Qazaqstanda ańshylar men ańshylyq sharýashylyq sýbektileriniń qoǵamdyq birlestigi qurylmaq
Bul týraly QR Aýyl sharýashylyǵy mınıstrliginiń baspasóz qyzmetinen habarlady.
Vedomstvonyń atap ótýinshe, búgin QR AShM Orman jáne ańshylyq sharýashylyǵy komıteti «Janýarlar dúnıesin qorǵaý, ósimin molaıtý jáne paıdalaný týraly» QR Zańyna engizilgen ańshylyq sharýashylyqtaryn damytý máselelerin retteıtin ózgerister men tolyqtyrýlardy túsindirý jónindegi keńes ótkizdi. Oǵan respýblıkanyń barlyq oblystarynyń ańshylary, ańshylyq sharýashylyǵy sýbektileri qoǵamdyq birlestikteriniń ókilderi, oblystyq orman jáne ańshylyq sharýashylyǵy aýmaqtyq ıspektsııalarynyń basshylary qatysty.
Qazirgi kezde respýblıka aýmaǵynda 100 myńnan astam ańshy, 650-ge jýyq ańshylyq sharýashylyq, qoǵamdyq qorlar, ańshylyq dúkender jáne ań aýlaý men sheteldik týrısterdiń saıatshylyǵyn uıymdastyratyn uıymdar tirkelgen.
Aıta keterligi, 2011 jyly ańshylyq isin paıdalanýshylarmen ańshylyq sharýashylyqtaryn damytýdy qarjylandyrýǵa 1415,3 mln. teńge bólindi.
