Qazaqstanda anasy sottalǵan sábı 3 jasqa tolǵannan keıin de túrme ishindegi balalar úıinde qala alady
NUR-SULTAN. QazAqparat – Qazaqstanda anasy sottalǵan sábıdiń penıtentsınarlyq balalar úıinde tárbıelený merzimi uzartylmaq, dep habarlaıdy QazAqparat tilshisi.
QR ІІM Qylmystyq-atqarý júıesi komıteti baspasóz qyzmetiniń málimetinshe, buǵan deıin anasy sottalǵan sábıler 3 jasqa deıin ǵana penıtentsınarlyq balalar úıinde tárbıelenetin.
Bala úsh jasqa tolǵanda anasy bostandyqqa shyǵyp nemese týystary alyp ketpese, onda ol balalar úıine jiberiletin.
«Endigi ýaqytta sottalǵan áıel 1 jyldyń ishinde bostandyqqa shyǵatyn bolsa, onda onyń sábıi 3 jasqa tolǵannan keıin de penıtentsıarlyq balalar úıinde tárbıelený quqyǵyna ıe bolady», - dep atap ótedi komıtetten.
Aıta keterligi, búgin «Jańa jaǵdaıdaǵy penıtentsınarlyq júıe» taqyrybyndaǵy halyqaralyq onlaın forým ótip, onda QR ІІM Qylmystyq-atqarý júıesi komıtetiniń tóraǵasy Janat Eshmaǵambetov osy máselege jan-jaqty toqtalǵan bolatyn.
Esterińizge sala keteıik, elimizde bir ǵana penıtentsınarlyq balalar úıi bar.
Ol Almaty oblystyq qylmystyq-atqarý júıesi departamentine qarasty LA-155/4 áıelder kolonııasynda ornalasqan.
Búginde onda 15 ul jáne 15 qyz bala tárbıelenip jatyr.
