Qazaqstanda alkogolsiz sýsyndar óndirisi 17%-ǵa artty
ASTANA. KAZINFORM — 2026 jylǵy qańtar-mamyr aılarynyń qorytyndysy boıynsha Qazaqstanda 1,6 mlrd lıtr mıneraldy sý men alkogolsiz sýsyn óndirildi. Bul týraly Ulttyq statıstıka bıýrosy málim etti.
Bul ótken jyldyń sáıkes kezeńimen salystyrǵanda 17%-ǵa kóp. Іshki naryqtaǵy ótkizý kólemi 1,7 mlrd lıtrge jetip, 21% artty. Sonymen qatar alkogolsiz sýsyndar ımporty 29,6% ósip, 217,1 mln lıtrdi qurady. Іshki naryqtaǵy ımporttyq ónimniń úlesi 11,4% boldy.
— Eksporttyń negizgi bóligin dástúrli túrde qant nemese ózge de táttilendirgishter, sondaı-aq hosh ıistendirgish jáne dámdik qospalar qosylǵan sýlar men basqa da alkogolsiz sýsyndar qurady. Esepti kezeńde osy ónim túriniń eksporty 172,8 mln lıtrge jetip, aqshalaı kólemi 75,5 mln AQSh dollaryn qurady, — delingen habarlamada.
Aıta keteıik, Qazaqstanda ár altynshy bala kún saıyn gazdalǵan qantty sýsyn ishedi.
