Qazaqstanda ańshylarǵa qyzmet kórsetetin aqparattyq júıe qurylady
Ań sharýashylyǵy qyzmetin tsıfrlandyrý jobasyn «Qansonar» respýblıkalyq ańshylar qaýymdastyǵynyń qorytyndy jınalysynda «Ranking», «Energyprom», «Finprom» kompanııalar tobynyń basqarýshy seriktesi Mıhaıl Kornet tanystyrdy.
«Biz Internette saýda jasaýǵa, mobıldi qosymshalardy qoldanýǵa úırenip qaldyq. Al ań aýlaý salasynda bári burynǵysha edi. Ańshylar áli kúnge deıin qaǵaz kartamen júrýge májbúr. Tanysyń arqyly ań aýlaıtyn oryn tabasyń, ony qaǵaz kartadan izdeıdiń, jol kórsetýshi jaldaısyń. Sondyqtan, platforma aıasynda geolokatsııa qyzmetin engizip, ań aýlaý sharýashylyqtary aýmaǵyn tsıfrlandyrǵymyz keledi. Bul salany tsıfrlandyrý úshin ınvestorlar tartyp, tranzaktsııalyq kedergilerdi túbegeıli joıatyn, Qazaqstandaǵy ańshylyqqa suranys arttyratyn joba jasaǵymyz keledi», - dedi Mıhaıl Kornet «Qansonar» respýblıkalyq ańshylar qaýymdastyǵynyń qorytyndy jınalysynda.
Onyń aıtýynsha, jańa joba şamamen bir jarym jylda daıyn bolady. Onda týrıstik saıttardan qonaq úı tańdaǵan sekildi ań aýlaıtyn oryndardy tańdaýǵa bolady. Tipti ıÝber modelinde jerigilkti turǵyndardyń taksı, jol kórsetýshi qyzmetterin qosý josparlanǵan.
«Telefon arqyly aqy tólep, ańshylyqqa elektrondy bılet alý úshin seriktes banktermen birigip, elektrondy tólem júıesin de engizý qajet. Qazaqstanǵa ańshylyqqa kelýdi qalaıtyn sheteldikterdi ákelýde kedergi kóp. Osyǵan baılanysty naryq qatysýshylaryna qyzmetti josparlaý men ınvestıtsııa tartý boıynsha bıznes-saraptama jınaýǵa múmkindik beretin saraptamalyq platformalar qurylady. Sebebi, qaýymdastyqtan deni durys málimet ala almaısyń, ańshylyqpen aınalysatyndar naqty suranys kórip otyrǵan joq», - dedi ol.
