Qazaqstanda anatomııalyq syı jasaý jáne ony berý qaǵıdalary bekitildi
QazAqparat qujat mátinin taratady.
Qazaqstan Respýblıkasynyń Densaýlyq saqtaý jáne áleýmettik damý mınıstrliginiń buıryǵy №177
2015 jylǵy 30 naýryz, Astana qalasy
Anatomııalyq syı jasaý jáne ony densaýlyq saqtaý uıymdaryna berý qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 142-babyna sáıkes buıyramyn:
1. Qosa berilip otyrǵan anatomııalyq syı jasaý jáne ony densaýlyq saqtaý uıymdaryna berý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medıtsınalyq kómekti uıymdastyrý departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıtse-mınıstri A.V. Tsoıǵa júktelsin.
4. Osy buıryq alǵashqy resmı jarııalaǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
«KELІSІLGEN»
Qazaqstan Respýblıkasynyń Ádilet mınıstri B.Imashev
Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 naýryz №177 buıryǵymen bekitilgen
Anatomııalyq syı jasaý jáne ony densaýlyq saqtaý uıymdaryna berý qaǵıdalary
1. Osy Anatomııalyq syı jasaý jáne ony densaýlyq saqtaý uıymdaryna berý qaǵıdalary (budan ári - Qaǵıdalar) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 142-babyna sáıkes ázirlendi jáne anatomııalyq syı jasaý tártibi men sharttaryn aıqyndaıdy.
2. Anatomııalyq syı-áreketke qabiletti adamnyń óz tinderin jáne (nemese) aǵzalaryn (aǵzalarynyń bólikterin) tiri kezinde de, qaıtys bolǵannan keıin de óz erkimen qurbandyq etýi, ony adam tıisinshe resimdegen syıǵa berý sharty nemese ósıeti arqyly júzege asyrady. Ósıet etilgen tinderden jáne (nemese) aǵzalardan (aǵzalardyń bólikterinen) basqa, tabylǵan kúninen bastap qyryq bes kún ishinde tanylmaǵan jáne suraýy bolmaǵan adamdardyń máıitteri de anatomııalyq syı retinde tanylady.
3. Densaýlyq saqtaý salasyndaǵy ýákiletti organ bekitken áleýmettik máni bar aýrýlar men aınalasyndaǵylarǵa qaýip tóndiretin aýrýlardyń tizbesine sáıkes aınalasyndaǵylarǵa qaýip tóndiretin aýrýlardan qaıtys bolǵandardyń, zorlyqpen óltirýden, ózin-ózi óltirýden, jazataıym jaǵdaıdan qaıtys bolǵandardyń tinderin jáne (nemese) aǵzalaryn (aǵzalardyń bólikterin), sondaı-aq máıitterin bıomedıtsınalyq zertteýler júrgizý úshin anatomııalyq syı túrinde berýge bolmaıdy.
4. Bıomedıtsınalyq zertteýler júrgizý úshin anatomııalyq syı mynadaı densaýlyq saqtaý uıymdaryna beriledi: 1) patologııalyq anatomııa qyzmetin júzege asyratyn uıymdar; 2) ǵylymı-zertteý uıymdary (ǵylymı-zertteý ınstıtýttary, ǵylymı ortalyqtar), joǵary medıtsınalyq bilim berý uıymdary.
5. Tinderdi jáne (nemese) aǵzalardy (aǵzalardyń bólikterin) tasymaldaý arnaıy jabdyqty paıdalana otyryp júzege asyrylady, al máıitti tasymaldaý olardy saqtaýǵa jáne tasymaldaýǵa arnalǵan arnaıy kólikpen júzege asyrylady.
6. Anatomııalyq syıdy beretin densaýlyq saqtaý uıymy basshysy buıryǵynyń shartymen nemese ósıetpen tıisinshe resimdeý arqyly júzege asyratyn adam tiri kezinde jáne qaıtys bolǵannan keıin óziniń tinderin jáne/nemese aǵzalaryn erikti bergen adamdardyń máıitteriniń tinderin jáne (nemese) aǵzalaryn (aǵzalarynyń bólikterin) berýdi, sondaı-aq densaýlyq saqtaý uıymdaryna anatomııalyq syı retinde berilgen tanylmaǵan jáne suraýy bolmaǵan adamdardyń máıitterin berýdi Komıssııa júzege asyrady. Densaýlyq saqtaý uıymdaryna anatomııalyq syı berý týraly akti osy Qaǵıdalarǵa 1-qosymshaǵa sáıkes resimdeledi.
7. Komıssııanyń quramyna anatomııalyq syıdy berýshi jáne anatomııalyq syıdy alýshy densaýlyq saqtaý uıymdarynyń basshylary, oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdarynyń, sot-medıtsınalyq saraptama júrgizgen organnyń ókilderi kiredi.
8. Anatomııalyq syıdy berý jáne alý kezinde anatomııalyq syıdy berýshi jáne qabyldap alýshy densaýlyq saqtaý uıymdary anatomııalyq syıdyń berilýin jáne kelip túsýin tirkeýdi osy Qaǵıdalarǵa 2-qosymshaǵa sáıkes anatomııalyq syıdyń berilýin jáne kelip túsýin esepke alý jýrnalynda júrgizedi.
9. Máıitte erekshe belgileri bolǵan kezde bul fakt anatomııalyq syıdyń berilýin jáne kelip túsýin esepke alý jýrnalynda jazba túrinde tirkeledi jáne (nemese) sýretke túsiriledi, sýret anatomııalyq syıdyń berilýin jáne kelip túsýin esepke alý jýrnalyna qosyp salynady.
10. Tanylmaǵan jáne suraýy bolmaǵan adamdardyń máıitterin anatomııalyq syı retinde qabyldap alǵan jaǵdaıda: 1) anatomııalyq syıdy berý jáne kelip túsýin esepke alý jýrnalynda máıittiń tabylǵan kúni kórsetiledi; 2) densaýlyq saqtaý uıymy týystary tabylǵan jaǵdaıda «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy Kodeksiniń 42-babynyń 3-tarmaǵynda kózdelgen merzimniń ishinde olardy saqtaıdy.
11. Densaýlyq saqtaý uıymdarynda anatomııalyq syıdy paıdalanýdyń mindetti sharty medıtsınalyq etıkany jáne dárigerlik qupııany saqtaý bolyp tabylady. 12. Anatomııalyq syı týraly málimetter jarııalaýǵa jatpaıdy.
Anatomııalyq syı jasaý jáne ony densaýlyq saqtaý uıymdaryna berý qaǵıdalaryna 1-qosymsha
Anatomııalyq syıdy densaýlyq saqtaý uıymdaryna berý týraly akt 20____ j. «__» __________ ___________________________________________________ (anatomııalyq syıdy beretin densaýlyq saqtaý uıymy basshysy buıryǵynyń № men kúni) quramynda:____________________________________________________ _______________________________________________________________ (Komıssııa músheleriniń aty, jóni, tegi (bolǵan jaǵdaıda)) _______________________________________________________________ (shart nemese ósıet jasalǵan kún jáne anatomııalyq syıdy jasaǵan adamnyń aty, jóni, tegi (bolǵan jaǵdaıda) kórsetiledi ne máıittiń tabylǵan kúninen bastap qyryq bes kúnnen erte bolmaıtyn merzimde tanylmaǵan jáne suraýy bolmaǵan máıitterdi tanylmaǵan jáne suraýy bolmaǵan máıit tirkelgen nómir men kún kórsetiledi) _________________________________________________________ negizinde qurylǵan komıssııa_____________________________________ _______________________________________________________________ (anatomııalyq syıdy jasaǵan adamnyń tinderi jáne (nemese) aǵzalary (aǵzalarynyń bólikteri) jáne T.A.Á. ne jynysyn, jasyn, násilin, denesiniń kólemin jáne basqa da jeke erekshelikterin kórsetip, tanylmaǵan jáne suraýy bolmaǵan máıit kórsetiledi) _______________________________________________________________ (qaıtys bolý sebebi) anatomııalyq syı dep tanydy jáne «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy Kodeksiniń 142-babynyń negizinde osy aktimen tinderdi jáne (nemese) múshelerdi (múshelerdiń bólikterin) ne tanylmaǵan jáne suraýy bolmaǵan máıitti (kereginiń astyn syzý kerek) _______________________________________________________________ _______________________________________________________________ (anatomııalyq syıdy beretin densaýlyq saqtaý uıymynyń ataýy) ____________________________________________________________-dan _____________________________________________________________-ǵa (anatomııalyq syıdy qabyldaıtyn densaýlyq saqtaý uıymynyń ataýy) bıomedıtsınalyq zertteýler júrgizý úshin ǵylymı, ǵylymı-praktıkalyq jáne oqý maqsattaryna paıdalaný úshin beredi. Osy akt 2 danada jasaldy. Komıssııa músheleriniń aty, jóni, tegi (bolǵan jaǵdaıda), laýazymy, qoly _______________________________________________________________ ___________________________________________________________________________________________________________________________ (kúni) Anatomııalyq syıdy beretin densaýlyq saqtaý uıymdarynyń M.O.
Anatomııalyq syı jasaý jáne ony densaýlyq saqtaý uıymdaryna berý qaǵıdalaryna 2-qosymsha
Anatomııalyq syıdyń berilýin jáne kelip túsýin esepke alý jýrnaly 20___ jylǵy «___» ________ bastaldy
R/s № Anatomııalyq syıdy jasaǵan adamnyń ne tanylmaǵan jáne suraýy bolmaǵan máıittiń sıpattamalary* Anatomııalyq syıdy jasaǵan adamnyń týǵan kúni** Anatomııalyq syıdy jasaǵan adamnyń qaıtys bolǵan kúni nemese máıittiń tabylǵan kúni** Anatomııalyq syıdy jasaý týraly aktiniń № men kúni** Anatomııalyq syıdy beretin densaýlyq saqtaý uıymynyń ataýy Berilgen kúni (tanylmaǵan jáne suraýy bolmaǵan máıitti bergen jaǵdaıda onyń tabylǵan kúni kórsetiledi) ** Anatomııalyq syıdy qabyldaıtyn densaýlyq saqtaý uıymynyń ataýy Anatomııayq syıdy beretin densaýlyq saqtaý uıymy basshysynyń aty, jóni, tegi (bolǵan jaǵdaıda) jáne qoly Anatomııalyq syıdy qabyldaıtyn densaýlyq saqtaý uıymy ókiliniń aty, jóni, tegi (bolǵan jaǵdaıda), laýazymy jáne qoly 1 2 3 4 5 6 7 8 9 10 Eskertpe: * tanylmaǵan jáne suraýy bolmaǵan erekshe belgileri máıittiń jynysy, aty, jóni, tegi (bolǵan jaǵdaıda), jasy, násili, denesiniń kólemi jáne basqa da jeke erekshelikteri kórsetiledi. **Datasy kúni, aıy jáne jyly belgilenip kórsetiledi.
Buıryq Qazaqstan Respýblıkasynyń Ádilet mınıstrliginde 2015 jylǵy 26 mamyrda Normatıvtik quqyqtyq kesimderdi memlekettik tirkeýdiń tizilimine №11175 bolyp engizildi.