Qazaqstanda «Altyn dala» memlekettik tabıǵı rezervaty quryldy

ASTANA. 4 jeltoqsan. QazAqparat - Ortalyq Qazaqstanyń dalalyq jáne shóldi ekojúıeleriniń biregeı bıoalýandylyǵyn saqtaý maqsatynda «Altyn dala» memlekettik tabıǵı rezervaty quryldy.

Bul týraly búgingi baspasóz máslıhatynda QR Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy Erlan Nysanbaev málim etti.

Rezervat Qostanaı oblysynyń Jangeldın jáne Amangeldi aýdandarynyń jerlerinde qurylǵan. Onyń aýmaǵyna kıikterdiń popýlıatsııasyna kiretin negizgi mekendeý, qonys aýdarý jáne tóldeý jerleri endi. «Altyn dala» rezervaty kıikterdiń qorǵalýyn qamtamasyz etip, olardyń sanyn arttyrýǵa kómektesedi», - deıdi E.Nysanbaev.

Rezervattyń florasyna ańdardyń 370 astam túri kiredi. Sondaı-aq bul jerde Qazaqstannyń eń iri tuıyq ózen basseıni (Torǵaı jáne Ýly Jylanshyq ózenderi) men biregeı kólder júıesi, onyń ishinde óńirdegi eń iri bulaqtyq ornıtologııalyq aýmaq - Saryqopa kóliniń tuşy sýly júıesi bar.