Qazaqstanda ana atanatyn qyzdardyń ortasha jasy belgili boldy

Agenttiktiń habarlaýynsha, 2013 jylda Qazaqstannyń birneshe óńirlerinde bala týǵandaǵy áıeldiń orta jasy ortasha respýblıkalyq deńgeıden joǵary boldy. Mysaly, osy kórsetkish Almaty qalasynda 28,9 jasty, Astana qalasynda 28,4, Qyzylorda oblysynda 27,9, Shyǵys Qazaqstan oblysynda 27,8 jasty qurady.

Byltyr Qazaqstan Respýblıkasynda 387 227 jańa týylǵan sábı AHAT organdarynda tirkeldi, sonyń ishinde qalalyq mekenderde - 209 004 adam, aýyldyq jerlerde - 178 223 adam. Týylǵan er balalardyń sany 199 880 (51,6%), qyz balalar - 187 347 (48,4%) qurady, týylǵan kezdegi jynystardyń araqatynasy 100 qyz balaǵa shaqqanda 106,7 er balany qurady.

Qazaqstan óńirleri boıynsha 1 000 turǵynǵa shaqqandaǵy týýdyń eń joǵary deńgeıi Mańǵystaý - 31,71, Ońtústik Qazaqstan - 29,59, Atyraý - 28,60 oblystarynda boldy. Eń tómengi kórsetkish Soltústik Qazaqstan - 14,82, Qostanaı - 14,79 jáne Shyǵys Qazaqstan - 16,43 oblystarynda baıqaldy.

2013 jyly 2003 jylmen salystyrǵanda týylǵandar sany 56,2%-ǵa (er balalar - 56,6%-ǵa, qyz balalar - 55,7%-ǵa), qalalyq mekenderde - 50,7%-ǵa, aýyldyq jerlerde - 63,1% artty.