Qazaqstanda apattar medıtsınasy ortalyǵyn jaraqtandyrý kúsheıtilmek

NUR-SULTAN. QazAqparat – Úkimet basshysy Álıhan Smaıylov QR Densaýlyq saqtaý mınıstrliginiń apattar medıtsınasy ortalyǵyn kúsheıtý jónindegi jospardy jarııalady, dep habarlaıdy QazAqparat tilshisi.

«Tótenshe jaǵdaılar mınıstrliginiń apattar medıtsınasy ortalyǵy kezekshi brıgadalardyń úzdiksiz jumysyn qamtamasyz etti. Qazirgi ýaqytta apattar medıtsınasy ortalyǵyn kúsheıtý, onyń ishinde 4 trassalyq medıtsınalyq-qutqarý pýnktterin, 2 mobıldi dalalyq gospıtaldardy qurý, avtomobıl parkin jańartý úshin qarjy bólý boıynsha sharalar pysyqtalýda»,- dep jaýap berdi Álıhan Smaıylov depýtattyq saýalǵa.

Onyń aıtýynsha, tótenshe jaǵdaı kezinde halyqqa kórsetiletin medıtsınalyq kómektiń tártibi, túrleri men kólemi qaıta qaralatyn bolady (Úkimettiń 2020 jylǵy 26 qarashadaǵy qaýlysymen 796 bekitilgen).

«QR tótenshe jaǵdaı týraly zańyna sáıkes áleýmettik sıpattaǵy tótenshe jaǵdaıdyń jáne onyń saldarlarynyń aldyn alý jáne joıý jónindegi sharalardy qabyldaý úshin áleýmettik sıpattaǵy tótenshe jaǵdaıdyń aldyn alý jáne ony joıý jónindegi memlekettik organ memlekettik materıaldyq rezervtiń materıaldyq qundylyqtaryn paıdalanýǵa quqyly», - deıdi Úkimet basshysy.