Qazaqstanda alkogoldik ishimdikpen kúres bastaldy
«Onkúndik barysynda medıtsınalyq uıymdarda mamandar keńesiniń ashyq esik kúnderi ótedi: dóńgelek ústelder; psıholog, narkolog, áleýmettik mamandardyń qatysýymen oqý oryndarynda alkogoldi ishimdikterden bas tartý ádetin qalyptastyrý jáne t.b. sharalary ótedi. Dúnıejúzilik densaýlyq saqtaý uıymynyń málimetterine sáıkes, álemde alkogoldik ónimderdi shamadan tys ishýinińnátıjesinde jyl saıyn 3,3 mln. adam qaıtys bolady», - dep atap ótilgen QR Densaýlyq saqtaý jáne áleýmettik damý mınıstrligi habarlamasynda.
Sharany ótkizýdegi maqsat - halyqtyń alkogoldi ishimdikterdiń aǵzaǵa tıgizetin jaǵymsyz áseri týraly habardarlyǵyn arttyrý, balalardyń, jasóspirimder men jastardyń óz densaýlyǵyna degen jaýapkershiligin qalyptastyrý, salaýatty ómir saltyn nasıhattaý.
Bıylǵy jyly 14 oblys pen Astana jáne Almaty qalalarynda DDSU ádisi boıynsha eresek turǵyndar men jasóspirimder arasynda táýekeldi minez-qulyqtyq faktorlarynyń taralýyn anyqtaý boıynsha VI Ulttyq áleýmettik zertteý aıaqtaldy. Zertteý sharalary ómir súrý ádetterin baǵalaýdyń burynǵy saraptamalarymen salystyrǵanda, ishimdikterdi tutyný kórsetkishiniń tómendeýi anyqtaldy: 1998 jylǵy 55%-dan 2015 jylǵy 24,2%-ǵa deıin, ishimdikke shamadan tys salyný 2012 jylǵy 5%-dan 2015 jylǵy 4,1%-ǵa deıin.
Esterińizge sala keteıik, Qazaqstanda alkogoldi ishimdikten bas tartý Ulttyq kúni 2007 jyldan beri atalyp keledi.