Qazaqstanda analogtik telehabar qalypqa keltirildi - Kólik jáne kommýnıkatsııa mınıstrligi
ASTANA. 29 shilde. QazAqparat - Analogtik habar taratatyn telearnalar translıatsııasy sandyq habar taratýdy qosymsha energoqýat qorymen qamtamasyz etýge arnalǵan dızeldik elektrostantsııaǵa qosý arqyly qalpyna keltirildi, dep habarlaıdy QR Kólik jáne kommýnıkatsııa mınıstrliginiń baspasóz qyzmetinen.
Esterińizge salyp óteıik, aǵymdaǵy jylǵy 28 shildede saǵat 19:40-ta ózge bir uıymnyń jerústi jumystaryn júrgizý barysynda shoǵyrsymnyń úzilip ketýi saldarynan analogtik telehabar taratý elektr qýaty kózinen ajyratylǵan bolatyn. Biraq, Sandyq telehabar men radıo habarlaryn taratý qalypty rejımde júrgizildi.
Qazirgi ýaqytta «Kóktóbe» RTS-daǵy energomen jabdyqtaýdyń syrtqy jelilerin qaıta qalpyna keltirý jumystary júrgizilýde. Qalpyna keltirý jumystaryn 2013 jylǵy 29 shildede tolyq aıaqtaý kózdelýde.
