Qazaqstanda apattyq jaǵdaıdaǵy úılerdi buzý barysynda Ankara tájirıbesi qoldanylady - S.Nokın
Bul týraly búgin Astanada «Qoljetimdi baspana-2020» jobasyn talqylaýǵa arnalǵan dóńgelek ústel barysynda Qurylys jáne turǵyn úı kommýnaldyq sharýashylyq isteri agenttiginiń tóraǵasy Serik Nokın málim etti.
Qurylys agenttigi basshysynyń atap ótkenindeı, atalmysh jobany bıyldyń ózinde Astana qalasynda jáne Mańǵystaý oblysynda iske asyrý josparlanýda.
«Bul «Qoljetimdi baspana-2020» baǵdarlamasynyń jańa baǵyty. Apattyq jaǵdaıdaǵy úılerdi buzýdyń ilki jobasyn jasaqtaý barysynda Ankaranyń qalalyq ortany regeneratsııalaý baǵdarlamasy negizge alyndy», - dedi S. Nokın.
Osy maqsattarǵa 2012-2013 jyldarǵa Astana qalasyna 40 mlrd. teńge bólinbek. Al Mańǵystaý oblysyna 2013 jyly jáne 2014 jyldary 5 mlrd. teńgeden, jalpy soma 10 mlrd. teńge bólý josparlanýda.
