Qazaqstanda altyn qymbattady

ASTANA. KAZINFORM — Altynnyń bir gramy shamamen 56 527 teńgeni qurap otyr.

QR Ulttyq bankiniń málimetinshe, 17 shilde kúni altynnyń gramy 56 527,25 teńgege baǵalandy.

Ótken beısenbi, 10 shildede baǵaly metaldyń quny shamamen 54 862 teńge boldy.

Budan buryn habarlanǵandaı, Qazaqstanda 2025 jyldyń birinshi toqsanynda mys, nıkel, kómir, altyn jáne sırek jer metaldarynyń boljamdy resýrsy bar 38 perspektıvalyq ýchaske anyqtalǵan.

Aıta keteıik, Qazaqstan altyn qory boıynsha álemniń 20 eliniń qataryna endi. Sońǵy 10 jylda elimizde quramynda altyny bar ken óndirý 2,2 esege ósti.

Dúnıejúzilik altyn keńesiniń málimeti boıynsha, 2025 jyldyń birinshi toqsanynda altynǵa jalpy suranys ótken jylmen salystyrǵanda 1%-ǵa ósip, 1206 tonnany qurady — bul 2016 jyldan beri birinshi toqsandaǵy eń joǵary kórsetkish.

Ortalyq bankter birinshi toqsanda 244 tonna altyn satyp aldy, bul aldyńǵy toqsanmen salystyrǵanda az.

Altyn zergerlik buıymdarǵa suranys ta rekordtyq baǵalar jaǵdaıynda kúrt tómendedi, olardyń kólemi 2020 jyldan beri eń tómengi deńgeıge jetti. Qundylyq turǵysynan alǵanda, altyn zergerlik buıymdarǵa tutynýshylyq shyǵyndar bir jylmen salystyrǵanda 9%-ǵa ósip, 35 mıllıard dollardy qurady.

Ulttyq statıstıka bıýrosynyń málimeti boıynsha, 2024 jyly Qazaqstanda altyn buıymdarynyń baǵasy 8,3 paıyzǵa ósken.

Buǵan deıin Ónerkásip jáne qurylys mınıstrligi elimizdiń paıdaly qazbalarmen qamtamasyz etilý merzimine qatysty jańartylǵan derekterdi jarııalady.