Qazaqstanda ana óliminiń kórsetkishi joǵarylaǵan
Ana ólimi boıynsha eń joǵary kórsetkish Pavlodar, SQO men Almaty oblystarynda baıqalyp otyr. Al respýblıkalyq dárejede atalǵan kórsetkish 2 protsentke azaıyp, 7,46 protsentti kórsetken.
«Ana óliminiń eń joǵarǵy kórsetkishi Soltústik Qazaqstan, Qostanaı, Shyǵys Qazaqstan, Aqmola, Qaraǵandy jáne Pavlodar oblystarynda tirkeldi», - dedi vıtse-mınıstr.
Sonymen birge, Alekseı Tsoı ana óliminiń sebepterine qatysty esepte naqtylanbaǵan jaıttardyń bar ekendigin aıtty.
«Sońǵy úsh jyldyń saraptamasy ana ólimine kóp jaǵdaıda qan aınalymy sebep bolyp otyrǵanyn kórsetti. Ekinshi kezekte tynys alý aǵzalary sebep bolyp otyr. 2017 jyldyń alǵashqy jartyjyldyǵy boıynsha týra sol jaǵdaı qaıtalanǵan. Álemdik jaǵdaıda ana óliminiń ekinshi sebebi bilimsizdikten bolyp jatady. Osy baǵyttarda qaıta saraptama júrgizý oryndy dep esepteımin», - dedi ol.