Qazaqstanda ań aýlaý maýsymy bastaldy

ASTANA. QazAqparat - QR Aýyl sharýashylyǵy mınıstrligi Qazaqstanda ań aýlaý maýsymynyń bastalǵanyn jarııalady. Maýsym ańdar men qustardyń keıbir túrlerine ǵana qatysty bolyp otyr jáne qyrkúıektiń birinshi senbisinen 31 jeltoqsanǵa deıin sozylady.

Bul týraly búgin QR AShM Orman sharýashylyǵy komıteti tóraǵasynyń orynbasary Narıman Júnisov málim etti.

"Ań aýlaý obektileri sútqorektilerdiń 34 túri men qustardyń 59 túri bolyp tabylady. Buǵy, aıý, sibirdiń taý eshkileri, sibir elikteri, qaban, qurlar jáne qaz, úırek syndy ań-qustarǵa qyrkúıekten bastap ańshylyq etýge ruqsat etildi. Ańshylyq turaqty ań aýlaý jerleri boıynsha júzege asyrylady", - deıdi ol.

Búgingi tańda orman sharýashylyǵy jáne janýarlar álemin qorǵaý salasynyń zańnamasyn buzǵany úshin 4016 adam ákimshilik jaýapkershilikke tartylǵan.