Qazaqstanda alkogoldik ishimdikten bas tartqan neshe aýyl bar

ASTANA. KAZINFORM – Іshki ister mınıstriniń orynbasary Igor Lepeha alkogoldik ishimdikten tolyqtaı bas tartqan aýyldardyń sanyn jarııalady.

«Qazaqstanda jalpy osyndaı 97 aýyl bar. Onyń ishinde Qaraǵandy oblysynda – 50 aýyl, Túrkistan oblysynda – 7, Qostanaı oblysynda – 6 aýyl, Aqtóbe oblysynda – 5, Jambyl oblysynda – 5, Coltústik Qazaqstan oblysyda - 5, Aqmola oblysyda - 5, ShQO-da – 4, Qyzylorda oblysynda – 3, Ulytaý jáne Batys Qazaqstan oblystarynda eki aýyldan, sondaı-aq Mańǵystaý, Jetisý, Pavlodar oblystarynda bir aýyldan. Bizde osy eldi mekenderdiń ataýy bar», - dedi I. Lepeha Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, mundaı sheshimdi atalǵan aýyldardyń turǵyndary ózderi qabyldaǵan jáne oǵan Іshki ister mınıstrliginiń esh qatysy joq.

«Bul bastamany aýyl turǵyndary ózderi jasady. Osyny estigennen keıin, biz tıisti monıtorıng jasadyq. Bul rette, atalǵan aýyldarda quqyq buzý derekteri aıtarlyqtaı azaıǵanyn baıqadyq. Osy eldi mekenderde alkogoldik ishimdik satylmaıdy jáne ony eshkim satyp almaıdy», - dedi mınıstrdiń orynbasary.