Qazaqstanda altyn qansha turady

ASTANA. KAZINFORM – Altynnyń bir gramynyń quny 55 325 teńge shamasynda. 

Qazaqstan Ulttyq bankiniń málimetinshe, 5 maýsymda altynnyń gramy 55 324,92 teńge bolady.

Ótken beısenbi, 29 mamyrda asyl metaldyń baǵasy shamamen 54 749 teńgeni quraǵan.

Buǵan deıin Qazaqstan altyn qory boıynsha TOP-20 eldiń qataryna engenin jazǵan bolatynbyz. Sońǵy 10 jylda elimizde altyn kenin óndirý 2,2 ese artty.

Dúnıejúzilik altyn keńesiniń (World Gold Council) málimetinshe, 2025 jyldyń birinshi toqsanynda altynǵa jalpy suranys bir jylmen salystyrǵanda 1%-ǵa ósip, 1206 tonnany qurady. Bul – 2016 jyldan beri birinshi toqsandaǵy eń joǵary kórsetkish. 

Ortalyq bankter birinshi toqsanda 244 tonna altyn satyp aldy, bul aldyńǵy toqsanmen salystyrǵanda az.

Altynnan jasalǵan zergerlik buıymdarǵa suranys ta rekordtyq baǵalar jaǵdaıynda kúrt tómendedi: kólemi 2020 jyldan bergi eń tómengi deńgeıge jetti. Óz kezeginde, qundyq mánde altyn zergerlik buıymdarǵa tutynýshylyq shyǵyndar bir jylmen salystyrǵanda 9%-ǵa ósip, 35 mlrd dollarǵa jetti.

Qazaqstan aımaqtarynda altyn quny qansha ekenin myna materıaldan oqı alasyz.