Qazaqstanda altynǵa ınvestıtsııa salýdyń jańa tásili paıda boldy
ASTANA. KAZINFORM – Qazaqstanda endi Gold Coin ataýymen tsıfrlyq formattaǵy ınvestıtsııalyq altynnyń tsıfrlyq balamasy iske qosyldy. Bul týraly QR Ulttyq banki málim etti.

Qazaqstanda altynǵa ınvestıtsııa salýdyń jańa, yńǵaıly tásili paıda boldy. Ulttyq Bank Gold Coin – ÚKI ınvestıtsııalyq monetasynyń tsıfrlyq balamasyn iske qosty. Bul moneta AHQO (AIX) bırjasynda saýdalana bastaldy.
Ol qalaı jumys isteıdi?
Tabys qosymshasynan Gold Coin – ınvestıtsııalyq altynnyń tsıfrlyq balamasyn satyp alýǵa bolady.
1 Gold Coin = 1/20 troı ýntsııasy altynǵa teń.
Baǵasy LBMA álemdik kotırovkalary men dollardyń teńgege shaqqandaǵy baǵamyna negizdeledi.
Gold Coin-dy onlaın satyp alýǵa, satýǵa jáne syıǵa tartýǵa bolady.
20 Gold Coin jınasańyz, olardy Ulttyq Banktiń fılıaldarynda fızıkalyq ÚKI monetasyna aıyrbastaýǵa bolady.

– Bul jobanyń biregeıligi sol – endi ınvestorlar altyn ınvestıtsııalyq monetalardy ulttyq valıýtada qalaı satyp alyp, qalaı saqtaıtynyn ózderi tańdaı alady. ıAǵnı, tsıfrlyq jáne fızıkalyq format qatar qoljetimdi bolady. Bul bastama altynǵa ınvestıtsııa salǵysy keletinderge óte yńǵaıly jaǵdaı jasaıdy, – deıdi Ulttyq Banktiń qolma-qol aqsha aınalysy basqarmasy dırektorynyń orynbasary Anýar Konırkýljaev.
Eske sala keteıik, buǵan deıin Ulttyq bank aqsha-kredıt saıasaty týraly baıandamany jarııalaǵanyn jazǵan bolatynbyz.