Qazaqstanda altyn baǵasy qymbattady

ASTANA. KAZINFORM – Qańtar aıynda baǵaly metaldardyń quny taǵy ósip jatyr.

Qazaqstan Ulttyq bankiniń málimetinshe, qazir elde altynnyń bir grammy 82 164.45 teńgege baǵalanyp otyr. Aıta keteıik, 2026 jyldyń basynda baǵaly metaldyń bir gramy 71 300.21 teńge bolǵan edi.

Álemdik naryqta da altyn baǵasy tarıhı rekordtardy jańartyp jatyr. 26 qańtarda troıa ýntsııasynyń quny alǵash ret 5000 dollardan asyp, keıin 5200 dollarǵa deıin jetti.

Sarapshylar bul jaǵdaıdy AQSh dollarynyń álsireýimen, geosaıası jaǵdaıdyń ýshyǵýymen jáne ekonomıkalyq turaqsyzdyqpen baılanystyrady.

Qańtar aıynda altynnyń álemdik baǵasy 20%-ǵa, al bir aptanyń ishinde 5%-dan astamǵa ósti.