáne áleýmettik qatynastar akademııasyn «marketıng jáne kommertsııa», «quqyqtaný» mamandyqtary boıynsha bitirgen.
Eńbek jolyn 2005 jyly Almaty oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamentinde ınspektor bolyp bastap, aǵa ınspektor, bólim bastyǵy, aýdanaralyq bólim bastyǵynyń orynbasary laýazymdaryn atqardy.
Sondaı-aq Almaty qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti ishki qaýipsizdik basqarmasynyń aǵa qyzmetkeri, ekonomıkalyq qylmysqa jáne sybaılas jemqorlyqqa qarsy kúres departamentiniń Soltústik Qazaqstan oblysy boıynsha basqarmasynyń bastyǵy, Jambyl oblysy boıynsha memlekettik kirister departamentiniń basshysy, Sybaılas jemqorlyqqa qarsy is-qımyl ulttyq bıýrosynyń Almaty qalasy boıynsha departamentiniń basshysy bolyp eńbek etti.
Ár jyldary Sybaılas jemqorlyqqa qarsy is-qımyl agenttiginiń Almaty, Jambyl oblystary men Almaty qalasy boıynsha departamentiniń basshysy, basshysynyń birinshi orynbasary qyzmetterin atqardy.
2014-2016 jyldary — QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń memlekettik qyzmet jáne sybaılas jemqorlyqtyń aldyn alý departamenti basqarmasynyń bas konsýltanty boldy.
2016-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysynyń orynbasary qyzmetin atqardy.
2019-2020 jyldary QR Memlekettik qyzmet isteri agenttiginiń Qyzylorda oblysy boıynsha departamenti bastyǵynyń orynbasary bolyp jumys istedi.
2020 jyly QR Memlekettik qyzmet isteri agenttiginde basqarma basshysy boldy.
2020 jyldan osy sońǵy taǵaıyndaýǵa deıin QR Memlekettik qyzmet isteri agenttiginiń Pavlodar oblysy boıynsha departamentiniń basshysy, Ádep jónindegi keńes tóraǵasy bolyp qyzmet atqardy.
Qazaqstan Respýblıkasy Prezıdentiniń janyndaǵy quqyq qorǵaý organdarynyń kadr saıasaty máseleleri jónindegi komıssııasynyń usynymy boıynsha agenttik tóraǵasynyń buıryǵymen Shymkent sybaılas jemqorlyqqa qarsy qyzmet basshysy laýazymyna Qanat Súleımenov taǵaıyndaldy.
Jańa basshyny qala aktıvi men qyzmetkerlerge agenttik tóraǵasynyń orynbasary Maqsat Jebegenov tanystyrdy.
Qanat Tursymbaıuly 1968 jyly Pavlodar oblysynda dúnıege kelgen.
QR Іshki ister mınıstrliginiń Almaty joǵary mektebin bitirgen.
1994-2019 jyldar aralyǵynda ishki ister jáne ulttyq qaýipsizdik organdarynda túrli laýazymdarda qyzmet atqardy.
2019 jyldan bastap Sybaılas jemqorlyqqa qarsy is-qımyl agenttiginiń tergeý departamentin, 1-departamentin, agenttiktiń Atyraý oblysy boıynsha departamentin basqardy.
Sondaı-aq, agenttiktiń sotqa deıingi tergeý qyzmetiniń basshysy laýazymyn abyroımen atqardy.
Almaty ákiminiń ókimimen QR Prezıdenti Ákimshiliginiń jáne qala máslıhatynyń kelisimimen Alataý aýdanynyń ákimi laýazymyna Talǵat Malybaev taǵaıyndaldy.
Talǵat Malybaev 1987 jyly 20 jeltoqsanda Qaraǵandy oblysynda dúnıege kelgen.
Qaraǵandy memlekettik tehnıkalyq ýnıversıtetin «kólik» mamandyǵy boıynsha bitirgen.
Eńbek jolyn 2010 jyly Qaraǵandy qalasyndaǵy «Agro-Konsaltıng — K» AQ strategııa jáne bıýdjettik josparlaý departamentiniń mamany retinde bastady.
Ár jyldary qurylys kompanııalarynda jumys istegen, sondaı-aq Almaty qalasynyń «Almaty jylý jelileri» JShS-de, Almaty oblysynyń «Jetisý» ÁKK UK AQ-da basshylyq qyzmet atqardy.
«Almaty qalasyn damytý ortalyǵy» AQ TKSh qyzmetteriniń sapasyn arttyrýdyń bazalyq baǵytyn iske asyrý tobynyń jetekshisi bolyp jumys istedi.
2023 jyly maýsymnan bastap qazirgi deıin Almaty qalasy energetıka jáne sýmen jabdyqtaý basqarmasynyń basshysy qyzmetin atqardy.
