Qazaqstanda altyn alýdyń jańa tehnologııasyn engizedi
ASTANA. QazAqparat - Ulttyq Tehnologııalyq damý agenttigi otandyq kásiporynǵa altyn jáne sırek jerasty metaldaryn alýdyń jańa tehnologııasyn ázirleýge grant bóldi.
«Les» JShS (ShQO) holdıngtiń enshiles uıymynan altyn, mıneraldyq jáne tehnogendik shıkizattan qanyqtyǵy joǵary energetıkalyq alańdaǵy sırek metall, sırek jerasty metaldaryn alýdyń ónerkásiptik asa joǵary jıilikti tehnologııasyn ázirleýge 21, 5 mln teńge kóleminde grant aldy. Altyn, sırek metall, sırek jerasty metaldarynyń kontsentratyn óndirýdiń klassıkalyq tehnologııasy budan basqa kendi kóp kezeńdi usaqtaý jáne konvektsıondyq elektr peshinde kontsentratty keptirý sııaqty energııa shyǵyndaıtyn kezeńderdi qamtıdy. Altyn alǵan jaǵdaıda, qosymsha shyǵyndar kendi beriktendirý qajettigine baılanysty. Mundaı tehnologııanyń uzaqtyǵy men shyǵyndylyǵy kásiporyndarǵa óndiristik qýatty edáýir ulǵaıtýǵa múmkindik bermeıdi», - dep atap ótti «Ulttyq tehnologııalyq damý agenttigi» AQ basqarýshy dırektory Oljas Áltaev.
Sarapshylardyń qorytyndysyna sáıkes bul tehnologııa biregeı bolyp tabylady, al qoldanystaǵy analogtar ónimdiligi jaǵynan artta qalady, qymbat ári qolaısyz.
