Qazaqstanda Altaı esimdi 5 myńǵa jýyq adam, Shymkent atty 3, Kaspıı esimdi 14 adam bar

ASTANA. KAZINFORM – Ulttyq statıstıka bıýrosynyń málimeti boıynsha elimizde áıgili jer-sý attaryn balasyna qoıatyn jaıttar jıi kezdesedi. Kazinform solardyń ishindegi eń tanymal degenderine úńilip kórdi.

Aıta ketý kerek, bul jerde jer-sý ataýyna qazaq halqynyń esim qoıýdaǵy erekshe dástúri – «bek», «baı», «bol» qosymshalary jalǵanǵan esimder (Aralbaı, Altaıbek degen sııaqty) men jer-sý ataýynyń bir bólshegine «bek», «baı», «bol» qosymshalaryn jalǵaý arqyly jasalǵan attar (Syrbaı, Arqabek sııaqty), ıdeologııa sarynymen keıin jer-sýǵa telingen esimder (Jambyl, Abaı, sııaqty), jer-sý ataýyn ǵana bildirip qoımaıtyn, basqa da maǵynasy bar (Shalqar, Beket, Torǵaı degen sııaqty) omonım ataýlar esepke alynǵan joq. Sondaı-aq jer-sý attaryn iriktegen kezde qandaı da bir óńirge basymdyq bermeı, el arasynda eń kóp taraǵan jalqy ataýlarǵa kóńil bóldik.

Sonymen Kazinform nusqasy boıynsha adamǵa eń kóp aty berilgen áıgili toponımıkalardyń reıtıngi mynandaı:

Altaı – 4957 adam

Jaıyq – 645 adam

Esil – 438 adam

Aral – 275 adam

Talas – 263 adam

Ertis – 164 adam

Býrabaı – 78 adam

Alataý – 39 adam

Mańǵystaý – 38 adam

Balqash – 32 adam

Semeı – 27 adam

Astana – 24 adam

Almaty – 20 adam

Atyraý – 15 adam

Kaspıı – 14 adam

Taraz – 14 adam

Zaısan – 13 adam

Aqtaý – 11 adam

Túrkistan – 10 adam

Syrdarııa – 4 adam

Qarqaraly – 4 adam

Tıan-Shan – 4 adam

Saryarqa – 3 adam

Shymkent – 3 adam

Qazyǵurt – 3 adam

Ulytaý – 2 adam

Qarataý – 2 adam

Otpan – 2 adam

Aqmeshit – 2 adam

Jetisý – 1 adam

Іle – 1 adam

Qapshaǵaı – 1 adam

Óskemen – 1 adam

Mekke – 58 adam.

Buǵan deıin bıyl sábılerge qoıylǵan eń tanymal esimder týraly jazǵan bolatynbyz.