Qazaqstanda alqabıler bolýy múmkin qysymnan qalaı qorǵalǵan

ASTANA. KAZINFORM – QR Joǵarǵy soty alqabılerdi qysymnan qorǵaý sharalaryna túsinik berdi.

«Zańnamada alqabılerdi yqtımal qysymnan qorǵaý sharalary eskerilgen. Qylmystyq-protsestik kodeksiniń 95-babynda qylmystyq isterdi qaraýǵa baılanysty alqabılerdi memlekettik qorǵaý kózdelgen. Alqabıler retinde eresek adamdar irikteledi. Olarǵa qatysty zańsyz áreketter jasalsa, quqyq qorǵaý organdarynyń áreket etý tetikteri bar. Sonymen qatar, sýdıalardyń arnaıy kúzeti joq. Atap aıtqanda, elimizde alqabılerdi bolýy múmkin qysymnan qorǵaý úshin birqatar sharalar qarastyrylǵan», - delingen Joǵarǵy sottyń Kazinform agenttigine bergen jaýabynda.

Alqabıler jasyryn jáne jazbasha nusqada daýys beredi. ıAǵnı, alqabıler sheshimi týraly olar ózderi ǵana biledi. Daýys berý paraqtary tıisti jáshikke salynady. Tıisti sanaqtan keıin daýys berý nátıjesi konvertke salynyp, is qujattarymen saqtalady. Bul is-qımyldar alqabıler óz pikirlerin jarııa etýden jáne aıyptaý nemese qorǵaýshylardyń teris reaktsııasynan qoryqpaýy úshin qajet.

Alqabılerden óz sheshimin túsindirý nemese dáleldeý talap etilmeıdi. Osylaısha, olardyń jumysy múmkindiginshe jeńildetilgen, sondaı-aq qandaı da bir kúrdeli protsedýralardan bosatylǵan. Úkimde alqabılerdiń aty-jóni kórsetilmeıdi, tek sot otyrysyna tóraǵalyq etken sýdıa ǵana jazylady. Bul da alqabılerdiń qaýipsizdigin qamtamasyz etý sharalarynyń biri sanalady.

Budan buryn habarlanǵandaı, burynǵy Ulttyq ekonomıka mınıstri Qýandyq Bıshimbaevtyń isine qatysty sot 27 naýryzǵa belgilendi. 

Sondyqtan basty sot otyrysyna alqabılerdiń biryńǵaı tiziminen 300 kandıdat shaqyrylady.

27 naýryzda alqabıge kandıdattardy irikteý úshin jabyq sot otyrysy ótedi.