Qazaqstanda ańshylardyń sany 130 myńǵa jýyqtady
«Qazirgi kezde Qazaqstanda jalpy ańshylardyń sany 130 myńǵa jýyq. Olardyń kóbisi ańshylyq uıymdarda tirkelip, kýálikterin alady. Sodan keıin ańshylyq sharýashylyqtarǵa baryp, tıisti kezeńde ańnyń túrine qaraı lıtsenzııany satyp alyp, ańǵa shyǵady. Bul rette olardy sharýashylyqtardaǵy qoryqshylar baqylap júredi», - dedi ol QazAqparat agenttigine bergen jaýabynda.
Onyń sózine qaraǵanda, búginde 29 mln gektar aýmaqta 701 ańshylyq sharýashylyq jumys istep tur.
«Sonyń ishinde 18 sharýashylyq ınterańshylyqpen (ańshylyq týrızm) aınalysady, ıaǵnı shetel azamattary keledi. Jalpy, atalǵan sharýashylyqtardaǵy kiris orta deńgeıde, alaıda jyl saıyn ósim baıqalyp keledi», - dedi S. Dildahmet.
Osy oraıda ol shetel azamattary elimizdegi taýly óńirlerde ańǵa shyqqandy qalaıtynyn atap ótti.
«2017 jyly zańǵa tıisti ózgertýler qarastyrylyp, «fermerlik ańshylyq sharýashylyǵy» túsinigi engizildi. Bul turǵyda sharýashylyqtarǵa fermerlik túrde ańdy ósirip, ańshylyq uıymdastyrýǵa múmkindik beriledi. Osy rette ańdardy ózderi ósirip, múmkindiginshe tabıǵatta júrgen janýarlar sanyn azaıtpaýǵa qadam jasaldy», - dedi baspasóz hatshysy.